free web counter
greyhound runningHurricaneRunning Ostrich

Friday, October 29, 2010

CNF le Nihin Kan Chin Miphun

CNF aa thawknak in kum (22) chung a ralbawi uniform i phawih lo in, kan miphun ral a kan kham piak tu CNA ralbawi Colonel Solomon cu, America ram an khuapi bik Washington DC ah a um mi kan Chin miphun nih sungluai ngai in an dawn. Col. Solomon cu 1988 in CNF ah a lut i, 1989 Kachin ram KIO head Quaters ah a hawi kan Chin miphun (72) he ralkap training a lak dih in, ral tam pi an doh hnu ah kan Chinram ah an rak tlung. Kan ram chung CNF/A rian ttuan nak ah lutlai tu pakhat dirhmun in kumtam pi thisen le thlanti lak ah rian a ttuan mi a si i, kan miphun nih nihin kan tawn cuahmah mi thil ttihnung le kan siining fiang bik in a thei cu CNA ralbawi nganbik a si.
Col. Solomon hi a pu le a pa an chan hrimhrim in, kan miphun le kan ram a rak veng tu le a rak zoh khenh tu mi ralttha chung an si. Col. Solomon a pu Thantlang bawi Pu Lal Luai hi mirang nih kan Chinram an rak tuk lio ah, mirang a rak do tu kan Chin miphun lak ah minthang bik pakhat a si i, nihin Thantlang certual cu Pu Lal Luai philh lonak min an pek. Col. Solomon a pu tthiamtthiam, Hriphi bawi Pu Khar Luai hi lairal tiah kan ti mi 1914-1917 mirang kan miphun nih an rak doh lio ah, hruaitubik pakhat a rak si. Kum tampi mirang nih thawng an rak thlak. Col. Solomon a pa Captain Mang Hei hi raltthatnak ah minthang a rak si i, kan kawlram Communist pawl kut tang ah a phanh lonak ding ah a rak kham tu ralbawi pakhat a rak si. Kan Chin miphun nih hi bantuk raltuk thiam le miral ttha hna chung in a chuak mi ralbawittha Col.Solomon kan ngeih hi kan van a ttha hringhran ko.
Col. Solomon cu Washington DC ah ni (4) a cam chung ah, Washington DC area a um ni kan miphun u-pa pawl, kharihfa bu ah pastor pawl le Hakha a rak um lio i, ahawi le tthingpawl an um nak a va zoh piak hna i,a va tawn hna. A len vah nak ah Pu Thla Hei, Dr. Bawi Uk Thang, Pu Van Luai, Pu Nun Uk Cung le keimah nih kan zulh peng i, motor kanmawngh piak.Kan ramchung a rak um lio ah pumpaluk cuih lei in a thiam bik le minthang bik pakhat ah aa tel mi a si leng in, Sunday school saya attuan i, mittha ngai a si caah a thei lo le a daw lo mi an um lo ti awk a si.
Washington DC a rea a um mi kan miphun upa pawl cu zohchunh awk tlak taktak an si. Khua an hngal, miphun an daw i, mi cawnglawmh le dawt an thiam. 10/23/2010 zan ah Col.Solomon le Pu Thla Hei cu a tu lio CNF cawlcanghnak le hmialei kan miphun ca saduhthah nak he biaruah ttinak tuah piak a si. Keimah nih Chiarman ka ttuan piak hna i, Pu Thla Hei Chinland club kong le USA chung CNF rianttuan nak a chim. A chim mi an lung a si tuk i, minung (70) hrawng nih Chinland Club ah lung tho ngai in kan ni tel lai tiah an kan ti. A dang can pawl cu kan ralbawi pa biachimnak le bia an rak hal mi pawl a lehnak hna in suimilam (4) chung kan can cu kan hman. CNA pawl an reitheihnak kong chim ah a mitthli a thla mi le a lung a hno mi lawng te kan si i, tthim hmanh tla seh law, kan theih lai ti awk tluk in kan dai.
A chim mi tampi lak ah an lung a suk cem mi hna cu thlanglei laitlang nih chaklei laitlang hi nupa taktak bantuk in an kan bo chan. kawl ralkap nih kawlbiaknak biak ter ding ah phungki tamtuk an rak thlah hnawh hna. CNA pawl nih tthawlpiak hna hlah uh si law, kawlbiaknak nih tamlak te a khuh cang lai. CNA nih kan tthawl hna hnu in, kharihfa si ter awk ah missionary tamtuk kan herh ko. Kan Chin miphun nih kawl sin tu ah tamlak te missionary kan ni thlah i, Pathian bia kan va chim ti kan theih, a sinain kan miphun tu cu Pathian bia chim tu le cawnpiak tu ngeih lo in kan vaih ter hna. Lungfah ngai awk thil a si. Hi hi kan ruah piak tthan uh tiah bia ngai tu vial te a kan nawl.
CNA hi um hlah seh law, kan ram hnarcheu ah Rakhiane ralkap (tapung) pawl an rak phan lai i, an duh mi pauh an tuah lai i kan mipi an hrem hna lai. CNA nih nihin tiang cu kan khamh khawh nain, kan CNA rakkap nunnak tampi kan ni kah nak ah a liam. Hihi kan miphun tam pi nih nan kan theih pi lo a ti. CNA hi rak um hlah seh law, dohthlennak min i lak riangmang in mi pi cung ah duhpauh in phaisa ahal ding mi mitthalo bu (daa-miah) tam pi an um lai. An chuak hnih nain, CNA nih kan khamh khawh hna caah a si ati.
Kachin le Karen ram ah cun Pastor pawl vial te Political training an kai dih i, an ram doh thlennak ah thluk ngai in rian an ttuan ti kho. Kan mah zong kan pastor pawl le kan hrawitu pawl nih kan dihthlennak hi thluk deuh in kan theih pi hna seh law a va ttha hnga dah a ti. An nu pi le an fa le pawl he, an ui an ar pawl kal pi in ral nih an dawi hna nak kong a chim ah cun a ngai tu caah celh awk a ttha lo. Kan mah bantuk kan miphun a duh apuh kanmah ban tuk in duh pauh in refugee sawk in kan sin ah a nuam kho ko ding zeiruang ah hen hi thluk reithei hi an in tiin mi hnar ruh no a ttam dih. Bia chim le a thiam fawn i, mah zan cu a bia chim ngaih cim lo bu in zan 11:pm a phan i, ttin a zaa aii.
A thaizing 10/24/2010 zarh pi ni ah Chin Bathel Church (CBC) le Chin Baptish Mission Chucrh (CBMC) biakinn pawl ah bia a chim dih hnu in, Mara Community Church (MCC) le Zotung Community Chuch (ZCC) i, u pa pawl sin ah Col. Solomon cu CNF upa dang pawl le tiah kan va len hna. Lungtho ngai in CNF rian ttuannak ah kan nin bawmh hna lai tiah ZCC le MCC u pa pawl nih lungtho ngai in an rak kan ti. 10/25/2010 ah Col. Solomon cu Indianapolis lei ah Pu Thla Hei, kan nu le keimah nih kan rak tlun pi i, a tu hi Indianapolis ah a far nu Dawt Thahlei Par te inn ah aa tthum. Kum (22) chung inn in a chuah hnu in a veikhat nak (a family)a chung le sin a phanh tthan a si. A caah a sungluai tuk mi ni a si. Asinain, a daw bik tu a nu sin cu a phan kho rih lo.
Miphun hawi hna, CNF le CNA hi um hlah seh law mu...kan miphun nih kan tawn hnga ding ral hi ttih a va nung lai dah.
CNA ralkap pakhat cio sin ah u pat nak he,
Daniel Sakhong
Indianapolis

Tuesday, October 26, 2010

"Thihnak Dah Ti Lo Cun DVD A Chuak Cang"

Kan hnu zarh ah thawng ka rak thanh cangmi "Thihnak Dah Ti Lo Cun" DVD a chuak taktak cang i US ummi hna caah a tang lei Address hna ah hin cawkkhawh an si cang lai.A si khawh chung in thazang nan rak pek cio hna nak lai kan in nawl hna.


Anthony Kham ( Than Kham)

11011 SE 256 TH ST.Apt. U 202

KENT, WA 98030


Siang Ceu Thang ( Siang Zung Peng)

3101 N Midland Dr Apt # 1103

Midland, TX 79707


JeromiahThang ( Piter Pa)

902,Hooper Ave #A

Baltimore,MD-21229


Salai Tial Lian Thang

10811 Henley

Columbia MD- 21044


Mang Bawi

1531 S. Hwy 121.apt#1110

Lewisville,TX 7506


Chan Zung Nawl

1632 Stewart Ave SE

Roanoke,VA 24013


Chan Hnin Mang

739 Ave A Apt 1B

Springfield,MI 49037


Hoi Phen

305 W Mary street APT B.5

Gardencity KS 67846


Mawng Oo(Thang Tial Uk)

916 Rentham Lane

Indianapolis.IN 46217


Biak Cin Thang

212 Kendall Ave Apt#E

Highpoint, NC 27260


Sing Tun (Pa Fung)

121 Hickory Trace Dr Apt 166

Nashville .TN 37211


Ni Luai Sang Hlawnching

751 N. Indiancreek DR Apt 664

Clarkston, GA 30021


Anthony T Hlun( Mang Ceu)

4014 Frederick.St

Omaha.NE 68105


Biak Mang

1021 Sw Virginia Apt A

Amarillo, TX 79102


Za Thawng Ling

8515 Parklan Apt# 807

Dallas .TX 75231


Iowa ( Zung Hei) Cell::773 706 2806
Wheaton( Na Ni) Cell::630-687-5995

KIO Neme Laiza Myoh Bazaar Mei Nih A Kangh

Makuai taing pakhuhkho district mitchene Nyawnghlah khua pawng ah zinan pipe line pi cu a kuai.Zinan a zut mi cu nyawnghlah khua tingtaw aingci nyawngni le kancisuk khua hna nih an than lio ah nizan thla(25)zan lei nazi(7)ah zinan pipe pi cu mei nih a kangh i minung13 an thi hma pu mi hi (100)hrawng an si lai ti a si.
laiza-market-fire.jpgfire-3as_260_220.jpg


Cun nizan thiam thiam zan lei ah khan Kachin Independent Organization(KIO) thing choih ne me a si mi taluk le kawl ram ram ril ah a um mi Laiza myo Bazaar pi cu mei nih a kangh i vut cam ah a cang dih.Sang khan pawng(106)a pawng kam i inn(9)le ziahkuat committee zung(1)a kangh chih hna.Thil man a kangh chih mi hi ting4000 cu a si lai ti in KIO Buhmu pa nih a chim.A ho nih a khangh ti cu an theih rih lo na in ma tingkain an zumh mi Taluk nu va hi an zumh hna i a rannak in Taluk ram ah an zam cawlh. Taluk nu va hna cu tliah ding ah a cozah sin ah bawm nak an hal hna.

Cun a rannak in mei nih inn a kangh chih mi hna cu bawmh hna ding ah committee ah pheuh cawlh KIO nih ting(1000) an bawmh hna.A dang NGO le a cozah sin hna ah bawmh nak ding ah thawng an thanh cawlh .News,BIN.



Patluang
Aizawl,

Monday, October 25, 2010

Kawlram aalaan thar hman a si cang


2008 phunghrampi nih hman dingah hnatlaknak a ngeihmi aalaan (flag) thar cu kan hnu cawn nili ni zanlei sml 3 in Kawlram pumpuluk ah an thlai cang. Aalaan thar hi a cungcem ah a eng, a chang ah a hring ,a tangcem ah a sen i a laifang ah arfi nganpi pakhat a um, cun1974 kum ah rak tuahmi kum 36tlin hnah a rawl mi a si. Kawlram nih 1948 zalennak a hmuh thawk in a voithumnak aa la an an i thlen a si. Hi aalaan thar an hman hi thimn ak tuah dingin ni 17 a duh ah a si i Republic of the Union of Myanmar tiah thlenmi Kawlram a aiawhtu a si lai. Aalaanthar ah a ummi arfi nganpi pakhat nih miphun tampi umnak (federal) si loin miphun p akhat lawng umnak (Unitary) a sawh duh deuh ti ruangah aalaan ser lio ah tlangcung mi an rak buai ngai nain hman dingah bia fehter thiamthiam a si.(Ref:Irrawadd)







Faiceu group



Sunday, October 24, 2010

Pathian Thil Ti Ning Hi Kan Lung A Tlin Lo Ah Cun?

Pathian thil ti ning hi kan lung a tlin lo ah cun?

Rom 8:28 “…….zeizong vialte hi a ha lei ah a serpiak ko hna……”

Khrihfami nih kan ti ton mi cu Pathian nih kan caah a ţha bik in khua a kan khan piak ko ti hi cu kan chim ton. Asinan, kan duh lo mi le kan ruah lo piin thil kan ton tik ah kan tuar kho ngaingai ton lo can a tam.

Siangpahrang Hezekiah cu Pathian nih “na dam ti lai lo, hi vial hi na caan cu si cang ko, thih awk ah i tim cang ko” tiah profet Isaiah hmang in a va chim tik ah, Hezakiah nih cun a celh bak lo i, vanpang lei ah khan aa mer i thla a cam, lunghno ngai in a ţap. Cun, Pathian nih na thlacam cu ka thei i na mitthli kha ka hmuh, kum hleinga kan nun ter rih lai tiah profet Isaiah hmang in a chim ţhan (2 Siangpahrang 20:1-6). Pathian nih, hi vial hi na nun can cu si cang ko seh a ti mi kha a lung si lo i thla a cam ţhan tik ah, kum 15 a chap than, a phi chuak cu a ţha ngai mi a lo ko. Sinan, hi kum 15 chungah hin fapa Manasseh a chuak, Manaseeh nih cun Judah cu kum 45 a uk. Sinan, Manasseh hi Judah siangpahrang lak ah a sual tatak mi a rak si, a fapa tiang raithawinak ah a khangh. ( 2 Siang. 21; 2 Chan. 33:6). Cun hi kum 15 chap mi kum ah hin Babilon nih Judah kha nganhta mi zeihmanh um lo in an lak ding nak kong kha a chim, zeicahtiah, amah nih Babilon lamkal tu hna kha zeihmanh nganhta mi um lo in a hmuhsak hna caah si (2 Siang. 20:12-19). Hi vial te hi a chap ţhan mi kum 15 chung i a phi chuak pawl an si.

Malaysia hi voi thum ka kal cang. A voi thumnak ka kal lai ah hin thla ka cam mi cu, “Malaysia visa apply ka tuah lai i kal seh ti na ka duh ah cun visa hi rak ka ngah ter ko” tiah thla ka cam. Visa cu apply ka tuah i ka ngah lo. Pathian nih ka kal ding a duh lo kha a si ko cang. Sinan, lam dang ka kawl i Singapore lei in Malaysia ah cun ka kal thiamthiam. Zei dah cang? Ka rak kir lei ah ka bag pakhat a tlau!

Hezekiah siangpahrang pa a nunnak in fiang ten kan hmuh khawh ban tuk in, Pathian sinah thla kan cam i kan caah a ţha lei kap in a phi a kan pek hnu ah kan lung a tling lo i a phunphun in kan cawlcangh rih, kan hal chih rih a si ah cun a phi chuak cu a tha lem ti ton lo. Na nunnak ah thla na cam i, Pathian nih an leh hnu ah lungtling lo hna in na um sual ton maw? Pathian thil ti ning hi lungtling tein leh khan ko uh sih law, amah hi rinh lawlaw, i bochan lawlaw ko uh sih, Kan hmai lei a hmu chung kho tu Pathian nih kan caah a ţha bik in a kan khan piak peng ko lai! (Rom. 8:28)




Pa Hniang

Manila, Philippines

Kum 5 Nute A Tlaihhram Hnu Ah A Thah

Aizawl khua Thakting veng ah kum 5 a si mi ngakchia nu te cu misual pakhat nih motor chiahnak godawng ah a tlaihhrem i a sualpi dih hnu ah a thah. Emmanuel Zomuanpuii ti mi ngakchia nute hi 18.10.2010 zing ah khan a chung le nih an hmuh lo caah an kawl len i mah ni zanlei ah an in pawng motor chiahnak godawng chung ah a ruak in an char. A that tu mizual hi Thakthing veng mipi le Police pawl nih ni 3 chung an kawl hnu ah an tlaih khawh.Mah pa a min cu Lalrammawia kum ( 26) Salem veng Aizawl i a um mi pa a si. Police te nih bia an hal nak ah Peptica timi ritnak sii pum 10 ka din pin ah zuu funkhat ka din chih a ti thakthing lei ah ka rak leng i ngakchia nute hi ka hmuh changreu cawk piak ding in ka sawm i kakal pi a ti.Tlawmpal kan kal ah khin a duh ti lo i kan kir pah ah motor chiahnak godawng kan phak bak khin ka lung chung in sualpi duhnak a chuah caah a ban in ka hruai i a chung ah ka luh pi a ti. Ka sual pi ah a fak tuk tiah a au caah a leng lei mi nih an an theih lai tiah a ka ka huh I mah lio ah cun ka lung chung ah na ti lawlaw cang ko caah that lawlaw ko timi Sehtan bia bantuk khi ka lung chung ah a chuak i ka pawng um mi thlakrawh in a lu ah voi 4 ka cumh ee a ti. Ka lu le kataksa ah a thisen ai neh mi pawl ka hmuh hnu lawng ah ka lung a fim a ti. Hi misual pa hi ngakchia nute a thah hnu ni 3 nak ah ahawipa inn ah a ih lio ah an tlaih. Thakthing mipi le a thi mi ngakchia nu te i a chung khat pawl nih misual pa cu police nih an tlaih ti an theih bak khan , Police umnak ah an kal hnawh hna i, misual pa hi rak kan chuah piak uh tiah an au hnawh len hna, a si nain Misual pa cu, mipi nih an thah sual lai tiah polik pawl nih a himnak ah an thuh, 22.10.10 zan 11 P.M ah misual pa interview an tuah nak kha LPS cable TV network in aizawl mipi sin ah an vun thlah. Zei tluk ngaichia dah asi.
Patluang
Aizawl