free web counter
greyhound runningHurricaneRunning Ostrich

Tuesday, August 16, 2011

UNHCR Luh Kalnak Kong

UNHCR luh kalnak kong hi tuanbia bantuk a si cang caah ttial tawnmi kha ai khah lonak a um len. cu caah a sinnig fiang deuh in..
1. 1999 lio ah khan Burma ram ah Malaysia President Mahathir kha sipuazi tuah a tim Burma cozah sin ah dawtnak in a timi cu na minung karam ah permit lo in a ummi poh tlaih le khih an ton can ah thongthlak ti lo in naram ah a free in karak in chiahpiak cang lai a ti.
2. Burma cozah nih ai fahsak tuk i ka minung cu naram ah Visa in khual a rak tlawng tami lawng an si . permit lo in a rami poh kha "tapung le damiah" an si karam ah na van chiah ni bak hna in kathah dih hna lai a rak ti ve. Chin miphun an si a ti rih cun Zakhan zong an i tel rih a ti.
3. Cu tik ah Malaysia President Mahathir cu a lau tuk i Burma ram ah sipuazi zong a tuah ngam thai lo. Organizacion internacional/ meeting lio ah Burma kong cu a chimh hna. Vawlei cung pi meeting tuahnak hmun a si caah cu kong cu an dothlat.
4. Malaysia President Mahathir nih cun a tirih mi hna cu 51 ah aana in UNHCR zung hi karam ah nan chiah. "tapung le damiah" nih karam chung chuak ti le rawl an ei mi hi nan ka cham lai a ti. cu caah UNO nih naram i cu bantuk minung pawl cu an tlawm le an tam milu rak rel hna law thawng rak than an ti ve.
5. Malaysia President Mahathir nih cun 1999 lio i Muslim card a rak onh mi zong kha milu relnak sawhsawh te kha a si a chung mipi nih an thei kho lo. I Zakhan miphun min long in a si rih Chin miphun krihfa hi rel cawk lo an um tiin thawng thanhnak a tuah.
6. Cu caah Vawlei pumpi nih a zumh. I "tapung le damiah" ttha te in a dawtu ram na si caah kan i lawm. laksawng kan i pek an ti i US dolars in tamtuk a hmuh. sipuazi ah a rak kan hman khawh a rumnak beh a fim tuk caah a si. Laimi nih Putracaya kanrak ti tawnmi kha Malaysia President Mahathir nih kanmah thawng in ramdang bomhnak a hmuh mi in a dirh khawhnak kha a si.
7. Malaysia UNHCR nih cu thok cun zalong deuh in 2000 kum ah Burma ralzam a si mi poh report rak i tuah uh kan i bawmh hna lai tiin News an chuah. a bik in Chin ralzam le Zakhan ralzam caah a si. Burma cozah nih Malaysia President Mahathir sin i "tapung le damiah" a rak kan timi kha Chin ralzam nih refugees kan hmuh nak cu a si. I cu a karlak hrawnghrang ah UNHCR nih CNF/A sin zong ah dothlatnak kha a tuah. CNF/A zong a hram pahtu an si lo nain charhchannak ah kan hman hna. tehte ttha an si kan i lawm tuk. cun biatak in mipi lung a pem tertu le Malaysia UNHCR zung luhnak ah hin News a rel hmasa bik, a lut hmasa bik cu Pu Khen Sang a si. a mah rak um hlah sehlaw kan luan ter ko hnga.
8. Cu thok cun Malaysia refugees hi Laimi caah a rawk ti lai lo Burma cozah a tthat lo pin ah Laimi a kan huattuknak kha Pathian nih a thluachuah a kan pek mi a si zong fian colh khawh a si. Pastor cheukhat tu nih cun refugees cu lih a si fir bantuk a si Pathian thluachua a si lo a timi zong anrak um pah. cu bia cu ka sia a rak rem lo ngai ve in. thil hman kai fian tuk caah tinak si lo.
9. Thailand i kuam an kal ning tu kha cu Malagsia hlan deuh in a si caah phundang in a lam rak um dawh a si Pu Zo Tum Hmung nih a tuahpiak hna ti thawng kan theih. India lei tuhi lam a onh kum le a sining tak ka fiang ve lo.
10. Hi kong hi tial zong ka duh lo nain tuanbia bantuk in ttial tawnmi a um pah/an ttialmi cio ai khah lo caah a si. CNF/A zong in siseh mipi lei zong in siseh phundang ruah lo in Malaysia i Putracaya ah docter Biak Lian le a hawi le an rat lio zong ah khan mi pakhat hnih thum fimnak/ttuannak in hmuh mi a si lo a mah te in a chuak mi a si Pathian thluachuah a si an ti ko kha. Pu Zo Tum Hmung zong nih cu ti cun a chiam tthiam tthiam ko kha.
11. A thei lomi huaha nih i uahnak hna ah an hman sual ah cun ningzak ngai khi a si hnga. uahnak ah an hman tinak cu si lo in bawipa thuachuah a si ko ti bia.
Siaherhnak he
Kawi Sui
Norway



Source:: YCCF-International

A Sannak Phanh Hnu Thlacam


Mark 6:46 A zultu kha a kalter dih hna hnuah anih cu thlacam awkah tlang cungah a kai


Teinak kan hmuh tikah, onnak kan hmuh tikah, minthannak kan hmuh tikah, hla hna kan remh, sermon hna crusade hna camping hna kan tuah dih tikah, thil pipa kan tuah dih tikah khoi ka ah kan kal ton? Minih thangthat awkah an ra lai, lawmhnak bia chimawkah an ra lai, zei thinlung dah kan ngei cang? Lawmhnak bia a chim tu ding hna kha a bawh in kan bawh sual hna maw? hihi, sualnak ah a kan luhpi kho tu an si, kan i ralring ngaingai a hau. A sang pi kan phan cang kan ti lio ah, a kan tlak ter tu le tlak fawi taktak mi si. Hi ban tuk tukforhnak hi a hopaoh nih kan ton lengmang mi thil a si.


Mark 6:46 i a cung lei kan zoh ah cun, Jesuh nih nga pahnih le chang panga in minung thongnga rawl a danghnak kong asi. Thil lianngan a tuah dih hnu bak asi. Zeitindah a si khawh tiin zultu hna he pakhat le pakhat i ceihnak, discuss tuahnak can hmanh a pe hna lo. A dih bak in a zultu hna kha lawng chungah a luhter hna, cun Bethsaida lei a kal ter cawlh chung hna i, anih tu cu thlacam awkah tlang cungah a kai. Jesuh nih amah nawl in a tuah mi zeihmanh a um lo. A Pa thawng longlong in a tuah mi si i APa kha thangthatnak le sunparnak a pek hmasa peng. Cutikah Satan tukforhnak zong a tei dih peng. Jesuh hmanh thla a cam lengmang asi ahcun kan nih teh zeitluk in dah thlacam kan herh chinchin lai ti hi kan ruat bal maw!


Voikhat ah, kan khua (tlang hram lei) ah crusade an tuah i, adonghnak zanlei sang ah, saya pakhat nih a piang thar mi nan kut thlir uh, a ti. Cun, milu a rel hna i, khah, cuzat thlarau tlau ka tlaih hna tiah list a lak i khrihfa upa pawl a pek ta hna. Program dang ka ngei rih a ti i a kan tlun tak. Khua ka ruat ngaingai mi cu, Thlarau tlau mi tlaih khawhnak hi minung tuah khawh mi si hnga maw? David nih milu a rel ban tuk asi i, mah pumpak thangthat duhnak thinlung a chuak cang tikah Pathian a lang kho ti lo, kan i ralrin awk a herh ngaingai. Cucaah, thluachuah kan hmuh ding tluk in kan hmu ton lo lengmang nak cu asi. Jesuh nih a kan hmuhsak mi lamtu hi zulh khawh i zuam hna uh sih.

Cucaah, Pathian thawngin khuaruahhar in thil kan tuah khawh mi, teinak kan hmuh mi hna a um tikah arannak in Pathian sinah kal i kanmah te longin caan lak in thlacam hi a herh ngaingai. Cutikah Satan pa zong nih kan nun ah hmunhma a la kho ti lai lo. Kan nih unau rawl kan dih lak hihi i ralring cio hna uh sih, Pathian longlong kha panh lengmang ko uh sih, zeitik hmanhah philh hlah uh sih. A mah longlong sunparnak kan pek peng a siahcun a ra lai mi thlichia le tilet zong kan tei dih ko lai.


Nan cungah Pathian thluachuahnak um ko seh!

Pahniang

Manila, Philippines

//////////////////////////