Terrorist Nih Norway A Phomh

Tuchun, 1:30 pm ah Norway ram, Oslo khualipi i a ummi government building ah car bomb a puak i minung pasarih an thi; zeizat an i hliam a fiang kho rih lo. Building chungah aa tapmi zong an um rih. Car bomh a puah hnu suimilam pahnih tluk a rauh ah Oslo khuapi in chaklei meng 50 a hlatnak Utoya tikulh ah Labour Party mino camp a tuah liomi cu mipa pakhat nih palik thuam i hruk riangmang in a kah hna i minung panga an thi fawn. Hi camp ahhin an Prime mister Jens Stolhtenberg zong a kai ding a si. Nain, a luat manh. Hi ralhrang rianttuannak pahnih hi aa pehtlai mi a si an zumh. An ram pumpi in khuaci an mui ko. A tang hi an hmanthlak pawl a si. Rak zoh law, na umnak hmun in thla rak cam piak ve hna. Norway cu Laimi tampi a kan zohkhenttu le zumtu million pali reng lo an umnak krihfa ram a si.

Bomb puak in liamhma a tuarmi nu an hruai lio

Palik nih hliamhma a pumi nu an hlawm lio.

Oslo Government building dot 17 nak zawn in mei alh a tho.

Hliamhma he a ril komi pa an tuammuai lio

Mi bawmtu hna nih hliamtuar mi pa mizaw leeng in an nam lio.

Bomh puah dih hnu Government building kiang sulhnu le an cawlcangh ning

Mi bawmtu pawl nih building cungah aa tapmi a kawl hnu hna ah an hong chuah lei.

Government building pi cu thlalang kuai le fungzum neknawi nih a tuam dih.

Lunglawm tein a um komi Oslo khuapi a ttap ruangmang.

Ralhrang kut a tuar cuahmah liomi Utoya tikulh.

Van T. Cung

Maryland