free web counter
greyhound runningHurricaneRunning Ostrich

Saturday, September 25, 2010

""Tuh mi Zun""

Galati 6:7 “Mi nih a tuh mi cu a zun ko lai”

John Lennon (Singer) 1960 kum hrawng ah hlasak thiam pa John Lennon nih, American Magazin Interview an tuah nak ah a chim mi cu: Christianity ti mi hi a dong te lai, a lo cikcek lai, fiang tein ka theih, hi kong ah hin bia el zong ka duh lo a rak ti. Zisuh cu a ttha ko nain, a kan cawnpiak mi hi a simple tuk, nihin caah hin hman awk a ttha ti lo, Beatles pawl hi Zisuh nak in kan min a thang deuh tiah bia a chim bak ah meithal in voi 6 an kah i a thi ko.

Tancredo Neves (President of Brazil ) President Campaign a tuah lio ah a chim mi cu, ka party lei in Vote hi 500,000 ngah ning law Pathian hmanh nih a ka thlak kho lai lo a ti. Vote cu a ngah tatak, a sinain, president a si lai nak ni khat aa duh bak ah a zaw i a thi.

Cazuza (Bi-sexual Brazilian composer, singer and poet) Canecio ah show a tuah lio ah, kuak a zuk i , a kuak khu kha van lei ah hoih in a chuah i “Pathian khakha nangmah caah” a ti. A rauh hlan ah cuap cancer in kum 32 ah thi.

The man who built the Titanic Titanic long hi an dih bak ah, reporter pa nih zeitluk in dah a tthat, a safe hnga tiah a hal. A leh mi cu, Pathian hmanh nih ti chung ah a pil ter kho lai lo a ti. Asinain, Titanic cu 1912 ah zei dah a cang ti cu kan theih cio mi kha a si ko.

Marilyn Monroe (Actress) Show a tuah nak ah Billy Graham nih a va leng i Pathian thlarau nih a ka chimh nangmah sin ah thawngtha chim ding in a ti. Monroe nih “na Zisuh ka herh lo” a rak ti. Zarhkhat rauh hnu ah a ihnak khan ah a thi bu in an va hmuh.

Bon Scott (Singer) 1979 ah a hla sak mi ah , “a hohmanh ra ka thlauh hlah uh, khoi ka poh ka kal lai, hell an ti mi zong ah ka kal lai, zei hell dah a um” tiah a sak. 1980 ah, aa luak i , a luak nih a thaw a phit i a thi.

Campinas (IN 2005) Campinas ah, Brazil mi hawi le kom group in zuu an ding hna i an hawi pakhat an thlau. Zuu an ri tuk. Va kawl than ding ah an chuak than. Pakhat nu nih cun, a fanu kha a ri tuk i a kal ter duh ti lo, a thlauh len nain a thlauh kho ti lo, a dongh nak ah a nu nih cun, “Pathian he va kal ne uh” a ti. A fanu nih cun, “Motor kan khat dih cang, Pathian caah hmun a um ti lo” a ti. Nazi pakhat hrawng rauh ah, thawng a rak thang mi cu, accident in an thi dih ti a si. Mi vial te an khuaruah a har dih, zeiruangah tiah cun, motor hi a zei hmanh a cang lo, cun an motor cu arti a phurhpah mi a si i, arti zong pakhat hmanh a kuai lo.

Christine Hewitt (Jamaican Journalist and entertainer) Hi pa nih, “Bible hi ca tial mi vialte lak ah a chia bik, a ttha lo bik a si” a ti. Kum 2006 June ah a Motor a puak i a mah zong a kang chih.

Pathian hi deh (nihchuah, capo) ding a rak si hrimhrim lo. Capo zong in deh ding a si lo. Minung nih thil kan ti khawh, kan tuah khawh tiah kan i ruah mi hi pakhat hmanh a rak si lo. Pathian min char in pakhatkhat kan ti sual a si ah cun a cung lei i kan hmuh mi ban tuk in kan tuh ning in kan zuun ko lai.

Kan bible chung zong, Jacob nih a pa Isak a hlen i (Gen. 27), amah zong kha a fa le nih an hlen ve (Gen. 37:31-34). Abaham, David, Solomon, etc…, hna zong an tuh ningin an zun dih, thatnak a tuh mi nih thatnak kha an zun i, thatlonak a tuah mi nih thatlonak kha an zun ve. Cucaah, chikhatte kan paw khim nak, kan diriamnak caah hin cun thatlonak cu tuah hrimhrim hnahlah uh sih.

A cung lei kan hmuh mi hna hi nifatin kan nunnak ah ralrinnak a kan pe tu le, Pathian ttihzah, upatnak lei ah lam a kan hruai tu si hram ko seh.

Pahniang

Manila, Philippines

////////////////////////////

Thursday, September 23, 2010

Old Names And New Names

Old Name

New Name

Burma

Myanmar

Rangoon

Yangon

Pagan

Bagan

Akyab

Sittwe

Amherst

Kyaikkami

Arakan

Rakhine

Bassein

Pathein

Maymyo

Pyin U Lwin aka. Pyin Oo Lwin

Moulmein

Mawlamyine

Myohaung

Mrauk U

Pegu

Bago

Prome

Pyay(Pyi)

Sandoway

Thandwe

Syriam

Thanlyin

Yaunghwe

Nyaung Shwe

Irrawaddy River

Ayeyarwady River

Salween River

Thanlwin River

Sittang River

Sittoung River

Tennasserim

Tanintharyi




Ref::Asiarecipe.com

Theih Awk Tete Le Theitlei

Dawtmi ca reltu tu mino vial te caan kar ah theih awk tete ka rak thlah..Hihi mifim mi hna i bia chung in lak mi hna an si i nun pi khawh zong zuam in hrial awk tete zong kan hrial awk ah a biapi tuk fawn..Siaherh nak in kan sawm hna..

(1) Na harsat nak kong na ceih lengmang nak cun.Na harsat nak philh kha i zuam deuh.
(2) Bia a tampi chim lengmang nak cun.Thil a hman mi pakhat kha tanh in i nun pi a tha deuh..
(3) Mi he i sik lengmang nak cun.Mi um lo nak ah mah lawng in um a miak deuh.
(4) Hal tu si nak cun.Hal mi si hmai a hngal deuh.
(5)Hngah mi si nak cun.Hngak tu si lung dongh nak a tam deuh.
(6) Palh nak pahnih cu.Thil hman pakhat ah a chuak kho lo.
(7) Zu din lengmang ko cu.Hmai hngal nak a chuah pi bal lo.
(8)Thil langsar paoh hi.Thil tha an si dih bal lo.
(9)Tei nak lak i a ngan bik cu.Mi ngeihthiam a si.Na ngeihthiam mi pa/nu cu a lu cungah mei ttil na chiah a si a ti.ca thiang nih..
(10)Toi dor nak le din nak cu.Tei tu an si zungzal.
(11)Mi palh nak hmuh thiam nak cun.Mah palh nak i hmuh kha Pathian aa lawm deuh,
(12)Palh hnu i mi va nawl len nak cun.Palh hlan te ah i ralrin a tha deuh.
(13)Har nak na ton mi le palh nak na tuah mi chungin.Fim cawn nak ah i lak.
(14)Rian tuan tu tha lo nih cun.An hriam nam kha an mawh chiat tawn.
(15)Minute pa 5 in it rih ko ning timi nih.Za tlak nak tam pi a chuah pi tawn.
(16)Na duh mi na tuah lengmang ko nain na tuah khawh lo mi cu.Dai tein um ko.Ruat ti hlah.
(17)Tuah ser nak cu hmur kaa nak in.Hmual a ngei deuh.
(18)Thawngtha bia cu a sau pi chim len nak cun.A tawi te chim kha a ngai tu caah hmual a ngei deuh.
(19)Palh nak aa hmu kho mi cu.Tei tu an si zungzal.
(20)Thil tha tuah i ning zah cu.Hawisin phanh khawh lo nak a chuah pi.
(21)Pathian rian tuan pah le phaisa kawl pah cu.Aa ral kah tawn.
(22)Khrihfa kan ral ngan bik cu.Nuamh nak a si.
(23)Rum a duh mi nih a chaw kha.Pathian sin ah an khon tawn.
(24)Bia kaa khat nih thih nak a chuah pi kho i.Nun nak zong a chuah pi tawn.

Phungthlukbia.6:16.Bawipa nih a huat mi thil paruk an um.A fih mi pasarih an um..Cu hna cu.Porhlawt nak mit.Lih chim hmang mi lei.Khul rang in a thli mi ke.Lih a chim lengmang mi tette le u le nau kar lak i rem lo nak thlaici a tuh tu.
Cawnpiak nak ka hmuh mi cu hihi a si'Tlawm tein it rih ko ning.tlawmtein i hngil rih ko ning.tlawm tein ka kut cu i din rihseh ti chung ah hin.Sifah nak cu mifir bantuk le herh bau nak cuhriam aa put mi miramh tu bangin na cung ah a phan lai..Phungthlukbia.24:33.34.
Miphun a lian ngan tertu cu din nak a si.Sual nak cu zei miphun paoh caah ningzah nak a si..Phungthlukbia..14:14..


Lai Kam Thang
Malaysia

Monday, September 20, 2010

DV-2012 Lottery Starts Soon!!!

US nih kum tin tein a tuah ton mi DV-Lottery cu sawk caan a cul deng cang i a ruah hlanah sawkkhawh a si cang lai.Na u na nau na hawi na kawm hna zong an theirih lo sual ah cun thawng hna thanh cio cang hna uh sih.Kawlram lei cu Online foi le bai in an thut khawh lo caah ram dang a um mi hna nih Kawlram um kan unau hna caah i sawkpiak cio hna uh law a ttha lai.DV-Lottery hi paoh ah cun US ah foi tein an rak phan lai sawk a duhmi nan um ah cun hmanthlak le a herhmi tete ready in um cang hna u sih thil ttha hi caan saupi kan mah duh caan ah a um thiam ton lo a mah le caan tein doi a hau.Hmaithla Octber 5.2010 in November 3.2001 kar hi sawk caan a si lai thlakhat te lawng an awn caah tlawh lo ding a si lai. Hika ah hin rak zoh te.Kan mah tein kan u kan nau caah sawk dan kan thiam/theih lo sual zongah kan pawngkam a thiammi an um ko lai hlathlainak ngei cio cang hna uh sih. US um mi hna mah tein a ti kho deuh lo mi le pawngkam ah bawmtu a ngei lo mi kan um sual ah cun keimah zong nih bawmhkawh kan zuamte hna lai cu.Nikum Kawlram in DV-Lottery a hmu mi minung 367 nih an hmuh Hika ah zoh khawh a si.





Sunday, September 19, 2010

A Huammi Ca-ah

Tu hrawng cu um har ah Youtube ka zoh pah ton i a phun2 ka hmuh mi nih ruahnak phun2 a ka pe mi zong a um len.A tang hi a huammi nih rah zoh ve te uh.Mirang vunrang kan timi hna hi fim an kan ti lio hna ah hin zoh dawh lo ngai in an um ko lo maw? ti hi ruah awk a um ngai.Sa ram a mah tein a ummi hna an mah pumsa i nuamnak lentecelhnak ah an hmanmi hna hi sermi thil nung a si ve mi zangfahnak lungthing an rak ngei lo hi taa.Tampi a um ko khah a huammi nan um ah cun rak zoh ve te hmanh.





Amalek Ral kan I Ralrin awk!

Amalek Ral kan I Ralrin awk!

I Pet. 5:8fim hringte in um u, ralringte in um u…..”

1. 1. Amalek pawl hi Israel hna hnahnawh tuk an si lengmang. Pathian nih a tinh piak mi hna ram an kal lio ah kal thiam lo ding in hnahnawh tu an si (Exo. 17). Setan nih hin Pathian nih a kan tinhpiak mi duhdimnun ram kan kal nak ah hna a kan hnawh lengmang ve. Crusade, camping, pumhnak hna kal thiam lo ding in motor, bus, taxi, inn rian, hoi le he party ngeih, chung le he ph i ching, tbtk….a phunphun in hna a kan hnawh. Hi pawl hi tei khawhnak lam, hrial khawhnak lam a um zong ah kan phisin duh theng ti lo. Kan i ralrin ngaingai a hau mi si. (Sunday i rian a tuan mi caah cun phun dang si i, a dang in kan fian ter than te lai).

2. 2. Pathian nih a kamh mi hna Canan ram an phanh hnu zong ah Amalek (Midian & nichuah lei mi hna zong) pawl nih hin Israel mi pawl cung ah hna an hnawh thiamthiam rih (Biaceihtu 6:3-6). Israel mi pawl an thil tuah mi poh ah hnahnawh ding an i zuam peng. An cin an thlak mi le an satil vial te zong ei awk ngeih lo tiang in an hrawh piak dih hna. Khrihfabu chung ah, kan i hoikomhnak ah , kan inn chungkhar cio ah, buaibainak phunphun, harnak phunphun in setan nih a tuah peng thiamthiam. Hi vawlei kan nun chung cu setan nih hna a kan hnawh peng ko lai. Buaibainak thil kan ton caan poh ah hihi cu Amalek ral a si cang ko lo maw tiah, Pathian sinah thlacam, ruahnak hal i, ralrin ten um peng kan herh hrimhrim ko.

3. 3. Siangpahrang Saul nih aa palh nak cu, Pathian duh nak ka tuah pah lai i Amalek he i hoi komhnak ka tuah pah lai a ti mi hi a si. Pathian duhnak zong ka tuah pah ton ko lai i, ka duh poh in ka nung pah lai ti mi kha a ngah lo. Pathian nih a duh lo, Pathian cu zerngeih hmangmi asi (Deu. 4:24). Amah longlong thangtthat a duh mi Pathian a si.

Setan hi Khrihfami cung ah hnahnawh ding in aa zuam peng ti hi philh hlah uh sih. Nifatin kan nunnak ah hi ban tuk Amalek ral (Satan pa) hi phun khat si lo cun phunkhat in kan tong lengmang ton. Hi ban tuk kan ral a si mi hi theihthiam le theih khawh long si lo in, tei khawh zong i zuam cio hna uhsih.

Thlarau Thianghlim hi kan nunnak ah mikhual ban tuk in um ter hlah uh sih, inn ngei tu deuh asi. Inn ngei tu nih cun a inn cu amah duh ning tein a ttamhmawih lai i, amah nawl in a tuah dih awk a si ko.




Pa Hniang

Manila, Philippines