free web counter
greyhound runningHurricaneRunning Ostrich

Thursday, January 28, 2010

Hakha Khuasik Le 2010 Thimnak (Election) - A peh

Zingka tuante in ka tho. Ka baan takmi cauk hringpi kaa tlaih than. Hitihin ka rel ciami ka vun nolh. Amyotha hluttaw caah mizapi nih thim dingmi kuzale186 + ralkap lutlai nih a khanh dingmi ralkap kuzale 56, an zapi kuzale 224. Pyithu hluttaw caah mizapi nih thim dingmi kuzale 330 + ralkap lutlai nih a khanh dingmi ralkap kuzale 110, an zapi 440. Amyotha 224 + Pyithu 440 = 664 hi Pyiduangsu hluttaw kuzale ti an si lai. Amyotha le Pyithu hluttaw kuzale pawl cu Kawlram pumpi huap in khuakhang laireltu ding an si. Tai le Pyiney hluttaw an um rih.
Tai / Pyiney hluttaw cu myoney (1) kuzale (2) cio in thim ding an si. Tahchunhnak ah, Laitlang in kan langhter lai. Laitlang chungah myoney (9) a um ca
ah mizapi nih thim dingmi kuzale 18 an si. Ralkap lutlai nih a khanh dingmi ralkap kuzale 6, an zapi 24 an si lai. Hi hna hi Laitlang huap in khuakhangtu ding an si i, Laitlang ah an um lai.
Laitlang aiawh in thim ding hi Amyotha caah 12, Pyithu caah 9 le Pyiney hluttaw caah 18, an zapi 39 an si. Hakha dirhmun in kan f
ianh ahcun, Amyotha caah 1, Pyithu caah 1 le pyiney caah 2, an zapi 4 thim ding an si. Fah deuh in vun ruat hnik hmanh! Khua le ram caah zumhawk a tlakmi pasal tha kan thim hna lai. Asinain, micheu nih cun “Bonbok le mantat,” an ti. Mi cheu ve nih cun, “Duh zong ah cepa, duh lo zong ah cepa,” an ti. Elaw, ka tlangtar ka pial sual deng.
S / 354 (a) ka hun rel nolh. Pumpak pakhat cio nih mah le zumhning, pomning kha zolongte in chim khawh, tial khawh le midang sinah cheuhnak nawl a um. (b) le (c) chungah cun hriamnam tlaih loin mibu ser khawh, bu tbk dirhnak nawl a um
. (d) chungah miphun dang le biaknak dang hnorsuan loin mah le holh, ca, nunphung, biaknak le phunglam zalongte in tuahnak nawl a pek. Cahmai dang kau ka vun dimh ah, “U Van phone a ra,” . . . Loh bak! Zeittha, hmai thla ah peh than khawh kaa zuam te lai,
(Ref::HYF Authawng)

No comments: