Malaysia Refugee Ca-ah Thawngpang Tthar

Nihin Malaysia um mi refugee pawl caah thawngpang tha deuh alo mi cu UNHCR nih refugee pek mi pawl caah cozah Immigration nih ID an ser piak hna lai ti asi. Home Ministry nih thawng an thanh mi ahcun tleih le khih atam caah refugee zong hi tleih le thongthlaak an ton lengmang ti nak hnga lo UN refugee hmu mi caah ID kan ser piak hna lai an ti. Atu Feb 15 in cun biatak tein illegal Immigrants tleih ding operasi luh an thok hnik cang i mah ah hin refugee hmu cia pawl kha illegal immigrants dang pawl he cawh hna lo ding ti khi asi. Home Ministry nih an thanh nak ahcun UN nih recognize tuah mi refugee cu kan thlai hna lai lo ti asi. Asinain Malaysia cu chunzan policy a thleng mi an si tawn i tutan thawngtha ngai refugee caah an kan thanh rua kan ti nain Refugee cu Malaysia ramchung ah riantuan nak nawl an ngei lo ti asi hoi. UNHCR nih cawm lo, cozah nih le riantuan ter duh lo ahcun refugee dirhmun in Malaysia um hi afawi mi asi lo. Cun cozah nih hin Immigration Act 13 tang ah refugee temporary settlement hi 1975 in Vietnam refugee ca ah an rak ser. Cucu nihin ah athar in nunter than ( activate ) an timh tiah bia aleng than. Malaysia cozah nih caan karlak refugee pawl umnak nawl a pek ahcun Malaysia ummi refugee cu an him ko ti asi lai i ramdang kal ( resettlement ) hi a um tuk ti lai lo. Kawlram athat ahcun an kir ko lai, caan karlak umnak nawl pe ko hna uh tiah NGO nih Malay cozah hi 2002 in biatak tein an rak nawl hna. Atu cu refugee cung ah an policy hung nem deuh nak te an vun langhter ve mi asi. Hi kong hi CRC Website ah update kan vun tuah lengmang te lai.. Biadang ah; nihin in Malaysia Police rank system an thlen dih i police lahkhah zong let tampi an kai ter. Hlan lio ahcun tanghra awng khi bokhat in an lut nain atucu senthum ( sergeant ) lawng in an thok khawh cang i degree ngei lawng nih bokhat in ani thok kho lai ti asi. Chin Refugee Centre Kuala Lumpur Malaysia

Politic Lei Ruahnak Hal!!

A tu lio German Acozah nih an buaipi ngai mi thawngpang kan rak thanh ve hna. Cucu German miphun a rum mi pawl nih Switzerland ram ah (blak account )Tazamawin Tangka an i chiah mi cazin (minung 1500 hrawng) cu IT informatic pa nih 2.5 million Euro in a zuarh hna i kan cawk lai maw caw lai lo ti in an buaipi ngai ko. Hi a zuar tu pa IT (informatic) pa nih hi Cazin vial te hi a mah a thiam nak in a fiar mi a si. German Acozah nih a cawk ah cun 100 million Euro hrawng Tax (Akhun) hmuh ding a si. A tanglei biahal nak hi vun ruat ve law zei tin in dah na hmuh ning a si hnga? (* A zuam mi caah a si mu!!!)

1. Acozah Pakhat nih fiar mi thil cawk ah a ttha lai maw?
2. Vun caw taktak seh law Switzerland Acozah nih zei tin in dah a hmuh lai?
3. Mifiar caah dantat nak ding in Upade (Law) a tuahtu lila nih a tuahmi Upade (law) zulhlo in criminal bawmtu dirhmun dir ding hi a tthami (or) tuahphu or tuahding a si maw?
4. Acozah pakhat nih Tax (Akhun) ape duhlo mi zeitin in dah a kawl hna lai i dan a tah hna lai?

Hi biahalnak a phi zuam mi nih phih hlawng si lo in hmuh ning (a ruang, because) a silole pumpak ruah ning rak ttial chih te uh. Cu hnu ah Acozah pakhat nih hibantuk illigal info hi cawk ah a ttha asilole a ttha lo ti in rak ttial chih te uh.

Info.: Switzbank pawl le Switzerland Acozah nih a ngeih mi Upade (law) cu Privat , pumpat kilven nak timi a si. Cu ruang ah an sin i a um mi asilole Bank ah account a tuah mi info. vial te kha a ho hmanh an cim duh hna lo. Hi Upade hi 1934 Jude pawl Nazi ral in Switzerland ah an zam hnu in tuahmi le ferhter mi a si. Cu caah Ralkap Cozah pawl le Mifiar khu pawl nih Tangka an i chiah dúh ngai nak a si.

P.s.: hi biahalnak hi keimah pumpak ttialmi asi. Thawngpang tu hi Tadinca (Bild) in ka lak mi a si.

Damte in,

Biakhmun Thang
Khuapi Hrinsor

Kyaw Thu An Sawm Lo

2008 kum caah Kawlram Acadamy laksawng peknak cu a ra laimi Febuary 6, 2010 ni Kawlram khualipi thar Naypyidaw ah tuah ding a si i cu ka ah tel ve ding in ralkap lei nih Kyaw Thu cu an sawm lo. Kawlram fidi, Director le atu mithi zohkhenhnak lei rian a tuanmi Kyaw Thu cu 2007 September thla sandahpiah mi pawl a bawmh hna thawk in video lei kap ah an khap dih. Cu lawng siloin tadinca, magazine pawl zongah telnak nawl an phih. Hlan lio ka rak tuanmi cu keimah caah a si, atu ka tuanmi cu mipi ca asi caah kai lung hmuih ngai ko tiah Kyaw Thu nih a chim. (Ref: RFA)


Faiceu Vol2.No55 ah lakmi a si.

Paypal Account Ong Cio Uh Sih

Laimi thil kan zuar tik (cauk, hlaphel,calendar le a dang dang) ah thil man kan i hal khoh lo mi le a vaivuan mi a tam tuk caah a chuah tu lawng si lo in a zuar tu zong an lung a dong. A hlei in a zuartu nih hin a herh mi paoh chap leng meng a si ton. Laimi sikan kan ngeih lo tuk rih kan hei ti lai cu. Hi thil hi hrial khawh mi lam a um.

Internet a ngei mi paoh Email address a ngei mi paoh Online Banking Bank account a ngei mi paoh ( online banking a ngah lo mi ram pawl cu a ngah ve lo) nih vawlei cung khuazei na um paoh pakhat le pakhat fawi tein,a man fawi tein le rang tein phaisa i kuat khoh a si.

www.paypal.com > HOME > Sign Up > Personal > Get Started > enter personal informations and set up password then LINK WITH YOUR ONLINE BANKING ACCOUNT. Hi te na tuah khoh in cun 1-2-3 ah phaisa kuat cawlh khawh a si cang.

A THATNAK

1. A kuatu le a hlamtu kha Western Union, Money Gram pawl a umnak ah kal a hau ti lo. Internet in innchung in tuah khawh a si. Caan a save.

2. Western Union, Money Gram pawl nih $ 9 hrawng an in lak ah paypal nih < $ 1 lawng an in lak lai ( ~ $ 100 hrawg ah). A man a fawi deuh.

3. Identity Thief tih a nung lo. Safe and Secure.

4. Check hna kuat duh ah Post Office hna kal a hau mi caan zong a save. ( Inn hmai zong ah cabawm chiah khoh a si ko nain chiah khoh a si lonak han a um sual ah )

5. Sign Up a tuah man FREE a si.

RIAN A TUAN NING

Email account tuah a thiam mi paoh nih tuah thiam ding khi a si ko. Sign up tuah khawh in na kuat duh mi i a email address te lawng a hau. A address a min fak le zei dang dang theih a hau lo. Na kuat duh mi email address a send ti law amah tein na bank acct chung in a rak i zuk lai. Phaisa a zuknak kong email an kuat lai. Phaisa na ngah tik zong ah email an kuat lai. Personal zong in hman khawh a si. Business zong nih hman khawh a si.

Hi hi laimi tam pi nih account kan ngeih khawh ah cun pakhat le pakhat leiba i cawh zong a hau ti hnga lo. A kuatnak zong ah buai a si ti hnga lo. Acuahtu ca zong a yin a saih mi fawi tein le rianrang tein ngah than khawh a si. A pe tu ca zong hnahnawhnak zei hmanh um lo in rang tein pek khawh a si.

CYO nih hin hmai thla lei ah copy right kan ngah mi hlaphel le Calendar zuar kan i tim. Phaisa i hal ding kong ah lungre thei in zumhngamh lo in kan um. Thil a zuartu a ho cio paoh an si cio ko lai dah. CYO rian cu laimi mipi caah rian a si ve. CYO cawlcanghnak ah thazaang rak kan pe uh ti zong sawm lo nawl kan in duh. Hlapel le Calendar kan zuar tik ah leiba kan i cawh hau ti lo in www.paypal.com in a man na kan kuat khawh ah cun kanmah ca zong mipi ca zong zaang dam tein rian tuan khawh kan si hnga. Mi dang cio zong nih kan i hrawm ti dih khawh hnga i phaisa a lut chuah rianrang tein kan tuah khawh hnga i cu kan ngah mi phaisa lila in thil dang dang kha rianrang tein kan kalpi thluahmah khawh ding thil a si.

Upatnak he,

Van Thawng Ling


DISCLAIMER
Hi ca ka tial mi hi paypal in an ka tial ter mi zong a si lo. paypal le keimah karlak zong ah zei hmanh pehtlaihnak ka ngei lo.
Zapi caah thathnemnak a si caah keimah lungthawh tein ka tial mi a si.

(Ref::YCC-International)

---

The world’s most-loved way to pay and get paid. Learn More

Osama Bin Laden Nih US President Ralrinnak A Pek

Al-Qaeda hruaitu Osama bin Laden nih US president Obama sinah tapephel in aw aa lakmi ralrinnak bia January 24, 2010 ah a chim. A timi cu kan hnu kum Dec 25, 09 US vanlawng bom puah dingin timhtuahnak tlam a tlin lomi cungah tuanvo kan ngei peng rih. US ram hi doh peng dingin biachahnak ka ngei. September 11, 2001 bantukin dohnak ka tuah peng rih lai. US nih Israel nan bawmh chung cu nan ram chungah dohnak a um peng rih lai. Palestan ram ah daihnak kan hmuh hlan lo dohnak kan tuah lai tiah a chim. Nain White House ruahnak petu nihcun hi tapephel hi zumh ding a si lem lo, amah Osama a si taktak hnga maw tiah lung awtawmnak an ngei. David Axelrod nihcun ka rak theih tawn mi Osama aw a lo ko a ti. Kan hnu Dec 25, 09 ahkhan Nigerian pa Umar Farouk Abdulmutallab cu US vanlawng Flight 253 bom puah dingin aa timhnak cungah rian ngeitu nih an rak tlaih manh. (Ref: Reuters)


Faiceu Vol2.No55 lakmi a si.

Shanram Ah Palaung Cu Kumthum Chungah Letnga In Bing Cin A Karh

Shan ramthen Palaung ah 2006 in 2009 chung bing cinnak hmun cu hectares 963 in hectares 4,545 ah a leh nga in a karh tiah Palaung Women's Organization (PWO) nih kan hnu January 26, 2010 ni ah an thanh. Bing cinnak hmun a karh lawng siloin mino pawl zong sii tama lawngte an si hna tiah an thanh chih. Hi hlathlainak an tuah mi hi khua 100 ah a si i Mantong khua ahcun kum 15 in a cung lei sii tama hi 2007 ah zatuak 57 an si ko nain 2009 ahcun zatuak 85 an si cang. Hika hmunhma pawl hi UN nih a zohkhenhnak hmun lawng siloin Kawl cozah nih an runvennak hmun-hma zong a si. Bing zaka ah a dang cinthlak cinternak an tuah ko nain a ngah hlei lo i 2007 kum le 2008 kum kar bing cin khawhnak dingah nawlngeitu sin ziknawh an pek mi hi a tlawmbik kyat 37 million (US $37,000) cu khua 28 chungin hmuhmi a si tiah an thanh. 2009 chung United Nations Office on Drugs and Crime (UNODC) nih a thanhmi ahcun Asean ramchung bing cinnak hi hectares 27,700 cu 2007 chungah a si i hecteres 28,500 cu 2008 chungah a karh tiah an thanh ve. Kawlram chung bing cinmi zatuak 89 cu Shan ramthen chungah an cin tiah UNODC nih an thanh. Shanram he aa neihmi Kachin ramthen le Karenni ramthen ahcun 2008 chung tuaknak ah zatuak 5 le 6 lawng an si tiah an thanh chih. (Ref: Irrawaddy)

Faiceu Vol2 No55 ah lakmi a si.

Kawlram Ah Ni Thazaang In Mei A Pek Cang Lai

Chan tiluan he a tlakin nika thazaang (Solar Energy) hmang in mei tha peknak cu Kawlram ah OK. Myanmar Co.Ltd nih tuah hramthawk aa tim. Chawnbiaknak lei ah hmanmi Micro Wave tung hna ah le electric an hman khawh lonak hmunhma hna caah a bik in ser an timh. Hi rian tuannak ah hin Japan seh lei thiamsang pawl nih an tuah lai i Japan seh thilri (Sanyo) lawng te hman a si lai. Tlamtling in an ser khawh ahcun electric tha Mega Watt 10 in 20 tiang a pek khawh lai i, kkum 20 amahkhan a si lai. Asinain a hmangtu nih zeizah liam ding ti cu a fiang rih lo. Ni thazaang hman a thatnak cu pawngkam a thur ti lo, a si nain phaisa liamding a tam men lai tiah OK.Myanmar in rian tuan pakhat nih a chim. Nika thazaang (Solar Energy) hi Kawlram ah cun a tu lawngser hram an thawk nain Thailand ah cun 2003 ah an rak hman cang. Thailand ah hibantuk nika thazaang hmannak hmun hi a tlawmbik hmun 30 hrawng ah a um. Vawlei cung ah nika thazaang in electric tha tambik a chuahnak hmun cu American, Califonia ah a um i kum fatin Mega Watt 354 lengmang a chuah.(Mizzima)

Seihnam 413nak ah lakmi a si,