US ram pakhat a ummi State pakhat Arizana State ah um mi Thantlang Peng Leitak Khuami veve Tlangval pa le nungak nu cu nizan tih ni 5/21/10 ni zanlei 2;00 pm hrawng ah an ni thah.Nu hi Indiana State ah a ummi tlangval pakhat nih nupi caah a cahmi a si i Malaysia in Kum tling lo in UN ah a luh caah US Arizona a phak tik ah kum tling lo a si caah Mirang chungkhar hna nih an zohkhenhmi a si.US ah kum tling lo mi paoh cu mah tein um khawh a si lo i an mah US chungkhar sin ah um a si ton bantukin Dawt Cin Sung zong cu cu btkin a um ve mi a si.
Cu ka Mirang a nu le a pa sin a um lio ah cun Tlangval Van Dawt Thang he an ni duh pah rua. Cu tik ah Nu Dawt Cin Sung hi tu thla dih in kum 18 tlin dawh a si caah an pa Indiana ummi sin ah tuthla dih ah kal ding in timhtuahnak a ngei.Cu ti a si caah Arizona a tlangval pa kha kan duh ti lo tiah a ti i an ni piatnak hi thlakhat hrawng si dawh in an chim.
Nizan May 21 ah an umnak pawng i a ummi Hmawngtlang Khuami Zi Ku te Inn ah an pahnih in an ve lengti hna.An chimnak ah an pahnih in kal ti dawh an si.Mah Zi Ku te an inn an phan in tlawmpal ah hin an ni si i Pa Van Dawt Thang nih cun kan thah lai i keimah zong ka that ve lai tiah a au i Namte a rak kenmi cu a chuah cawlh i a sawh hnik cu tik ah Inn ngeitu hna nih an tlaih hna lio ah hin nu hi a thi hna a chuak pah cang an ti.An tlaihkho ti hna lo i Nu nih Ihnak khan lei ah a tlik piak i ihnak khan ah pa nih cun a va doi i Namte in thi lak a sawh hnu ah a mah le mah zong a paw ah aa sawh ve .Palek 911 an auh hna i 911 an phan ah hin Van Dawt Thang hi a thaw a um rih nain Sizung ah an kalpi lio lampi ah a thi ve tiah an ni thahnak hmun ummi hna Fon ka chawnh hna i an ka chim.Nu Dawt Cin Sung Le Pa Van Dawt Thang hi Thantlang peng Leitak khuami ve ve an si tiah an ti.Hika Link ah Mirang ca in tlawmpal rel khawh a si.
Subscribe to:
Post Comments (Atom)
No comments:
Post a Comment