Rian Minung 600 Ca Lawng

US.Delaware State, Millsboro khuate (Ocean City he meng 11 a hlat) pawng Mt. Airy Chicken Processing Plant ah minung 600 caah riang a lawng.Arsa thahnak rian : Nazi pakhat ah $ 8.20 (1st shift 07:30 am- 03:30pm) $ 8.40 ( 2nd shift 03:00pm-12 midnight) in thawk a si lai. Ni 90 a tlin hnu ah $ 9.20 ah kaih a si lai. Kum khat a tlin hnu ah nazi 1 ah $ 1 kai a si lai. Shift pakhat ah riantuan can nazi 8 tuan a si lai. Minute 30 rawlei caan pek a si lai. Idinh caan voi hnih 15 minutes cio pek a si rih lai. Rian tam deuh cu zarh khat ah nazi 40-44 hrawng a si lai i over time nazi pakhat ah $ 12.30 ( 1st shift) $ 12.60 ( 2nd shift) a si lai.

A THAT NAKHi agency hi US Department of Labour he rian a tuan\i mi an si. US ram ah tazawin tein a lut mi pawl caah US phanh cang ka tein rian hmuh khawh ding in timhlamnak an ngeih piak mi a si. Refugee/Asylee pawl social service zung kal ding a herhnak, an fanau le sianginn kai tuaktannak tibantuk pawl zong thatein an theihthiam piak mi agency ngan pi an si. North Carolina, West Virginia le Delaware ah an sehzung pawl an ngei hna.
Kawlholh le Karen holh a thiam mi case worker anmah agency nih man phalh in an hlan piak mi a um. Cu case worker nih an sin rian a tuan mi refugee phan thar pawl caah a herh mi social services zung kalpinak, sikhan/sizung kalpinak, form phihnak le a dang dang a herh mi green card sawk piaknak ti tiang in man lak lo in tuan piak a si lai.
Minung pakhat ah thlakhat ah $ 48 pek mi Aetna health insurance ngah a si lai.An umnak ding inn ah ihkhun,capuai, thudan, rawlkheng,hrai, rice cooker le thil dang herh mi te te zong khuakhan piak cia a si lai.Mirang holh cawnnak ESL classes khuakhan piak a si lai.An umnak hmun le rian karlak (meng 4 hrawng lawng a hlat) don le thlah a si lai. Ipumhnak le zei dang dang thil herh pang, dawr kal, tibantuk zong case worker he chimrel in khuakhan khawh a si lai.

RIANTUAN MI NIH PEK DING
2 bed romms, dawt 2 Town Homes pawl ah umter a si lai. Innkhan i hrawn ti ding a si. Innkhat ah rian a tuanmi 5 an um ti ah cun pakhat cio nih zarhkhat ah $ 48 thawh cio a si lai. 4 an um ti ah cun pakhat cio nih zarhkhat ah $ 60 thawh cio a si lai. 3 an um ti ah cun pakhat cio nih zarhkhat ah $ 80 thawh cio a si lai. 2 an um ti ah cun pakhat cio nih zarhkhat ah $ 120 thawh cio a si lai. Cu cu innman, timen, mei man, hnawmhlawnh man vialte a tel dih cang.
Pehtlaihnak
Hi agency hi CYO he contract a ngei mi an si. Hi agency nih rian a herh mi paoh CYO nih kawlpiak a si. July 2, 2010 ah hi agency President Carlton Wireley le CYO GS Dr. Van Thawng Ling he itontinak an ngei. Thil herh mi theih nan duh mi a um ah cun a tang lei CYO hruaitu hna sin ah hlathlai khawh a si.


Dr. Van Thawng Ling
(240) 457 0350
Salai Lairanthang
(202) 423 6377
Tial Khar Lian
(317) 407 6636
Nun Uk Cung
(301) 651 8559

Ref:: YCCF-International)

Khuangcawi A Rak Thawk Ning

Tu hrawng hi ka busy tuk ka ti nain ka tuahmi taktak a um lem lo um har ah ka busy ko rua hih.Thawngpang zong tthathi in update ka tuah kho set sai lo nain mileng nan rak tam chin lengmang caah kalawm.

Kan Lai nunphung ah Khuangcawi hi kan sunsak ngaimi Lam le Nunphung a si.Khuangcawi hi Lungtinpi Mang Sui nih a rak cawi hmasa tiah mi tampi nih an chim ton i a rak thawhkehnak hi kan chim cio ning aa dang kho men.Kan Lai nunphung a tlaitu Stephen Ni Kio Lungtinpi Mang Sui nih a rak cawi hmasa tiah a ti ve an ti. Kan nih Lungtinpi Mang Sui khua zong nih Pu Mang Sui nih Khuang a rak cawi ning le a rak thawhkeh ning kan chimmi hi nihin tiang ah aa thleng bal lo cu cu a tang hi Khuangcawi a rak thawhkeh ning tiah Lungtinpi pu/pa hna nih an rak kan chim ton ning in Fidi:: a toi fiannak in 1999 kum lio ah kan rak tuahmi a si.Pu F.Lai Len nih duhsah tein bia a chimmi kha ttha tein rak ngai hmanh law naa fiang tuk ko lai.
Mah Hi Khuangcawi A Rak I Thawhkehnak

US nih rilichung chiti a zutmi caah bawmhnak a lak

Mexico rili chung chiti (Oil) a zuh ruangah ram 12 nih bawmhchanhnak an tuah. Japan, Norway le Canada sinin bawmhnak an lungtling nain China, Kenya le Vietnam sinin bawmhnak tu cu an ruah lio a si. Ram 27 nih a herhmi thil in siseh, rili he a pehtlaimi thilri in bawmhnak dingah ca an rak ka kuat tiah US lei tuanvo ngeitu nih an chim. ”Mah bawmhnak pawl hi cham than ding a si i a herh deuhmi bawmhnak ding pawl cu kan tuah dih cang ko” tiah US State Department nih nihnih ni ah a chim. US tuanbia ah chiti a zuhnak a fakbik mi cu tukum April thla chung i BP-operated Deepwater Horizon oil rig a puahnak, minung 11 an rak thih nak khan aa awt cang. Mah kha lio an tuaknak ah 1.6million in 3.6million chiti hi rili chungah a zut i, rili kam vialte a hnawmhter pinah rili chung um thil nung, nga tibantuk tampi a thihter hna. (Fef: WN)

Faiceu Vol 2, No 76

Toyota Motor 270,000 An Remhtthan Lai

Toyata motor company nih an chuah i an zuar cangmi Toyota motor 270,000 cu engine lei chambaunak a um ruang ah remhthan ding in timhtuahnak an ngei. Hi an remh than dingmi chung ahhin Lexus le Toyata Crown pawl zong an i tel. Hi chung ah hin 90,000 hi Japan ram ah an zuarmi a si i 180,000 hrawng hi vawlei cung khua zakip ah an zuar. Tukum thawk lei ah khan a mawngnak seh tlamtlin lo ruang ah US ram ah $16 million an liam ter cang hna. Cu lawng si lo in an motor seh kong he pehtlai in buainak 200 leng tukum chung ah an tong cang. A si nain tutiang ahcun accident cu a um rih lo tiah Toyata campany lei in an chim. Zuar ciami motor lak in remh than hi motor sernak tuanbia ah a um bal theng lomi a si tiah Vehicle and Operator Services Agency nih a ti. (Ref: BBC)

Faiceu Vol 2, No 76

Thal Caan Cu A Nuam Ko Mu

Tu lio US lei cu khua can a um lio si kaw tlawn len a nuam i Tiva kam ah mirang / minak le kan mah pawl he khua kan sa hna. Ti a lio na Nga a sio na Thetseh par ah a bawk na Thingkung tan ah a thu na in um a si. Nizan July ni 3/4 hrim cu Tiva kam hi minung in an khat ti awk a si.July 4 cu US Luat-lat-zi ni a si bantukin July ni 3 zan hrawng in Mi-pan Fireworks a tamtuk ah hin July 3/4 zan cu zan zong i hngilh kho lo in an kan tuah.





Malaysia ah hin Taluk Kum thar ah Mi-Pan an rak puah lengmang ton i cu cu zoh kan rak duh ngai ton.Malaysia i an rak puahmi zong kha a tam ngai ko nain an phuah caan hi chikkhat te lawng a si kan ti lai cu. Nizan Chicago i Mi-Pan a tam ning le hna a kan hnawh ning cu kan pawng ah hin ral i tu hna sehlaw cu ko a lo.

Nizan July 3 ah khan IL.Wheaton i Laimi pawl Chicago i Michigan Lake ah Picnic an rak tuah i chikhat ka va leng ve hna an ni nuam ngai Minung an tam ngai fon. Awng-Ba-Li hna an tuah Ti hna an ni lio Sa Le Fungvuai hna an em pah a nuam an ti tuk.Nihin cu Chicago um Laimi kan dih lak in Michigan Lake ah cun Picnic kan tuah ve hoi i Minung 130 hrawng kan si.Nuamhnak phunphun kan tuah Sa thawthaw le Fungvuai hna kan em i Voi hnih cio kan paw khim lak in kan ei hna kan i nuamtuk ah hin ni a tlak lai kan siang lo.Zing 9AM -8 PM tiah kan tuah i a caan cu tlaihkhawh a si lo caah khua a rak mui cang i kan lawi cio hna.Thal caan ah cun Tiva kam i a ummi hna kan caah US ram a nuamhnak Kawl nih A-Yah-Ta an timi kha kan rak theih chin2 ko hih.Chicago Laimi kan umnak Le Tiva in Ke in Minute 1 te lawng kan kal.Ka bia a sau.