Pathian Ngaihthiamnak Phun Khat

2 Samuel 12:13-14 “Bawipa zong nih na sualnak kha an ngaihthiam cang, na thi lai lo. Sihmanhsehlaw........na hrin mi na fa cu a thi lai” tiah a ti.German theologian minthang Dietrich Bonhoeffer nih cheap grace, Khrihfa mi nih Pathian velngeih zangfahnak nak hi man fawi tuk ah kan tuah sual cang a rak ti mi hi nihin kan nih sin zong ah a phan ve cang ko lo maw? ti hi ka ruat ton. Khrihfa nun hi duh poh in nun a ngah maw? Pathian ngaihthiamnak kong hi awl tuk le fawi tuk in kan chim caah, kan nunnak nih hin cu ngaihthiamnak cu man ngei tein a dir pi kho ti lo. Pathian cu dawtnak, velngeihnak, zangfahnak le ngaihthiamnak he a khat mi kan ti ban tukin a dik mi (justice) Pathian, biaceihtu Pathian asi nak zong kan philh lo awk asi.

Ngaihthiam ka hal tthan te ko lai ti hi a ra ton. Biatak tein kaa ngai chih lai i, ngaih thiam ka hal te lai, ti asi ton. Pathian nih hin ngaih cu a kan ngaih thiam ton ko lai nain, sualnak kan tuah mi le kan rak tuah man kha cu kan zun ve thiamthiam ko. Biakam hlun chung kan zoh ah cun, David nih Uriah nupi a sual pi mi kha, aa ngai chih i biataktein Pathian lei a panh than tikah, (2 Samuel 12:13-14) Bawipa zong nih na sualnak kha an ngaihthiam cang, na thi lai lo. Sihmanhsehlaw mah hi thil na tuah thawng in Bawipa khan a zomhtaih ngaingai cang caah, na hrin mi na fa cu a thi lai tiah a ti. Kan ngaih thiam nain na fapa cu a thi thiamthiam lai a ti. 2 Samuel 12:10 ah vainam cu na inn in aa then bal lai lo a ti. David fapa Amnon nih David fanu Tamar a tlaihhrem (2Samual. 13:14). Cun, Absalom nih Amnon cu a thah (2 Samuel 13:28-29). Afapa Absalon nih a doh hoi (2 Samual 15) tiban tuk a rak si.

Cucaah, kan sual kan ni ngaichih ah cun, ngaihthiam kan hal ah cun zeipoh a remcang, a sinpi dih te ko lai tiin ruat hlah uh sih. A kan ngaihthiam ko lai nain, fakdeuh in kan rak tuah sual si cun, fakdeuh in kan zun ve ko lai. Asinain, hibantuk dantatnak kan ton mi hmanh ah hin Pathian a zangfahnak le velngeih nak cu a ngan rih thiamthiam ko, kan tuah mi tluk ngaingai in a kan tuar ter siang rih lo thiamthiam. Asinain, Pathian a mifa taktak a si mi cu chimhhrinh lo in cun a kan chia hrim ve lo. An nih cu tthat lo nak tuah in an rum, duh poah in an nung ko nain zeihmanh Pathian dantatnak zong an tong loh kan ti ding a si lo. Pathian fale an rak si taktak lo zong a si kho. Hi kong ah hin cun, mi he i tahchunh ding zong si lo. Pathian nih minung pakhat cio hi a kan pehtlaih dan aa lo dih theng lo nain, a thil hram pi a si ning principle tu cu a um peng mi si. Cucaah, Pathian ngaihthiamnak phun tam pi lak ah, thil hrampi a si ning principle phunkhat te ka rak langhter mi tu kha si. Kan mah tu kha dingfel tein a si khawh chung Pathian he i pehtlaih ding tu kha a biapi bik mi cu a si ko. Cucaah, Hebru 12:1b-2 nih a kan cawnpiak ban tuk in lam a kan dawntu thil paohpaoh le kan tlaihchan peng mi sualnak vialte kha hlaw hna u sih law kan hmai i chiah mi tlikzuamnak ah khan i zuam uh sih. Jesuh kha fekte in i zohchih u sih, amah cungah cun kan zumhnak cu a hramthawk in a dongh tiang a um ti mi hi fek tein i tlaih peng hna uh sih.

PahniangManila, Philippines////////////

Nizan Nga Kan Sio

Tu hrawng cu nikhua a lum lio cu sikaw i manh caan ah cun Ti kam lawngah um a nuamh lio a si caah nizan cu Wheaton in Chicago lei ah Nga Sio ding le Ti Lio dingah kan kai tthan hna. Wheaton le Chicago hi Meng 33 hrawng an ni hlat Minutes 40 hrawng mawngh a si. Nizan cu nikhua a lum ngai caah Chicago kam i Machigan Lake hrawng cu minung in an khat dih kan mit nih a hmuh khawhnak Ti kam paoh cu mi nung lawng te an si.

Voi dang nak in nizan Ngai kan sio mi cu aa nuam khun Chicago ah hin kum 3 hrawng Nga kan Sio cang i nizan bantukin Nga kan tlai bal lo suimilam 3 chung hrawng kan Sio nain Lai lei Bawm puahmi nak in tam deuh kan tlaih.Nga kan tlaihmi a kan hmu mi paoh an khua ruah a har tuk i kan Nga tlaihmi cu an kan zoh piak len kan Sio lio hrim ah cheukhat nih kan pawng in an kan dir hnawh i Nga kan van tliah paoh ah khan an au.Cheukhat nih nan Ngai tlaihmi hi kan nin cawk hna lai nan duh ah cun a dihlak zong in kan nin cawk hna lai a kan timi hna zong an um i kan siang lo a hnu ah a cheu tal in nan kan pe kho lai maw? ti hna an kan hal tuk caah pakhat hnih tete nih kan pek hna. Michigan Lake i Nga hi Lai lei Nga he an ni lo deng mang i Ti hi Lai tlang lei Ti bantuk Ti fim te a si lengah a thiangtuk mi Ti a si i khawlh zong ah a nuam tuk a kik pah fon a thiang tuk fon Ti hal caan hmanh ah din awk a tthami ti a si caah Nga kan tlaihmi hna hi Lai lei Nga sa tluk bak in an thaw ve.Nizan i kan tlaihmi hi a tlawm bik LB 35-40 kar an si lai.

Person of The Year 2011 Thimnak

Chin miphun chung in ram le miphun caah siseh, Kawlram pumpi huap in siseh, international ah siseh, kan miphun caah bochan tlak pasaltha kan ngeihmi hna upatpeknak, conglawmhnak le thazaang peknak caah CYO nih a voikhatnak Person of The Year thimnak cu tuah a si.

Chin miphun le Chin ram caah nunnak thap in rian a tuanmi hna, kan miphun caah zaang hlei cawi in rian a tuantu hna, midang nunnak caah thisen thap in rian a tuantu  pasaltha hna chung in, 2010 in 2011 chungah kan miphun caah rian a tuan kho bik tiah ruahmi minung (5) hna cu Person of The Year ( 2011 ) thimtu committee nih nominate tuah a si. Thimnak tuahtu Committee nih thimnak tahfung 9 kan ngei. Cu thimnak tahfung hna cu:

Thimnak Tahfung
1. Miphun le ram a dawtu a si lai.
2. Miphun caah pumpek in rian a tuanmi a si lai.
3. Kan miphun a hip (influance)Â kho tu a si lai.
4. Kan miphun caah zaanghlei cawi in rian a tuanmi a si lai.
5. Kan miphun hmai a hngal tertu a si lai
6. A riantuannak ah a ding a felmi mi zohchunhtlak a si lai.
7. Kan miphun aiawh in international level in riantuan khomi a si lai.
8. Kan miphun nih a riantuannak a hlawkpi mi a si lai.
9. Kan miphun le kan ram caah a hmun dingmi thil tha pakhat khat a chuahpi khotu a si lai.

 A cunglei thimnak tahfung in a tling tiah ruahmi minung 5 cu thimtu committee zong nih thimfung thlak an si. Thimtu Committee nih thimfung thlakmi kha 40% pek a si lai i, a tangmi 60% cu mipi thimfung ( popular vote) in thim a si lai.Â

Person of The Year 2011 thim dingah nominate tuahmi hna cu:

Pu Cung Hu
Living Blood Bank Founder, Hakha, Chin State, Burma

 Dr. Salai Ngun Cung Lian
Assistant Director
The Center for Constitutional Democracy
Indiana University, Bloomington

Pu Solomon Thang Ding
Chief of Staff (Acting) CNA/CNF

Salai Thla Hei
Secretary
Department of Organization of Chin National Front

Van Biak Thang
Assistan Editor
Chinland Guardian
London, UK

Thimfung nan thlakmi vialte July 2, 2011, US Eastern caan in chun suimilam 12:00 tiang nan thlakmi lawng rel piak nan si lai. Cucaah thimfung a thla duhmi paoh nih CYO maivan http://www.laiseino .com/PersonOfThe Year.html ah hmet ulaw, thimfung thlak khawh a si.

Person of The Year 2011 a ngahmi cu CYO Conference a ni hnihnak zan ah laksawng pek a si lai.
http://www.laiseino .com/PersonOfThe Year.html

Information and Publicity
Chin Youth Organization

Nizan Nga Kan Sio

Visit My Photos - 41 Pics 2011 Nga Kan Sio Lio

Marry Nun In Cawn Awk

John 2:3-5 Mitsur zu kha a dih tikah Jesuh cu a nu nih khan, “Mitsur zu an ngei ti lo,” tiah a chimh.

Jesuh nih cun, “Ka nu, zeidah tuah awk ti kha, na ka chimh awk a si lo, ka caan pei a phan rih lo cu,” tiah a ti. Jesuh nu nih cun sinum pawl cu, “An chimhmi hna paoh kha tuah te u,” tiah a ti hna.

Kana khua i nupi tthitnak puai ah cun Jesuh le a nu cu an sawm ve hna.

1. Jesuh a nu Marry hi Kana khua mi asi lo, nupi tthit puai ah an sawm ve caah a va kal mi tu asi. Cucaah, anih cu mikhual sawhsawh asi. Mitsur zu a dih tikah Jesuh cu a nu nih khan, mitsur zu an ngei ti lo, tiah a chimh. Sawmmi le mikhual sawhsawh asi mi Marry nih an mitsur zu a dih mi cu amah he zeidah aa saing? Aa thlak nak ding zeihmanh a um lo. Sihmanhsehlaw, thil kha tluang tein kal seh ti mi siaherhnak a ngei i a ti khawh tawk aa zuam. Khrihfa kan sinak ah hibantuk thil hmuh thiam hi a herh ngaingai mi asi. Christmas hna, bawipa thawh hna, civui hna, hawikomhnak hna kan tuah tikah, thil herh bau mi tete kan hmuh, kan theih tikah zeihmanh a saing lo bantuk in kan um sual maw? Mi cheukhat cu kan theih nain kan tuah duh lo, mi cheu cu kan thei bak lo, mi cheu cu kan theih nain an kan fial sual lai tiah a dang ah kan hrial tak! Hibantuk hna hi, an mah nih tuah hna seh, ka rian si lo kan ti sual maw? Hi bantuk thil hmuh thiam long si lo in, volunteer in a tuah tu zong kan si awk ah a herh ngaingai mi asi.

2. Jesuh nih cun, ka nu, cucu tuah, khakha tuah, tiah na ka ti awk a si ttung lo, tiah a ti nain, Marry cu a dai hlei lo, sinmu pawl sin ah, an chimmi hna paoh kha tuah te u, a va ti rih thiamthiam. Sinum pawl zong cu zeitindah nawl a va pek thiam rih hna, mikhual sawm mi sawsawh pei a si ko cu! Ka hawi pakhat airport immigration ah harnak a ton lio ah, heh tiah phone ka chawnh, ka hawi le ka theih mi upa pawl, cun lawyer pawl hna zong phone hna ka chawn hna, a si khawh chungin ka colcangh lio ah, mi pakhat nih hihi, nang he zeidah aa siang tiah a ka ti. Sinain, ka dai hlei lo, ka tuah thiamthiam ko. Khrihfa nun cu Jesuh zulh, a kan cawnpiak mi zulh kha asi. Khrihfa nun cu kan thih tiang kan nun pi ding mi asi. Cucaah, Pathian rian ah hin i dinh le pension ti hi a um lo.

3. Marry nih hi vial te thil a can tikah, keimah thawngin asi ti mi, keimah nih Jesuh ka va chim caah asi ti mi, mah thangthat duhnak aa kawl lo. Tlam a tlin hnu ah cun aa thlak ti lo. Minthannak aa kawl lo. Thil pakhatkhat kan tuah khawh tikah, kan mah thawng hna in thil a rak cang tikah, minih an kan thei sual lai lo ti hi kan phang ngaingai ton. Hruaitu upa sinak ah minthang duh nak hi tukforhnak ngan taktak mi pakhat cu asi. Thil kan tuah mi mi nih theih hnaseh ti kan duh, kan private tangka kan hman mi hna kha cu zah dakaw, keimah tangka bak ka hman cu tiah kan hei chim hna. Kan thil tuah khawh nak hna kan langh ter. Cu tik ah, kan tuah kan ttuan len ko nain thluachuah kan hmuh ding tluk kha kan hmu kho ti lo. Mah pumpak min than duh nak hi kawl hrimhrim hlah uh sih. A can a zat tikah mi nih an thei te ko lai. An thei lo zong ah a poi hlei lo, zeicahtiah kan nih kan kawl mi cu hi vawlei minthannak asi lo.

Pa Hniang

Manila, Philippines

Picnic Kann Tuah Lio

Tu lio cu khua caan a lum lio si khaw Tiva he aa naihnak ah a ummi hna cu Tiva kam ah khua kan sa cang hna. Ti Lio le Nga Sio hrim Lai lei ngeih a um tuk ning he.Kan ni zarh ah Chicago i Machigan Lake ah Nga kan Sio le Picnic kan tuah lio Video hmanthlak ah rak kan zoh te uh.Hika ah hmanthlak tlawmpal.

Lawng Remh Tthan Lio Hmanthlak

THANTLANG AH THIL A CANG MI

June 22.11 zing ah Police a rak i thial thar mi Aa Kyi an ti mi kawlpa senkhat a si mi pa nih laansung ah hreitlung le naam te i put in (ခ်င္းစုတ္) , (ခ်င္းပဲ႔ ) , uico pawl ti ah a au i ai hro len , cun Thantlang i (စည္ပင္မွဴး) a si mi Pu Chanham inn hmai ah a kal i a angki chung in nam cu ai chuah i an thu danh cu a sawh , cun a hreitlung in a platform cu kok dih in a tuk , cun Pu Chanham cu inntang i dawr a hngak mi an nu nih inn cung ah a zaam ter i inn cung le inn tang in an i hauh ,cun (လမ္းဆုံ) kam i dawr a tuah mi Pu Al Cung kha a tang inn a tlaih i an i huai deng , mah hi ti a um nak a ruang cu "ni zaan ah khanThantlang ah ralkap bawi pawl an rak tlung i Pu Al Cung a dawr hmai i a chiah mi a mortor cycle kha thial uh ti ah a ti hna , an thialko nain nan thial zok loh ti ah a ti ," mah hi hi a ruang bik cu si dawh a si . Mah hi lio cann hi zingkaa 7am hrawng a si le mi no le tlangval deuh a si mi pawl an um lo kar te a si , mah cu thawng cu Police Pension a si mi Pu Dar Huat nih a theih tik ah ka thah lai a ti i ai kal hnawh tik ah cun a rak um ti loh, ti in (လမ္းဆုံ) pawng dawr hngak mi pakhat sin in thawng ka theih. cu ti cun a si le Thantlang i khua nu khua pa pawl, YMCA u pa pawl le MP Lalmaungcung hruai nak in a tu hi metting an auh cuah mah lio a si , mah hi pa kong hi kan caih lai i a herh ning poh in kan tuah lai ti ah thawng ka theih .a kong an ceih dih khawh in ka van peh than te lai .



thawngtinmang


Source::YCCF-International@yahoogroups.com

A MIAK A KAWL BALLO MI PA LE DAWTNAK

" Tlangval pa Absalon cun keimah ruang ah va huppheng tuah u,harnak va pe hlah u"...

Thaizing hi dam te in kan thoh ah cun ka Krifabuu ah hi kong hi chimh kaa tim,,,,caan tam pi ka ruat tawn,,,pa le dawt nak hi a sung lawi i a ngan tuk tihi cu ka theih tawn,,,,nain kei mah nih fa pa te ka ngeih hnu lawng ah Pa dawtnak hi a tak in ka cung ah a lang ve i ka theih kho ve,,nungak,tlangval ca ah cun Pa dawtnak hi a dih lak in nan thei kho rih lailo,,,mah hrim Pa dirhmun dir le Nu dir hmun dir lawng ah theih dih khawh a si,,,a sullam cu " Hringtu Pa " dawt nak kan timi cu Hringtu Pa le sin lawng ah a um kho mi a si.

Bible ah ka luh ta lai,,.....

David nih Fapa, Fanu tam lak te a ngeih hna,nupi 300 ngei kan ti cu a fa le tam lai cu theih cio asi,,,ral hrang Bawi Osma Bin La den zong unau ( nu khat pa dang tibantuk rel chih cun ) 54 an si ti asi. Voikhat cu David nih nu dang i a hrin mi a fanu tamar kha Nu dang i hrin mi a fapa Abnon nih a uar,a duh ziar. A tuar zia a thiam tilo i a hawi pa Zonnadap ruah nak a hal,,,,zei ti in dah hi Apple hi ka ei khawh lai,,? ti a si lai cu,,,Zonadap nih Siangpahrang David fapa na silo maw,cu tham cu ka dam lo ti ziar in it law,,,na pa nih room a van check tik ah ,,ka dam lo ti ziar ko,,zei dah na duh an ti ah cun ka far nu Tamar nih Chang rak reu sehlaw rak ka pe seh ti,cun an rak pek tik ah Inn ka hrenh khumh law,,,Apple cu ei ko,,cu vial asi ko,,,he,he,,tin ruah nak a cheuh. Cu ning cun a tuah taktak i a farnu cu a tlaih hrem,Israel tuan bia ah a um ballo mi ta,far sual nak a tuah,,cu caah nu khat pa khat a si mi a ta Absalon nih a far cu a bomh i a tlaih hrem tu pa cu a that,cuah a pa David nih ABSALON cu a thawl ( pihnendan a pek ). Caan sau a rauh hnu ah a fa taktak thawl thai cu a duh than lo i a auh than.

( 1 ). Hringtu Pa le dawtnak cu zei bantuk fa sual cung zong ah dongh tiang harnak pek aa tim lo mi,thlachiat a ruat mi dawtnak a si nak a lang.

Absalon nih hitluk in ka sual cang,lai nawng zong ka si cang ko nain ka Pa dawtnak hi a lianngan ko ti i theih tu silo ina thli te in a pa cu doh aa tim,minung a khomh hna,a pa sin biaceih ding i a ra mi hna kha a kuh,a hnamh hna i a pa thatlonak a chimh hna, an lungthin a fir i a pial ter hna,a donghnak ah a pa cu Pathian sin ka biakam tlingter ding ah ka thlah a ti ziar i a pa doh ah ral pi a tho,,,a pa David cu a tar hnu ah tha bat le tih phang ngai i a sal le hna he ram lak ah an zam,,,siangpahrang Inn i mah tluk nuam in khua a sa cang mi pa cu a fapa cu kenh riangmang in ram lak tu ah a zam.

( 2 ). Hringtu Pa le dawtnak cun fa le harnak ingding nak cun mah hrim nih inn tuar aa thim deuh peng mi,fa le cung ah a miak a la lo mi, a mah tu a temtuar peng mi dawtnak asi.

Cuti cun a fa pa Absalon nih a pa david nu pi a kal tak mi hna cu chun lai bak ah a sual pi hna,,,a pa cu thah ding in a kawl peng,,,David minung hna nih Absalon cu that ding in an kal hnawh ve tik ah a pa David nih a ralkap hna cu pa dawtnak zong a thei lo mi pa cu nan hmuh bak in that ko u, a thih zong a pawilo a ti naisai lo,," Tlangvalpa cu keimah ruang ah harnak va pe hlah u,va huppheng hram ko u" ti bia a cah ta hna. Hi bai hi a mak tak mi, chimh a har tak mi bia fang a si, ziah cun,, a mah hringtu pa lila zong that a timh tu pa, khat lei cun a ral a si m i pa cung chimh mi biafang a si.Tei rul cham duhnak aa tello,dawt nak biafang tu a si,,,cucu Hringtu Pa le dawtnak a ngan zia cu a si.

( 3 ). Hringtu Pa le tiang hmanh that a timhtu,thlachiat a ruatlo mi fapa cu i dawtnak bia nem,teirul cham lo nak bia sunglawi a chim kho tu dawtnak cu Pa le dawtnak a si.

Bible thar ah,,,,Ralbawi pa pakhat nih a fapa damnak a hmuh nak lai Bawi zisuh sin ah tangdornak he a rak hal ti kan hmuh,,,ral bawi pakhat sal zong a ngei ve mi pa,duh ning kho pa a si nain Mi sawhsawh ah rak ruah mi ( cu lio chan ah ) lak fa sawh ah ruah mi, Lehtama pa fapa ah chiah mi,zapi zaran nih upat lemlo mi pa Bawi zisuh cun toi aa dawr i a fapa cai dam nak a hal piak khawhn ak cu a sunglawi tuk mi Pa le dawtnak a si ko lo maw?

Bible hlun ah....Zakop a nu nih Zakop Ro a co nak ding ah a pa a hlenter, Zakop nih a nu a let mi cu ka pa hi a mit a co cang ko nain ka ua isau le kei hi kan awichuah le kan kut hmul hna in a kan theih khawh, a kan thlei dan khawh,cu hlen khawh cu chimh hlah a ka theih lai i chiat tu a ser lehlam lai a ti tik ah a nu nih a leh mi cu,," Chiatserhnak cu kei mah cung tu ah tlung ko seh" ti aa ham. Fa le thluachuah hmuh nak ding ca ah cun chiatserh hmnah aa thim ngam mi dawtnak cu nu le pa dawtnak a si.

Keimah ka pa kong ah tlawm pal in,

Ka pa hi kum ( 9 ) chung kut le kee fahnak in a zaw ( thari fah a ngei ) mi a si,lam tha in a kal kho lo,rawl a ei ah ti hang tha in a ding kho lo, rawl a ei ah buhfang tang ah a tlak ter peng,,thari thatlokan ti cu ti hang hna hi an liam than caan a um pah tawn,,,ka fa le nih an ka fih sual lai,an rawl ka a thaw lo sual lai ti a phang i kan sin a ei duh tawn lo,zei ruah awk kan rak theih lo caah ka nu nih mehhang thawh deuh tuah piak a duh le a si ko lai ti in kan rak ruah sual,,,fa le he rawl dumti zei tluk in dah a nuamh,a duh ve,,nain a mah lawng in ei aa thim,a chan cu fa le paw khimlo,rawl ei ka thaw lo sual ding a phang caah asi,,,,,cucu ka Pa i a kan dawt nak a si. Hni puan thar cawk piak kan timh poh ah thil thar ka uar lo,ka duh a ti i a thin aa runhter,Nazi thatlo nung setsai lo te khi aa khih,hni chiar te khi ( Lungzi ) aa fenh,thil tha kan cok piak ah ka duh lo a ti i aa phunzai ter,a chan cu ka fa le tu i cok deuh hna seh ti a rak si,,,zei theih lo in a phunzai tuk,thiltha cok piak a phulo kan rak ti,,,Tanbu in Kalay tiang hi Kea bak in ka u ( tanghra kai lio ) sin ah a kal tawn,Motor zong i cik kan ti ah Motor ka ri tuk a kan ti diam,,,Phaisa dih lai phan ah, a fa le fim cawnnak um lo ding phan ah a rak si. Thih tik ah ruahlo,zawtlo pi in thih ka duh a kan ti tawn,,ziah hmei kan ti ah ka fa le nih phaisa tampi dih in thlopbul ka duh lo, an dih heutuk lai a kan ti,,,ruahlo le zawtnak um lo pi in 1999 May ah a kan thih tak,,,a thih tiang ah Lungzi pakhat le Angki pakhat te lawng ka cok piak manh,a tu kaa chir len ah san a tlai ti lo,ka pa ai ah a tu cu ka nu tu dawt kaa zuam cang.

Keimah pa lawng a si lailo,nan pa le an si cio kolai, an in dawt dih ko hna lai,,,ram dang kal nak caah mi mit tang ah toi i dor in phaisa a kan cawi piak,ram dang kan phanh in kan cham duh tilo, Ph te zong kan chonh ti lo,zu le sa in kan i ciah,phaisa kuat hrim kan i tim tilo, ka nu ka pa na dam maw? ti kan hal ti hna lo,,Ph Line a chia tuk kan ti ziar i kan chonh huam hna lo,,,minung kan caan hi a tawi tuk e,,,naa chir sual lai,,,caan tha na ngeih lio ah na nu le na pa lawmhter i zuam,,,,

Minung kan nunnak cu,,,a tawituk, nu le pa,,,fa le hna kar lak hi tanglei he aa lo tuk tin ka ruat e,,,

Lai lei Civui kan kal tawn ah Ni nga ni ( Fri Day ) ah khual kan phan hna, khua dang cio in a ra mi kan si caah kan thei rih hnalo, kan i ngamhtlak rih hna lo,Zarhte ni hrang ah cun kan van i dawt deuh,ngamhtlak deuh cang,Zarhpi n i ah cun kan dawt taktak cang,kan i theihthiam cang i kan ngamhtlak taktak lei a si cang,,then ding zong kan i siang tilo,,nain Nikhat ni ah cun i then than viar a si. Cubantuk in Nu le Pa dawtnak hi tuan pi in a theih khawh lo ah cun na thei ah Civui tin caan hna a phan lai ka phang,,,,ka dawt mi unau hna thaten in Pa le dawt nak cu ruat hna u si law dawt khawh i zuam cang hna u si,,,,

Nun lio ah daw hna u si law thih tik ah i chir ti hna hlah u si,duh nak pakhat lawng a ngeimi pa nih cun lam kam i pangpar dawhte a hmuh tik ah aa tuar kho lo u a tawh,nain dawtnak a ngeimi pa nih cun Pangpar cu aadawh chin nak lai ti a toih piak"...Pa le dawtnak cu fa le nih kan ngeih mi mah miak nak phun duhnak sawh a si lo mah nih i tuarnak phun dawtnak tu a si.

Careltu nan cung ah Pa le dawtnak theihthiam nak um hram seh law Pathian nih nan lam tlaunter hram ko seh.

Note: Zan a tlaituk cang i ka Check than manh tilo caah a ruah zia ka thiam hram u law,palhnak a um ah cun kei mah cung ah si hram ko seh.

Upatnak he,

Joseph Ngun Lian

Lungchungzi Zung KIA Nih An Kah

Kachin ram Dawhphungzian myone khuai Napsanzian i kawl ralkap lungchungzi sakhan cu nizan thla 18 zan nazi 2 ah KIA nih bom in an kah i kawl ralkap 5 an thi.Cun zarhte ni thla 18 ni khan Suaiku myone Sandan khua pawng ah kawl ralkap le KIA cu chun ni tlak an ni kap.KIA nih mine an phummi kawl ralkap nih an lamh sual i 3 an thi cun a hnu ah 6 an thi than an za tein 14 an thi tiah KIA nih an chim hma pu mi zong an um ti a si.

Cun Shanram north Muse myone kawngnawng ziahkuat kawl ralkap bawi pawl an raihnak Butekung hmun ah bom a puak hawi i a thi mi tu an um lo ti a si.

Kanrem ram Miangcingung um ramril hngak DKBA hna cu kawl ralkap kut tang ah um cu an duh than lo caah kan hnu thla chung ah khan DKBA tazeih an ni hruk than cang.Miangcingung cu a cozah ralkap nih lak than ding in an ni timh i a tu hi kawl ralkap tatmaha 44 pawl cu miangcingung an phan deng ti a si.Kawl ralkap hna cu thawl ding le kah ding ah DKBA le KNU tatmaha 7 le 1 in bawmh in kah ding ah timh cia in kan um ve cang ti DKBA Buhmu kyawtet nih a chim.Kawkarih myo,ziankoh khua pawng ah miangcingung lei ah a rak kai mi kawl ralkap le DKBA cu lam ah an ni tong i hmai ton bak in an ni kap i kawralkap lei Buci patkhat a nung in an tlaih a pistor le biachimnak phone an lak piak a nung in kan thlah than tiah Buhmu kyawtet nih a chim miangcingung detat ah um ramri hngak duh lo mi DKBA lei hi 1000 leng kan si ti a chim chih.

patluang
Aizawl,

__._,_.___

Cell Phone Thar A Chuak

US ah hin Cell Phone phun a tam ngai a tam u cu minute a cawk in cawk a hau mi an si hna i cheukhat cu minute cawk hau lo unlimited zong an um ve. US ram i Cell Phone a phun ka theihtawk in Criket/T-Mobile / Bost Mobile /Simple Mobile/Sprint/Verizon/At&t/Metropc mah lengah a um rih lai mah hi keimah theihtawk le kan mah umnak hrawng i hman bikmi pawl an si.Mah hna lak ah a man a foi bikmi le aa kaih bikmi cu Criket hi a si thlakhat ah $35 Unlimited a si Canada tiang Unlimited a si chih.

A tu i ka van tial duhmi cu Cell Phone Company thar a chuak kan ti lai cu.http://www.net10.com ah rak leng ve te hmanh Cell Phone hna zong an that lengah a man tlawm tete an hau hna i a tu hi mipi nih an duhkhawhnak hnga tiah biatak tein thawng an thanh le a man an thumh lio a si.No Contract No Credit an si Laimi kan uar phun te an si kan ti lai cu. Minute in cawk a duhmi nih thlakhat ah minute 750 ah $25.00 lawng a si a man tlam ngai.Cell Phone tlaih i thlakhat Bill $25.00 cu aa hlawk tak2 kan ti lai cu.An Cell Phone pawl Hika zoh khawh an si $ 50 hrawng in Phone tthattha cawk khawh an si.

KIA Le Kawl Ralkap Kong

Kumpi kum 14 chung tlangcungmi dothlengbu 18 tluk hna he daihnak kan ser tiah Kawl ralkap cozah SPDC nih vawleicung ah hmaihngal ngai i, a chim tawn mi “hramnam le daihnak kan thlen” ti in an au tawn mi cu September 1, 2010 ni thawk in a rawk dih. A sullam cu Uknak phungthar Constitution kan ser cang i, kan ram ah democracy phung bantuk in thimnak kan tuah cang lai. Cu hnu ah cozah thar kan ser khawh in democracy phunglam in kan i uk cang lai ca ah, cu kan phunglam nih ramchung ah hriamtlai ralkap pakhat lawng um ding a ti tik ah, nan ralkap vialte hna hi, ramri zohkhenhtu ralkap “Border Guard Force” ah nan i thleng dih lai. Cu thlen a duh lo mi poh cu phunglo um mi bu “Illegal Organization” ah ruah nan si lai an ti hna. Bu a hmedeuh te te a si mi hna a tam deuh nih cun an dirhmun, an thazang zoh in zeidah kan i huah lai ti kha an zenh ca ah, an ti bantuk hna cun, ramri cawng ralkap ah a cang na, a cheukhat cu pyithusit “militia” ah aa thleng na an si. Sihmanhsehlaw, thazang a thawng deuh mi ralkap bu Kachin Independence Army, United Wa State Army le Shan State Army North, New Mon State Army pawl nih cun, an dal hna.

KIA hi an mah nih cun ralkap 15,000 tluk kan um an ti. UWSA hi 25,000 tluk an s ii, SSA North hi cu 2000 fai lawng an si. NMSP ralkap hna zong hi 3000 hrawng dah an si lai tiah an ruah. Cu hna lawng si lo in, Democratic Budhist Army (DKBA), pawl 1995 in KNLA (Karen ralkap) chung in aa then i, Kawl ralkap he daihnak a la mi hna chung zong ah BGF kong ah an lung aa then i, an lak ah Brigade pakhat cu cozah he an i do than. Sihmanhsehlaw, KNLA he tu cun an i fonh than kho ti lo. SSA North ralkap chung zong ah an lung aa then ca ah 1^st Brigade pakhat lawng kha BGF duhlo ruang ah dotu ralkap ah an hung cang than ve. Shan State Army (South) kan ti mi hna hi cu hlan pi in daihnak a tuah mi an si lo. Ralkap bu 8,000 tluk he Thai ramri ah thawngngai in a um mi an s ii, an ho tu hi Major General Yaw Seik a si. Khun Sa ralkap chung khan aa then mi an si.

Cuti BGF an duh lo hnu cun, zeitikdah ti lengmang in a um nak hi kum cheu tluk a si cang. Cutik ah, daihnak a tuahrihlo mi hna KNLA (Karen), CNF (Chin) he tiah Kawl ralkap hna nih an nawr hna ai kun, tangti hna uh sih tiah hawikawm an saw mi, a tawinak cun United Nationalities Federal Council (UNFC) tiah bu kawmh an ser i, cuticun ralring te in an um ve.

Tukum thawkka hrawng ah Shanram ah a um ve mi buu khat Kokang le Maila ralkap tu cu an kah cang hna i, guerrilla warfare an tuah i, Wa le SSA North hna he ti in, an i kawm than ve.

Wa hi tuluk cozah nih a humhim mi hna an si. An hriamnam zong hi Tuluk ta lawngte a s ii, an hqrs. Pangsang hi tuluk ram khua pakhat bantuk a si ko. Tuluk holh lawng an hmang i, Kawlram chung ah mah te in a auk mi ram hmete pakhat bantuk in um a duh mi an si. Cu cu Kawl cozah zong nih a pek duh ve hna lo ca ah siseh, tuluk humhimnak zong cu a um ve tik ah, zeitikdah a kah te hna lai kan ti lengmang mi cu kap hmasa lo in a tu ah Kachin tu kah hram an thawk. Zeitindah aa thawk ti a si ah cun:

3^rd Brigade hi Ruili in nazi pakhat hrawng te lawng motawka in kal a s ii, Maijaiyang ti mi kan mah Kawlram ah cun Luai Ce tlanghram ah khin a um. Cu brigade chung ah Battalion 15 an chiahnak post pakhat te kha Kawl ralkap nih nan i thawn lai an ti hna tik ah, an duh lo. A tawinak in chim ah cun an duh ve lo ca ah, pehtlaihnak an rak tuah tonnak zung pakhat kha an lak piak hna hram hram in. Cutik ah donak le kahnak a um i, KIA nih kawlralkap 3 an tlaih hna. Kawl ralkap nih KIA pakhat an tlaih ve. Cu an i tlaihpiak v eve mi hna cu kan i thleng lai an ti tik ah, KIA pa te tu cu a ruak in an rak chiah. An hremnak hma in thih dawh a si an ti. Mirang ca in an tial mi hi a rel kho ca ah ka vun thil chih.

BURMA: Battles in Kachin State Continue;
Kachin Independence Army (KIA) Issues an Order to Its Troops to Launch Full-Scale Resistance War; 28 Chinese Engineers Become Hostages

Updated by Aung Din, U.S. Campaign for Burma

June 13, 2011

Kachin Independence Army Issues an Order to Its Troops to Launch Full-Scale Resistance War against the Burmese Regime AttackToday, Kachin Independent Army (KIA) issued an order to all of its forces to launch full-scale resistance war against the attack made by the Burmese military regime’s troops as its ultimatum to the regime to hold a peaceful dialogue was not responded by 12:00 PM, said Major General Gun Maw, Vice Chief of Staff of the KIA, armed wing of the Kachin Independence Organization (KIO).

Chronology of Battles:
Earlier this month, the regime’s Northern Military Command, based in Myitkyina, sent an order to the KIA, stating that KIA troops (the 15th Battalion) at Sang Gang Post, near Momauk Township, in Bhamo District, should be removed completely by 12:00 PM on June 11, 2011. The area is near the Ta Pein (Taping) River, where two hydropower plant projects are being constructed by China Datang Corporation (CDT). These power plants are located on the Bhamo-Myitkyina Highway and electricity will be transported to China through the Highway. Therefore, the regime asked the KIA to move away from that area. However, KIA refused to move away as the area is a strategic location for KIA, only 60 miles away from Laiza, KIO/KIA Headquarters. The area is also linked between the KIA’s 3rd Brigade Command at Maijai Yang and the General Headquarters at Laiza.

On June 8, 2011, a group of Burmese soldiers from Light Infantry Battalion (LIB) 437 entered into the area secretly to gather intelligence. KIA arrested them, two officials and one private, for entering its controlled area without permission. The regime demanded to transfer its soldiers back, but KIA refused and urged the regime troops to withdraw from the area. The regime arrested one KIA official, stationed in its liaison office in Myitkyina.

On June 9, 2011, early morning at 7:00 AM, more than 500 regime troops marched into Sang Gang Post and stared shooting at KIA troops. KIA shot back and fighting lasted about three hours. At least three Burmese soldiers were killed and six injured in the fighting. However, only two KIA were injured, a KIA officer in the frontline said. During the fight, the KIA captured three more Burmese soldiers.

After the battle, a negotiation was made between the both sides. Major General Zay Yar Aung, Commander of the Northern Military Command, promised that if KIA releases all Burmese soldiers they have captured, the regime would also release the one they have detained, and Burmese troops will withdraw from the area. As per agreement, KIA returned six Burmese soldiers, including Captain Myat Ko Ko, to the regime. But, the regime returned the dead body of Lance-Corporal Sau Ying, whose was apparently killed by severe beating and torture. The regime said he was killed during the fight.

Heavy fighting continued on June 11, after the deadline by the regime to the KIA troops to withdraw from the area by 12:00 PM was passed. Around 4:00 PM. The regime’s troops launched attack against KIA troops and severe fighting and artillery shelling continued two consecutive days until June 12. The KIO closed its last remaining liaison office in Myitkyina. KIO also shut down its own company, Buga Company, which was operating in Myitkyina, supplying essential electricity to the towns of Myitkyina and Waingmaw since late 2006.

On June 12, KIO Central Committee held an emergency meeting in its Laiza Headquarters and sent a letter to Major General Zay Yar Aung, Commander of the Northern Military Command. In the letter, KIO reiterated that it will not withdraw its troop from the area and asked the Commander to solve the problem by peaceful means. KIO warned that such an aggressive act can spread to the full-scale civil war all over the country.

On June 13, a minister from the Thein Sein’s government contacted the KIO leaders and asked for negotiation. KIO agreed to talk as soon as possible and asked the regime to respond by 12:00 PM. The minister insisted that the KIO first removes its forces from the area. Then the minister failed to contact the KIO at 12:00 PM. As the deadline was passed, the KIO decided to alert all of its forces at the highest level and ordered them to launch full-scale resistant war.

Refugees

As of this writing, more than 2,000 villagers from the conflict area fled to China-Burma border.

Forced Labor, Forced Confiscation of Private Vehicles

As the regime has tried to reinforce its troops to the conflict area, people in Bhamo, Waing Maw, and Myitkyina Townships are forcibly recruited to carry the weapons and ammunitions for the Burmese troops. Plenty of private vehicles are also forced to drive for the regime’s troops.

Chinese Engineers

About 28 Chinese engineers and workers from the hydro power plants are not allowed to return China by the Burmese troops. They are now like hostages, making the KIA troops to be extremely careful not to hurt them during the fight. KIA has requested these Chinese technicians to leave the country since a week ago.

Ethnic Alliance

Four ethnic resistance groups pledge to join the fight against the Burmese troops, said Brigadier General Gun Maw.

Report Date: 18 April , 2011

Note: We are re-sending this report to correct a few mistakes. Specifically, we had incorrect links to the Irrawaddy News and SHAN. Also, the article in SHAN about the attacks reported that 100,000 people were affected by the fighting, not displaced by the fighting as we originally reported. The correct report is included below. We apologize for the mistakes.

Dear friends,

The following is an update on the fighting between the Burma Army and the Shan State Army-North. We have no FBR teams currently in that area and this report is compiled for your general information from local Shan friends and contacts as well as reports on the Irrawaddy and SHAN web sites.

The Shan State Army-North (SSA-N) had a ceasefire with the Burma Army but recently refused the Burma regime's new government's offer to become a Border Guard Force (BGF) under tighter control of the Burma Army. As a result of this refusal to accommodate the regime, fighting broke out on March 13 between the SSA-N and the Burma Army. According to sources listed on the Irrawaddy website, 65 battles took place in Shan State between March 13 and April 6 in Tang Yan, Kesi, Mong Yai, Hsipaw, Lashio and Kyaukme townships. The Burma Army initiated the fighting by attacking the headquarters of the SSA-N in Moung Hsu township with a force of 20 battalions consisting of 3,500 troops. This fighting has resulted in human rights abuses by the Burma Army soldiers as recorded by Irrawaddy News. These reported human rights abuses include: women raped, villagers tortured and killed, villages being destroyed and burnt to the ground and their property stolen.

For more specific information concerning this you may view the Irrawaddy News. SHAN documents on their website that over 100,000 people have been affected throughout Shan State since the fighting erupted on March 13.

Thank you and May God bless you,

Shan FBR teams

Par Tha pa (Avic)
Chiang Mai

Source::YCCF-International@yahoogroups.com

A Cozah Nih KIA An Nawl Hna

Kachin hriamtlai KIA cu a cozah nih rem daihnak tuah ding ah KIA thanachoih laiza myo ah an va ton hna.Kachin pine vunci Tiangzaw nih sittan ah a um ral ap pawl zong kah lo ding in a mik kan chuah cang a ti.A si nain KIA lei nih ka lawng in chimmi cu kan duh lo tet te order a mik nan chuah mi hi ca le nan sign he kan sin a phanh hnu lawng ah kan zumh hna lai an ti i remnak tuah kho lo in an kir than tiah KIO secretary U Lanan nih a chimh.A cozah nih i kah lo ding in a mik kan chuah cang an ti nain nihin zong ah Muhnging khaziang ah KIA tatzin 5 le khahlahziah 142 cu an ni kap i kawralkap lei 7 an thi i hma pu mi zong an um ti a si.KIA lei a thi mi le hma pu mi an um lo tiah KIA buhmu pa nih a chimh.Nizan zong ah Kachim ram a bia pi deuhmi Thirhlei hna zong KIA nih an hrawh len rih ko.Kachin ram hmun kip ka kip ah KIA cu an ni kap len rih ko.

Patluang
Aizawl,

Hringtu Pa Le Ni Tuanbia Tawi

1909kum, khuasik thla a vundih i tthal khuapau a hun luh caan ah khin Sonora Dodd cu Zarhpi ni pumh dingah Biakinn ah a kal i aa pum. Cu ni cu “Hringtu Nu le Ni” a si caah phundang deuh le sunglawi ngai in pumhnak caanhman a si. Thawngttha chimmi Pastor nih Hringtu nu le kong he pehtlai in thawngttha a chim tik ah hringtu nu le hna cu innchungkhar ah an biapit ning le, fa le cungah nunnak pek tiang ngamh in dawtnak na ngeih ning, cun fa le hna nih hawi an lawh khawh ve nak hnga ti in harsatnak tampi lak ah rianhrang ttuan in fa le cungah dawtnak an langhternak kong kha fak piin a chim. Cu ti i Pastor pa nih nu le kong tthatnak le nu le nih fa le cungi an ngeihmi dawtnak kong a chim tik ah Sonora nih cun zeihmanh a thei fiang kho ti lo i lungaw ttawm ngaiin Pastor chimmi thawngttha cu a ngai. Zeiruangah Sonora nih hringtu nu le dawtnak cu a theih khawh lo ti a siahcun anih cu a ngakchia lio tein hringtu nu nih mual a liamtak hna caah nu dawtnak le nu zohkhenhnak pakhat hmanh a thei manh lo. Sonora te hi unau 6 an si i cu an unau 6 cun apa pakhat lawng nih a zohkhenh hna. Apa nih William Smart ti a si i ralkap in pensen a lami a si. Cutite cun pahmei dirhmun in anu nih a roh takmi hna fa 6 cu hringtu nu can in siseh, hringtu pa can in siseh, harsa ngaingai in a rak cawmken hna i a kan zohkhenh hna. Cu caah Sonora caah cun a pa William Smart cu a pa zong a si i a nu zong a si. Cu lio caan cu ram chung ral a thawh dih kaa a sitik ah fa 6 zohkhenh chimlo, mah pumpak pawcawmnak ca hmanh ah ei le din a har lio caan a si. Cu lio caan chimlo, nihin kan dirhmun hmanh ah hin hringtu nu lo in fa 6 zohkhenh ding cu a fawi hrimhrim lomi thil a si.Cuni pumh a dih tik ah Sonora nih cun fak piin khua a ruah tik ah hringtu a pa nih harsat tuk lio caan ah harsa tuk le rethei tukin Sonora te unau 6 a rak zohkhenhmi hna a ruah tthan tik ah hringtu pa le zong hi hringtu nu le bantukin upat pek awk an tlak hrimhrim ve ko tiah a ruah caah A Voi 1 nak Hringtu Pa le Ni cu June 19, 1910 ah USA ramkulh, Washington peng, Spokane khua ah a sunglawi ngai in a rak tuah. Zeiruangah dah Sonora nih hringtu pa le ni cu June thla thengte ah a tuah ti asiahcun Sonora hringtu a pa William Smart cu June thla chuahmi a si caah asi.Cu ti i Sonora nih hringtu pa le ni a rak thawkmi te cu duhsah duhsah tein hmunkip le kaa kip te ah rak tuah cio ve lengmang a si. 1924 kum ah cun USA President Calvin Coolidge nih hringtu pa le ni cu ram chung tuah awk ah a tlakmi thil a si hrimhrim ko tiah hnatlaknak le thazaang peknak a rak chim. Cun caan saunawn a rak rau i 1966 a rak phak tik ah cun USA President Lyndon Johnston nih June thla zarh thum nak cu hringtu pa le ni siseh tiah minthuhnak le thawngthanhnak a ngeih. 1972 a rak phak tik ah, President Nixon nih June zarhthumnak cu Hringtu Pa le Ni ah ser i ramchung ah pehzulh in tuah siseh cang seh mithutnak le thawngthanhnak a ngeih. Cuticun Sonora Dodd nih hringtu apa upat peknak caah June thla i a rak tuahmi Hringtu Pa le Ni cu nihin ni tiang kan vawleipi nih pehzulh in June thla zarh thum nak cu Hringtu Pa le Ni tiah sunglawi ngaiin caan hman zungzal a si.Sihmanhsehlaw, ni hin kan vawleipi nih Hringtu Pa le Ni tiah a titik ah hin fa a ngei i pa dirhmun in innchungkhar ah a dirmi hna lawng siloin fa a ngeih lo zongah siseh, kum le khua in mino a si zongah siseh, pawngkam caah maw, Khrihfabu caah maw, khua le peng caah maw, siloah ram le miphun caah maw tiin pa dirhmun ah a dirmi kan pa le hna zong kha upatnak pek nak an ngeih hna i hringtu pa le ni ah sunglawi ngaiin laksawng zong pek chih an si cang. Cu a si caah hawidawt unau hna, hi vawlei caan tawite kan nun chung ah hin kan innchungkhar caah maw, kan khua le kan peng caah maw, kan Khrihfabu caah maw, siloah ka ram le kan miphun caah pa dirhmun in kan dir khawhnak lai zuamnak le thlacamnak in hmailei ah kar hlang hna usih.Hringtu Pa Le Ni caah Baibal Catlang ka thimmi: Phungthlukbia 23:22-26 "Nangmah an hringtu na pa kha a bia va ngai, na nu kha a tar tikah va serhsat hlah. Biatak kha vaa cawk law zuar ti hlah, fimnak, cawnpiaknak le hngalhthiamnak kha i cawk hna. Miṭha mi hna an pa cu aa lawm ngaingai lai; fapa fim a hringmi pa cu a fapa hna cungah khan aa lawm lai. Na nu le na pa cu lawmhter hna, nangmah an hringtu cu lawm tein um seh. Ka fapa, ka bia cu i chingchiah hna law ka nunning hi i zohchunh tuah."Hringtu Pa le Upatnak tampi he,

Danny Bawi Thianhlun

Chicago,

USA

KIA Le Kawl Ralkap An Ni Kap

Kachin ram Mumauh Myone Taluk ram ril taping Electric simanking detat ah um KIA le kawl ralkap cu nizan thla 12 ah khan an ni kap than cang.Kawl ralkap lei hi tatzin khahmahziah 318 tel in tatzin 7 an ni fonh i minung hi 500 hrawng an si.KIA lei hi tatzin 3 hrawng an ni fonh ve. Kawl ralkap lei nih KIA tatzin 15 cu an kah hna .A tu KIA hi ramri hngah leh an khan lo hnu in a voi 4 nak an ni kah a si i a tu tan an ni kap mi hi a fak cem tiin Buhmuchoih Kun Maw nih a chim.Kawl ralkap lei hi a thimi cu fiang in theih kho an si rih hna lo i hma pu mi hi 30 leng nih an put ti a si.KIA le hi 4 an thi.taping Electric lei kal nak lam i thir hlei pakhat zong KIA nih an hrawh dih ti a si. Taping Electric zung ah tuanmi taluk enginer le hlawh fa in tuan mi minung 100 hna zong an mah taluk ram ah an zam dih.Cun khua mi KIA tatzin 15 pawng hrawng ah um mi 2000 leng taluk ram ah an zam dih ti a si.