US Ngakchia Zohtu Siibawipa An Tlaih

US ram, Lewes i siizung pakhat ah ngakchia zawtnak a bikin a thiammi siibawi Earl Bradley cu mizaw cungah thatlonak a tuahmi ruangah ralrinnak an rak pek cangnain nihin ni tiang mizaw a zohkhenhnak cungah sualnak a rak tuahmi a tamtuk caah biaceih a tong han. Bradley nih a rak thlakmi video chungah mizaw cung i zawnruahnak ngei loin a tuahnak hna le bawhte le kal a thiamka mi ngakchia pawl tlikpi aa timhnak vial te an hmuh ruangah le mizaw a tlaihhrem bal caah siseh nu le pa chiattha thlaidannak thil hi a duhpoh in hlainak a tuah ruangah dantatnak 417 in thong an thlak. Bradley nih siibawi nu a thar pawl rian a chimh hna caan ahhin an taklawng in a umter hna i nu le pa chiattha thil hi a zoh hmasa tawn, cu leng ah mizaw chungin ngaknu no deuh poh hi sii thalo a simi ritnak sii a chunhtawn hna lengah mizaw nu pawl a pom hna le a hnamh tawn hna hi zoh aa dawh lo ngai tiah Bradley hnu zultu Nurse nu nih theihternak a tuah.—AP

Ref::Seihnam

Manny Pacquiao

Boxing lei lawng si loin mipi ca riantuan zong ka thiam A ralai mi May 10 Philippine ram thimnak ah vawleicung boxing champion Manny Pacquiao zong parliament thutnak hmuh dingin zuamnak a tuah cuahmah. A timi cu mipi ca riantuan ding zongah kaa zum, boxing thongh lawng siloin mipi ca riantuan zong ka thiam, ramkhelrian hi a thur tiah nan ruah ahcun kan thlen lai, kan buaibik mi cu ni fatin kan nunnak, fimnak le ngandamnak hi an si tiah April 21, 2010 ah a chim. Boxing lei ah World Champion voi 7 a latu a si. (Ref: Reuters)



Ref Faiceu Media Group

Arizona Governor Nih Min A Thut

Tu hrawng US ah thawngpang a um bal lo mi le a si bal lo mi tu hrawng ah a leng ngaimi cu US ah State 50 an um i Arizona State i nai i Obama he US President aa cuh timi pa Mc-cain a khua kha a si kan theih fiannak ding ah ti bia.Arizona Governor nih ni zan tih ni ah hi tihin min a thut Arizona State chung ah a ummi minung hna hi phung ning lo in a ummi hna hi Palek nih ttha tein Check nak nan ngeih hna lai tiah min a thut an ti.Arizona State ah hi phung ni lo in a ummi minung tam tuk an um leng ah phung ning lo in US chung an rak luhnak bik a si i cu lawng si lo in misual mittha lo hna zong tampi an um ti a si.Cu tin min a that mi ruang ah nizan hrawng mipi lei nih duh lo nak sa-dah an piak hnih leng mang ve.Cu lawng si lo in Obama nih mah tin phung ning lo in a ummi hna check ding tiah kan timi nih hin kan hmuh khawh lo mi thil ttha lo hna a chuahpi sual hnga ma cu caah tha tein a hnu a hmai zoh law check deuh rih lo tiah a ti hna.US ram ah hin State kip ah phung ning lo in a ummi hna an tam liangluang ti a si.Abik in Maxico lei mi an si i cu thawngpang ruang ah Maxico phung ning lo in a ummi hna cu vava tum dawh an si.Malaysia si ning in chim ah cun Malaysia i Indonesia pawl an um btk khan US ah hin Maxico pawl an um ve Indonesia he an mui zong an ni lo pah deng mang.US ram ah an duh paoh in an rak luh i rian an rak tuan phaisa an kawl i an duh can ah an ram lei ah an kir tthan ve an nih caah cun Laimi pawl Aizawl ah kan kal btk khan an nih caah cun foi tein an rak lut khawh ve kan ti lai cu.