free web counter
greyhound runningHurricaneRunning Ostrich

Friday, June 5, 2009

CNF Upa te an kan tlawng




CNF Upa te an kan tlawng
DC Area CNF regional Committee khua khan nak thawng in Chin National Front Chairman Pu Zing Cung, General Joint Secretary Dr Sui Khar le CC member Pu Thla Hei (Indiana) hna le CHRO lei in Pu Victor Biak Lian hna cu US state Department I upa hna he I ton awk ah Washington DC an rat pah in, Washington DC Area um Lai tlai pawl sin ah an ka tlawng. May 30/2009 zaan kha DC khausa unau cheu khat hna he tottinak le biauahnak ttinak an ngei. CBMC mino pawl zongnih an to pi hna. May 31, 09 kha CBMC biakinn tangah CNF kong ceihkhanttinak le biaruahttinak an ngei. CNF Chiarman Pu Zing Cung nih CNF an umtu ning le Pathian nih a zohkhenh hna nak kong, nihin ni cun ram le miphun caah kum 21 an kal cangnak kongte hna a chim. Dr. Sui Khar, Pu Thla Hei, Victor Biak Lian zong bia an chim cio hna. Cun mipi lei zongin bia halnak le bia lehnak an ngei. DC regional Committee lei zongin duhherh chimnak an ngei.
CNF hi kan miphun aiawh in Kawl ramkap cozah hriamtlai in a domi a si. An nih an I tlaih pengmi phung cu Chin miphun nih mah te in khua I khan khawhnak, zalonak, hmailei kawlram ah federal cozah (ramkomh cozah) dirhnak an si. Chin miphun a simi poah nih kan thluak, kan thazang, kan ngeihchiah in ttanpi cio hna usih.

Video in zoh na duh ahcun....