free web counter
greyhound runningHurricaneRunning Ostrich

Wednesday, October 20, 2010

Minung mawngh lomi mawtaw

Minung nih riantuan haulo in seh riantuanternak cu US, Europe, Japan le adang ramthangcho hna nih an fekthori ah an hman ngai cang hna. Minung mawngh lomi vanlawng zawng raldonak caah anrak seri hman khawh si. Arfi cung kainak ca zong ah minung nih mawngh a hau lo mi rocket hna cu serchuah khawh arak si cang. Tu kum ah hin Google Inc. nih khuaruah har thil minung mawngh a hau lo mi mawtaw cu an ser in testnak an tuah khawh.

Mah mawtaw an ser mi cu Google's serlf driving car tiah an auh rih ko i, a min dang tein an pe rih lo. Mah hi mawtaw hi Standford University sianghngakchia hna le Google company i bawm in research an tuah cuahmah mi a si. A vuikhatnak ah Toyota Prius mawtaw hmang in an test i mah mawataw cu California State chung ah a mawng tu um lo bak in meng 140000 tiang zeihmanh harnak ton lo in a kal kho. Mah hi mawtaw ah hin Vedio camera, radar sensor le laser hna an bunh chih i, alang in computer in an control i an kal ter mi a si.

Mah mawtaw an testnak hi California State chung i lam kikuai a tam ngai mi Pacific Coast Highway, the Golden Gate Bridge le Hollywood Boulevard timi hmun hna ah a si.

Mah hi mawataw an serchuah mi he pehtlai in a si kho tak lai, a si kho tak lai lo timi kawng ah hmuh ning aa dang cio in aum. Atang vedio ah a hmai i akal cuah mah mi mawtaw khi a si.





Ref::CYONA.INFO

Sunday, October 17, 2010

Pathian He I Hoi Hom (Kal ŢI)

Gen. 5:21-22 “Cu hnu ah Enok cu Pathian he (kal ţi) i hoi kom in…..”

Philippines, Manila ah Christ’s Commission Fellowship (member 25000 hrawng an si) timi khrihfabu i an pastor pa Peter Tan Chi cu a rian ţuan hoi pastor te, deacon te, hruaitu upa te pawl an nuncan ziaza a check ton tikah an inn ah ruah lo piin (an um lo chungte a si zong ah) a va kal i an sinum pawl kha bia a ruah hna: nan boss hi zeitindah nan hmuh, a ţha maw, an dawt hna maw, movie/TV te pawl a zoh tuk maw, thlacamnak teh an tuah ton maw, tbtk…in a hal ton hna. Kan nih lai lei siseh law kan innpa chakthlang pawl khi hal an si hnga (sinum kan ngei lo caah). Kan ngamh lai maw? Kan innpa te nih zeitin dah an kan hmuh cio hnga, zeitin dah an kan ti cio lai dah?

Thlarau lei kan i tah nak hi thlacamnak tlang i rawl kan ulh lio, khuaruahhar thil hna kan tuah khawh lio, biakinn chung kan um lio i Pathian kan thangţhat dan tbtk… hna long in kan tah awk a si lo. Nifatin kan nunnak ah zeihmanh special in tuah awk a um lo lio caan i kan tuah mi, punghman ten kan um lio i kan tuahmi, kan ţuanmi, kan ruatmi, kan nuncan ziaza tu in kan i tah deuh awk a si. Cuticun, Pathian he kal ţi ti mi le Pathian he i hoikomhnak ti mi kha kan nun ah a um maw um lo ti kha kan i fiang lai.

Enok cu fa (Methuselah) a ngeih hnu ah a nun chung vial te Pathian he an kal ţi, hoi komh nak a ngei ti kan hmuh. Kan nunnak ah Thiangthlarau fa kan ngeih hnu ah cun nifatin kan nunnak hi amah he kal ţi peng ding kan si ve cang. Nifatin kan hnu, kan hmai, kan keh, kan vorh lei zoh in i ralring peng kan hau, zeicahtiah, sual nak aa pom chih mi vawlei pi chung ah kan um. (2 Tim. 3:13-14) Pathian he na kal ţi deuhdeuh, hoi kom hna na ngei lo deuhdeuh kho men, zeicahtiah cun, na duh mi le an duh mi kha aa lo ti lai lo, na kal duh nak le an kal duh nak kha aa lo ti men lai lo. Pathian na bochan ning le an bochan ning zong kha aa lo ti men lai lo. Na nunnak ah Pathian nih khuaruahhar a tuah mi pawl na ton cuahmah lio ah Pathian naa bochan ngam ning kha, a nunnak i a tong ve lo mi na hoi nih cun Pathian naa bochan dan kha an zoh lai i a lung fiang ti lo kho men. Enok nun nih a kan cawn piak mi cu fapa a ngeih hnu ah a nunchung vialte Pathian he i hoikomhnak in caan a hman ban tuk in, kan nih hna zong khrihfa kan si i, kan i hrinthan hnu Thlarau thianghlim kan chung ah kan ngeih hnu ah cun kan nunchung dih lak hi amah Pathian he kal ţi ding le i hoikomh peng ding kan si cang. Nifatin na nunnak ah Pathian he kal ţi, hoikomhnak na ngei maw????





Pa Hniang

Manila, Philippines