free web counter
greyhound runningHurricaneRunning Ostrich

Wednesday, October 6, 2010

CNF Le Nihin Kan Miphun Dirhmun (Part 1)

Miphun Hawihna,American a cozah nih a nai te an chuah mi ca ah Malaysia lei in kan Chin miphun USA a rak phan mi hi (18205) an si an ti.Indian, Thailaland, Burma ram le a dang dang a rak lut mi he cun kan chin miphun (20000) leng USA ram chung ah hin kan um tinak a si. Kan umnak khua hi khua 100 leng ah kan nih tthen dih i, Indianapolis, Dallas, DC pawl hi a tam bik kan um nak a si i, Indianapolis lawng ah hin 6000 hrawng kan um. Europe, Australia, New Zeland, Canada a phan mi he tuak ah cun kan miphun vawlei cung ram tha bik pawl a phan mi hi kan tlawm ti lo. U le nau hna, Pathian nih thil a tuah pauh ah hin timhnak le duhnak ngeih lo in a tuah bal lo. Pathian nih zeidah a kan duh piak ti hi ruah cio lo in kan um lai lo. Hi kong ruah tik ah fiang tuk i a lang mi cu kan Chinram ah phaisa kawlnak a ttha rih lo, sianginn ttha a um rih lo. Pathian nih a kan duh piak mi cu ka ttan pi hna i, ka bawmh mi hn hi hmu hna seh law ka zum chin chin hna seh, cu lawng si lo in ramttha ah va kal hna seh law phaisa tampi kawl kho hna seh, vawlei cung fimnak sangsang va cawng hna seh ti a kan duh tihi fiang te in a lang. Khat te lei in kan chim ah cun kawlmiphun kut thang ah a um mi ka fa le Chimmi hna hi an ram ser tthannak caah fimnak cawnnak can tha pe hna ning, an ram sernak caah phaisa kawlnak can ttha pe hna ning law a ram hi sertthan hna seh ti hi a si ko. Hi Pathian nih canttha a kan awnhnak hi le a kan duh piaknak hi ttha tein hman thiam ding ah CNF nih a timh i, rian a tuan. A tu kum 2010 ah cun kan miphun nih hitiin pathian a kan duh piak nak hi kan theih thiam ngai ngai ko ti kan langh ter. Kan Chinram ah mipi nih reithei ngai in CNF caah phaisa an khawl tawn mi kha kha ramleng a um mi kan miphun nih fawideuh in kan pek cang. USA ram chung kan miphun minung (20) pa kul in (50) sawmnga kar umnak pauh ah CNF representative pawl (aiawh tu palai) pawl ciah ding ah aa tim cuah mah. Kan miphun (50) cung umnak pauh ah CNF committee um ding ah timh cuahmah asi, USA ram chung khua 100 leng ah CNF aiawh in rian tuan tu kan um lai tinak a si. A cheu khat khua ah cun keimah pumpak in ka tuan lai an ti i, heh tiah an thawk cuahmah cang. CNF Department of Organization secretary Pu Thla Hei hruainak in Chinland Club tuah a si. Cu Chinland Club cu CNF rianttuannak caah kumkhat ah a tlawm bik $150( za le sawmnga) ka thawh lai a ti mi pawl club a si i, a fawinak cun kan miphun le kan ram caah cun ka har i, ka reitheih zong ah thilrit tam deuh kaa khinh lai aa ti mi pawl club a si. Hi club hi aa thawhnak a nai te rih nain, ruah lo leng in member minung tam tuk an rak lut. U le nau hna, mah thil nih a fiang ter mi cu kan miphun nih kan Chinram le kan Chin miphun hi kan philh lo i, kan dawt tak tak ti a langnak a si. Kan ram reitheihnak in, ramthar ah a phan kaa mi le a rual rel rih lo mi caah cun Miphun le ram caah ttuan duh le thawh duh ngai a si ko hmanh ah $150 vun pek ding cu thirrit deuh ngai a si. Mah ban tuk pawl caah cun Chinland Club vun lut rih lo in, kum khat caah $30, $50 ti ban tuk in a thawh mi zong an tam pi. Kan miphun ca rian ttuannak ah lung tho tein thawh mi pauh cu lung lawmh nak ngan pi he a tlawm zong a tam zong ah u le nau hna co hlan a si. Kan hnu zarh kha Springfield, Missouri khua CNF rianttuan nak kong he pehtlai in kan va tlawng hna. Cu khua ah cun kan chin miphun minung 100 hrawng an um i, Rev. Ngun Iap Mualcin le Pu Thawng Lin le a dang u pa pawl hruainak in, Springfield Chin Community Church (SCCC) tiah khrihfa bu zong an dirh. Biaknak lei in zoh chunhawk tlak in khua an sak hlei ah CNF rian ttuannak caah rianttuan tu 85% nih kum khat ah $150 kan thawh ve lai (Chinland Club kan lut ve lai) an ti. An mithmai kan hmuh i, lunglawmhnak mitthli a haa. Umh! kan Chin miphun pakhat le pakhat kan ni theih thiam i, kan lung aa rual ning le kan chin miphun si a nuamh zia hi aw tiah ka lung chung in ka ti. U le nau hna, kan Chin miphun si hi a nuam. Pakhat le pakhat kan ni daw i, kan lung aa rual. kan chinram le tiva in lungtakep tiang kan philh lo i, kan kal tak mi kan u nau hna zawnruahnak le dawtnak in kan ngai hna. Kan mah lu lawnnak le zawnruah nak lawng a tuak mi kan si lo. Kawl kut ah a tang mi kan ram te a luat tthannak ding ah kan sii khawh hmun cio in thla kan cam i, phaisa kan thawh. An ram luatnak caah, phaisa va kawl hna seh law, an ram luat ter nakcaah hmang hna seh ti in, kan Pathian nih a kan timh piak mi hi nihin kan chin miphun nih kan tuah cuah mah ko. Pathian nih a dawt mi le a lung aa rual mi Chin miphun kan rak si hi kan van a ttha i, a nuam.....Dawtnak he,
Daniel Sakhong
Chiarman
USA Regional Committee
CNF
Ref::Rungcin

Monday, October 4, 2010

Kan Umnak vawleiHi Zeitin Dah A Um Te Lai?

Ni a vel mi Arfi hna khi Planet an ti. Pakua an si an ti tawn.Cuhna lak ah a ngan bik mi cu Jupiter a si. Kan unm nak vawlei nak in a let 11 in a ngan deuh . Scientist (Saitis in kan tial lai) hna nih cun planet dang a um rih lai tiah an zumh. Athli tein 1982 in an rak kawl len cang. April 2003 ah khan Palnnet dang pakhat an hmuh than i, Planet 10 nak an ti. Asinain, hlanlio Samarian pawl (Babylon) mythology (hlanlio tiuanbiaah “Nibiru” Planet kong hi fak piin an rak chim. Cucaah hi planet hi “Nibiru” tiah a min an sak. Nibiru cu Arfi sen ki ngei a si. Jupiter tia hrawng a si.Thla Paruk a ngeih.i,a paruk nak cu kan vawlei tia hi a si. Arfi an rak chuah nak Galaxy in a rak chuak i, kan um nak vawlei lei panh in a rak zuang len ko tiah anti. 12.12.2012 ah cun Ni le vawlei kar lak ah a ra lai i,vawlei dat (gravitation)a dih dih lai i,vawlei ah harnak ngan pi a tlung lai tiah Saitis hna nih an zumh. Saitis le Arfi lei a cawng mi (Astronamers) hna nih cun thlang lei (south pole) ah Telescope Observatory Centre ngan pi an ser.

Nibiru kawng cu an rak hlathlai len ko ti a si! Hi planet hi Planet of Crossing anti fawn. Asullam cu planet dang hna kal ning dan lo in, Ni a vel ve ko nain, a dang in a kal i, kum 3600 dan ah kan um nak vawlei buaiter dingin a ra tawn. Cu ruang ahcun vawlei cungah harnak fakpi a tlun ter tawn ! Atlantis rillipi a tlau mi hna, Noah chan lio I ti let a tho mi hna kha a si tiah saitis nih cun anti.Hi kawng hi tulio vawlei cung I an ni buai pi bik mi pakhat a si caah theih fian duh ah internert ka zoh tawn. Internet I (Nibiru) kong hi zing fatin tein, keimah bantik in vawlei mitampi nih an rak zoh ve ti mi Computer ah a rak I langtawn. Internet I an tial ning cu Lai holh in hitihin a si

“Kan Galaxy(Arfi umnak ram)ah hin kum 3600 dan ah planet pakhat cu vawlei le Ni kar lak ah a rak lut I a pal lengmang tawn. April 2003 ah khan hi planet sen hi hmanbilu a ngan mi in vawlei in an rak hmuh hmasa.Vawlei thil aa thlen lai nak ding fianter hram a rak I thawk.Vawlei cung ram ngan pipi hna nih hi planet sen a ngan ngai mi kawng ah hin zeihmanh an chim rih lo. Asullam cu hi thil a phanh mi kawng ah ah hin zei hman I khamhnak ding an thei lo ruang ah a si.

Hi planet nih Ni le Vawlei kar lak a rak phanh hlan azarhkhat ah hin,vawlei aa velmi a dih lai I, suimilam pakhat chung ah vawlei hi degree 90 in a vel cawlh lai I, chak lei (north pole le thlang lei (south pole) umnak hi an ni thial dih lai. Hihi Nibiru nih NI le vawlaei karlak I a kal lio ah, a dat nih vawlei a dat a dawp dih ruang ah a si. Hibantuk hin kum 3600dan ah a um tawn. Cu caan ahcun phaisa nih sullam a ngei ti lai lo. Rlli ti let awthawng le aihram nak ngan pi hna , tihnungmi tlang a kangh mi hna , fakpi in lihninh mi hna nih kan vawlei pihi a khat dih lai! Cubantuk thil ruang ah cun minung zakhat ah sawmkua hrawng cu a thi mi le a thi lio mi an um lai. Ramngan le ramrum an um ti lai lo. Nibiru nih a lawnh hnu ah cun vawlei hi a mah kal te in aa vel than lai. Thlichia le ruahpi nih vawlei pi hi a tuam dih lai.Tlang a kangh mi a khu nih vawlei pi hi a khuh dih fawn lai. Cuhhnu ah cun minung nunning hi a thar in thawk than a si lai Biathlam 24:12-17 ah cun “cun Tuufa nih cakhenh paruknak a phoih kha ka hmuh. A fak ngai mi li-hninh a um I, Ni cu puanchia nak bantukin a nak I thlapa cu thisen ban tuk in a sen dih,.cun thli fak nih a kung a hnih tik I theipi kuh a til mi tuk khin arfi cu vancung in vawlei ah an rung tla. Cazual an zual bantuk khin van cu a lo I,tlang le ti kulh vial te cu an um nak hmun in an thial dih hna…”timi kan hmuh. A cung he khin an ni pehtlai (mil) ngai te!

Mathai 24:21-22 ah cun Bawi Jesuh nih hi ti hin a chim:-“Zei cah tiah khi can ah cun vawlei hramthawk in nihin ni tiang ah a um mi harnak a zeihmanh nak in a let tampi in a fak deuh mi harnak kha a um lai. Cubantuk harnak cu a um zawng a um ti lai lo.Cucan cu Pathian nih rak tawi ter hlah sehlaw a hohmanh a nung mi an um hnga lo. Asinain Pathian nih a mi thim mi hna caah cucan cu a tawiter lai” tiah kan hmuh Mark13:14-20 ah cun “Sihmansehlaw Thiotu fihnung hmun ah a dir kha an hmuh tik ah (Areltu nih hi a sullam cu nghalh u!) khi tik ah Judea ram I a um mi cu tlanglei ah an zam awk a si lai. Inchung I um mi cu inn chung ah I phorh awk thil lak awk ah tum hlah seh, cun lo I a um mi zawng a angki vaa lak awk ah inn ah tlung hlah seh…cucan cu….ahar hringhran ko lai…hi atlung ding mi har nak hi pathian nih vawlei a ser hramthawk in a um bal lo mi thil…Hmai lei zawng ah cubantuk cu a um ti lai lo. Bawipa nih cu can cu rak tawi ter hlah sehlaw cu,khamh mi a hohmanh an um ngha lo Sehmanhsehlaw. a thim mi hna caah cun, cu can cu a tawiter” ti mi kan hmuh than.

Gen 6:1-4.. “Pathian fapa hna nih cun minung fanu hna cu a dawh ngai in an hmuh hna I, cu ti cun an duh mi paoh kha nupi ah an ngaih tawn tite hna, minung hna cu an sual ruang ah Pathian nih tilet in vawlei a tawl ti hna kan rel tawn. Cu Pathian fa hna le minung fa hna I um nak in hrin hna cu Nefil (Nephlims) anti. Mingan pipi an si. Nefil hna ruh ro hrim a si tiah an zumh mi cu Saudi Arabia ram ah an hmuh. An ruh ro hna cu Pe 35 hna an si. An lu ruh ro hna hi Pe 5 hna an si! Hi ruh ro a um nak hmun hi ralkap nih an cawng I, Ahohmanh nih zoh an siang lo. Sihmanhsehlaw, Helicopter cung in hman an thlak kho tawn. Samarian pawl (Babylon) tuanbia (methology) ah cun cu Nephlim hna cu an thi dih lo I, Nibiru pakhat ah an um tit e hna an rak chim tawn. Hi Samaria mi hna, Mesapotamia le Indus Valley Civilization te hna hi chan aa lo mi an si.

Nibiru cu Arfi lenglei ram Nebula in a rak chuak I vawlei lei a rak panh chin lengmang tiah April 2003 ah hmanbilu a ngan mi in hmuh a si. May 2011 ah cun mit lawng in hmuh khawh a si lai. Hi Nibiru hi planet dang hna kal ban tuk in siloin, a dang tein a mah tein a kal mi a si. Ni a vel nak lam zawng a kau ngai. Kum 3600 dan ah planet dang hna buaiter ding in lam naih tein a rak ra tawn. Cuticun a tuah a raa thani, Nibiru cu 21.12.2010 ah cun vawlei a kal nak hmun (area) chung ah a rak lut lai. Tih a nun bik ding mi can cu 14.2.2013 a si lai. Hihi Ni le vawlei karlak ah Nibiru a rak luh lai caah a si. Curuang cun Nithum chung vawlei aa vel mi aa din dih lai. Afak ngaingai mi Lihninnak, ritcher scale-10 in -14 tiang thna, rili tilet thao mi le aw thawng tih nun tak tak mi hna fakpi in tlang a kangh mi hna nih cun kan vawlei pi hi a tuam cuah mah lai. Nubiru nih Ni a phenh ruang le tlang a kangh mi a fah tuk tuang ah I a khu a tam tuk ruang ah Van khi a lang ko lai lai lo i, ni khi a nak in aa lang lai, thlapa zawng tlang a kangh mi a khu ruang ah thisen banruk in a sin lai. Fakpiin Li-hninh ruang ah tlang le tikulh tampi an um nak an ni thial lai. Rili kam ah cun su-nam-ee (Tsunami) ruang ah tih a nung ngai lai.Vawlei mui fak pi in aa thleng lai chak lei le thlang lei (North pole le south pole) zong degree 90 in aa thial lai! July 1, 2014 in cun Nubiru cu vawlei hlat ding in a kal cang lai I, vawlei planet caah tih a nung ti lai lo.

HI thil hi a rak phanh tak tah ding a siah cun, vawlei nuclear bomb an thuh mi hna hi an puak hna lai lo ti chimh khawh an si lo. Vawlei I horhra hna hi ti ah an cang hna ah cun, vawlei hi rili pi nih tampi a khuh lai.Vawlei cung minung hmunthum ah hmun hnih an thi cawlh lai I, a nung rih mi hna zawng pawtam in tam pi an tih rih lai! Cuti cun, vawlei cung minung 90% hrawng cu an thi lai tiah an zumh.

Greenland ram khi a ngan tuk lo. A khuhtu hawrha khi ‘Ti’ ah cang dih sehlaw rillipi hi metre 7 (Pe 23.1) tiang a sang lai I, Bangladesh hna, Netherlands le ramdang tampi rili ah an pil dih lai. Thlang lei (chhimtawp) hawrha hi vawlei cung dih lak horha 91% hrawng in ruah a si. Ti ah cang dih sehlaw, rilipi khuh ding hi metre 60 (pe-198) tiang in a sang lai. Neuclear bomb puak mi hna le tlang kangh ruang ah Leidip(leikhu) (vaivut)le hmunthur cu ruah pi bantuk in saupi an sur lai. Electric vial te an rawk lai i. mei kan ngei lai lo. Khuapi cawm nak ti paih(Pipe) vial te a rawk dih lai I, khuapi I a um mi vial te hna cu ti dih awk ngaih lo in an thi ko fawn lai. Cucaan ah cun minung caah nung dam in um khawh a har ngai lai!

Hi thil hna hi Saitis hna zawng nih an palh kho. Pathian zawng nih a thlen khawh I kan chim mi hi Saitis pawl hmuh ning a si ko caah, a dik kho I,a dih lo kho fawn. Zei poah hi tlung ko hmanseh kan nih Bawi Jesuh a zum tu hna caah cun tih dingn a umlo. Bawpa ton ding ah kan ni manh peng ding tu a si deuh.


By,,,Salai PK


Chirhchan. B. Sanghnuna IAS (Rtd) nih a tial mi chung in lak mi a si.