Monday, January 25, 2010

Avatar Nih Titanic Tluk In Tangka A Hmuh Men Lai

Avatar nih Titanic tluk in tangka a hmuh te men lai Vawleicung movie lakah tangka tambik Titanic movie a thlatu director Cameron thiam nih a tlakmi Avator timi 3D movie nih Titanic tluk in record tthar a phak te men lai, tiah ruah a si. 1977 kum ah rak thlakmi Titanic in Vawlei pumpi in US $ 1.843billion a rak lut i atu tiangah Avatar in US $ 1.607 billion a luh cang caah Titanic a phak nakding ah 236 million lawng aa duh cang. Zung i an piahka ah 17% hrawng tangka lut a zor nain atu tiang vawlei pumpi ah Avatar cu zoh duh bik pawl ah aa tel peng rih.
Avatar
A hmasa bik an piah ni ah Italy ram movie zung 925 in US $ 14.5 million, Tuluk ram movie zung 2509 in US $ 18.9 million a lut i zarh hnih chungah Tuluk ram in 76.6 million tiang tangka lut a phan. Ramleng ah Avatar in tangka tambik a luhnak cu France in a si i US $ 113.9 million a lut. Russia in 88.4 million, Germany in 85.6, England in 80.5 million atu tiangah a lut cang. A voi 67nk Golden Globes timi movie kongkau laksawng peknak zong ah Avatarnih Drama tthabik le Director tthabik laksawng a hmuh.(Ref: Planet)
Titanic

Titanic le Avatar movie Director James Cameron le A Nupi


Sheihnam411 ah lakmi a si.

No comments: