1 Thess. 4:3 “Pathian nih nan nih cu a thiang mi ………….si hna seh ti kha an duh hna”
Ka kai nak sianginn Philippines Christian University – Union Theological Seminary (taff) hi ruah a sur deuh poh ah ti a dil lengmang. 2009 Oct. thla i ruah sur mi hna cu sianginn ground floor i UTS caah ti in library fate an tuah nak tiang ti a kai i, ca uk zong tam non pi a rawk. Voikhat cu ruah fak ngaiin a sur i ti nih lam vial te a khuh dih, ka kedan kaa phoih, ka bongbi ka hlimh dih zong ah a ngah hlei lo, phei can in ka tan. A kuarhnak zong ka lamh sual, platform zong ka pahdih, motor lam a kal lei le a kir lei an dan nak a lai i pe khat hrawng tein tlakrawh an tuah mi zong kaa suk hawi, asinain motor lam chungah ka um ko ti cu ka thei ko, zeicahtiah cun Motor lam cu keh lei le vorh lei in hruang (fences) an kulh i, cu hruangte cu zoh in motor lam chungah ka um ko ti cu ka theih khawh. Hruang cu um hlah sehlaw motor lam chungah ka um le um lo zong kaa thei kho ti hnga lo i, tiva chungzong ah ka tla ko hnga.
Nifatin kan nunnak ah a nekcok tiang (ateseih) in hihi Pathian duh nak bak a si ti hi kan thei kho lo hmanh ah, kan keh lei le kan vorh lei in Bible ca nih Pathian duhnak chung ah kan um maw um lo ti kha hruang kulh mi ban tuk in a kan theih ter ko. Pathian duh lo mi kan tuah lo ruangah harnak kan tong lai lo ti nak si lo. Harnak tete na ton lio can ah Pathian na naih deuh lengmang si cun, harnak tete cu na tong lengmang ko lai (a kuarhnak zong na lamh sual ko lai, platform zong naa pah sual ko hnga). A can ah cun, zei dah ka tuah hnga, Pathian duh nak hi zei deuh khi dah a si hnga ti mi kha a nekcok tiang in cun kan i fiang cio lo. Tahchunhnak ah, ca maw ka tuah lai, Pathian hla maw ka ngai lai, tbt…sizung ah maw mizaw ka zoh lai, mithi inn ah maw ka kal lai, tbt… khakha cu thil ţha veve a si ko caah zei poh kha tuah ko. Lam pi chung ah na um ko. Amahbelte, Ţhat lo nak (zu dawr ah va luh i, zohchia ngai in) kan tuah belte ah cun lam chungah kan um ti lo, hruang leng ah kan um ti kha a fiang ngaingai cang ko i muihnak (tiva) chungah kan tla cang.
Pathian duh nak (the will of God) cu zeidah si ti mi biahal nak hi a tam ngai ton. Pathian duh nak hi a nekcok (detail - ateseih) in cun chimh le theih ding cu a har ngaingai, theihkhawh dih zong a si lo i, kan theih dih ah cun Pathian tluk kan si ve ti nak a si hnga. Asinain, buaktlak piin Pathian nih minung vial te siter a kan duh piak mi a um ve hna. Khrihfa kan si hnu ah siter akan duh mi tampi lak ah nihin i pakhat te chim ka duh mi cu, “nun thian nak ngei hnaseh” ti a kan duh piak mi hi asi.
Pathian kan i bochan, ţhatlonak khua kan khang lo kan tuah lo, lih bia kan chim lo i lungthiang tein kan um ding hi Pathian nih a kan duh piak mi cu asi. Pathian duhnak zeidah si tiah hal lengmang nak in, kan ton mi thil tu ah khan Amah Pathian kutcak kan hmuh khawh ding le a sunparnak kan langhter khawh ding tu kha kan kal pi awk cu asi.
Pathian nih a kan duh piak mi “nun thian nak” lei ah rak kan hruai chinchin ko seh!
PaHniang
Manila, Philippines
//////////////////////////////
Pu Ral Hu le Pi Dawt Khen fanu Van Bawi Zi cu kum thum a siah rangtuk in a zaw i January 4,2011 zaan in,ka luak a chuak ka paw a fak a ti caah a luak aa luak peng pawfah ah kan rel i pawfah in kan thlop Jan7/2011 in cun a mit khua a hum ti lo paw fahtuk luakluak i mit fah ah kan rel thla Jan 8/2011- 9 zaan cu kan it thiam ti lo.Thla ni 4 zaan in 14 tiang rawl a si mi paoh a paw ah minute pakhat tluk hmanh a tang kho lo aa luak cawlh.Thal ni 10 ni si zung ah kan kal i Dactor ni a zon tik ah a theih dih ko na in an lung a faktuk lai a ti caah a nu le pa a chim duh lo ni 5 chung sii dinh le sii chunh in kan thlop lai a ti i cu ti cu an thlop.Thla ni 13 ni zing ah cun kan fa te cu kan lung a hring tuk i Doctor sin ah a nu nih a chim than tik ah na fa hi a paw a tha ko a thluak in a mit hri a thih cang i Yagon sii in kal pi zong ah a mit a caw thiam ko lai a ti i a mah zong cu a tha hri a thleih ning hi a zual tuk cang ti a si caah ruak thuam thil dik lak an zalh hnu ah thla ni 14 ni ah khua ah kan tlun pi.Khua mi nih lampi khat in an kan dawn cun inn khatlak in a kan thutpi.Thla ni 7 in ni 14 tiang a lu a tung kho lo.Thla ni14 zaan ah inn khat lak in an kan thut pi i a caah thlacamnak an tuah lio ah a pa sin in Pathian bia a lang i Pathian thangthatnak kan tuah lai tiah thla kan cam dih in a thanh .A thanh cang ka an ih hlan ah kan fa nu te nih cun tho ning a ti i a tho tlawm pal kan thut ah ka zun a chuak a ti ke den kan denh uh a ti kan denh khawh in kei mah tein kal ning a ti i a kal a kir lei ah ka dam cang a ti i a ngan fak nak cu a dam cu a dam hlei loh.A zawt chungah hin thawri chawnh a celh lo daite um law ka duh a ti.Sihmanhseh law Thla ni15 zaan Pathian thangthatnak ah cun kai pum ve lai a ti a mah tein a thu khuang an tum hla a sa an lam a zei hmenh a poi lo.Thlani 16 ni Pathain thangthatnak an tuah ah ti rawl an ei ah dam nak a tlung cun ah maicam a tla i damnak a tlung.Thal ni 17 ni ah cun a ngam fahnak vialte a thei ti lo.A mit zong khua a hmu thla ni 18 ni ah cun in tual ah a chuak i a hawi le he lente an i celh a cungah Pathian sun parnak mit hmuh kuttawngh in a lang.Hi thawng tha a thei i a rel mi nan dihlak cungah a nungmi kan Pathian nih thlarau thinlung taksa damnak thluachuah in pek ko hna seh .A men!!
