free web counter
greyhound runningHurricaneRunning Ostrich

Saturday, September 11, 2010

Daniel Nun In Cawn Awk

Daniel 1:8 “…..siangpahrang nih a ka pek mi rawl le zu hin kaa thurhnomh hrimrhim lai lo…….”

Kan ram a si lo mi, kan phanh bal lo nak ram kan phak tik ah, holh ai dang, nun caan ziaza a aidang, ei din aidang, upadi aa dang, a tam u cu aa dang dih. Pathian kan zumhnak le kan pom ning zong lam a kan pial ter sual lai ti hi phan a um ngaingai.

Babylon siangpahrang Nebukkhadnezzar nih Jerusalem khuapi a tei, a lak tik ah mino cheukhat pawl cu Babylon lei ah an kal pi hna, cu hna lak ah Daniel zong aa tel ve. Babylon an va phanh tik ah Daniel caah thil thar long te a si cang. Daniel le a hoi le pawl cu Siangpahrang inn ah duh poh in ei din khawh nak, siangpa hrang ei din mi kha ei khawh ve nak nawl an ngei. Zeihmanh phan awk um loh, duhpoh in um ding, ei din ding khi a si ko. Sihmanh sehlaw, Daniel nih cun “ siangpa hrang nih a ka pek mi rawl le zu hin kaa thurhnomh hrimrhim lai lo” a ti.

Nu le pa, chung le khat um ti lo nak ram kan phak tik ah tukforhnak phunphun a ra cang: na chung le nih an nin hmu lai lo cuh, zeihmanh poi lo cuh, an tuah cio mi si ko cuh, nangmah nawl si cang cuh (human right), hi ka ram ah cun sualnak si ti lo cuh, ti ban tuk a ra cang. Danial zong hi Babylon a phanh ah cun tlangval mino te dakaw a si, duhpoh in siangpahrang inn ah um i, duh poh ei, din cu a nuam tuk ko lai si. Asinain, Daniel cu dinfel tein a um peng. Chimh khawh ti lo mi fa le nau an tam ngai cang ko ee, tiah ka chung le ka hawi le nih an ka ti tik ah ka ngeih a chia ngaingai ko. Nihin ah Daniel nih a kan cawn piak mi hi fak deuh in ruat tuah uh sih.

Pathian nih thluachuah in pe ko hna seh.


PaHniang

Manila, Philippines

/////////////////

Friday, September 10, 2010

Mithi A Thawhtermi "Mel Born" Video

Bawikhrih min in nan kut kan tlaih hna. Kan umnak cio ah damnak he lam a kan hruaitu kan Pathian a min thiang thangthat si ko seh. Bawipa a ttha, a ttha i a ttha hringhran. Vawlei ah amah dah ti lo cun thangthat awktlak an um lo. Nitin te kan nunnak ah a vel hi kan caah a zaa ko. A hlei in a sualmi nanglekei ca ko ah a tha khun. Sunparnak vialte Bawipa ta si ko seh.
Bible kan zoh tikah Zisuh cu Pathian fapa asi bantuk in khuachia a thawl, zawtnak phunkip a dam ter, mithi a thawhter i misual nanglekei kha zungzal thihnak in zungzal nunnak ah a kan hruai. Bawipa min thangthat si ko seh. Kan Bawipa Zisuh nih a nun lio ah thil khuaruahhar a tuah ta mi vialte kha a tu ahcun Pastor Mel Born timi sin in kan mithmuh ah sunparnak a van i langhter. Zaankhat cu a mang ah Zisuh nih bia a chimh i a rian tuan dingah a fial. Bawipa aw a si a theih caah el lo tein a biatheihning in a rian cu a tuan.
A biakam a let ballo mi Bawipa nih a bia bantuk tein a umpi. Cu pa hmang cun cancer, a mit a cawmi, a zengmi vialte damnak a pek hna i mithi tiang hmanh in a thawhter than. Cu zeizong vialte cungah nawl ngeimi kan Pathian sunparnak cu mah pa cungah khuaruahhar in a van i langhter thannak video hi Khrih a zummi vialte nangmah le keimah nih a thar in van hmuh ve lo ding cu ka sia a herh tuk caah a video link ka van in kuat hna. Pel lo tein rak zoh law, kan piakmi kan Pathian a thilti khawhnak hi a tak in rak tuar ve ding ah Bawikhrih min in kan sawm hna. Hi ca a relmi vialte nan dihlak cungah Pathian a thawnnak tlungin thluachuahnak in pe ko hna seh.






Bawikhrih ah nan hawidawt,

Tial Lian Thang (Chinmino/LaiMP4

Wednesday, September 8, 2010

""Malaysia In Ram Thumnak""

Kan hnu thla August,2010 chungah Malaysia in Ram thumnak lei ah UNHCR bawmhnak thawng in a kal a zuangmi hna a tang lei bantukin an si.Thla khat ah mah zat zatuak in hin kal khawh lengmang si sehlaw kum khat ah cun kan Miphun hoi lungre a thei le harsa ngai in a um mi le nu le ngakchia minung tampi an luat lai mu.

1.USA______ 420
2.Norway____132
3.Newzealand_129
4.Australia___ 30
5.Denmark ___4

Tuesday, September 7, 2010

Model Shwesin Sponsor A Ho Nih A Pe?

Phaisa lut hmuhnak lei in hmannak lei ah a tam deuhmi model Shwe sin ah journal pawl nih zei sipuzi ngan he peh tlaihnak an ngei hnga maw tiah theih an duh tuk cio mi a si.

A tu thla ah Handphone ting(360) man a cawk.Cun bazaar ka kal ah hin ramdang ah ka kal a ti .Voikhat Bazaar ka kal ah hin dollar in thawng sawm kua le ting khat a si ti in August thla ni (19)chuah (7)day journal ah a chimh.

A tu August thla chung a ngeih mi thil a langhter mi hna cu Maktu a pum mi te hi ka duh tuk caah ka cawk.Mawtaw pakhat nih a tlum lo ca ah Macidi mawtaw hi mi nih an duh lio can le a paw lio caan a si caah Macidi mawtaw ka cawk chap a ti.Cun pakhat Cidizia tudule pakhat lam len nak ah ka cawk than tiin August thla interview an tuah lio ah a chim.Mitam pi nih mah bantuk in phaisa hman khawh hi cu ralkap bawi he pet tlaih nak a ngei lai ti an zumh.Model Shwe hi Mandalay nu a si i,2009 kum i model zuam nak ah lak sawng a hmu ve mi pakhat a si.Ref.Irrawady.


Pa Tluang

Aizawl

Sunday, September 5, 2010

Thai Lock-up Ah Kum 2 Deng An Um

Lai ralzaam ngakchia, Kap Cung Lian cu Thailand lock-up ah kum hnih dengmang a um hnu ah September 1, 2010 ni ah khan dam tein US ram a chungkhar sin ah a phan cang.
“Pathian nih kan thlazacamnak a kan leh, kan lunglawmhnak hi a chim zia zong kan thiam lo. Kan fapa dam le lawm in kan sin a rak phaak khawh cu kan lunglawmh zia kan chim kho lo. A tthan zong a tthang zong a thang deuh i a tung zong a sang deuh” tiah hringtu a pa Pu Zai Awi nih Chinland Guardian sin ah a chim. Airpor i kan va tonnak i kan van hmuh ah cun kan lunglomhnak mitthli a tla tiah a chim chih.
“Hi kan fa kongah kanmah nih zeihmanh tuah khawhmi kan ngei lo. Atu bantuk in a kan bawmtu Lai Churh vialte le, bu vialte , cun Raks Thai Foundation hna nih kan fa pa a luancia kum hnih cung an tawlrelnak kong ah kan i lawmnak a sang tuk” tiah a hringtu a pa nih a chim.
2008 lio ah Kawlram in Malaysia lei an rak rat pah lampi ah Kap Cung Lian (mah lio ahhin kum 9 a rak si) le a dang Lai ngakchia panga ( kum 10 tang) hna cu Thai Palik nih an rak tlaih hna. Thiang Bik, 5, Philip, 7, Ngun Za Thin, 9, and Roland, 11, hna tu hi June 10, 2010 ah an nulepa sin Norway ram ah an phan kho. Nain Kap Cung Lian le San Duh Sang tu cu Thai Lock-up ah an rak taang peng. September 1,2010 ni ah Kap Cung Lian cu US ram a chungkhar sin ah a kal kho ve cang. Nain San Duh Sang tu cu amah lawng nihin ni tiang a taang ko rih.
San Duh Sang dah ti lo cu Thailand i a taangmi kan ngakchia hna cu dam tein an chungkhar sin ah an phan kho cang. “A kan bawmtu an cungah kan lung ai lawm hringhran i , a hleice in a kan bawmtu Raks Thai Foundation cungah kan i lawm,” tiah Thailand um Kenneth Biak Cin nih Chinland Guardian ah a chim. San Duh Sang zong hi a rauh hlan ah a chungkhar sin ah a phan ko lai tiah ruahchannak kan ngei.Kap Cung Lian, kum 9, a chungkhar hna cu kan hnu Feb 25 ni ah khan UNHCR Malaysia lei in US ram ah an rak zuang. Hi lio ah KCL cu Thailand Lock-up ah a rak taang.— Chinland Guardian




Seihnam