Baltimore khua ralzam zung kum 10 tlinnak ah Kawlram kawng chimnak

Maryland State ah Kawlram mi tamngai, abik in Laimi tamnak Baltimore City ah ralzam zohkhenhnak center kum 10 tlinnak cu tu thla 24-25 ah khan Baltimore khua Eastern Ave ah tuah a si.

Cu center cu Baltimore Resettlement Center tiah an auh i NPO a simi IRC ( International Rescue Committee), LSS ( Lutheran Social Service) le Baltimore City Community College le State lei Social zung hna an i bawm i (partnership) in ralzam hna caah rian an tuannak a si. IRC zung tizong ah mi tampi nih theih a si, cun LSS zung ti zong ah a si thotho. Malaysia, Thailand le India in a rak phan mi Kawlram ralzam mi hna, US ram chung ah ralzam sinak asawk cuah mah mi asylum seekers hna caah rian a tuan mi center a si. Bhutan, Nepal, Iraq le Africa rampawl in a ra mi ralzam tampi hna caah rian a tuancuah mah mi center asi.

Mah cu BRC kum 10 tlinnak ah cun Kawlram aiawh in Open house ah bia tawi chimnak ngeih ding ah an ka sawm bantuk in ka chuak kho ve. Kawlram in a ra mi ralzam hna kawng biahalnak le bialehnak, Malaysia le Thailand le India hna i a um mi ralzam hna kawng biahalnak le bialehnak an ngei i, ka si khawhtawk in le ka chim khawh tawk in, hmanthlak pawl, video pawl langhter chih in ka chim.

Cun, Kawlram rawl phun hnih in kan chuah pi.

Mah hi puaituahnak ah hin, Baltimore IRC zung i executive director Robert Warwick le staff vialte le LSS upa dihlak(LSS-National Capital Area hotu nu) le staff pawl, Department of Social Service in upa, BRC a rak dirh hmasa tu upa hna pahnih le lawyer pawl, BCCC in principal le a dang Baltimore khua ah upa tampi an rak chuak kho. Hmunhma a bi caah abiapi mi minung taktak lawng an chuak kho, i biatawi chimnak te te an nei cio dih. Cun refugee sponsor a pe cuah mah mi khrihfa bu han le adang bu hna zong in an ra cio dih hna.

A caan tawite chung ah Kawlram kawng a bik in tlangcung mi hna kawng chimnak ka ngei kho i Kawlram in arakzam mi ralzam hna vialte caah a bik in Chin miphun hrang ah thathnem santlaihnak tlawmpal tal um hram ko seh tiah saduhthahnak ka ngei. Hmanthla pawl ka hin zoh khawh asi lai

Kai lawm,
Peter Biak Lian Sang ( Ref:: Laica in tialmi cabia le thawngpang)

Chicago Ah Pu Cung Cin A Rak Tlawng

Laimi chung in Kawlram pum paluk tiang ah a min a thang ngaimi Kawlram minta Ye Ko Ko te an chan lio hrawng ah mui le sam in siseh pumrua le thazang lei in siseh minn thang ngaimi kan ngakchiat lio i a min kan rak theih lengmang mi Pu Cung Cin khuapi cu a luan ciami thla ah khan Chicago ah a hawipa mirang pa he an umnak CANADA ram in an rak tlawng.Kan ngakchiat lio ah Khuapi Cung Cin tiah kan rak theih lengmang mi a si caah hmuh lai hi ka duh ngaimi ah aa tel vemi si kaw keimah btkin hmuh a duh ngaimi nan um theu lai tiah lungsia herh in ka rak in tar piak hna.***Van B Lian***

US Nih Burma Ramkomh Cung I A Ngeihmi Tlaihfung Thar

A luancia thla sarih thok khan US nih Burma ramkomh cung i kan ngeihmi tlaihfung (policy) nihhin kan itinhmi a kan phanhpi lo caah kan zoh tthan lai tiah thawng an rak thanh i Burma kong ah mithiam hna, khuaza mibu hna, Congress le midang tampi he kau ngai in caihhmainak an ngeih hnu ah kan lim cuahmah cang tiah thawng an thanh. Kan hnu UN Meeting lio i Burma Hawikom (Friends of Burma) hna itonnak an ngeih lio ah Secretary Clinton nih a vuapvap in a chim i nihin ah Kurt M. Campbell,
Assistant Secretary , Bureau of East Asian and Pacific Affairs, nih fiang deuh le cipciar deuh in chimphuannak a ngeih.

Kurt Campbell chimmi cu a tawinak in hun zoh hmanh usih;

“Kawl ralkap hruaitu hna nih US he pehtlaihnak (engagement) ngeih ding an duhnak an langhter i cu an duhnak cu fiang deuh in hngalh kan duh. North Korea he an ipehtlaih ca zong ah ttha deuh in zoh an hauhnak asi fawn. Cucaah kan itinhmi hrampi kan fehter tthan.

Burma ah zaukphung (democracy) a um ding hi kan dirpimi asi. Aung San Suu Kyi le ramkhelrian ruang i thongtla vialte chuah hna ding le tlangcung miphun hna cung i harsatnak le buainak vialte zong dihter ding le remdaihnak a chuah khawhnak ding ah biaruahnak ngeih ding lam kawl ding ah kan izuam lai.

Burma nih vawlei huap in ttuanvo a ngeihmi (international obligations) a zulh ding ah kan hnek lai. Burma nih kan itinhmi lei ah tthanchonak a ngeih ahcun kan ipehtlaihnak duhsah in kan karhter lai.

Pehtlaihnak kan tuah dingmi ahhin a biapi in Kawl ralkap nawlngeitu hna he hlangfang (direct) in biaruahnak ngeih kan duh. Kan biaruah dingmi ahcun Burma ram ah zaukphung le minung covo a um khawhnak ding kong aa tel lai.

Khenkhamnak (sanctions) kong ahhin Kawl ralkap nih ram thlennak dingah a herhmi tthanchonak an ngeih hlan cu kan ngeih ciami khenkhamnak hna hi kan hmunhter rih lai. Kan duhnak nan kan zulhpiak lawng ah khenkhamnak hi kan dihter lai tiah kan chimh hna lai.

2010 i thimnak tuah an timhmi kong ahcun thimnak an tuah dingmi hi a zalongmi asi lai tiah kan zum kho lo nain a herh tiah kan ruahnak pawl cu kan chimh ko hna lai.

Hi rianttuannak caahhin ram dang pawl he ttuanttinak ding lam kan kawl lai.

Kan zohtthanmi tlaihfung hna tlamtlin ding hi a har ngaimi asinain lungsau in ttuanrel khawh kan izuam ko lai.”

A cunglei langhtermi pin ahhin halbia le lehbia an ngei i a lehmi hna tampi lakah a biapimi pakhat cu Burma he pehtlaihnak caah Hotu (Burma Coordinator) hi phung ngeihcia ningin thim a hauh caah aa tlak bik ding minung kan kawl cuahmah lio asi tihi asi.

A ra laimi Sept. 30 ahhin US Senate Foreign Relations tang ah kan hnu deuh i Burma a tlawngmi US Senator Jim Webb hruainak in biaruahnak (hearing) ngeih ding asi i cu tik ahcun Burma kong hi chimrelnak le caihhmainak ngeih tthan ding asi.

US nih Burma cung ah a chiah tharmi tlaihfung hna nih zalonnak a kan phanhpi ding le phanhpi lo ding cu caan nih a kan chimh te ding asi caah kan dihlak lungsau in hngak usihlaw zalonnak kan hmuh khawh nakhnga kanmah le si khawh tawk cio in ttuanrel itim hna usih.

(A cunglei bia pawl hi careltu hna siaherhnak he a fawinak in lehmi an si caah chirhchan ding na duh ahcun mirang in an ttialmi HIKA tu hi irinh ding asi lai)*** ( Rrf::Thuro Cazual)***

Iran Nuclear Bom Ser Tinhmi Nih Vawlei A Tuai

Kum fatin tuah tawnmi UNO meeting khuakhannak cu kan hnuzarh ah New York ah tuah asi thil dang kong an ceihmi lakah Iran nih Nuclear Bom tuah aa timhmi kong nih a tuaitam ngai hna.

Iran nih (Uranium enrichment) hmun hnih ah an tuahmi an vun thanh i vawlei pi an lungretheih a zual. Nuclear thazaang in mithahnak bom le Meivannak seh ti in phun 2 ah ser khawh asi. Cucu tuah khawhnak caah a hran a herhmi cu Uranium enrichment asi. Mah hi ngeih hnucun pakhat chingchang hi fawi te in ser khawh asi. Iran nih Nuclear bom si loin Meivannak ka ser lai tiah a chim ko nain, vawlei nih Nuclear Bom tuah ding an lung hrinh ngaimi asi. Hi hna nih bom tthalo an ingeih asi ahcun a hman taktak lai i vawlei ah rawhralnak le buainak a chuahter lai ti vawlei nih an phanmi asi.

Cu tinhmi lunghrinh i a um ko bu ahcun, nizan le nihin ah lam hlatpi tiang a phan kho mi rocket (missile) cu an vun hnihsak, an thil timi nih abik in nitlak ram hna an thin a hunter chin leh lam hna. A thil ti an ruah tikah nitlaklei nih an duhpaoh in rak ka namnet hna hlah seh tiah tluang a khawnmi asi tiah an ti.

Tuzarh cacawn nili ni ah Geneva ah Iran cu Nuclear Bom tuah lo ding kongah US le ahawi le ram nga nih ton an timh. (Cu hlan ah hmai tonh in an tong ballo) US ramdang lei lutlai Pi Hillary Clinton nih tahchunnak phun in a chimmi cu “Iran cu kan hnihsak lai, a awn lo a sungh asi ahcun a paw kan reh colh lai” a ti. France le UK zong nih Iran cu fak nawn tein kan rengh ahau ko cang tiah an ti. Iran he tonnak Germany ah tuah an itim fawn. Iran nih Nuclear bom tuah lo ding an chimmi a ngeih lo asi ahcun nitlak ram hna nih a pawcawmnak khenkhamnak faaklak in tuah an timh, cucu Tuluk le Russia nih an hnatlak pi ballomi, atutan ahcun an hnatlakpi dawh ngai in cheukhat nih an zumh hna.

Iran a umtuning nih Israel a lungre a theihter ngaingai ko. Kan hnu zarh zarhte ni ah Israel lei nih an chimmi cu, “Iran hi vawlei nih tthate in kan leh a hau (bom a tuahnak hnga lo), cucu kan ipalh hrim lai lo.” Asinain, ralkap thazang in a hlankan in va phomh ding tu cu an chim duh ziar lo. (Israel nih Iran cu a cheih te ttheu lai tiah micheu nih an lunghrinh).

Kan hnuzarh UNO khuakhannak ahcun vawlei Nuclear Bom in ti lo ding in rianttuan ding in lungrual tein hnatlaknak an ngei hna. Pu Obama nih aa lunghmuihnak hitin a chim, “hi bom tthalo a dih hlan lo cu rianttuan kan idin lai lo a ti.” Asinain, France President Nocolas Sarkosy nih “kan biakhiahmi a ttha asinain kan mitka hmaika ah ram ram hnih nih an tuah cuahmah fawn hoi (Iran le N. Korea), cun zei setsetdah kan tuah lai timi hmuitinh kan ngeih lo caah eikhim barkhim chuahpi dawh kan si loh” tiah a ti.

Kan Inn pa Tuluk an pu Hu Jinto nih cun kan ingeih cia Nuclear Bom cu kan hrawk lai lo, cucu hi tin a ti “kanmah ivennak ah kan herh hna, vawleicung ah a karh lonak ding tu cu kan izuam ve lai tiah” a ti.

Nuclear Bom mah zat hi an ngeihmi sidawh asi an tining cu; US-5,236 Russia- 3400/ France-350 UK-200 China-200 Israel-200 Pakistan- 70 India-50 N.Korea-12 hna hi an si. ( Ref:: Thuro Cazual)

* Ka Ngaithiam Hram Rih Uh*

Tu hrawng hi ka dam lo tuk caah blogspot update ka tuah kho tuk lo i a ruah zia rak ka thiam hram uh.Email zoh check kho lo in ka um caah a si kan chungkhar in ka zaw dih i zeihmanh ka tuahkho lo hmai zarh hrawng in cun ca rel ding tete tam deuh in ka rak chuahpi tthan te lai.Kaalawm.

****Van B Lian****

Thantlang Peng Capo

Voikhat cu Kawi Cem nih nupi thitnak zan puai ah ' Than Tlang Peng ' kan thancho khawh lo nak kong hi atang lei bantuk in capo arak seih bal.
�
Khual Hrin tlang: Khual Hrin�tlang cu tazacuai an huam tuk i khuabawi ani thim kho bak lo, ziah tiah cun khuabawi thim ding in an chuak cio i " Tutan cu Parku pa hi khuabawi ah kan thim lai " an vun ti i pakhat ahung tho colh i " asi kho lai lo, ka cuai lai ka ti mi asi" avun ti i taza cuai ding in a ni bawh viar i apoi kho tuk ati.
�
Vanzang tlang: Vanzang tlang cu an naal tuk i " kan lingmawti atlai tuk ning cu apawngkam thingkung zong a tlai chih dih " �an ti i " nan naal tuk, zeitin dah apawngkam thingkung cu atlai chih khawh tiah kan haal hna i " a pawngkam thingkung cu lingmaw kung lawng te hme asi cu " an ti salam i apoi kho tuk ati.
�
Zah Nak tlang: Zah Nak tlang cu seihkuzin an huam tuk i Lungding le bang nihcun " Kan Lungding tlang pi hi hei cim seh law Rangoon ah vun i cang phut seh law Kio Hmung hi Sai Htee Saing asi hnga, Fam Men hi May Sweet asi hnga, Far Rawn khi Mandalay asi hnga " an ti i apoi kho tuk ati.
�
Vailam tlang: Vailam tlang�cu an holh an tanh tuk i Thau pawl le bang cu " Fu kan zuar " ti tial ko ding zong khi Thau holh bak in " Ace, fu fawh kan zuar hih " tiah an tial i apoi kho tuk ati.
�
Bual peng: Bual peng cu�vuak huam an tamtuk i khuabawi an thim tik hna zong ah vuak huam deuh kha thim an si i khuabawi nih tlang an au zong ah hin " Thaizing cu meilam phiah asi lai, aa thawh lo mi kan zaang nge ka ni deng dih lai" �ti bak in an au i apoi kho tuk ati.
�
Zophei peng: Zophei pawl cu kan miphun kan tanh tuk ti khi an uar tuk i Zophei in bawlungchuih arak thiam mi Ale timi nih bawlung avun tin poh ah an dihlak in Ale Ale Ale tiah an au i Kawlbawh nih bawlung atleih zong ah ' Ale thiam tuk '�an ti i apoi tuk ati. Zophei - Zui Phe -�Zawi Phai and Ale Ale Ale ............ ........
�
Lautu peng: Lautu peng cu ralkap pension an tamtuk i Hnaring hrawng le bang ahcun an thlanmual hi Tah Kah le Tah Kah Kah timi an min hmai ah atamtuk i nuhmei an thih sual zong ah an min hmai ah Tah Kah ti an tial lo lawng bak asi i apoi kho tuk ati.
�
Miram tlang: Mara pawl cu capo an thei lo i Ngaphaite pa nih ar hngawng a duh tuk i " kan khua ah ah hin arkhong ahngawng Lailen tiang sau mi um seh law ka duh ati i Ngaphaite pawl nih " a hngawng Lailen tiang asau ahcun zinglei ah Lailen ah ava khuang lai i zing thawh kan tlolh viar lai " an ti i khuapi bak in cu kong cu meeting an tuah kho i apoi kho tuk ati.
�
�
Cite ka phuih la ka ti le ka phuih �=� Cite ka phulh lai ka ti le ka philh ti nak asi.( Ref:: YCCF-International)

Um har ah Capo biatak rel pah tuah hna uh si law

Thluak ttha pa

Voikhat cu Nu va an um i a nupi ttha lo ngai in a zawt caah Sizung ah an um ti a si.Sizung ah suanawn an um cang i a nupi cu dam lei a phanhkho lo caah a va pa cu a lungre a theituk cang.An ngeihchunmi phaisa zong a dih cang i tuah awk a thei lo.

Cu caah hi tiin Pathian sin ah thla a cam.Kan Pathian ka nupi a dam lo i ka lungre a theituk cang kan ngeihchiat vialte zong a dih cang i a dam kho hlei lo cu caah ka nupi a rannak in na dam ter ah cun Vok a ngan nawnmi kan zuatmi a um i mah cu kan zuar lai i a man vialte nangmah kan pek dih lai tiah Pathian sin ah biakam phun in thla a cam.

A nupi cu a ruah hlan ah a rak dam i Sizung in an tum. An pa cu khua a ruat cang.An Vok cu zuar in Pathain sin pekding cu a ruat tthan kho ti lo caah hi tiin an Vok cu a zuar.An Vok le an khachuan rang ( Garlic) tun khat ah thaawnghra 10000 kys in a zaur.Vok a caw duhmi pa nih na Vok lawng in thawnghra 10000 kys in kan cawk ko lai tiah a ti i a duh lo.

Ka Vok man hi thawngnga 5000 kys a si lai i khachuan rang a man hi thawngnga 5000 kys a si lai Vok lawng in cun zeizat hmanh in ka zuar siang lo tiah a ti caah a chim btk in Vok le khachuan rang he cun thawnghra 10000 kys in cun a cawk.Vok zuar pa cu a biakam btkin Vok a man thawngnga 5000 kys cu Pathian sin ah a pek.


Thluak chia pa

Voi khat cu Malaysia ah tlangval pa pakhat cu a Boss pa nih lahkhah a thawh i Inn lei ah a lang ti a si.Malaysia cu mitha lo Damiah an tam pah caah a phaisa cu a zal ah sanh ngam lo in a Kedan chung ah a thuh.

Van chiat ah lampi ah cun Damiah he cun an ni tong ai.Damiah nih cun phaisa an hal i a pe duh hna lo caah ttha lo in an vuak a phaisa bawm an lak piak i an zoh cun RM 2.oo lawng a rak um.Damiah pawl nih mah Ringkit 2 maw na siang lo mah ruang ah thi deng in vuak na tong tiah an ti pah i kal tak an ni tim ti a si.

An vuakmi pa nih cun mah RM 2.00 ruang ah hin si lo in ka Kedan tangah Phaisa RM 800.00 ka thuhmi nan hmuh sual lai ti ka phan caah a si tiah a ti hna.Damiah pawl nih van tthat an ti i a Kedan zong an phoihpiak dih i a dih umnak in an lak piak dih.
Khah mah vial kan peh tthan te lai.

***Van B Lian***

Pu Zo Tum Hmung le Seihnam I Tonnak

(September 11, 09 chun ah Malaysia Laimi a kan tlawng liomi Pu Zo Tum Hmung cu Mobile registration kong he pehtlain in biaruahnak Seihnam he an ngei. A rian tampi lakah siaherhnak he caan a kan onh caah a cungah lunglawmhnak tampi kan ngei.)

Seihnam :
Na Pumpaak kong cu zapi nih theih pah dih a si ko cang caah halnak tuah ti loin atu lio Malaysia Laimi nih theih kan duh bikmi Mobile Registration kong tu a biapi in hal kan in duh. Atu i Mobile Registration i register tuahmi hi ram thumnak ah kan kal dih ding na zum maw?

Pu ZTH :
Ka zum lo. Zeica ti cun ni kum ah Malaysia in ram thumnak a zuangmi Kawlrammi hi 5300 kan si i cu chungah Laimi 4400 hrawng kan si. Norway, Sweden, Australia, Denmark le ramdang ah a kalmi he 5000 hrawng lawng kan si. Cucaah Malaysia i a ummi Laimi thong 30 renglo kan kal dih lai timi cu a si kho lo ngaimi a si.

Seihnam :
Kawlram lei pawl he online i kan i ton ah US ummi pawl nih Malaysia i a ummi an laak dih hna lai an ti `ung tiah a kan hal tawn i ?

Pu ZTH :
Laak dih ding ti cu a si kho hrimhrim lo. Cun October zarh hnihnak hrawngah khin US ramhun Obama nih ralzaam laak ding ning kongah min a thut lai i cu tikah zeizatdah a laak lai timi a fiang te lai. Obama minthut hlanah hin cun aho hmanh nih theih khawh a si lo.

Seihnam :
Obama nih hin teh cu hlan nakin tam deuh a kan laak ding na zum maw?

Pu ZTH :
Ka thei lo. Nain, Obama nih Bush nih a kan dawt bantuk in a kan dawt ve ko lai ka zumh.

Seihnam :
Cu hlan an phung zul loin ruahloin UN nih Mobile Registration a kan tuahmi hi teh zei bantuk timtuahnak he dah a si hnga, na kan chim kho hnga maw?

Pu ZTH :
UN nih mobile registration tuah dingin unit thar a dirh i registration cu a tuah dih lai. Cun, registration tuah dih in zeitindah a kalpi lai timi ruah a hau. Cu kong ahcun UN nih a ngeihmi policy an um i cu ning tein a `uan lai. Mah duh paoh in a `uanmi a si lo. UN nih a ngeihmi policy cu;

1. Repatriation (Kirter `hannak)

2. Local Integration (Ram hnihnak i khuasak tintuk khawhnak)

3. Resettlement (Ram thumnak i pemter kong) tiin an kalpimi phun thum in a um. Pakhatnak le pahnihnak a um lo lawngah pathumnak hi a um kho. Kawlram cozah a `hat lo caah a pakhatnak (kirter `hannak) hi cu a si kho lo. Cucaah pahnihnak le pathumnak hi biatakte in an hman lai. Pahnihnak (Ramhnihnak i khuasak tintuk khawhnak) ding caah mobile regiration a kan tuah hnawhchan hi si bik dawh a si ko.

Seihnam :
Cucu Malaysia cozah nih teh a cohlang lai ti na ruat maw?

Pu ZTH :
Hi kongah US le UN nih Malaysia an chawnh cuahmah lio a si. Atu ah card ngei paoh cu an thlah pah cuahmah cang hna a si lo maw, tukarhrawng hi?

Seihnam :
Card ngei cu tukarhrawng an luat ngai ko. India lei i a ummi ralzaam pawl khi teh tukarhrawng a zuangmi an tlawm ngai. Zeitin dah an si?

Pu ZTH :
Annih zong khi cozah he chimhchawnhnak an ngei kho i a pahnihnak Local Integration an hman bia a si.

Seihnam :
Atu hi Laimi tampi nih hin thawngpang a `ha tiin Malaysia cu hung fuh chin lengmang a si. Ram thumnak lanh nih har chin lengmang dawh a si tikah Malaysia Laimi lakah na ruah ning ah a cang khomi thil a um maw?

Pu ZTH :
Um, si ko. Atu tiangah register tuahmi hi 7,000 leng nan si cang. Tlai deuh cun 20,000 nan phan te lai. Cu nih an nupile le an fale an auh hna ahcun thong sawmli thong sawmhnga kan phan te lai. Rian nih har chin lengmang a si tikah eidin har chin a si lai. Cucaah, atu i US in Norway in Kawlram lei i kuatmi khi Malaysia ah a lut dih te lai. Malaysia Laimi harnak lawng si ti loin vawlei pumpi Laimi kan harnak a si te lai.

Seihnam :
2010 thimnak ahhin Kawlram aa thleng lai ti na ruat maw? I thleng seh law Malaysia Laimi hi zeitin dah tawlrel kan si lai?

Pu ZTH :
Ka chim kho lo. Cozah cu ruahlopi in i thlen khawh a si ko. Aa thlen sual a si ahcun UN nih a pakhatnak (Kirter `hannak) Policy hi a hman lai. UN nih tlun khawhnak dingin an khan lai, ticket an cawkpiak hna lai i tlunter a si ko lai. Ramthumnak kalnak cu a dong bak lai.

Seihnam :
Malaysia in i auh i benh si loin a dang lam i kawhauhnak ah a um el maw?

Pu ZTH :
A um tuk hen ta. Visa 93 ti a si i, hi hi chungkhar khawhauhnak caah tuahmi a si. Immigration phit lio i nupi va ngei paoh cu Malaysia ah rat hau loin Kawlram in auh khawh an si.

Seihnam :
Cu Visa-93 tuahnak ah tangka a dih maw?

Pu ZTH :
A dih lo. Refugee caah zei hmanh man a la lo. Rangoon thi cheknak man le vanlawng man lawng pek a hau.

Seihnam :
Cu cun Kawlram i a ummi kan nu le kan pa hi teh auh khawh a si lai maw?

Pu ZTH :
Nu le pa cu Greencard a si lo ah citizen si tik lawnglawng ah auh khawh an si.

Seihnam :
Cu visa-93 cu teh khoika ah dah sok khawh a si, a sok ning?

Pu ZTH :
U.S. phak cangka in U.S. Department of Homeland Security ah sok colh a ngah. Fiangte in theih duh ahcun resettlement agencies hna asiloah Laimi upa hna le pastorte hal khawh an si ko.Guam i a rak kalmi hna zong nih Visa 92 in pei an chungle vialte an rak auh ko hna cu. Cucu atu i Visa-93 kan timi he hin aa khatmi a si ko.

Seihnam :
Visa 93 in auh duh usih law zei tluk dah an rauh lai?

Pu ZTH :
Thla nga ruk zong rauh khawh a si. Nain, a tlangpi cun kum khat hrawng a rau tawn.

Seihnam :
Visa 93 san a tlaihnak?

Pu ZTH :
Visa 93 hi Malaysia Laimi kan caah a `ha taktakmi a si. Malaysia rat hau loin Kawlram in auh a si tikah tha a ba lo, tangka a tlo fawn, a rang fawn. Cun, kan i auh i kan i benhmi nih hin kan tinvo (khuaitan) a chuh ngai. Tahchunhnak ah, US nih Chinmi 5,000 laak i tim sehlaw naule le chungle kan i benh i inn chungkhar tlawmte ah kan tling. Nain, i benh loin Visa 93 hman ding i tim hna sehlaw, US ah minung 5,000 an kal hnga. Kha nih khan US a phak hnuah a chungle kha an auh hna hnga i US ah Chinmi minung 15000 hrawng kal khawh a si hnga. Cucaah Yangon in i auh khawhnak Visa 93 hi theih dingah a herh ngaingai.

Seihnam :
Kanhnu zarh i Seihnam i Mobile Registration kong he pehtlai in ruahchannak a tlawm tuk kong `ialmi kong ah careltu cheukhat sinin, "Kan ule le kan pale nih Laimi Lairam ah an dih lai ti an phan ruangah a kan tlerh bia sawhsawh a si hnga maw?" timi biahalnak a ra ngai. Hihi zeitin na ruah ning?

Pu ZTH :
Aw. Hihi kan ruahnak kan chimmi a si lo. UN policy le US policy kal ning in kan chimmi a si. US nih a la dih hrimhrim lai lo. Cucaah a laak dih lai tiin Malay kal aa thawhmi poah an i ngaihchih caan a phan te lai.

Seihnam :
Mobile Registration in tuahmi le a hlan deuh i register tuahmi hi UN nih a kan tawlrel daan aa dang lai maw?

Pu ZTH :
UN mit ahcun UN card aa tlaihmi paohpaoh cu an i khat dih ko.

Seihnam :
Mobile Registration hi a dong te lai ti na zum maw?

Pu ZTH :
A dong te lai ka zumh. A tuan le a tlai lawng a si.

Seihnam :
Ralzaam pawl caah camp hi teh an ser te lai ti na zum maw?

Pu ZTH :
Camp sak i camp i mipi chiah timi hi thil rit ngai a si. Camp i an chiah hna ahcun UN nih ei ding hrukaih vialte a bawmh hna a hauh lai caah tangka tampi a dih ding a si. Cucaah, chiah lo an duh deuh ko lai. Nain, khua chung i kan tlonlen ning ah zohdawhlo in kan um a si ahcun camp a ser lai lo tiah chim khawh a si lo.

Seihnam :
Mipi sinah biacah na duhmi?

Pu ZTH :
Ramchung a ummi hna caah cah ka duhmi cu Malaysia ah hin rak ra chap bak ti hlah uh. A phan ciami hna hmanh hi ramthumnak ah an kal dih kho lai lo. Cun, hika a phan ciami hna caah cah ka duhmi cu dinnak le felnak he rian `uan i zuam hna usih. Cu lo ahcun a kan dawtu UN a lung kan donghter tuk sual lai.

Seihnam :
Na rian tampi lakah caan na kan pek i kan i lawm tuk.

Pu ZTH :
Kaa lawm ve.
(Ref:: Malaysia Seihnam Vol 395)

Lungsia Herhnak Hee

Dear Dawtmi u le nau hna,

Sermi cu Sertu duhning in kan nun lo ahcun Sertu nih a duh ning in a
kan tuah khawh ti cu hopoah theih dih a si. Asinain Sertu duhning in
sermi hna zong nih nunzia kan thiam lo can a tampi ve bantuk in sertu
duhnak zong sermi hna nih theih dih awk caah a har ngai.

Zei thil kan ton poah ah Paul nih cun Pathian nih a duh ning in a
kawhmi hna cu zeizong vialte hi a tha lei ah a serpiak ko hna tiah
Rome cauk chung ah aa tial.
Pathian nih a dawtmi hna minung sinah rian a tuan ning hi phun tampi
in a um nain phun tampi, lam tampi chungah tlawmte kan nunnak ah i
ruahthan awk caah tlawmte in nan theih ciami cungah hun langhter nolh
than ka duh.

(1) Pathian minung hna cu an duh ning in an kal tikah a herh ahcun
Saram zong in bia a chim. Eg. Balaam cu aa citmi la kha a duhning in a
hruai nain kal a duhnak kha Sertu Pathian duhnak a si lo caah La in
bia a chim.

(2) David cu Pathian sal tha a si nain Uriah nupi a sual pi caah
Nathan thawng in a sualnak aa theih, aa ngaihchih nain a dawtmi a fapa
nih a thihtak. Theih ko buin tuah ahcun dantatnak chung in a luat hlei
lo.

(3) Laban cu thil i ken lo ding Pathian thil a hngar tuk i alak sual
caah harnak a tong.

(4) Ananias le Saphirah nu va hna zong Zultu Peter sinah lihbia an
chim caah an thil colh. Eg. Pathian pek ding zumhtlak lo in an pek
caah an thi.

Zumtu hna zong
(1) Job a sualnak a um lo nain harnak fahnak a tong ve tawn ko.

Chim duhmi cu mah le sikhawh tawk tein Pathian hmaiah zeitin dah kan
nun ti kha......... ......... ......

Dam tein,
Thawng Za Pum

Dam Tein Mangttha Uh

Tu hrawng cu um hra ah tiah Video Edit tuah pah in can ka hmanh ko hih.Chicago kan umnak kan inn le kan tlawn lennak hrawng ah zaihmi pawl an si hna.Chicago khua cu khuapi cu si ve ko minak an tam ngai.Vun rangnak in vunnak le Mixico pawl an tam deuh rua ka ti.Malay ah kan um i an mah Malaymi hmuh lo in Indo pawl lawng te kan hmuh hna bang Chicago khua le US State khua tampi cu minak le Mixico hi an tam deuh ko rua.Um har ah Chicago kan umnak pawngpang hrawng ah ziahmi Video a zoh ngaihuam mi nan um ah cun Thomas Tial Uk sakmi Dam Tein Mangttha Uh timi Hla Video a zoh ngaimi nan cung ah kaalawm.

Van B Lian

Cawk Fuhbik Mi Diego

Kan hnu zarh ah goal.com nih careltu sinin vote a lak i Cristiano Ronaldo cu azungzal in man fakbik mi record a tlaih. Manchester City nih ruah lo piin club Daego pumpululh dawi lio minthang si dingin mithar a caw khomi tiah record a tlaih ve. Cun Germany club Werder Bremen in Italy club Juventus ah aa thialmi Diego cu cawk fuh (hman) bikmi tiah vote an pek ve. Ziah hiti an thim tiah cun an chuih hmasa Roma puai 3:1 in an teinak ah kawlkhat a kawl ve hleiah a hawi le tam tuk a bawmh khawh hna caah a si.(Ref:Faiceu)

Lyon Club Ah Grosso Aa Thial

Fabio Grasso khuaruah har in a dir lio Italy club Juventus hnu kham a simi Fabio Grosso (31) cu French club Lyon ah thial dingin club pahnih hnatlaknak an ngei cang. Hi hnatlaknak an ngeih hi tukum thal chung pumpululh chuihmi cawk zuarnak kutka an khar ni a simi nihnih ni ah khan hnatlaknak an ngeih a si. Thial man ah pound 4mil a si lai tiah Lyon lei nih an chim.

Real Tangka Hman A Tambik

Spain ram in Real Madarid club cu tukum thal ah a tangka hman a tam bik a si i Euro pound 250 hlei minthang pumpullulh chuih thiam Cristiano Ronaldo, Ka Ka le Alonso te pawl cawknak ah a hman. Spain club pawl nih an hmanmi tangka a dihlak in Euro pound 477mil a si. Nikum King Cup, La Liga Cup le Champion League Cup pathum a lami Barcelona club cu pound 110mil a hman ve. Real le Barca club pahnih nih Spain club dihlak hmanmi zatuak 75 cu an hman. Spain pawl nih hi zah an hman ko nain England Premier League club pawl cu an tluk rih hna lo. Tukum England club pawl nih an hmanmi hi Euro pound 504mil an hman i tam bik a hmangmi club cu Manchester City club a si i pound 140mil mithar cawknak ah an hman. England le Spain khawh cun Italy Series A club pawl nih pound 422mil, French club pawl nih Euro pound 245mil, cun German club pawl nih 220mil tiah an hman cio hna.(Ref: Faiceu)

KNU Le DKBA Ral

Tuluk ram a zammi kawlram mi KNU ralbu 7 nih DKBA cu Lepahekon hmun August 28 zing slm 9 ah hmuhlo ral minute 15 tluk an tuk. DKBA 999 lei in minung 5 an thi i minung 15 hma an pu. KNU lei in cun zeihmanh thawng theih a si lo. Thai ram chungah kuan tlangpipi an tla. Atu ral an i tuknak cu a luan cia kum 3 lio i DKBA le Kawl ralkap nih an lakmi hmun a si. Atu tiang DKBA cu KNU nih a thli in a tuk tikah nikhat ah hma a pumi pakhat hnih lengmang an si. Atu ral an i tuknak hmun hin a luan cia June 2 thawk in Kawl ralkap le DKBA fonh in KNU ralbu 7 cu thlakhat tluk rau ralpi an i tu. Cuti an i tuk hnu July thlacheu hrawngah KNU nih an kianh hna. Atu an i tukmi cu cuti an kianh hnu i an i tuk thanmi a voi khatnak a si. Cun KNU ralbu 6 umnak hmun a simi Mon ramchung i Bayatongsu pawng i Mekatha khuate ah DKBA ralbu 907 cu August 30 zan slm 10 hrawngah an rat tikah KNU le DKBA karah raltuknak zong a chuak dengmang. (Ref: RFA)

Malaysia Fawn Kad Kawlram Ah An Zuar

Malaysia ram i hmanmi fawn kad (pre-paid) cu Kawlram ah an zuar ve. Kawlram ramchung company pakhat a simi DISys. Co., Ltd nih Malaysia ram a kal dingmi hna caah tiah tuakin Malaysia ram hman dingah Maxis company nih chuahmi Hotlink fawn kad cu dollar 18 in an zuar. Fawn kad cawk a duhmi hna nih US$ 18 le Malaysia Visa, Malaysia umnak hmun (address), Passport copy, Fawn kad khumhnak catlap tial dih hnu ah an duhmi ni in a hlankan nihnih ah cawk a hau. Atu lio Malay RM le US$ tangka thlen tuak ah cun RM 30 man cu RM 63 in cawk tluk a si. Fawn kad hman tikah Malay ramchung cun minit pakhat ah RM 0.33 a si i Kawlram chawnh duh ah cun minit pakhat ah RM 0.99 a si. 1988 thawkin ramleng riantaunnak hmun ah hin Kawlram mi hna caah cun Thailand dih in Malaysia hi a tam bikmi pahnihnak a si. Ningcang tein riantuan a thawhmi lengin minung 140,000 an um i ningcang lo a ummi an tam deuh. Cu lakah cun Chin mi thong 30 in 40 kan si lai tiah ruah a si. (Ref: Mizzima)

Daw Suu Kong Nawlnak

Daw Suu kong nawlnak an cohlan Daw Aung San Suu Kyi cu kanhnu thla August 11, 09 ah khan thong kum 3 le rianhrang tuan ding an timi kong ah a sihni hna nih nawlnak ca September 3, 09 ah khan an tial. Cu an tialmi cu biaceihbawi U Myint Aung nih Sep. 4, 09 ah a cohlan tiah sihni U Kyi Win nih a chim. “Biaceih bawi nih cun a ralaimi September 18 ah kap hnih sihni hna nih biachuahpi dingin ni a timh” tiah sihni U Kyi Win nih a chim. “1974 phunghrampi in biachah khawh a si lo, zeiruangah tiah cun cu phunghrampi cu a nung ti lo tiah ca kan tial. Kan nih kan ruahning ah cun Daw Aung San Suu Kyi cu a luat awk a si ko kan ti” tiah U Kyi Win nih a chim. (Ref: Mizzima)

Kokang Ral Kong US A thindai Lo

Kawlram ralkap nih ramri mitlawmte a simi Kokang bu ral tuk ti lo dingin na daih awk a si cang tiah American nih a frohfial. Kawlram nichuah chaklei Tuluk ramri i a ummi Kokang miphun hna cu Kawl ralkap cozah nih a tuk caah American cu thindai loin a um tiah kan hnu August 30, 2009 ah khan US ramdanglei vunci palai biachimnak nawl a ngeimi Ian Kelly nih a chim. Kawlrampi a daihnak ding le rualremnak dingah thazang hmang loin democracy thazang he cabuai khat ah thu in bia i ruah awk tu a si deuh ti zongin a forhfial. August 26 in aa thawk mi raltuknak ruangah Kokang minung 30,000 leng Tuluk ram ah an tli i a cheu cu an kir than cang. Sinain ral a dai cang tiah Kawl ralkap cozah nih thawng a thanhmi cu an zumh khawh lo caah thinphan dai loin an um. A cheu cu kir a ngamh lo zong an tampi. Kumpi kum 20 leng raldaihnak an tuah hnuah atu bantuk ral an tuk cu a si i Kawl ralkap lei in minung 26 an thi i Kokang ralkap 8 an thi tiah Kawl ralkap lei nih thawng a thanh. Ral daihnak a tuahmi pawl cu ramri kilvengtu ah Kawl ralkap nih tuah a duh nain an lungtlin lo caah atu bantuk ral an thawh cu a si tiah ramleng dotu hna nih an chim. (Ref: RFA)

US Senator ( Kum 77) A Thi

US Senator minthang Edward Kennedy siloah US Senator chiandeih (Lion) (kum77) a thi
A unau hna nih US tuanbia ah a philh philh awk a tha lomi an si. US nih hruaitu tha taktak mi pakhat kan sung, Senator Edward Kennedy hi khuaruahhar thil a tuah khotu a si tiin US President Obama nih a chim. Senator Edward Kennedy nih hin US cozah nih fimthiamnak le ngandamnak kongkau ah biatak tein tuanvo lak ding caah a rak i zuam taktakmi a si. Senator Edward Kennedy hi US Senator lakah chim kho rel kho ngaimi a si caah capo in chiandeih tiah an auh tawn. A chuahpi a upa Joseph hi World War II ah vanlawng in a tla i a thi. A chuahpi upa John F Kennedy cu US President a tuan lio 1963 kum ah mithalo hna kutin a rak thi. A chuahpi upa thiamthiam Robert F Kennedy zong US President a si te lai tiin rak ruah cuahmah lio 1968 kum ah mi thalo hna nih an thah. A chuahpi upa pawl thah an ton hnu in US Senator Edward Kennedy hi US ram uknak kongkau ah a chimrel kho taktak mi ah a vun i chuah.
US Senator minthang Edward Kennedy ruak cu US thantar tuam in 29/8/2009 ah a chuahpi a upahna US President John F Kennedy le Robert F Kennedy thlan kiangte ah an phum.(Ref:Faiceu Cazual)