Semnak ram, lennak tlang
Lungah a taang
Thluak nih a philh kho 
lo
Nunnak nih hlammi lairam…
Thli thiang hrannak, ti thiang luanak
Caanrel vaphun tlingnih hngahmi ram
Aadawh pangpar in ttamhmi hmun
Laimi caah lairam asungbik…
Ti ngahring doi le, kethei 
hrawn
Mangbawi fanu vaalrual keng cung puak in
Hovan ngai lo nuamh serh caan hna kha
Laimi caah lai nunphung a thlum bik…
Lairam caah lai pasal
Laimi caah lai nusal
Lai chungchuak, lairam tthang
Lairam nih laimi ttheu zumh in a bochan ko…
Rumnak in cawk ka tim hlah u
Suingun chawva in thlen ka tim hlah u
Tthutdan saang le mangbawi inn chung um nak hmanh in
Laihritannak Lairam ttheu kaa thim deuh ko hnga…
Pupa hna nih dinnak in ukmi ram
Zingphung ah aakawmmi kan miphun
Suingun rumnak nih cawk khawh lo
Fimnak ngei lainu sal pasal lennak ram tu ah ser in len timh ai laang…
Miphun ah nan unau,
Cung Lian Thawng
Hong Kong
No comments:
Post a Comment