""Lai Lei Ah Kan Ei Tuk Lem Lo Mi""

US minung hi an rawl ei phun cu a rak tam hringhran ko.US ram hi kan phak hlanah cun changreu an ei ti lawng kan rak theih hna i changreu lawng hlah maw an ei tiah kan rak ruah nain a rak si lo.An rawl pawl hi kan mah hna caah cun a thaw mi nak in a kan thawt lo mi a tam deuh men lai tiah ka ruah kan chuanmi rawl/ti hang pawl hi kan ei pah ton hna caah keimah caah cun a thaw ti awk ka theih lo mi an um len nain an man an fak kho tuk hna.Rawl phun khat ah khin cawhmi a phun a tam kho tak tak.

Pakhat pa nih cu hi bang in a ti.Laimi nih kan paw in rawl kan ei.Kawl nih an awr in an ei.India pawl nih an hnar in an ei.Mirang pawl nih an thluak in an ei tiah a ti bang in paw khimnak a si lo zongah Vitamin ruahah Mirang hi rawl an ei tak ko rua ti awk in a um.

US ka phak in kum 4 chung hi Mirang rawl khin chuannak ah rian ka tuan lengmang tikah an rawl ei mi pawl hi ka theih pah dih cang ka tiah cun kaa palh lem lai lo dah.Ka theihmi tampi lakah ka theih lo mi zong a um len rih men lai an ei phun le an ei mi rawl hi a tam liang luang tikah a tam deuh cu ka theih cang men lai an rawl phun hi a tam ti leng in chim awk ka thei lo.An rawl ei mi hi kum 4 hrawng a tawngtham le a chuangmi ka si tikah cu chung in ka lungsia a herhmi te pa hnih thum in langhter ka duhmi hna cu Lai lei ah a um i lam pawng hrawngah kan hmuh lengmang hna nain kan ei tuk lem lo mi hna Mirang nih biatak tein an ei mi hna hi an si.Cu hna cu a tangah hin hmanthlak in ka van tar hna an min hi Lai min in ka tial lem ti hna lai lo.Nan mah tein rak zoh cio te ko kun uh.

....................................................................Arrowroot

.........................................................................Mushroom
..............................................................................Fig
...........................................................................Earwood
..........................................................................Date
.............................................................Clams
.....................................................................Asparagus

ALL ABOUT EASTER

1. Easter is a spring or Summer holiday.It is a Christian holiday.It is always On a Sunday.This year,Easter is On April 8th.

2. Christians say Jesus died On Good Friday.On the third day,he rose from the dead,he became alive again.

3. Christians go to the Church On Good Friday and On Easter Sunday.They go at Sunrise.They sing and Pray to the Living God.

4. Good Friday is the day of sadness,because Jesus died on the Croos very Sorrowfully.

5. They think about a new life after death.Easter is a very happy day,because Jesus rose again from the dead and takes away Our sins.

6. The symbols of Easter are Flowers,Chicks,eggs,and rabits are all signs of Easter.They are signs of new life.

7. People are ready for Spring or Summer.They are very happy that Winter is over.In some cities,People show their new clothes in on Easter Sunday.

8. On Easter morning,the Children hunt for their baskets.

9. Little Children believe in the Easter Bunny.The Easter Bunny has many baskets.

10. The Little Children play games with the eggs.They roll eggs up a hill.They have Easter egg or Jelly bean hunts.

11. Families eat a big dinner On Easter Sunday.Praise the Lord.

Saa Hu

Wheaton,IL

Jesuh Movie Falam Holh

Kan Bawipa Jesuh Khrih kan caah a ratnak le a riantuannak a temtuarnak in misual kut in thah a si hnu ah a chim bang in thihnak nih a tei lo ni hnum hnu ah a thawh tthannak kong camtuah kan phan tthan cang hna bang kan Bawipa nih kan caah temtuarnak hi ruah tthan lo awk kan ttha lo caah a tanga Lai Film hi na caan karlak ah zoh tthan khawh rak i zuam ve.A tangbik ah Kawl holh in zoh khawh a si.

Part 1

Part2

Part3

Part4

Part5

Part6

Part7

Part8

Part9

Part10

Part11

Part12

Kawl Holh In Jesuh Movie

Jackson A Rak Umnak Innhmun Cu Cawk Khawh A Si

Los Angeles khua ummi Michael Jackson a rak umnak le a rak thihnak innhmun cu US$ 23.9 mil (RM 73.5 mil) in zuar a si i lemcuang fidi le fitlaw tampi an mit a hlan ngaingai hna tiin inn pwe-sa hna le TMZ celebrity website sinin thawngtheih a si. Ihnak khan khan 13, kholhnak khan khan 13 aa telmi innpi cu aa dawh i innpi chung hmanhah tlau a fawi ngaimi French ralhruang inn pungsan” tiah auhmi a si i baisakup zohnak pakhat, zaangleknak pakhat le ti lionak pakhat aa telmi innpi a si. Hi inn cu Los Angeles khua Holmby Tlaang ah sakmi a si i innhmun cu 17,000 meng vuakvel a kau i mei pangpaar puahnak hmun 13 aa tel chihmi a si. – AFP

Source:: Malaysia Seihnam523nak

ATHA LE THALO HNGALHNAK THING (Setan hmuhsaknak)

Zei ruang ah dah Krih nih a tuar a herh

Apeh...............................

Setan cu Pathian sinah aum lio ahcun Archangel ti asi. Pathian sin I aum lio ahcun Krih dawhnak thomh I fimnak sangpipi pekmi arak si. Sihmanh selaw mah sinak ah lungtlin lonak, duhfah hakkauhnak le Pathian bantuk siduhnak in Pathian tei a timhnak ruangah Evi le Adam Eden in thawl an si bang, van in thawl asi ve. (Ezekial.28:12-14, Isaiah. 14:12-20). Pathian sin a um lio hrimhrim tein Pathian nih a cohlan khawh lomi nunzia le duhnak dang, amah sinak ah a lung a tling kho lomi, mi dufak, hakkau, amah zawn lawn ruahnak in a khat. Minung lakah kan hmuhmi thatnak, sualnak ziaza cikip a thoknak sual ti hna asi. Mi awt/hngarnak le nahchuahnak in a khat. Pathian cungah um duhnak, ‘keimah’, timi lungthin angei. Van ah aum lio hrimhrim tein mitlau le Pathian kalh in a nung cang hih. An hlonh hnu zong ah a tuah khawh lomi cu Pathian duh zong asi. Pathian a doh I hlonh asi hnu ahcun Pathian nih amah ah pommi le cohlan khhawmi a ngei tilo. Atuahmi cu amah ruah ah thiltha sihmanh selaw Pathian nih a pawm lo ahcun sual asi. Cu sualnak cu Pathian nih a ngaithiam lo. Hlohhral tu a timh. Amah ruah ah thatnak nih Pathian phung le nawlbia a zul kho lo. Atlinh fawn lo.

Moses Nawlbia nih khan Setan nih a ukmi minung titsa thinlung tuahsernak nih cu nawlbia cu a zulh khawh lo zia a langhter. Achung ah setan tihna a luang I thlarau nih cencilh lomi minung nih Nawlbia cu a zul kho hrimhrim lo. Pathian nih sualnak cu a ngaithiam fawn tung loh. Minung cu thah ding asi. Cu ti cun minung a thi lai nain sualnak cuu a thi lai lo ti a fiang. Cu ruang ah minung ai –awh ah saram tu a thawng a sang in an thi. Saram thisen in tlanhnak a ser piak lengmang nak thawng in misual cu Pathian nih a zuah. Minung chungah setan thu ko hmanh selaw, Pathian nih a kutchuak minung cu thah lengmang nih siang ai hlah kaw, a nunnak ding ah Amah nih a cohlanmi le a duhmi thisen(Krih tlanhnak muithlam a kengmi dotla saram thisen in luatnak lam tu a sial piak thihnak in a khamh tawn. Pathian nih minung hiti ko I a dawt hi unau khuaruahhar asi na ti ve lo maw. Amak in maktling khuaruahhar dawtnak asi. Krih ah fiang uarmar in hmuh/rel te lai.

Nawlbia cu um hlah selaw, sualnak cu sual a sinak a lang hnga lo. Zeica tiah tahnak caah Nawlbia um lo ruangah asi. Kawlram ah kan um lio ahcun nu le pa nih fale an vuak, an bengh, an cumh, an kingh hna I, a ho nih zei ah rel asi lo. Chimh hrin cawnpiaknak pakhat ah kan ruah. A sualnak kan hmu lo. Nitlak ram kan phan I, cu bantuk a tuahmi nu le pa cu palik kut an phan. An tuahmi cu anmah ah thil tha, fale duhsaknak asi ko nain mirang ram Family nawlbia le phung nih a pawm lo caah fale a vuami nu le pa cu sual puh, fachuh, leicawi an huah tawn. Cu thil hna, Laitlang ah ka caah sual asi lo cu Family Nawlbia/phung a um lo ruangah asi. Asi nain Nitlak ram ah ka tuah ahcun Family phung ruangah misual ka si nak a lang. Cu bantuk in Setan zong amah ruahnak ah phungtha atimi le nunnak um ve hmanh selaw Pathian nawlbia le phunglam asi lo ahcun, Pathian nawlbia le phunglam in tah tikah sualnak, mithi, mizaw, mitlau, micaw, keibai, zeng, phar, misual, lainawng, mifir, le chiatnak vialte an I pumhnak hnompon: chungthu lengnaal, thlan, rungrul le tholung nih a bomhmi hnompon, muihnak le thihnak vialte pa asi. Cu bantuk nunnak a ngeimi Setan nih cun Eden/ Dum zong hi ka ta tiin hmun arak cuh ve I, Pathian cu lang hngan in a doh. Atang tahchunhnak ah hin a fiang ngai.

Laitlang ah khin fur canah paa kan hrawng tawn. Pachia pakhat cu thihnak asi ti ka theih ruangah ka hrial. Mi chimnak in thihnak asi ti ka hngalh. Amah ah thihnak poison um hmanh selaw, ka ei lo ahcun ka caah thihnak asi lo. Thihnak asinak a fiannak cu ka eihnu I ka thihnak ah alang. Tahchunhnak ah, ka hawinu, ka pasal he arak iduh bal cangmi nih, acung ah a lungfahnak kha keimah hmang in lehrul cham a duh ziar ruangah thihnak asi ee tiah ka lanhtak mi paa cu thihnak asi lo, eiko tiseh law: Cu paa(musroom) cu amui zoh ah aa dawh. Sen lingleng tein a um. Mit a hlang. Ka hawinu bia zumh sual ah, kei nih ka chumh I ka ei. Ka ei hlan ah ka cungah zeihmanh a tuah kho lomi thil cu ka kaa chungah ka vun ituh, ka khai I ka dolh. Ka paw a vun phan. Ka pawpi nih arak rial zau I ka thisen zungzam ah a vun kuat cang cun, cu hlan ah thiang hirhiar tein a umkal mi ka thisen cu tur(poison) nih anoih dih I thianglo an hung si dih. Cu poison nih cun ka chungah a tuan lio ah, a ziaza zong lengah an hung lang ve. Ka paw afak. Ka luakchuak, ka lungmit, ka mit amal, ka lu a fak, ka thawchuah a tet I a rauh hlan ah lungfim loin ka tlu I ka thi.

Ka pasal arak lawi I a vun ka auh. Ka let tilo. A vun ka hmuh cun a ka auh, a ka hninhsaih, zeiti a ka tuah zongah mithi nih cun zei ka hngalh tilo pinah ka thi ti hmanh ka hngal tilo. Cu ticun can tlawmpal te chungah miruak le tongh tham fihnung ka hung si colh. Cu cangka cun ka pumsa ah midang an rak chuak ve. Ka nundam lio ah cawlcang kho loin thisen ralkap nih arak temton mi hna, ka pumchung zawtnak rungrul pawl cu le ….thisen ralkap vialte an thi dih cang I ral an um tilo ti thei ciammam hna kaw, a kenkip in an rak tho I ka pumsa cu duhtawk in sawksam hram an thok. Ei hram an ka thawk. Cu ticun ni hnih thum chungah chunglei in ka rawhnak cu lengah a chuak I ka thu, ka nam colh. Cuti ka si hnu ahcun midang cu chimlo, nizan ah a ka pawmtu ka pasal ca hmanh ah fihnung le tongh har ka si cang. Keimah nih mithi ka si le silo hmanh ka hngalh lo lio ah ka pasal thinlung ahcun mithi, zeihmanh lo ka si cang. Zeitluk duhdawtmi hmanh siseh law, a thinlung le a innchungkhar in a ka thawl I vulei ah a ka phum a hau. Athinlung le a mit hmuh ah mithi, miruak, mitoih, mithu asi cang komi kha a nunchung umpi khawhnak ding lamdang a um tilo. A thinlung ahcun leitlak he ka dang tilo. Cu ticun ka duhnak tel loin a thinlung le chungkhar in chuah le dawimi ka si. Cucu Setan dinhmun asi.

Kan vulei pumsa zong rul a pek. Leidip na ei lai ati. Vanah Eden ah chiah a tim tilo. Pumsa cu setan sinah thlan ah pek asi cang. Tuan lio ah mirang ca in Dr. Bawi Uk Thang nih a vun thlahmi kha kan re cio dek maw. Africa ram ka khat ah Setan(khuachia) a bia I, zumtu hrawh ding ah fakpi in rian an tuantermi pa kong asi. Cu pa nih cun Khuachia(setan) thawnnak an ngeih khawhnak ding training an pek lio hna ah miruak a toih cuahmahmi zong an eiternak kong a chim. Luak bak loin an ei a hau. An luak ahcun cu test cu an sung I a dang an kai kho lai lo. Kan pumsa cu leidip asi I setan setan covo ah a pek lawlaw. Krih ah Amah nunnak thlarau chungah a kan hrin hnu tu ah chunglei in Krih nunnak thlarau nih nifatin siamthar lengmang bu in Amah mizia lawhnak taktak a phak tiang a tundin, a hruai, a thianter I Amah umnak inn temple ah a canter hnu hmanh ah kan thihni ahcun pumsa cu a hlonh I kan thlarau tu vantaksa in a thomh I a kalpi. Minung zong minung kan sichung te lawng kan iduh I mithi kan sini ahcun ihlonh asi. Minung le minung hmanh thih hnu ah kan iduh tilo ahcun Eden tlukchiat hnu ah Bawipa Thlarau le Amah muisam lawhnak ah a thinlung ah a thi cangmi cu Vancung inn chungkhar ah ka mo, ka dawt, tiin chiah awk a tha lo. Toihnak, thutnak, tholung, rimchia, nih van chungkhar a zawtter dih hna lai. Pathian nih minung cu zeitluk hmanh in daw cukmak ko selaw, Amah thinlung ah mithi asi hnu ahcun a siang nalo ruangmang in vulei ah a thawl hna-nak asi. Cucu thihnak thingthei umtu ning asi. Cu caah thihnak thei tlai a eimi Evi le Adam hrinsor pohpoh thihnak fa kan si dih ve. Hihi Thihnak thingkung a chia le a tha hngalhnak thingkung nih a tuanning le Evi le Adam an tluknak dinhmun asi. Cross thihnak kaltang in Krih nunnak kan co hlan nun asi. Midang ah belh hlah. Pathian le Bible nih hin ka ihngalh lomi nangmah le keimah kong dahkaw an chim.

Kan sining kan fian lo chung poh cu dawtu dawtnak a sunlawi zia, a rilzia, a thuhzia kam hngal fiang kho lai lo. Kan hgnalh lo ahcun lomh awk zong kan hngal lo. Lawmh tlak zong ah kan ruatlo lomhnak zong kan ngei kho ve lo.

Bawipa nnih sunparnak co ko seh.......

Peh than ding.....

Sui Chin


Source::LAIFORUM@yahoogroups.com

KUANPI PAKHAT IN VOI KHAT KAH AH CENGHNGIA PANGA KAPTU SAN LIAN

Tlaangzaar khuami Pu San Lian nih kuanpi pakhat in voi khat kah ah cenghngia panga a kah hna tiah Hakha an chungkhat sin in thawng kan theih. Taal khua cawpi cenghngia nih an seh i ka vung dawi hna. An rak ei cuahmah lio a si. Pakhat lawng a lang i ka kah. Ka hei fuh i an rak i hlok sup ko. Zeicadah an i hlawh len ko hnga tiah ka vun zoh hna i ka rak khenh hna caah a si. Thingtan kaa laak i ka tuk chih hna. Pakhat cu ka hla deuh ah aa hnuk i ka dawi zuam ti lo. Ka van hnuh hna i panga an rak si. An rak ei lio a si a tlawmbik pahra tal cu an si lai tiah ka ruah,” tiah a chim’ tiah Hakha a unau pa nih a chim.‘Hi cenghngia nih Laiva in a chaklei khua kiangkap ah ka kah tiang ah hin satil 50 hrawng an seh cang. Ka kah hin caan zeimawzat an chuak ti lo, nain a hnu ah an rak chuak than’ a ti tiah a chim than. Hi cenghngia hi Mizoram lei in rat dawh an si. A tlawmbik a sawm in a cunglei an si lai tiah an ruah. “Kan Lai phung ah cun hi bantuk satil a sehtu sava an kah ahcun khuami nih anmah le an ngeihmi cio in sakaptu pa kha tlawmh pek phung a si i tutan pa zong hi khua chingchan nih an pek awk a si” tiah an innpa pakhat nih a chim.

Ref:: The Hokha Post Vol.1/ No.10

""Capo""

Source:: Seihnam 520nak

""Capo""

Source:: THE ONE STAR

Chin National Front Supreme Council Meeting

Laimi chan tuanbia ah roling dingmi CNF Supreme Council Meting pi cu Washington D.C ah tuthla 23 le 24 ah khan tlamtling tein an tuah. CNF Supreme Council Chairman Dr.Za Hlei Thang, Pu Lian Uk, Salai Kip Kho Lian, Pu Tang Nang Lian Thang le Secretary General Pu Zing Cung hna an i tel kho. Supreme Council chungtel a simi, Pu Zo Tum Hmung, Pu Benjamin Turing le Pu Thang Nang Kee le CEC chungtel Dr. Salai Ngun Cung Lian, Salai Daniel Sakhong le Salai Thla Hei, CC chungtel Pu Thawng Za Lian hna zong an i tel [Keimah hngalhmi lawng an min ka tial hna.]

Februay 25, zarhte ni ah Washington D.C Metropolitan Area um mipi he tonnak kan ngei kho. Pu Bawi Cung nih caantlai tu a tuan, CBMC Church Chairman Pu Lal Bat thlacamnak in kan thawk. Pu Kip Kho Lian, Pu Tang Nang Lian Thang, Pu Lian Uk le Pu Thang Ning Kee le Salai Daniel Sakhong hna nih biatawi chimnak an ngei.

Salai Thla Hei nih CNF Emergency Meting an tuahnak kong he pethlai in mipi sin ah fianternak a tuah. Mah hnu ah Dr.Salai Ngun Cung Lian zong nih Kawl cozah he kahngolnak an tuahmi kong fianternak a tuah ve. Kahngolnak timi cu " A sungh pek zong a si lo, a ngianhkhan zong a si lo, Surrender tuah zong a si lo, atu zong kan hriamnam kan i tlaih peng ko, hmailei zongah kan duhmi kan hmuh lo hlan kan i tliah peng ko lai. Kahhngolnak timi cu tuchun zongah a rawk kho, thaizing zongah a rawk khomi a si. Cabuai cungah Kawl cozah he ton biaruah ngeih khawhnak dingah kum 23 kan ngah cangmi a si. Kan thiam ah kan thiamning, kan fim ah kan fimning in kan ngah dingmi a si," tiah a chim

Pu Lian Uk Biachim Lio

Pu Lian Uk nih Daw Aung San Suu Kyi le Kawl cozah cu zumh thlu ding an si lo, Aung San kan i zuamh sual i a thih tik ah atu kan phan, Aung San Suu Kyi zong a thi khomi a si, amah kan i zumh sual ahcun a thih hnu ah zei a can lai kan chim kho lo" tiah biahalnak an tuahmi kha a leh hna.

Dr.C.Duh Kam [ Executive Officer, CBC-USA ] nih ram le miphun caah nunnak a pemi hna CNF le kan ram caah thlacamnak a ngeih piak hna.

Mah hnu ah chuncaw hrawmnak kan ngei, a dih hnu ah mipi sin in duhmi bia halnak tuah a si i CNF Supreme Council Chairman hna le CEC lei upa hna nih lungsau tein an bia an leh hna.

Pu Thang Ning Kee Biachim Lio

Keimah Hmuning:

Salai Kip Kho Lian hi a min lawng ka theih, a mui ka hmu bal lo, a mui ka hmuh i, ka zoh lengmang ah a biachim, umtu hoiher ka hmuh ah Kawl nih "Tawhlanzi Tama" an timi bak ka lawhter. A biachim ah a biatak, fiangpup fiangpup in bia a chim. Greek ram in zaukphung [democracy] a thawknak in Chin National Day a thawhkeh nak tiang petlai tein a kan chim i kan lung a hmui ngaingai. Lungrual a herhnak kong a kan chimh, atu bantuk thil biapi kan ton lio caan i kan lung a rual lo ahcun caan nih a kan kal taak lai" tiah a chim. CND ah biatawi chimnak an pek nain a dam lo caah chim caan a ngei kho lo.

Pu Tang Nang Lian Thang Nih Washington D.C Ah CND Biachim Lio

Pu Tang Nang Lian Thang

Biachim a thiam, mi pumrua tha, muidawh a si caah rumra a ngei. Mipi hruaitu ding ciamman a si ka ti. 1989 kum CNLD dirhtu ah a rak i telmi a si. Kawl nih "Nannganzi Tama" an timi bak khi a si. A biachim ngaih a nuam. Tluang thluahmah in bia a kan ruah khawh. Chin miphun dothlennak ah Hakha lei mi cu mi tam deuh nan si caah ram le miphun caah thih ngamhmi nan tam deuh tiknak a ti. CND ah biachimnak an pek, tawite fiangte in a chim i a ngeih kan cim lo. Laimi lungrualnak caah a herhning in riantuan aa tim.

Pu Thang Ning Kee

Pu Thang Ning Kee hi a mui cu ka hmu bal na loin a min ka hngalh zungzal mi a si. Thlanglei mi nih an i bochan ngaingai mi an pa pakhat a si. Mi lungthin tha taktak a si lai. Khrihfabu hruaitu le Pathian rian a tuan balmi a sinak zong a lang, Pathian a bochan taktak mi a si. Laimi lungrualnak a duh tuk ti kha a biachim in hmuh khawh a si. Laimi lungrualnak caah biatak tein riantuan hram a thawk lai nak kong zong a chim i, mah nih cun kan tha a kan numhter khun. Hakha lei mi cu pacan dirhmun ah nan dir a hau. Mi tam deuh nan si caah mi cungah dawtnak le zawnruahnak faak deuh in nan ngeih a herh," tiah chim.

Tedim peng ah CNF nih zung on dingah timhtuahnak an ngeihmi kongah Tedim lei upa cheukhat hna nih an duh lonak a langhter mi kongah mpi lei in biahalnak an tuah i, supreme council nih an ceih i, biachahnak an tuahmi statement cu Pu Thang Ning Kee nih an kan rel piak. Tedim peng ummi mipi duh lomi CNF nih ka tuah lai lo tiah an chim. An Statement chuahmi cu a tanglei chinworld.info ah an thil chihmi ka rak taar chih. A tanglei link te khi ram hmet te ulaw Kawlca in rel khaw a si.

http://www.chinworld.info/2012/Feb/CNF_Statement_on_Tedim.html

Keimah Caah Roling Hmanthlak

Laimi kan pale hna he philhlonak hmanthlak tete hi rothil bantuk ah i chiah ka hmang ngaingai. Pu Hrang Nawl, Pu Cin Sian Thang, Salai Ram Ling Hmung, Dr.Salai Thun Than, Pu Lian Uk tbk he hman kan i thlakmi ka bukbau ah ka chiah theu hna. Tutan kan pale zong hman ka thlakpi hna, keimah lawmh in ka rak i lawm. 2011 Decemger thla i CNF Emergency Conference an tuahmi cu Pu Lian Uk nih " Falam khua in a rak thawkmi, Chin National Day an thawknak bantuk a si e" a ti. Atu bantuk in Laimi hi a luancia mi kum 10 ah khan kan lung rak i rual kho sehlaw hmai ah kum 10 kan tli cang hnga.

Ka Caah Roling Hmanthlak

Surpreme Council Hruaitu Hna he

Pu Nang Lian Thang He

Careltu le hmanthlak zohtu nan dihlak cungah ka lawm. Chim le rem sualmi le ttial sualmi a um ahcun atu tein ngeihthiam kan hal sia hna.

Upatnak le Siaherhnak he,

Sungsung pa

[ Salai Lairamtang ]

Washington D.C

USA

Source::yccf-international@yahoogroups.com

Va Awnh Phunphun (Rak Ngai Cio U!!!)

Kan hnu kum December thla chung ah khan Sangau khuami Aizawl ah a ummi Pu Lal Hmun Siam (Pu Siam) cu Hriphi khuami nih Saram dawtnak kong cawnpiak ding ah an sawm i zarh hnih chung cawmpiaknak a va ngeih hna. Amah hi Pathian nih pahrang a pek i 'Va' awnh phun 70 hrawng a thiam. A awnh lawng thiam si loin thilnung cung hrim ah dawtnak a ngei. A cafung min ah 'Thilnung hna hawi' (Nungcate tthian) tiah min aa sak. Mizoram ah biatakte in an hmanmi pa a si. Kal pah ah Tluangram ah cawnpiaknak a ngeih hna i pa hngakchia pawl nih va chaihnak 'Chai' tam lak le 'Tthaittholh' tam lak te an pek. Hriphi zong ah cu bantuk tthiamtthiam. A cheu lebang cu Saram sa ei an duh ti lo i an buai ngai. Hriphi ah cun pakhat pa nih Sakhi a kah i a sa a zuar i a manh kho ti lo. Cawnpiaknak a va ngeihnak cu zapi zoh khawh ding in a tang 'Link' ah hin Youtube in zoh khawh le ngaih khawh a si. Mipi nih nan interest pah si cun request nak rak tuah u law tam deuh in kan rak thlahpiak tthan te hna lai.

Saram hna nih hin minung kan pawng te ah khuasak le um hi an rak duh tuk hringhran. Pathian nih Vawlei cung i a ummi vialte zohkhenhtu ding ah minung hna hi kan kan ser tikah kan duh paoh in tuah ding (thah ding, nawn ding) ah si loin dawt le tthate in zohkhenh kha an kan fialmi cu kan si. Cuaah a tu kan ngaih ding va awnh zong hi, a awnh ngaih nuam menmen sawhsawh ah ruat loin Pathian thilser hi zeitluk in dah a tthat i aa dawh timi ruat tthan buin ngai hna usih tiah sawm hna. A awnh a ngaih a nuamh zia ti si loin Pathian thilser zeitluk in dah an vaa dawh timi lei tu ruat buin ngai tti hna usih tiah sawm
buin...

Siaherhnak he,

Robert Hram Hlei Cung
New Delhi
India
9871520579

Ref:: LAIFORUM@yahoogroups.com

Aung San Suu Kyi Pathein le Myangmya Tlawnnak

Kawlram Zaukphung tlennak hruaitu le NLD hotu Aung San Suu Kyi le U Tin Oo cu Irrawaddy ramthen Pathein khua le Myangmya khua ah a lang in Election Campaign tuah ah a tlawng. An phaknak khuakip ah minung a thongthong nih an rak don hna. Aung San Suu Kyi nih Election Campaign a voihnihnak a kal a si.

Pathein Khua A Luh Ka Ah Pathein Nithawng He An Rak Don

Pathein nithawng cu kan no lio tein kan rak hngalh i Kawlram ah cun minthang a si. An dawtmi hna cu Pathein nithawng laksawng kha pek tawn a si.

1989 kum ah Pathein khua cu voikhat a rak phan, atu a phak hi a voihnihnak a si. Ralkap cozah nih 1989 hnu in khual tlawn an onh ti lo caah a inn chungah an rak hren.

Pathein Khua Mipi Sin Ah Biachim Lio

Pathein khua 20 chungah a voikhatnak a phak a si. Pathein khua ah hin Karen miphun zong tampi an um. Karen miphun tam ialte nih an rak don caah a lawmnak kha biahmaithi ah a chim hmasa. Kawlram cu miphun tampi he dirhmi ram a si" tiah a ti.

Atu lio hi Kawlram thlennak zeimawzat a um caah ramdang in khualtlawng mi tampi an lut, mi tam deuh cu Aung San Suu Kyi hmuh duh ah a rami an tam. Hmanthlatu, catialthiam pawl, pawngkam le thingram zoh duhmi pawl le caan karlak thimnak hlathlai duh ah a rami an si.

Aung San Suu Kyi nih a chimmi cheukhat cu, "Phung timi cu mipi himnak caah sermi a si, mipi ttemttawntu caah sermi a si lo, mipi nih ngamdamnak an hmuh khawhnak dingah rian fakpi in kan tuan a herh, kan ram fimthiamnak tha deuh in kan ser a herh, mah vialte kan tuah khawh nak dingah mipi nih thazang tel loin tuah khawh a si lo. Mipi nih nan duhmi nan tuan khawhnak dingah nanmah nih nan duhmi aiawhtu nan thim a herh. Mah lawng si loin mipi caah rian a tuan kho dingmi bu zong thazang nan pek a herh. Cucaah caan karlak thimnak ah mipi nih thimfung nan thlak a herh. Thimfung nan thlak tik zongah nan thimfung a tlawt tlau lonak dingah nan i rarin zong a herh tiah a chim.

NLD thantaar le NLD logo lawngte in a khat. Caan karlak thimnak ah USDP nih hlankan thimfung in teinnak an hmuhmi kha tutan cu hlankan thimfung kongah biatak tein NLD nih an i ralrin dingmi a si. Thimfung thlatu hna le thimfung vengtu hna le kha trainning thatein kan pek hna an ti.

1988 lio khan kan ram hi a tleng ding a si nain ralkap le NLD karlak ah itheihthiamnak a um lo caah kum 23 renglo kan rauh hnu ah zalonnak zeimawzat kan hmuh mi a si. Mah kan hmuh khawhnak dingah temtuartu hna nih tem innak thawng in a si. 1990 kum NLD nih thimnak i an tei ka ah khan NLD Vice Chairman U Kyi Maung nih Kawlram ahcun nurenburg bantuk tazacuainak tuah kan herh lem lai lo" tiah a chim sual i, mah cu ralkap bawi vialte nih an ttih caah NLD hruaitu vialte cu thongah an thlak dih hna.

Minung thong 50 renglo nih pupululh chuihnak bualrawn ah a biachim an ngaih lio, rak chuak hlah ulaw tiah tlangau zongah tlauh khawh ding phun an si lo, lungthin chung in a chuakmi cu ahohmanh nih an kham kho hna lai lo.

Sianghleiruan Siangngakchia pawl nih mipi humhimnak tuanvo an laak lio a si. Ram pakhat thlennak ah hruaitu hna nih an i palh sual ahcun a hram in thawk than a herh" ti a si. Hruaitu tlawmte nih palhnak ruangah mipi a thongthong in kan sung. Nunnak kan sung, thisen kan sung. Hruaitu tha cu rampi nih a herh bikmi a si.

Mipi thawnnak cu hruaitu hna nih an ttih bikmi le an herh bikmi a si. Mipi nih dirkamhmi hruaitu hna cu cikkhat an tlak hmanh ah mipi nih an thawh than hna lai. Mipi tel loin mipi caah riantuan khawh a si lo. Mipi caah mipi he lawng tuan khawh a si.

A tanglei hmanthlak hi Myangmya khua ah Aung San Suu Kyi Nih bia a chim lio a si. Myangmya khua ah Karem tampi an um, Khrihfa tampi zong an um, Sevenday Adventist Bible Sianginn te hna a umnak hmun a si i, Khrihfa zeimawzat an umnak a si caah thilcinnak lei le thingram kong an cawmnak sianginn umnak hmun zong a si fawn.

Zung Cer Mawi [ Thet Mon Myint] Nih Academy Laksawng A Hmuh

2010 Kawlram Academy Lakawng peknak cu Nyepyidaw Khuapi ah an tuah i, ramhun changtu Dr. Sai Mouk Kham le vuanci pawl an i tel. Pu Kyaw San nih laksawng a pek hna. Chin miphun chungah Zung Cei Mawi nih a pakhatnak laksanwg a hmuh i Chin miphun caah tuanbia a ttial.

Pumrua that zongah Kawl ngaknu nih an tluk hrimhrim lo.

Lai thil a hrukmi hrimhrim nih a dawhter. Hlan tein Laimi sinak hi rak uar sehlaw atu nak in a min a thang deuh lai. Kawl nih Chin an ti tthiamtthiam, Chin mi zong nih Lai nute kan ti tthaimthiam.

Mah le miphun a uar, mah le miphun a tlaihchan cu kan miphun himnak caah a biapi bik a si. Miphundang uar le miphundang tlaihchan cu kan miphun tlaunak a hrama tawknak a si.

Laimi hi miphun tenau kan si lonak cu kan thilthuam le kan kutzung in hmuh khawh a si. Miphun tetuai hna nih mah bantuk thilthuam le kutzung ngeih khawh ding a si lo, Laimi hi kan semnak hrimhrim in miphun pipuan kan si, atu bel ah mah miphun zeirel lonak nih kan miphun kha miphun tetuai ah a chuahter a zelh hnik.

A Tanglei Baisakup in Academy A Hmuhmi

Careltu, hmanthlak zohtu nan dihlak cungah ka lawm. Zung Cei Mawi lawmh pinak he ka van tlahmi a si.

Mah vial in sirh seh,

Upatnak he,

Salai Lairamthang

Washington D.C

USA


Source::laiforum@yahoogroups.com

US Ah Tap Lo Khawh Kan Si Lo A Chuak Cang

Tluang Za Uk Group nih Tap Lo Kho Kan Si Lo DVD ttha em em in an ni chuahmi cu US ah cawk khawh a si ve cang.Mah DVD Khuai hi hmun dang ka dangah cun an phiat cangmi nain US ah a tu cio lawng kan rak chuahkhawh caah a ngei ciami hna ka dang hmun dang a ummi hna nih Youtube ah tar piak rih lo ding in kan in nawl ko hna.Mah khuai hi a caw i a zoh mi hna nih a ttha tuk hranghran an ti cio cu lawng si lo in a zuar lei a kan bawmtu hna cheukhat cu kan kuatmi hna DVD nih a daih hna lo caah an kan chah tthan mi zong an um len.Bianaah GA um kan nau Ni Luai Sang sinah ah 30 kuatmi nih a daih hna lo 30 in kuat chap a si. MI um Cu Cu sinah 20 kuat a si ve i a pawng kam ummi hna caah a daih ve hna lo 50 kuat chap a si cun IA um kan nau pa Pa Hei ( Zung Hei) sin ah 30 kuatmi nih a daih hna lo caah 10 in kuat chap a si ve. Mah khuai hi a dang Video Khuainak in mipi nih an duh deuh ko ti hi a lang.Tluang Za Uk Group an rian tuannak ah thazang pek kan duh ve hna tiah Khuai zuar piak ding bawmh hal mi hna sin in tampi ka theih caah Tluang Za Uk Group hi Pathian nih a um pi hrim ko hna ti hi kaa fiang chin lengmang.Hi khuai a zoh ngaimi vialte nan dihlak cungah Bawipa nih thluachuah um ko seh.

Hi khuai photzamhnak ah a kan bawm kho ding nan um ah cun thawngthanhnak rak kan ngei te uh law kan ni lawm ko lai tanpi le bawmh kan herh ko US ram cu a kau tuk tikah Laimi khrifabuu umnak hi theih dih le pahtliah dih a har ngai caah nan kan bawmh khawh cio ah cun kan ni lawm ko lai.Hi Tap Lo Khawh Kan Si Lo kong pehtlaih le hlat hlai a duhmi nih Copyright a tuah tu sinah thawngthanh le hlat hlai khawh a si.Cun a ngeitu hna Tluang Za Uk Group sin zongah hal khawh an si.Contact tuah khawhnak .

Thomas Tial Uk Email:: hosanauk@googlemail.com

vanbiaklianltp@gmail.com Phone:: 773-431-1334
Tluang Za Uk Group An Rian Tuannak Video Toi

Aung San Suu Kyi Karen Ram Tlawnnak

Mipi tthawnnak cu meithal le kuanfang nih a tei kho taktak lo. Lungrualnak nih kuanfang a tei. Lungrual cu tthawnnak a si. Ralkap cozah nih an ttih bikmi cu mipi lungrualnak thazang a si. Philipine ralbawi hlun Marcos cu mipi tthawnnak in an thlak, Indonesia ralbawi hlun Suharto zong mipi thawnnak in tei a si. Korea ralbawi hlun Chan Du Huan zong mipi thazang thawnnak in thlak a si.

Libya ram ralbawi, Gadafi zong mipi thazang in thlak a si. Egypt ram hruaitu Mubarak zong mipi thawnnak in thlak a si. Tunisia zong mipi thawnnak in cozah an thlak, Bahrain, Syria le Yemen ram zongah mipi thazang in thlennak an i zuam cuahmah lio a si. Mipi lung a rual ahcun meithal le kuanfang nih an chei ti lo. Atanglei hmanthlak nih Kawlram mipi lungrualnak a herh zia a kan chimh.

Aung San Suu Kyi Khualtlawnnak hmanthlak

Karen ram a tlawnnak lawng a si rih, Mandalay lei a tlawnnak tik ah mah nakin minung an tam deuh rih lai. Rili ti bang a suang dut mi minung.

Tanbo le thingtan a tlaih i, cozah dodaltu hna a phomhtu Cianh-Khan-Zi le Suan-Aa-Sin pawl khoika dah an phak. Rak chuak tuah hna seh, mah zetzat minung hi zeitindah an tuah khawh hna lai...

Auing San Suu Kyi Nunnak Himnak caah Cincek Minung

A luan ciami kum 20 lio ah khan kuanfang le meithal ttih lo in kan lung rak i rual sehlaw Kawlram cu ASEAN ram ah Vietnam, Thai le Indonesia nakin a thangcho deuh cang hnga.

A khual tlawnnak ah a tha a bat zongah mipi thazang a hmuh than ahcun thazang a tlung than ko.

Mah hmanthlak nan hmuhmi nih zeidah na lungah a chuak? zeitindah na ruah? timi rak chim te u caan na ngeih ahcun.

A tanglei ka thil chihmi hi kha rak hmet te ulaw video in tlawmpal zoh khawh a si.

Aung San Suu Kyi khuatlawnnak update cu caan kan ngeih caan tete ah thlah khawh kan van i zuam lai.

Upatnak he,

Salai Lairamthang

( Sungsung pa )



Sorce:: YCCF-International@yahoogroups.com