free web counter
greyhound runningHurricaneRunning Ostrich

Thursday, March 11, 2010

Car Accident & Inn Mei Kangh Thawng

March 8.2010 Hakha Peng/Senthang Khuapi lam ah Mawtaw Accident a um i minung 11 fak ngai in an ni khong hna i Hakha Sizung ah an ni thlawp lio hna a si.Pu Ttha Vung le Za Biak Cung hi mah Accident hmun ah an nunnak a liam an ti.Pu Tthat Vung hi nupi fa he khua a sami a si.Za Biak Cung hi tlangval tanghra a kaimi a si.

Nihin March 3- 2010 chun 12 AM hrawng ah Hakha/Senthang Peng Lungkhing khua Inn 42 hrawng a kangh.A kangh ning cu Phone chawnhnak lawng in a sirih i a fiang deuh in kan hngal rih lo. A kangh ning hi Inn thar a sa mi an um i Inn an theh nak dii tthing kha Inn pawng ah an chiah i mah dii kha ngakchia nih an duah/khangh i mah ka in cun aa thawk an ti.Khuami pawl hi Lam cawh ah ramlak ah an rial lio a si an ti i a kangh lio ah Inn ah mi an um lo lio te a si an ti. A fiang deuh in kaan thanh tthan te hna lai.



Sunday, March 7, 2010

Chile Ram Lihninh Thawng

Kan hnuzarh zarhte ni, Chile ram ah magnitude 8.8 thazang a thawng mi li aa hnin i minung 700 leng an thi, minung tampi an tlau i kawl cuahmah an si tiah Chile cozah

lei nih an thanh. Hi hlan ninga zinglei ah magnitude 6.5 thazang a ngei mi li aa hnin cang. A voihnihnak tu ahhin minung nunnak a lak hi a si. Tu zarh cacawn nihnih ni tiang cu harnak a tonmi sinah bomhnak zat cio lawng a phan rih. Tu lio i an harhbik mi cu Rawl, Ti le Mei hi a si. Inn le lo tampi a hrawh. Hi lihninhnak hmun ah UN Secretary-General Ban Ki-moon cu Chile ram lei March 5 ah a kal i Chile President Michelle Bachelet zong he tonnak an ngei. Kan hnu lei ah Haiti ram ah lihninh fakpi a chuak hawi i vawlei cung nih bomhchanhnak tuah a si. Tutan zongah UN lutlai Chile ram a kal hi lihninh ruangah harnak a tonmi hna caah zeitindah bomhnak kan tuah lai ti hi a si bik. Lihninh hi tu le tu a chuak lengmang. Cu lak i a fakbik pawl tiah ruahmi hna cu

  1. 9.5 magnitude (1960). Chile ram. a thi mi 1,900, tsunami
  2. 9.2 magnitude (1964), Alaska ram, a thimi 128
  3. 9.1 magnitude (2004), Indonesia ram, a thimi 230,000, tsunami
  4. 9.0 magnitude (1954), Russia ram, hmun tampi a hrawh, mi an thi lo.
  5. 9.0 magnitude (1868), Arica, Peru) hmun tampi a hrawh
  6. 9.0 magnitude ( 1700) US-Canada ram
  7. 8.8-9.2 magnitude ( 1833) Indonesia ram, Sumatra hna an si. (Ref: Reuters)
Hika ah hin Click law hmanthlak zohkhawh an si.

Faiceu Media Group
Malaysia