free web counter
greyhound runningHurricaneRunning Ostrich

Saturday, March 27, 2010

Na Dam Maw Dam Lo?

Pa kum tling cangmi nih cun ngandamnak hi biapi ah ruah a hau cang hlei ah cikor in zawtnak a ngeimi nih cun ngandamnak ralrin chinchin a hau.A.tanglei biahalnak pawl hi rak rel ve hmanh mi ngandam na si le si lo nangmah tein naa fiang ko lai.Mah hi 2009 Muko ah lakmi a si Muko a rel kho lo mi kan caah thil ttha a si hnga ma tiah.

1. Na pum a rih zan zeidah a lawh?
a. Ka tungtai le ka rih zan hi aa kaih ko.
b. Ka rihnak a kai deuh ngai.
c. Ka thau tuk i ka re a thei ngai cang.

2. Kuak na zu maw?
a. Ka zu bal bak lo.
b. Ka rak zu bal nain a tu cu na zu ti lo.
c. A cancan a si lo ah nifatin ka zu peng.

3. Zarh khat ah ni zeizat dah lente celhnak na tuah.
a. Ni nga chung ka tuah.
b. Ni thum hrawng ka tuah.
c. Ka tuah bal lo.

4. Nan cikor ah lung zawtnak a ngeimi an um maw?
a. An um lo.
b. Cheukhat kan chungkhar ah cun an um.
c. Ka nu he ka pa he an ngei.

5. A tu lio na thi kai thau ttha lo (colestrol) zeizah a um na hngal maw?
a. Ka hngalh ko a luan cia thla 1o hrawng ah kaa check.
b. A tu cu ka hngal lo a lian ciami thla 10 hrawng ah khan ka check.
c. Voikhat hmanh kaa check bal lo.

6. Na dam lo can ah sibawi sin na kal ton maw?
a. Cumpi tlangrai hmanh ah ka kal.
b. Fak tuk in ka zawt dah ti lo cun ka kal lo.
c. Kal bal hlah,keimah tein kaa thlop.

7. Ngan damnak i check ding in sibawi sin na phan a hnu bik?
a. A luancia thla 12 lio ah ka rak i check.
b. A luancia kum 3 lio ah ka rak i check.
c. Kaa check bal lo.

A Phi:: hika ah Click

(A) hi Mark 3

(B) hi Mark 2
(C) hi Mark 1 nangmah na sining he aa kaihmi


By Lily

Friday, March 26, 2010

Chak Korea Nih Hlatpi Tiang Kahkhawhnak Bom (missile) 1000 A Ngeih Cang


Kum 2006 Oct le 2009 May thla ah vuihnih tiang nuclear bom a hneksak cangmi chak korea cu vawlei cungah hriamnam a karhbik ram a si i nihinni ah tih a nungngaimi lamhlatpi a phan khomi bom 1000 a ngei cang.Kum 2008 tiangah 800 lawng an ngei nain kumhnih chungah 200 an karh i bom pakhat ah 3000km a rit mi an si,a puah ahcun Japan le Guam(US) tiang a phan khomi bom an si.Cu an bom cu thlang Korea lei hoih in an chiah caah Seoul khuapi i a um mi le a dangdang i a um mi mipi caah thinphan dailo a si tiah Tlang Korea PM Kim nih a chim.-AFP


Malaysia Seihnam 420

Monday, March 22, 2010

Obama Nih Health Care A Remh Khawh Cang

US President Obama nih heh tiah ai zuam len mi Health Care bill cu approved tuah a si cang caah kan umnak cio in zapei bengh in rak i lawm ko hna uh sih. US i Insurance company hna hi minung thi a dawp cuah mah mi "Extreme Capitalist" pawl an si. Kan rianttuan hmuh hnih khat te Healh insurance ah thlakhat ah zahnih thum an vun ka zuh tik ah cun kan lo tawn ko. Tu cu vava a tum cang lai. Dewali an khan dih kho te men. Obama healthcare plan ning in, a ho paoh nih insurance ngeih khawh dih ding in a si. Aman tlawm te in insurance cawk khawh si cang lai.!!!! Haleluyah tiah au phu khi a si.

Obama hruaimi Democratic party nih tulio hlawh tlinnak an hmuh mi cu US phan i Laimi hna ca hrim ah hin thawngpang tha taktak a si.

Nihin chun ah Inn Rang meeting a vun dih in thawng an thanhnak ah Vote 219-212 in Obama Health Care a duh mi nih teinak tawtarawk an tum ti si..

Obama cozah nih ngandamnak lei zohkhenhnak ah planning a chiah ningcang cu... Cozah nih tlaih mi insurance program tuah ding caah a si. Amiak kha zoh in riantuan mi si loin, mipi herhmi chuahpiak mi riantuannak ningcang khan an vunkal pi khawh i, US tuanbia ah roling mi Upadi sersiamnak nihin ah an van tuah khawh mi hi a si. Hika

Health care for all Americans,". ......... .. Praised the Lord!!!!

Healh Care Kong A Chim Lio
Lawmhnak he
Salai Biak Lian Sang

Thailand Ram Ah Thisen In Sandah An Piah


Kan hnu zarhpi ni ah minung 100000 tluk a simi angki sen phu (red shirt) nih hlan lio Thailand PM thing Thaksin rak kir thannak nawl pek dingah duhnak an rak langter i cu an langhternak ahcun atu lio PM a tuan cuahmah mi Abhisit Vejjajiva's nih zeihmanh a rak leh lo hna tik ah mipi an thin hun a zual i minung pakhat nih an thi 10 cubic centimetres (lakphak haileng leng hnih) cu an hluh cio hna i minung 38000 tluk nih March 17, 2010 ni ah PM inn le Thailand ram um nitlak ram tanzung pawl ah duhnak an langhter. Hi kan thi nih hin kan Democracy thlarau duhnak a langter lai tiah duhnak a langhter mi an hruaitu Nutthawut Saikua nih a chim. Hiti thi in duhnak an langhter hlan zarhkhat hrawng ahkhan ek tuammi in PM in cu an rak cheh peng cang. Thi timi cu thatlonak hmelchunhnak a si caah hiti an tuah mi hi cu mipi sinak lungput hman a si lo tiah Satit Wongnhongtaey nih a chim. Mipi sandahpiah nak a ngan chin lengmang tik ah PM Abhisit nih an hruaitu pawl he ton biaruahnak ka tuah lai tiah kan hnu March 18 ahkhan a ti. Sandahpiahnak i an hruaitu nih cun hi a timi hi zumhawk a tha lo, a velhle a si lai. Parliament a hrawh i thimnak a thar in a tuah than lawng ah kan dai lai tiah a chim i March 20, 10 ni (zahan) ah mawtaw (vehicle) 2000 in Bangkok lam kip ah sandahpiah nak kan tuah than lai a ti. Atu hi Thaksin cu Montenegro ram ah March 13, 2010 ni khan a luh i rili kam a simi Tivat khua ah a um ko tiah Motenegro palik nih kan hnu March 17, 10 ni ah an chim. (Ref: AFP)


Faiceu Media Group
Malaysia

Sunday, March 21, 2010

Caangai Theology

Job 12:7-8 Pathian thil ser vialte nih hin an mah le an sining cio in Pathian thatning an langhter cio dih. Zumtu hna nih hin Pathian zeitluk in dah a that ti hi a sermi thil saram hna hmangin theih khawh a si. Cucu Kan Bible nih a kan cawnpiak. A ser mi saram hna sinin fimnak hngalhnak hna le nunning kan i cawn khawh ding tampi an um. Van i a zungmi va hna le saram hna nakin pei nan hngalhnak a tlawm deuh hi. Annih nih an in cawnpiak khawh hna ding tampi a um. Job 12:7”

Kan miphun nunning le zumtu nun hi cangai nun hmang in kan cawn le kan nunpi dingah ka duh ngaingai. Caangai Theology Caangai nunning hmang in Pathian dawtnak kan cawng lai.

Caangai i a sinak; ti chung ah a um kho mi le tlang cung zawng ah a um kho mi saram phun khat a si. Kumkhat ah voikhat in a phaw a thleng a zarh mi a si, an an phaw an zarh can ah hin delthawmnak in an khat an caah a harsat cem can le bawmtu vengtu an herh lio can a si. Hi lio can lawngah hin rul hna nih caangai an ei khawh hna, an phaw a vun can hnu cun Caangai tu nih rul khi an ei hna tichung i a um mi saram phun hna lak ah Caangai lawng nih rul khi an tei khawh. Saram dang cio hna bangin a nu le a pa in Pathian nih a ser ve hna. A si nain a pa le a nu i an lungput hi an i lo hna lo. Cu an lungput cu kan miphun le zumtu hna kan nunnak chungah a thupmi nunning phun khi an si. Phundang in chim ah cun kan ngeihawk i a tha mi nunning phun le ngeih cu chim lo a ruah in kan ruah lo awk nunning phun khi an si.

A Pa i nunning ; zumhtlak in a dawtmi a nupi ‘ a nu’ caah a nung. A nu nih a phaw a zarh lio can ah hin a pawngin thih ngamh in a cawngh, zeibantuk thil tihnung a um hmanhah a nu sin in a thial kam lo, a nunnak a nu a phunhawi caah a pek. Laithlang kan rak um lio ah hin ngaring kan rak dawi tawn i lung kan phawhah khin lungnih thi lak in a rial mi Cangai khi ka rak hmuh bal. Ka nu nih Caangai pa a si a nu aa zarh mi a um a cawngh caah a kal tak siang lo curuangah lung kan phawhmi nih a rial mi a si tiah a rak ka chim bal. A dawtmi a nupi hei tiko usih kaltak nakcha cun thih aa thim deuh, hihi Kan miphun hna nunnak le zumtu hna kan nunnak ah hin i temchih ding in le nunpi ding ah ka duh ngaingai.

Kan dawtmi kan miphun le kan Khrihfabu a delthawm can ah zumhtlak in a caah thih a ngamh mi kan si hna hnga maw? Harsatnak soiselnak hocernak sungh zaatlaknak a phunphun kan tawn tik zawng ah kan dawtmi kan Miphun le Kan Khrihfabu, zumtu nun ram ah Caangai pa bang a nungngam mi pasal tha kan miphun le khua le ram Khrihfabu nih kan herh.

Zumtu hna Kan Caangai pa Pasal tha cu Khrih a si. Kan delthawm lio can theng teah kan mah kan himnak ding le luatnak hnga dingah a mah le a mah a nunnak vailam cungah a khenchih. Cuticun luatnak a kan serpiak. Kan that lio can le kan dam lio can ah a si lo,” Asinain Pathian nih cun zeitluk in dah a kan dawtnak kha hitihin a langhter: kannih cu misual kan si ko rih lioah hin Khrih cu kan caah a thi. Rom 5:8 cp Heb 10:10”

A Nu i nunning phun; A phun hawi a si mi a pa i a phaw a thlen can a zarh lio can ah hin a rak ka daw i a ka vengtu le chanh tu a si ti a ruat lo. Amah kutin a Pa kha thah i ei a hmang ti a si. Curuangah a pa a zarh can ah hin a nu nih hmuh lo nak hnga ding hmun ah a thup khawh chungin a thup ti a si. Hi bantuk nunning phun hi ttih a nungtuk mi nunning a si. Kan miphun le Khrihfabu a del can hna i kilven zohkhenh um loin kan mah kut hna in kan miphun, Khrihfabu hna a hrawktu kan um sual ding hi phan a um tuk, Hibantuk ruahnak chung hin kan Pathian nih kan kilveng hram seh. Caangai nu bantuk ruahnak thinlung kan ngeih sual ahcun a rak kan dawtu kan miphun le kan khua kan ram Khrihfabu hna nih an kan thuh tak lai a donghnak ah mah hngal lo phun ah kan i chuah lai ti phan a um ngaingai.

Cun a nu nunning phunkhat rih cu a fa le an siar in an kal a hmuh tikah ‘ka fa le a siar in kal hlah u a ding tein kal u tiah’ a ti hna an ti. A mah a siar in a kal mi phun a si a hngal lo a fa le tu a hmuh hna i a mawhchiat hna. Mah hngal lo phun a si kan ti lai cu. Ka kal ning bantuk in an kal ti thei sehlaw hitin a ti hna hnga lo. A chim mi bang in zohchun awk ah a tlak lo mi a si.

Zumtu hna kan caah zoh chun awk i a tlak ngai mi nunning a kan cawnpiak tu cu kan Bawipa Khrih Jesuh a si. A mah nih ka tuah ning in tuah u tiah a kan cawnpiak, Cucu dawtnak le nunning dawh le nunning tlamtling an si. “Nan caah i zohchun awk kan tuahpiak cang hna: nan ca i kan tuah bantuk khan nannih zong nih nan tuah ve awk a si. Jonh 13:15. Cubantuk mi si awkah cun Pathian nih an kawh hna cu a si; zeicahtiah Khrih hrimhrim nih nan caah khan a in cang i ka keneh zul hna seh tiah i zohchun awk an chiahpiak cang hna 1Pet 2:21” Kan zohchun ding pasal tha cu Khrih a si.

Zumtu hna nih cun ka tuah ningtein tuah ve uh tiah midang kan cawnpiak ding kan si. Ka chimning in tuah u law ka tuah ning in tuah hlah u tiah minih an chim theu, hihi cu Khrih cawnpiak nak le zumtu nunnig he a ralkah mi an si caah kan nih cu kan mah nih kan tuah mi bantuk in midang a forhtu le a cawnpiak tu kan si awk a si. Mithiang paul i cawnpiak nak zawng ah hihi a chim mi a si ve.” Cucaah cun kei zong nih Khrih nawl ka cawn bantukin nannih zong nih ka nawl ka cawn ve u 1Kor11:1.” tiah a ti.

Caangai pa nunning cu kan miphun le Khrihfabu caah cun cawnawk le nunpi awk ah a tha ngai. Hibantuk pasal tha le nusal tha tampi in kan ngeih khawhnak lai thlacam cio hna usih. A si nain Caangai nu nunning bantuk phun cu kan miphun lak le Khrihfabu lakah a ngeimi kan um sualnak hnga lo kan Biakmi kan Pathian nih kan veng hram seh.

Cangai nun hmangin Pathian bia a hrawm mi carel tu dihlak cungah kan Pathian nih a thupmi fimnak le theihfian, hngalhnak thar in pe hram hna seh. Ca reltu nun ram ah hngalhnak thar le Kan Bawipa Khrih i a kan dawtnak le a nunning i cawn nak ah thathnemnak a um a si ah cun Bawipa Khrih tu nih sunparnak co ko seh.

A delthawmmi le santlai lo hna caah nunnak a pe siangtu kan Bawipa Khrih Jesuh khamhnak , Fapa dawt siangte in a kan petu kan Pa Pathian dawtnak le nifatin nunnak ah nunzia cawnpiak thiamtu Thiangthlarau hna ngam lam hruai deihnak cu Caangai nun hmang in nunchang a hrawm mi vial te cungah a zungzal hmun camcin ko seh.

Khrihsal,

Hrang Kam Zathang

Indaina