free web counter
greyhound runningHurricaneRunning Ostrich

Tuesday, August 9, 2011

VAWLEI CUNG SUIMAN AKAI

vawlei cung sui man a kai bantuk in kan kawlram zawng akai ve nihin sui man 0Z pakhat ah kyt 690000 tiang a phan.a ruang cu stopshare man atum tuk ca ah an zual hna i suitu ani cawk ruang ah asi.0z pa khat ah $1770 tiang akai.atu zarh chung ah US stopshare man hi 15% tiang atum i china hi 20% tiang atum. japan le korea hna cu a tum tuk ruang ah an dawr tiang an khar.Bank a lian deuh mi hna nih cun hmai kum 2012 ah hin cun sui man hi 0z pakhat ah $2500 tiang kai dawh asi tiah an chimh.

Sunday, August 7, 2011

Pathian He Naih Le Hlat


Jeim 4:8 Pathian cu naih u law an naih ve hna lai

Immanence = Pathian cu kan pong ah naih tein a kan um pi nak

Transcendence = Pathian cu kan sinin aa hlat tuk nak in a kan zoh nak


Pathian cu van le vawlei ser tu a si i khoika poah ah a um mi si. Pathian he naih le hlat kan ti tikah hin lenglei i hlat le naih kha si lo in, Pathian thinlung chung in, kan thinlung chungin naih le hlat tu kha a sawh duh deuh mi asi lai.

ZTC, Falam ah siangin ka kai lio ah, nikhat cu class chungah saya. Dr. Do Sian Thang nih blank paper cheu li ah cheu khat cio khi a kan phawt i, Immanence le Transcendence ti mi hi tial uh a kan ti. Ca tlap ka zoh tikah a faate long si fawn, ka tial duh mi le tam ngai, Immanence long ka tial hmanh ah a khat cang. A hnu lei he a hmai lei he khat dih lak in ka tial. Grade point 1.75 long ka ngah. Ka hawi pa Zawzaw (Zaw Lat Aung) cu

Immanence = daily bread

Transcendence = over drinking

ti mi te long hi a tial i full mark bak a ngah. A idea um tu ning cu, immanence nih hin Pathian nih kan sinah naihtein a kan um pi i, kan i fenhaih awk, kan ei din awk vial te zong a kan zoh khenh, a kan um pi, a kan tuarpi, a kan lawmhpi, a kan hnemh i a kan hruai ti kha theih i Pathian ttihzah bu tein nun kha asi. Ka hawipa nih transcendence hi over drinking tiin a langhter tikah, Pathian cu ka pong ah um loh, hlat tuk nak in a um, ka duh poh in ka um lai, ka ding lai ti kha asi. Pathian kan pongah mithmuh in um sehlaw kan tuah ngam lo dingmi thil kha, kan tuah tikah Pathian cu kan pongah a um lo ti kha kan tuah sernak nih a langhter ko. Bawi le kan saya te hmai ah kan duh paoh kan tuah ngam lo, kan um ngam lo.

Nihin ah ka chim duh mi cu, Pathian nih Thlarau Thianghlim in a kan um pi peng ko ti hi cu hopoah nih kan chim dih mi asi ko lai nain, kan tuahser nak nih hin Pathian cu kan sinah a um lo bantukin, hlat pi ah a um ban tukin le kan tuah mi thil hi a kan hmu kho deuh lai lo bantukin kan um sual mi tu kha asi. Khrihfa nun hi theih le chimh thiam kha asi lo, nunpi tu kha asi. Sermon hna thiam tuk, chimh le rel hna thiam tuk ttung i a nunpi huam lo mi nihin ah tampi hmuh asi. Zeibantukin Pathian nih a ka umpi ko kan ti len kan chim len zongah ningcang loin kan nun, kan ei, kan ding, mi kan hleng hna asiah cun, cu kan tuahsernak nih cun Pathian nih a umpi lo mi, Pathian he aa hlat tuk mi kan si ti kha a langhter ko. Pathian cu naih uh law an naih ve hna lai tiah a kan cawnpiak bantukin, Pathian he naih tein um hi kan mah cungah aahngatchan (a mutti) hmasa mi asi, khrihfa nun ahcun kanmah nih va naihhmasa le va tlaihchan hmasa le va bochan hmasa a herh mi si. Cuticun, Pathian nih tawin a kan lak dih ve lai. Pathian nih thluachuah in pe cio ko hna seh!


PaHniang

Manila, Philippines