Kachin Ram Laiya Ah

Pathian lam hruai nak thawngin Canada ram um mi nih Pa can in kan ruah mi Pastor CungCin cu Thailand ram GCCF meeting khawh in KaChin ram KIA Camp Laiza khua ah zarhkhat chung KIA ral bawi pawl he i ton in bia ruah khawh nak a ngei kho. A cam chungah hin Kachin ralzaam (Refugee) pawl cu Laiza camp ah hin minung thong (16) an phan cang i KaChin Cozah (KIA) nih an zohkhenh hna i zaang fak tuk an si ko a ti.

KaChin ral bawi pawl nih an chimh mi cu - A tu tiangah hin KaChin ralkap cu Pathian nih a kan huhphenh i a thi mi (4) lawng kan si rih. Kawl ralkap tu cu tamlak te an thi cang tiah an kachimh a ti. Khuaruah har a si mi cu Kawl ralkap pawl nih KIA pawl he kan i kah ah hin an hnu lei in Puanrang aih mi tampi nih an dir pi hna kan hmuh hna tiah an chim. Cu caah cun kan biak mi kan PaThian nih a kan um pi ko ti hi kan i fiang tuk. Krifa kan hawi dawt mi nih Thla kan cam piak peng hna u ti hi kan duh bik mi a si ko e tiah , an rak chimh. A caam chungah hin Kawl cozah he ( Daihnak ) khuakhaan nak an tuah lio a si a ti.

Ka hawi pa nih a rak kachimh bal mi cu, Ka fa le he Isarael ram ah Tourist in kan rak kal i, cu lio i Lam a kanhruaitu (Touristguide) pa nih a rak chimh bal mi hna cu hi tin a si. Kum 1967 Arab he ral an rak i tuklio ah khan Siria he an karlak i ( Golan Height) hmun ah hin raltuk nak Tank ralkap asi a ti. Cu lio ah cun Isarael raltuk nak tank cu pathumli te lawng a taang i Siria lei tank tu cu zakhat nak tam a taangrih a ti. Ni hin maw Siria ralkap kut ah kanthih dih ko ne lai kan ti lio ah , ruah lo pi in Siria ral kap ho tu sin in thawng a hungthang mi cu- Siria ralkap nih kan ( surrender) timi thawng a vun thanh tikah kankhuaruah a har ko? Bia tak maw, nan surrender a si ah cun nanmeithal chia u law Tank chung khan hungchuak uh ," tiah kan ti hna. Cu ti cun ruah lo pi in an hriamnam chiah tak in an kut an lucung chuan bu in kan mah leiah cun an hungttum taktak ko a ti. Ziah , zei tiin? kan ti tik hna ah - Nan nih cu Nan raltuk nak Tank tamtuk pei a um rih cu<" tiah an chim a ti. PaThian nih Siria ralkap pawl mit hi a rak leh hna caah a si ko e tiah a kan chimh a ti. Cu caah cun KIA ralkap caah le Kan CNF/A caah hin hmunkip um mi Krifa hawi dawt mi kan dih lak in Thla biatak tein cam hna u sih ti hi ka vun in cah duh mi hna cu a si.

Kan Pastor CungCin hi KaChin ram lawng si lo in Karen le Shan refugee camp chung tiang a va lut kho i Pathian lam hruai nak thawngin kan sinah dam tein 11/7/2011 ah a hungphantthan. KaChin (KIA) ralkap hi caantling in ral a tu mi hi minung thong (10) an si i Pituhsit kan ti lai cu ready in a um mi hi a dang thonghra an ngei rih a ti. A remcaan ah cum KIA ralkap demonstration (sitzipiah) an tuah lio zong a hnu ah kan vun thlah tthan te lai.

Lunglawmh nak tampi he
MahLian,
Canada

Source:: Lai Forum