''Happy Valentine Day!''

Thluak ttawlnak ah tiah Biazai ka rak thlah tthan. A rel huammi nih rak rel ve te ko u law.

"Valentine Day"

* Caan chung ummi, tuanbia minung
* Liammi caan nih, hnuhmai khirhtthan
* A thuk bik um, lungkil bia zong
* An chuak tthan cang, Valentine Ni ah!

* Kawpngei lenrual, semtti hna cu
* Lungduh phaiin, lenserh hna lai
* Velhle tello, aanka thlum he
* Dawtnak rili, pil cang ai hna!!!

* Aa dawmi ca’h, dawtmi hna Ni
* Kum caan saupi, ka ken lungthli
* Mitsir ka ven, dingdi sinah
* Phuang cang ning ti’n, Laipa khua a ruat cang!!!

* Khuktthi hna cu, duhnak hmelchunh
* Aa dawh pangpar, put hmanh hna seh
* Aziam kho lo, nangca kenret
* Ka lungthin tu, in pe ko ning…Kan dawtnak hmelchunhnak ca’h!!!

Miphun ah nan unau,
Cung Lian Thawng
Hong Kong (Camp)

Hello::

Obama Nih Indonesia Ramah Tlawn Aa Tim

US President Obama cu a ralai mi March thla chungah Indonesia ram tlawn aa tim tiah White House nih Febuary 1, 2010 ah an thanh. Indonesia ram ahcun Obama hi “Little Barry” ti zong in auh a si. 1960 in a nu Ann Dunham he Indonesia khuapi Jakarta ah an rak um, cu ka khua ahcun 1967-1971 kar primary sianginn a rak kai. Jakarta menteng pangpar dum chung zongah amah Obama milem zong ser a si. Indonesia rak tlawn ding hi President Susilo Bambang Yudhoyono nih a rak sawm bal. Atu a tlawn dingmi timhtuahnak hi US-Indonesia ram pehtlainak ah a herh ngai mi rian pakhat a si ve ti zong Robert Gibbs (White House spokeman) nih Febuary 1, 2010 ah a chim. Muslim tambiknak ram pakhat a si ve tikah tha tein President humhimnak lak piak a hau lai ti zong a chim chih. (Ref: AFP)


Faiceu Media Group
Malaysia

Obama Nih NASA Phu Nih Vandumlawng Thar Chuah Tingin Aa Hmaitlak

NASA phu nih thlapa cung an kai thannak dingah vandumlawng thar ser‘han ding US $100bil ( RM 341.6bil) hman dingin Obama nih lungtlinnak a rak ngeih. Thlapa cung kainak he aa pehtlaimi riantuantu pawl nih tu kum chung thil an rak sermi le thlapa cung an rak kai ni in a tu tiangah US $ 9.1 bil (RM 31bil) hi kan hman cang tiah US zung pakhat nih a chim. NASA le innrangpi zung lei i rocket sernak he aa pehtlaimi zong nih kum fatin thlapa cung kai nak diangah US 13.7bil hi kan hman lai, tiah an ruahdamh. A tu thilthar kan sermi hi Thlapa cung i a pawngkam ummi (aster oid) vawlei hmete ah kan hman lai tiin thilser riantuantu pawl nih an chim. US nih thlapa cung kan kal lai ah zeibantuk rocket in dah an kal lai i, zeitik caan tiang timi hi innrang pi nih khua a rak khan hmasa tawn. —AP

Ref::Seihnam Malaysia

Avatar Nih Titanic A Lonh Cang

Avatar nih Titanic a lonh cang An piahka in zarh 7 chung mipi nih zoh bikmi movie hmun ah a dir cangmi Avatar nih kum 12 chung vawleicung movie lakah tangka tambik a lutmi cazin ah a cungbik a simi Titanic cu a long cang. 1997 lio i rak piahmi Titanic movie cu an piah ni in thla 10 chungah vawlei pumpi in dollar 1.8 billion a rak lut nain Avatar cu an piahnak in zarh 6 chungah dollar 2.04 billion a lut i Titanic cu a lonh.Vawlei tuanbia ah movie in a voikhatnak tanGka lut billion 2 a phanmi movie zong a si. Vawlei i a ummi minung nih vawleidang (planet) i a ummi minung hna an dohnak kong hrambunh in thlakmi 3 D movie Avatar mipi tambik nih zohmi a si cuahmah rih i tangka zei tluk tam a lut te lai timi ruahdamh chung awk ttha a si rih lo. (Businessweek)

Seihnam414 .Malaysia

"Washington DC Ah Snow Tamtuk A Tla"

This summary is not available. Please click here to view the post.

"Aung San Oo Cu Buddha Biaknak In Chuah A Si"

Kawlram Democracy hruaitu Aung San Suu Kyi tapa Aung San Oo le a nupi Le Le New Thein cu Kawlram phungki dihlak fonh (All Burma Monks Organization (ABMO)) nih Buddha biaknak in kan chuah cang tiah kan hnu Febuary 2, 2010 ni ah ca an chuah. Hiti an tuahnak a ruang cu Daw Suu i thong a tlaknak cuahmah mi inn he pehtlai in buainak a chuah pi peng mi cu ngol dingah le Daw Suu ramkhel rian a tuan lio ah hnahnawhnak pek lo ding in kan hnu January 24, 2010 ni ah ca an pek i January 31, 2010 ni tiang zeihmanh aa hlei lo ahcun sandahpiah hnawh ding le Buddha biaknak in chuah dingah ralrin an rak pek ko nain zeihmanh thawngthanhnak a tuah hna lo tikah hiti ca an chuah hi a si. Aung San Oo hi ralkap cozah he aa kommi a si i an duh ningin rian a tuan peng mi a si. US nih an mipi ah cohlan ciami a si ko nain atu hi Bagan khua ah inn hmun a ngei tiah zumh a si. Hi inn buainak kong he pehtlai in a ralai mi Feb 10, 10 ah biaceihnak zung chuah than dingin timhtuahnak a um. 2007 kum September thla sandahpiahnak ah phungki tamlak cu tlaih le thah an rak ton ruangah ralkap cozah hruaitu Than Shwe le a chungkhar zong Buddha biaknak in chuah an si cang. (Ref: Mizzima)




Faiceu The Chin Weekly Journal
Malaysia, Kuala Lumpur

" World Cup Tickets Kan Zuarkhawh Ko"

Vawleicung pumpululh lei lutlai buu FIFA nih tukum South Africa i tuah dingmi World Cup tickets a voithumnak an zuar hnu ah an i lungmuihnak an chim. World Cups tickets hi 3 millions hrawng a um ding a si i tutiang ah 2millions an zuar khawh cang. Hi an zuar cangmi cungah an khuaruah har mi le an i lunghmuihtuk mi cu inntek South Africa nih 1million hrawng an cawk caah a si, a pahnihnak cu US asi i 50000 hrawng an cawk ve, pathumnak cu World Cup paoh ah hnahnawhnak le buainak a chuahpi pengmi Britian nih 41529 an cawk, tutan cu voi dang he i lo loin Germany le a dang Europe ram pawl nih tlawmtuk lawng an cawk. Zeiruang tiah South Africa cu Europe in a hlattuk ruangah le a media pawl nih humhimnak a um kho lai lo buaibainak le thinphannak thil a chuak ko lai tiah an ti tuk ruangah mipi nih kal an tih caah a si. (Ref: Reuters)


Faiceu The Chin Weekly Journal
Malaysia, Kuala Lumpur

Hello

""Khrihfa Upa Hmanthlak""

(Malaysia CCF 2006 Khrihfa Upa Hna)

(Malaysia SCF 2005AVio(1)Nak Upa Hna)

(Malaysia SCF 2007 Khrihfa Upa Hna)

(Malaysia SCF 2007 Khrihfa Upa Hna)

(Malaysia SCF 2007 Khrihfa Upa Hna)