free web counter
greyhound runningHurricaneRunning Ostrich

Monday, May 9, 2011

Australia Nih Malaysia Refugee Minung 4000 Lak Ding Kong

Nizan nai te ah Thawngpang thar a leng mi cu Kan Prime Minister Nu ( Julia Gilard) nih Bia a chim mi kong ah asi. Achim mi cu : 2011 in Kum 4 chung ah Malaysia ah Refugee UNHCR ah Register( Refugee ahmu cang mi) minung 4000 ( thong li ) ka lak lai ti mi bia asi. Hi kong ah mitampi nih an chim cio. Abik in Laimi kan i lawm tuk hring hran.

Ruah lo pi in kan hnu lai te ah khan Smuggler Boat ( Ti lawng ngan pi ) he Asylum ( Refugees ) minung 800 hna cu Australia ram chung Ti kulh ngan pi Christmas Island ah an rak lut than. An mah hlan zong ah Afahganistan ralzam pawl ..ti ban tuk tam lak te an phan i , thong thlak asi cang.

Australia cozah nih Minung tam tuk ti lawng in Australia ti kulh an phak ruang ah ( temporary thong inn ah minung an i tlum ti lo . an tam tuk cang ti asi. An tam lawng si lo in, thong inn ah mah le mah i thah nak le mei duah nak ti ban tuk buai nak phun phun atam tuk cang.

Cu caah Australia cozah zong a lung rethei ngai cang caah Minung 800 refugee hna cu Australia ram ah chiah lo in, Malaysia ah kuat ding le UNHCR ah register tuah lai i, Minung 4000 lak ve ding in Malaysia immigration he hna tlak nak an tuah ti asi.Minung 800 hi Malaysia ah a kuat ve lai na in, Malaysia UNHCR nih cohlan cia mi refugee minung 4000 Kum 4 chung ah ka lak ve lai tiah hna tlak nak bia an ceih ti asi. a tawi nak chim ah cun an i thleng ti nak ban tuk asi.

Asinain, Hi hna tlak nak an tuah mi kong ah mitam pi nih sualphawt nak le duh lo nak tam pi an chim ve. Mah lak ah cun ( Atu Australia cozah doh tu liberal party ) nih cun mah bia hi cu chungthu lengnal bak asi tiah an ti ve. cu lawng si lo in, Green Party zong nih Labour Party Prime minister Julia Gillard cung ah sual an phawt ve. an lung atling ve hawi lo. Cu ve thiam thiam in, Australia Immigration minister nih cun Malaysia ah kan kuat hna hnu ah tlawmpal lawng thong ah an tla lai i, an ramchung ah duhseh ten khua an sa ve than kho lai ti asi. Hi kong hi bia fiang lak in ceih aherh rih ti asi.

A cung lei hi a tawi nak in thawngpang um tu ning asi . sihmanhseh law, Laimi tampi zong Australia ramchung ah tampi kan luh khawh ve nak laam a si ah cun a tha tuk hringhran hnga tiah kan ruah.

Nihin ah Local mirang pawl he bia kan i ruah i, ka hal hna cio tik ah an chim mi pakhat cu Prime minister Julia Gillard nih refugees minung 4000 lak ding a chim mi hi ( election tik ah vote ) tampi hmuh i Prime minister tuan than an duh bia asi tiah an ti. Mi peem hna tam pi hi mi leem ( vote tampi hmu te ning ) ti aduh caah a chim mi asi. Cucaah hi cu asi kho lo. Atu Kan Prime minister cu Obama ban tuk in Mikip nih an uar ti lo i, a min a tla chin lengmang cang. Cucaah hi ban tuk kong tal hin mi thin lung lak ding aa timh bia asi lai tiah an hmuh . Lei ba tam tuk um mi hmanh a cham kho lo mi a si caah a ho hmanh nih an duh bal lai lo tiah an chim.An chim mi ka ruah ah khua tam ngai an ka ruah ter ve.

Azei ava si pauh ah , Kan nih lai mi caah cun refugee tam pi a kan lak ah cun kan i miak ko hnga. Cucaah Australia ram phak aduh mi hna nih, minung 4000 lak tak tak asi nak hnga lungchung te in thlacam cio ko usih. Hmailei kong cu zei alawh lai kan chim thiam cio rih lo.

Siaherh nak he,

Kawi Eng
Melbourne
Australia


Source::
YCCF-International@yahoogroups.com