free web counter
greyhound runningHurricaneRunning Ostrich

Monday, November 15, 2010

Aung San Suu Kyi NLD Zunghmun Biachim

Kawlram zaukphung dothlennak hruaitu, Pi Aung San Suu Kyi cu nizan chun suimilam 12 ah khan Ragoon NLD zunghmun ah biachimnak a ngei. Minung 400000 renglo nih a biachimmi an rak ngeih.A BiachimmiKan ram ah remdaihnak a um khawhnak hnga fakpi in kan i zuam herh. Zaukphung hmuh a duhmi hna he rian kan tuanti lai, NLD lawng in tuah khawh a si lo, keimah pakhat lawng zong in tuah khawh a si lo, minung pakhat lawng thil tuah cu, anasin riantuannak a si. Cucaah mipi he rian kan tuanti a herh.
Election tel le tel lo konga ka buai lo, zaukphung caah cun mi zapi he poah rian kan tuanti lai. Zaukphung kan duh e, ti lawng in a za lo, mah kan hmuh khawhnk dingah zeitindah kan tuan lai, timi a biapi. Mah rian kan tuan tik ah thil dik le thil hman kan i tlaih lai i, a hmanmi lam in, ning cang tein kan tuan a herh. Mah ti ka chim tik ah mi thianghlim riantuan bantuk ah nan ruah men lai, thil kan ton ciami zoh chih in, thil timi cu a hman ning tein kan tuan lo ahcun kan i tinhmi ngah khawhnak dingah lam a hel kho, asiloah a rawk kho. Mipi aw-an ka ngai zungzal. Ni chiarte radio ka ngai. Nikhat ah suimilam panga, paruk ka ngeih caan zong a um, mipi nih zeidah an duh timi zong ka theih, a dikdiar in theih ti cu a si lo, Mipi tel lo in zeihmanh tuah khawh a si lo, mipi tel lawngah kan duhmi kan tuah khawh lai. Zaukphung timi cu mipi in a tawk i, mipi caah thim, mipi caah tuan a si. Cucaah kan duhmi kan ngahkhawhnak dingah fakpi in rian kan tuan a herh. Riantun lo in zeihmanh hmuh khawh a si lo. Kawlmi nih kan chim tawn i, a zumh zong kan zumhmi cu "KANVAN" timi a si. Kan van nih a kuaih, kan van nawl a si, tiah ka ti tawn. Van timi cu tuahsernak theipar a si. Mipi sin ah nawl kan duhmi hna cu," kanmah he kan i pehtlainak tik ah raltha tein i pehtlai uh, nan duh lomi zong raltha tein chim u.
Zaukphung timi cu luat tein chim, luat tein chim cu zauphung i a hrampi a si, asinain duh poah in biatha lo chim cu zaukphung a si lo.Chim le phuan nan duhmi vialte cu ca zong in kan kua u, carek zung nan zumh lo a si le, kanmah kut ah kan pe u, nan hngalmi nan theihmi pakhat le pakhat i hrawm cio u. Mipi nih zeidah an duh, zei bantuk lungput dah an ngeih cang timi theih ka duh. Rian kan tuan tik ah teirial tein rian kan tuan a herh. Kan rian kan lim hlan lo kan tuan a herh. A ngaingai ti ahcun vawleicung ah hin rian lim viar timi a um kho lo, pakhat a dih ah a dang pakhat a peh zul lengmang, cubantuk cun ramkhelrian zong pakhat kan lim kan ti ah a dang pakhat nih a zulh than lengmang. Mipi nih nan ka dirpi ahcun riantuan tha a tho, keimah lawng riantuan cu ka duh lo, mah pi lawng riantuan cu zaukphung a si lo, cucaah mipi he hmunkhat teah rian kan tuanti a herh. [ A biachimmi a tam caah hnu ah kan pehthan te lai. ]









Siaherhnak he,
Salai Lairamthang
Washington D.C