20011 Ah UNHCR Nih Kawlram Zeizatset Dah US Nih A Lak Lai

Biahmaithi

Kumdang tawnbang April 13-14/2011 ahkhan “21st Annual Refugees Summit 2011” cu California Department of Social Service and Refugee Programs Bureau hruainak thawngin, Hilton Hotel ,Sacramento, California State, U.S.A ah hlunghlai taktak le pilcal taktak in tuahthan asi . Mah 2011 Refugees Summit! The Theme (An tlangtar cu) “Refugees Today, Leader Tomorrow “ ti khi asi. Nikum 2010 lio an tlangtarcu ( Theme) “ Remembering the Past, Celebrating the present, and Preparing for the future ," ti arak si . Cu ahcun California State i aum mi Refugee Services Agency zungpawl le Refugees kongkau he aipehtlaimi NGOs pawl vialte an rak kai cio hna .Kan zate akai khomi kan dihlakah 350/400 hrawng kan si hna. Keizong meeting ah akai ve mi ka si bantuk in (Burma)Kawlram kongkau he pehtlaiin anchim anrel mi le zapi nih theihduhdeuh mi le ngalhduhdeuh mi pawl kan vun tarlangh hna lai, Ka Note ka lak khawh tawk in.

-------

I. Plenary Session : Panel Discussion and National Refugee Issues kongkau he pehtlai in baichimnak angeituhna cu atang lei bantuk in an si hna.

a. Larry Yungk : Senior Resettlement Officer , United High Commissioner for refugees.

b. Elizabert Runge : Branch Chief, Training and quality Assurance Branch Refugee Affair Division , U.S Citizen and immigration Service ,U.S Department of Homeland Security.

c. Kelly Gauger : Oversea Section Chief, Office of administration ,Bureau of population refuges and migration ,U.S. Department of Health.

e. Moderator : Thuan Ngunyen : Chief, Refugee Programs Bureau ,California department of social services hna an si.

-----

II. UNHCR kong/ Famify Reunification /IOM or RCS/(SSI), Cal-wark/(ISS) kong theihtlei tete

1. Oversea Processing Entity (OPE) kan ti tawnmi kha Resettlement Support Centre (RSC) ti ah an tlen cang.

2.Famify Reunification : Famify Reunification ( chungkhat /nuva/Minor/pafa )In kawh le uah tik ah DNA test tuah asi cang lai.mah DNA tuahnak adih mi Tangkazong kha mah te in i liamchung asi lai i ,Ahnu ah a cozah nih pekthan asi lai.

3. Refugees Health Plan: Medical kha a pha mi ralzampohpoh nih Free in thla 8 or One year kan hman tan mi kha. Thlaruk (6Month) lawng asi cang lai. Free asi tawn mi kha Co-pay in an tuahcang lai caah voikhat I zohmah ah $5 per visit asi lai. . ( Adang State ka theihlo/ asi anin California ahcun atu ka vun tialning in asi.)

4. Supplemental Security Income (SSI), Cal-wark le Income support services(ISS) pawl zong kha an a um ti lai lo. ( Adang State ka theihlo/ asi anin California ahcun atu ka vun tialning in asi.)

5. Naite UNHCR in US ara dingmi Flight Cancel nak kongkauah IOM or RSC

2011 in US anram ah an lak dingmi refugees pawl kha Medicle screening process kha kumdang bantuk si ti loin, dun le dan atlen mi atam ngai caah a zakzuang dingmi ralzam van lawng khan cancel an tawnnak asi , Thilumtuning cu 2010 lio I Medical check up report rak tuah cangmi kha 2011 a vun si cang tikah an medical expire ruang ah IOM or RSC flight booking cang mi kha tampi effect a tuah kan mah kawl ram mi lawng kan si lo ,vawlei cung hmunkip kakip a rak zuangding mi ralzam pawl vialte he ai peh tlai dih.zeidang ruang ah asi Atu lio hi IOM or RSC flight booking ki zoh u law minung aradingmi fligh booking a kai thluahmah ko. Mah nih avun langhtermi cu Jan,Feb,Mach,2011 lio I flight cancel mi pawl khan an vun ra thlaumah cang ti kha lang ko. Mah Vanlawng cancel mi pawl vialte kha tukum 2011 chung hrimhrim ah an rak pha dih hrimhrim lai. Zedang ruang ah a si hrimhrim lo.

----

III. Burma kongkau he pehthlaiin theihtlei tete.

Burma Issues kong hi alin asa ngaingai khi kan si, zeiruang kan ti asi ahcun Kan ram cu Ttat lei cu apenh heilo caah asi. Tukum 2011 ah UNHCR nih ralzam lakding cazin ah hin Burma , Bhutan le Iraq hi tamcem kan si lai, Culak ahcun Burma Ralzam hi zei bantuk kongkau chim le rel pohah amah tein aizohkhankho lo cem mile dirkholo cem kan si tikah, bomhhaucem le dirkamh haucem ah kan cang . Zeiruang kanti asi ahcun Education nih lai arel i baiachim lengmang. Adang kan miphun hawi asimi Bhutan le Iraq pawl cu caathiam sang le Skill, Education, Work experiences angeih mi lawngte le holh leiah zeihmanh ani harh lo. Cutik ah U.S. anphak hnu ah chimhau le cawnpiakhautuk an asi lo kan ti lai afawinak in. Natein, Burma kongkau he pehtlaiin an I buaipi rih mi cu , Ethnicities ( Burma ramah Mipun kan I cawhning tehna), Language diversities (holh phun atamning tehna) , Social Adjustment & Emplyment (U.S kan phak nuh an nunphung le lam siningcang cawnchap le chimrel kan hau ning le rian kawl ah kan i harh ning tehna) , Cultural Shock ( an nunphung le kan nunphung akalhmi ruangah thil kan tawnsual, kan caan sual tawnmi kongkau tehna) , Local integrity (An mah US local minungpawl he kan hawikomh ning, kan thuttonak kongkau ah chim le relchap kan hau ning tehna) le Mental health issue le Background information ( kokek lungthin in khua kan sak rih ning le khua kan khan rih ningcang tehna ) ahhin Mirang/miphundang zapi/zara cu anrak ifiang kho hrimhrim lo ti khi alang kho ngai. Cu tikah zeitindah Burma ralzam pawl/ New Comer refugees nih hi ka US vawlei anlamh hnu ah, kan bomhchanh khawh hna lai. Cun anmah le communities in teh anphak hnu ah zeitindah support an ipekning asi ti tiang khi theih le hngalh an kan duh ngaingai ti tiang zong khi alang ngai. Cun ralzam apha ka mi Community pawl nih hinteh ORR, State department fund, County le NGOs fund zeitin dah anmah le an communities ah an luh piin an ithathnemnak lei ah an hmankhawh ve le kan bomh khawh ve han lai ti pawl tiangkhi chim le rel ceih le khan asi .

Cukongkau he pehtlai in Question/ answer /Suggestionn (Biahalnak /lehnak le ruahnak cheuhnak caan an tuah.

-----

Lawnglawnnak Bia

(Minutes 3 caan ka ngei ve mi chungah atang lei hi kachim mi asi)

Keimah kamin cu Salai TLuang Val Lian kasi , atu lio ka rian tleihmi le ka tuanmi cu Catholic Charities of the East Bay, Oakland, California ah Business Representative and Employment Specialist rian atuan lio mi kasi , Baichimnak caan nan ka pek caah kai lawm,

1. Nikum atu bantukin “ 2010 Refugees Summit” kan tuah lioah CHIN ralzam 3,0000 renglo Malaysai UNHCR ah an um I, Zeitindah hma nan kan lakpiak in nan kan bomhchanhkhawh lai US nih tiah ah ka rak chim in ka rak in hal hna ,Tukum cu lunglawnhawk ngai asi mi cu” Malaysai CHIN ralzam 6,000 kan lak ding kan i timhtuah hna I arakra kho tak dingmi cu 5,000 tel cu an si te lai tiah” UNHCR Senior Officer Larry Yungk nih atunai abiachim miah avun telhchimhmi bai ka vun theih tikah UNHCR nan riantuannak cungah CHIN mi nih ahleihluat in kan Ilawmtuk ti chim ka duh.

2. Hihnu hmailei aralai dingmi kum zongah hinak tamdeuh in rak kan la uh, Chin minih, hika U.S vawlei kan lamh le cangka tein kanmah kutke tein dir le riantuan hi aitim colhmi kansi lawng si lo in, TAX zong tha te in kan pek . Ka hmuhmi kan tangka hi kankua kanram ah kan tantakmi chungkhar sahlawhcingla ,raulchan ,pengletlang thanchonak caah ti in US um Chin mi nih kan kaltak mi kanram cu kan dirhkamh than ve.

3. Chin mi hi kan pupa chan in daite le nuamtein hmuhhma khuar le nuncaan thutdir hi aduh zungzal mi kan si bantuk in hika US vawlei kan umchung ah nan ram caah dainak le remnak a achuakpitu miphun kan si hrimhrim lai . US um CHIN mi hi US mipi nan caah (Burden ) re an theihtertu kan si hrimhrim lai lo .

{NOTE: ka baichim adih in UNHCR senior officer Larry Yungk nih a ka uah le amah he zong bai ruahnak minute 5 hrawng kan ngeih kho than.}

----

IV. 20011 ah UNHCR nih (Burma) Kawlram zeizatset dah US nih an kan lak ne lai ?

Burma refugees kongkau he pehtlaiin 2011 ah UNHCR nih US ah Burma Ralzam minung zeizatdah an kanlak lai ti kha fiangin cun an chim in publish/ announce anchuak taktak mi cu hmuhkhawh le rel khawh cu asi rih lo. Zei ca kan ti asi ahcun, tukum 2011 Refugee Summit hi kumdang tawnning ahcun June/July ah raktuah tawmmi kha, tukum hi April thla ah tuandeuh in an tuah caah asi. Asi nain a ruah hlan ah ORR website le refugee Bureau website ah anchuah ding asi caah zapi nih cun June/July thlahrawng ahcun kan hmuh khawh lai ti ah ruah channak a um. UNHCR senior Office asi mi Elizabert Runge le Larry Yungk, he biaruahnak kanngeihmi chung in , anchimning anbai umkalning zoh tikah keimah zumhnak le ruahnak in chim ahcun 2011 ah UNHCR hin kawlram ralzam 13,000 or 15,000 tal hi cu USA nih an kanlak lai tiah ruahchannak ka ngeih. Mah chung ahcun ,Banglandeh, India, Thialand, Malaysia ummi UNHCR card Holder hi an si alai.

- Bai funtomnak

2011 in US nih Chin Ralzam alakding mi cu Drafting in ka theihkhawhtawk atanglei bantuk hin an si!

a.Thailand UNHCR

Thailand in 7,000 asi lai a tam cem cu Karen Refugee an si lai . Nikum 2010 ah khan 9,000 an si. An zor deuh kan ti lai cu 2011.

b.Malaysia UNHCR

Malaysai in 6,000 hi CHIN ralzam cung lawngin UNHCR card holder kha lakding asi lai . Asi nain Mah 6,000 chung ahhin Final process tiang apha kho taktakding 5,000 hi cu kan na si lai ti ah UNHCR senior officer nih a ti . Chimhduh mi cu 2011 ah UNHCR nih Chin Ralzam Minung 6,000 kha US acozah sin ah case referral atuah lai. Mah 6,000 chung ah cun Reject mi le pending tuah mi an I tel lai caah 5,000 hi cu kan pha kho lai tinak asi cu, Cucaah CHIM mi UNCHR card Holder pohpohnih mahkong zamnak CASE kha thatein theih le chimrel khawh kha bai ngaingai lai. Mah Case zamnak kongkau kha mahtein chimle rel aithiam lomi kan um ding asi ahcun ahlankan deuh in thil atheimi / ngalhmi maw?, CRC,ACR, UNHCR hlotlettu/ Communities upa tibantuk sin ah ruahnakhal kha dai thlan lo ah atha lai.

c.Bangladesh UNHCR

Bangledesh in Rohinya (Arakhine- Kala/ Rakhin-Kala) pawl zeimawzat kan lak hna lai ti khi asi. Mah Rohinya(Arakhine-Kala/Rakhin-Kala ) pawl hi US nih a voi khatnak alak hna ding asi.

d.India UNHCR

India zongin Burma ralzam zemawcin cu an ra ve lai natein CHIN tiin cun zeizatset an ralai ti thiehkhawh le hlethlai khawh asi ri lo caah, UNHCR India website ah up date news alak khominih thawngpang up date vun thanh cio te u law.

-----

V. Biadonghnak

Nihnihchung tuahmi meeting asi tikah ceihkhanmi le chimrelmi cu atamlengluang, Asi nain zapi caah KEIMAH pumpak in thiehtlei deuh le hngak awktlak deuh asi menlai tiah ka ruah caah ka vun tar langh mi asi , Detail information asi lo. Atu ka vun thlahmi pawl hi Website le news tiban tuk ahcun achuak rih lai lo. Cu caah ORR, Refugee Buruea tibantuk an website ah June/Junly, 2011 hrawng ah zapi zoh khawh ding an vun tarlangh te lai caah an website pawl kaukhawh le ,rel in pelhzulhkhawh rak Izuam cio te han usih.

Hinak tamchin lengmang in, Chin ralzam US vawlei ah damtein anphak khawhnak lai kan umnak hmuh le hma cio in thlacaamnak in bawmchan cio hna usih tiah thlacam sawmnak he.

Source:: CC Yahoogroup

******

Salai TluangVelLian ( Tluangte)
Oakland, California.
"Providing Help , Creating Hope"
More Information www.cceb.org

Muslim Nih Buddhist Mi Tampi An Thah Hna

Kan Vawlei caan hi a nai cang ko rua kan pawngpang thawngpang kan theihmi ah Pathian bia a tling chuahmah cang ti awk in a um.Jesuh nih ka rat tthan lai tikah ram le ram khat an ni do lai Li hnih le harnak phun2 a tlung lai mah le mah i thatnak a tam lai i zawtnak phun2 a chuak lai/mangtam a tlung lai tiah a kan ti bang Jesuh bia a tling chuahmah cang.

A tang hi Globalchin.org ah an tarmi a si a rel rih lo mi kan um lai caah ka van tar tthan lai Bangladesh ram ah Musalim nih Bohdah an thahnak kong a si rak rel ve te.

Bangladesh ram Chittagong peng ah Muslim le Buddist hna cu pakhat khat i remlonak ruang ah mibu in an i vel hna i, minung tam ial te an thi i, mi tampi zong an i hliam. Inn le lo hna mei in an khangh.

Mah tiin buainak le i nawnnak a umnak hmun ah hin Rakhine, Thet, le Marama timi miphun hna hi Buddhist phung a bia mi an si. Cu ka hmun ah cun Muslim bianak a bia mi hna nih hmun dang in an vun luh hnawh hna i, lei hmun le lo hmun hna an mah nawl in an i ser i, inn le lo hna an i sak. Buddhist biaknak a bia mi hna nih an duh ve lo caah Muslim mi pa 3 cu an thah hna.ah tihin an buainak hmun ah hin Kawlram citizen a simi Rakhine mi tampi khua an saknak hmun asi. Phungki sianginn hna umnak hmun asi. Mah tihin buainak a um tik ah Muslim hna nih Buddhist phung bia mi umnak khua 4 cu mei in an duah piak dih hna i, an thio dih hna.Athi mi hna hi 30 hrawng cu si dawh ansi tiah khua mi nih cun an chim. Athimi lak ah Bangali kala 3 zong an thive. Adang cu tar le hngakchia, nu le bawhte hna an si anti. UNPO maivan inn ah minung atlawmbik 4 an thi i khua 6 mei in an khangh tiah a thanh.

Mah tiin an buainak hmun hi hlanlio tein Buddhist phung biami lawng an rak umnak hmun asi i, Bangali Kala pawl an umnak hmun arak si lo. Chittigong Hill Tract timi ah hin Chin miphun phunkhat asive mi Bom miphun hna zong khua ansaknak asi. Atu an buainak belte ah hin cun Bom miphun an i tel lo.Zarh pini ah khan Marma miphun hna umnak ram i an lo hmun tha cu Muslim mi hna nih Aekah 50 hrawng akau mi thingram tha cu lo tuah ding caah lo an vah. Lo hmun angeitu Marma hna nih, lo tuah lo dingin an nawl hna nain, zei rel lo in an um. Lo vah dih hnu ah banhla le sapling hna cin ding caah an i tim an ti.Mithmuh kut tongh in a thei mi nih UNOP an an chimnak ah hin 'Mah ti cun an nawl ko hna nain, Muslim hna nih cun an ngai lo i lo cu an vah chih peng. Chuncaw an ei lio ah Marma mi hna nih cun an fuh hna i an velh hna. Muslim pakhat cu sizung ah an tlik pi lio ah a thi i, adang pahnih cu sizung an phak hnu an an thi."Mah thawngpang cu Muslim mi dang nih an theih tik ah a run in Marama mi hna umnak Shankhola, Taikarma, Sica, Riyamrang le Padachhara timi khua hna cu an fuh hna i inn 60 mei an khangh i, an hmuh mi paoh an thah thluahmah hna. Marama miphun i upa pakhat Remong Marma cu ahngawng an cik.The Hafchari Union Council timi bunih thawng an thanhnak ah cun, inn 100 renglo mei in an khangh an ti. Mah muslim mi hna hi 'setteler' tiah an auh mi hna umnak tthitha ngei lo in, Bangladesh ram an phaknak poah ah khuasa mi miphun vaivuan phun khat an si.

"Minung 15 an thih mi theih asi cang. Minung 300 renglo an umnak hmun theih asi lo. Phungki Sianginn 4 le khua khua 7 mei in an duah dih" tiah Bangladesh ram nuhrin covo lei tuanvo angei mi U Soe Lin Htun nih Irrawaddy thawngzamh sin ah a chim.

Bangladesh cozah nih arannak hi mah hi kong hlathlai ding le sualnak a ngeimi hna tlaih ding in committee an ser. Khua minih an zumhnak ah cun muslim mi hna hnu lei in a bawm chan tu hi Zone Cammando Kamarul Hosin timi muslim ralbawi pakhat asi lai tiah an zumh. (Ch: UNPO, All Headline New)

Ref:: http://www.globalchin.org

Vawlei Cung Inn Manfak Bik 10

....................................1. Antilla

.................................2. William Randolph Hearst’s

....................................3. Elena Franchuk’s Victorian

......................................4. The Penthouses at One Hyde

..........................................5. Aaron Spelling’s Manor

............................................6. Hala Ranch

.........................................7. Dracula’s Castle

.......................................8. Fleur de Lys

........................................9. Maison de l’Amitie

.......................................10. Uptown Court




Source:: Minmei Cazual
Literature & Cultural Committee I Chin Baptist Mission Church
April 17, 2011

Jesuh He I Peh Nun

Jesuh he i peh nun

John 15:4 “Keimah ah hin i peh u law kei zong nanmah he kaa peh ve lai”

Jesuh cu Palestine ram ah a rak chuak caah Palestine mi hna nih an hmu ton mi, an theih khawh ding mi le an theih fawi ding mi tahchunhnak tete in a cawn piak ton hna. Mitsur ruang cu kei mah hi ka si, a ti tikah, cu ka mi hna nih cun mitsur dum a tuah mi le mitsur hang cu tihang ban tuk in a hmang mi long te an si caah an theih khawh colh. Kei cu mitsur ruang zong ka hmu bal rih lo nihin tiang. Jesuh hi kan khua ah hin rak chuak sehlaw cu tahchunhnak a chim mi hna hi aa dang deuh ve ko hnga. Kan theih khawh colh ding mi le kan hmuh ton mi hna in tahchunh nak a lak ve ko lai.

Jesuh nih “Mitsur ruang cu keimah hi ka si….. keimah ah hin i peh uh…..; zeicahtiah keimah loin nan tuah khawhmi zeihmanh a um lo” a ti mi ahhin ka lungah a chuak ve ngaingai mi cu: thingkeppar (သစ္ခြပန္း- orchid)hi a si. Thingkeppar cu kan khua ah a tam ngaingai. Kan inn zong ah ka u le nih kan dum chung i thingkung cung ah an peh ton ve.

Thingkeppar(သစ္ခြပန္း-orchid)—cu thingkung ah aa peh (aa kepchih) lawnglawng ah a nung i a par ve. Cucaah thingkep par tiah an auh si lai tiah ka ruah. Thingkung bochan longin a nung mi si. Amah longtein vawlei ah va chiah ah cun a ro, a car i a thi colh ko. Cu ve bantukin kan nih zumtu hna zong Khrih ah kan i peh longlongah hin Thlarau lei ah kan nung lai, kan ţhang lai, kan par lai i kan thei a tlai ding mi kan si. Kei mah lo in nan tuah khawh mi thil zeihmanh a um lo, akan ti ban tuk in, Jesuh ah peh peng ding kha thingkep par nih hin a kan cawn piak ve. John. 15:4-5. Nifatin Khrih ah aa peh lo mi nun cu Thlarau lei ah a ro, a car lai i a thi ko lai.

Cucaah, nifatin Jesuh kan herh, biaruah peng kan herh, pehtlaih peng, i pehpeng kan herh. Zeicaah tiah, Amah lo in kan tuah khawh mi zeihmanh a um loh. Zum lo tu pawl thil an tuah kho ngai ko ţung kan ti men hnga, asinain, cu pawl hna cu:

1. Thlarau lei ah rel piak an si lai lo (minung lei zoh nak long si)

2. Sertu Pathian an thei lo, kan nun hi Pathian kut ah a um ti an thei lo, Pathian nih nun a zuah rih mi hna an thei lo caah, ka tuah khawh, ka ti khawh, ka nung kho tiah an i ruah.

Jesuh he i peh nun um lo in kan tuah mi thil vial te cu Thlarau lei ah rel piak zong a si lai lo. Amah cu kan nunnak asi, kan hrampi asi. Cucaah Paul nih “kei caah nun cu Khrih a si” a ti nak kha si. Thingkeppar i a nun khawhnak, a thazang le a par khawh nak cu aa hngatchan mi thingkung in ngah mi a si bantuk in, kan nih khrihfa zumtu hna zong kan nunnak, kan thazang, kan tuahser mi le kan hmurka nih a chim mi vial te hi Khrih sin in a ra mi le a sunparnak a langhtertu a si khawh nak hnga nifatin kan nunnak ah Khrih ah i peh peng hna uh sih.

Pathian nih thluachuah in pe ko hna seh!

Pa Hniang

Manila, Philippines

Tei Tu Dir Hmun

Tei tu dir hmun

Johan 16:33 “Vawlei cu ka tei cang”

1961 Jan. 17 ah Cia-inn (ၾကာအင္း) khua cu Pu Ni Dun (Hmawngtlang) hruainak in tlak mi khua a si. Tukum hi kum 50 tlin nak jubilee zong tuah a si cang. Kan khua pongah tibual a rak tam ngaingai i, cu tibual ah cun ciapan (ၾကာပန္း, lotus, water-lily) longte an si. Khua an rak tlak ka ah hin kan khua pong Thauhcianh khua (kawl mi) i upa hna nih, “nan khua pongah cia-pan (ၾကာပန္း) in a khat mi tibual an tam ngai caah, nan khua min hi cia-inn (ၾကာအင္း) ti maw nan duh deuh, cia-pan (ၾကာပန္း)” tiah an rak hal hna. Kan pa le nih cia-inn (ၾကာအင္း) kan duh deuh an rak ti caah kan khua min cu cia-inn (ၾကာအင္း) tiah sak a rak si. Ka hngakchia lio ah hin kei zong tibual cung i cia-pan (ၾကာပန္း) cu ka rak hmuh ton ve.

“Hla phuahtu pa nih sermi thil vialte hna hi Pathian lamkaltu an si dih” a ti bangin, hi cia-pan (ၾကာပန္း) nih hin ka thinlung ah a ka hmuh ter ngaingai mi cu: Cia-pan (ၾကာပန္း) cu ti a cung te ah a um peng, ti a ţum zong ah a kai zong ah, zeiban tuk a si zong ah ti a cung te ah aum peng. Cuveban tukin, kan nih khrihfami hna zong zeiban tuk thil kan ton poh ah, lungretheihnak, harnak, lomhnak, tbt.. kan ton tik ah a cung te ah um peng ding kha Jesuh nih a kan timh piak mi kan si. Jesuh nih a kan teipiak cang i teitu dir hmun a cung te ah um peng ding kha a kan duh piak mi kan si. Hi vawlei ah harnak kan ton ding hi Jesuh nih a theih ko, cucaah Johan 16:33 ah “vawlei nih harnak an pek hna lai” a ti. Sihmanhsehlaw ţih hlah uh vawlei cu ka tei cang a ti ţhan. Jesuh nih a tei cia mi cung te ah khan a um peng ding cu kan si. Vawlei cung sualnak le vawlei thli hran ruang ah hin ti chungah a pil ding kan si lo. Jesuh tei nak kha aa hrawm mi kan si, teitu dir hmun cu a cung ah a si peng.

Zumhnak in Khrih he pehtlaihnak tling kan ngei i, Thlarau Thianghlim nih nun thian nak lei ah a kan hruai cuahmah lio ah tukforhnak, hneksaknak, harnak aphunphun le lawmhnak tampi kan tong lai. Zeibantuk thil kan ton poh ah teitu asi mi Khrih chung ah hnget tein a dir kho pengmi zumtu kan si khawh cio nak hnga Pathian nih thluachuah rak kan pe hram ko seh!

PaHniang

Manila, Philippines

///////////////////////////

2010 Report (CDAC)

Chin Disciplinary Action Committee (CDAC)

3B,Jalan. Khoo Teik Ee, Off Jalan Imbi

55100,Kuala Lumpur.

2010 Report (CDAC)

Biahmaithi

A masa bik ah akan umpi pengtu Pathian a min kan thangthat.Malaysia ram ah kan chin miphun aphan mi hna nunzia dawhnak ding caah le him te in kan um khawhnak ding caah CDAC nih kanmah le kan ti khawhtawk tiang in pumpek rian kan tuannak ah palhsualnak kan ngeihmi a um ahcun Bawikhrih min in ngeihthim kan in hal hna.

CDAC rian kan tuannak nihhin kan miphun caah thiltha tampi a chuahter i pumpak minung zongnih sualnak chungin an i chuahphah i thatnak lam an zul,CDAC riantuannak thawng in Malaysia mipi hna le kanmah bantuk Refugee a si ve mi miphun danghna sin zongah mithmaitha kan hmu,cu caah CDAC riantuan nak hi Malaysia ram ah chin miphun kanum chungpoh cu kan thawnter chin lengmang a herh, chin miphun a si mi pohpoh nih kan miphun kandawt ahcun CDAC riantuan nakhi thazang pe u sih law lungrual te in tuanti hna u sih.

CDAC lungput le riantuannak

CDAC pumpak cio nih CDAC rian kantuan tikah kan miphun caah santleihnak tlawmte tal ka ngei ve hnga maw tiin miphun dawtnak thinlung he an caan le an chawva an ruahnak an thazang an peknak a si.CDAC nihcun sualnak pohpoh kha adoh i a sual mikha sualti lo dingin a cawnpiak hna i a chimhhrin hna,a ral mihna le a si vel mihna lakkar ah remnak a ser,harsatnak a tong mihna kha a bomhkhawhtawk a bomh hna,miphun dang hnanih namnehnak ankan ngeihtik ah kan miphun an dirhkamh,anmah caah si lo in midang caah rian an tuan,miphun caah thatnak a chuahding a si ahcun thangchiatnak le harnak kha a ing i miphun hmaiah raltha ngai in a kal.

Pehtleihnak le riantun ti nak

CDAC le CCF

CDAC le CCF cu chungkharkhat bantuk in hmunkhat te ah rian kantuan,Pathian sinah thla an kan campiak i minung lei in ruahnak zong tampi ankan cheuh,CDAC nih rian kantuan khawhnak ding caah thlakhat ah Rm 500 akan bomh,CCF cungah kan i lomhnak hi chimcawk lo a si,Pathian nih CCF cu thluachuah pe chin ko seh .

CDAC le CRC

CDAC le CRC cu unau chuakti bantuk in hmunkhat te ah rian kantuan.kan herh kanbau nakpoh ah ankan dirpi i ankan bomh,thlakhat ah Rm 300 le CDAC card hi ankan tuahpiak,thazang in siseh ruahnak in siseh ankan bomh,Pathian nih kan miphun caah hmang chin ko hna seh.

CDAC le ACR

CDAC le ACR hmunkhat ah kanthu i CDAC riantuannak a thawn deuhnak ding caah a lamkip in ankan dir pi,thazang an kan pek CDAC nih tuanti u sih a ti mipoh ah ankan bomh,Pathian nih kan miphun caah hmangchin ko hna seh.

CDAC le CSO

CDAC le CSO hi rian thate in kan tuan ti,CSO nih media lei in ankan bomh,cachuah kan herh mi le kan thawngpang hi seihnam ah ankan tialpiak,ruahnak le thazang zong in ankan dir pi,Pathian nih thluachaunak pe chin ko hna seh.

CDAC le Pengtlang riantuan tu pehtleihnak.

CDAC le Pengtlang kip hi pehtleihnak kanngei dih,CDAC chungah a tel mihna pengtlang hna cu HPH,TPF,Zophei,Lautu,Zotung,Mizo,Matupi,Mindat,Dai,Mara,Senthang,Mi e,FRO,Hriphi mah vial hi CDAC chung tel kan si dih,Pathian nih pengtlang kip cungah thluachuahnak pe ko hna seh

CDAC le UNHCR

CDAC le UNHCR hi riantuan ti khat bantuk kan si,an kan dirhkamh i anmah zongnih CDAC hi an kan bochan ngai,CDAC cu Refugee,A cozah le UNHCR lakkar ah hlei bantuk nan si ankan ti,UNHCR nih trainng ankan pekPathian nih an riantuannak ah thluachuah nak pe chin ko hna seh.

CDAC le Police

CDAC le Police hi kan i peh tleihnak hi a fek ngaingai cang,zeitik hmanhah harnak ankan pe bal lo pin ah bomhnak kan halhna ahhin ankan bomh zungzal,CDAC cu rian akan bawm tu nan si ankan ti,kan i bochan taktak hna.Pathian nih thluachuahnak pe chin ko hna seh.

CDAC le Mipi

CDAC le mipi hi kantang ti,CDAC cu mipi sal kan si,mipi nih ankan bochan,Buainak a um poh ah ankan ouh,CDAC cu a tihzong an kan tih,khuakip i chimh angai lo mihna hi CDAC sinah anrak chuahpi hna,CDAC um lo ahcun Malaysia cu kan si kho lo an ti.pakhat hnih nihcun a rem lo mi anum khomen ko,Kan mipi pumpak cio cungah Pathian thlauchuahnak um ko seh.

CDAC le pumpak pehtleihnak

CDAC riantuan nak thate in a theithiam i kan konglam a kanhlat i kan zungah thazang a rak kan pe tu hna le thlacamnak in siseh chawva in siseh a rak kanbawm tu hna anum,Dr, Chum Awi,Pastor Cung Cin,Rev,Za Fet,Pi Sui Cin,Pu Tawk Thang,Sayamah Sui Phir,Rev Re Ce,Rev Sai Fung,Pastor Mang Lian Sang,Peter Ngai Dam,Pu Jhon Kham,Pu Bawi Lian,Pu Van Lian Chawn,Rev Lal Pek Lian,Rev Za Thang,Rev,Sa Hu Rev Tuan Cung,Saya Kap Pum Thang Rev Harm Cung Hnin,Pu Lal Siam Mawi hna hi an si,an cungah kan i lawm Pathian nih thlauchuahnak pe chin ko hna seh.

CDAC Member le riantuannak hmunhma

CDAC member hi minung 320 kan si Block (18) ah commitee kan ngei,block (18) ahhin mipi hi 25,000 tluk umnak ah rian kan tuan.

2010 chung CDAC nih chimhhrin mi le cawnpiak mi hna.(2010 February to 2011 March)

Remarks

1. Zuri hnahnok kan chimhhrin mi 380 an si
2. Nu lepa kar lak biaceih piak mi 21 an si
3. Tleihhrem case 7 an si
4. Mithat lai nawng mi 2 an si
5. Namte a chun mi 4 an si
6. Mifir kan tleih mi 13 an si
7. Sitha lo a hmang mi chimhhrin mi 6 an si
8. Nu tha lo chimhrin mi 5 an si
9. Hngakchia nu lepa chimkhawh lo mi 8 an si
10. CDAC nih Zohkhenh mi 17 an si
11. Kawlpa a vami hi minung 160 hi kantheih khawhtawk an si.
12. Sitha lo a zu mi hi minung 27 hi kan theihkhawhtawk an si.
13. Zunih a hruh ter mi hna hi minung 34 hi kan theihkhawhtawk an si.

Malaysia ah a ummi hna kan miphun kilvennak ding caah i bawm cio hna u sih.

Lal Siam Mawi

Chairman

CDAC

Malaysia

Source::Metkhuabo@yahoogroups.com

US Zong An Mah Nih An Sermi Nuclear Kongah An Lungre A Thei

Vawleicung ah a rum bikmi ram le a fim bikmi ram ah kan ruahmi US zong anmah nih an sermi lila thil ruang ah an lung re a thei i cheu khat cu an umnak hmun ah an i zuam ve ti lo. Vuleicung thilri hna hi cu, kanmah nih kan sermi lila hi kan caah tihnung ral a rak si ko hna.Japan ah Nuclear sehzung a rawh bantuk in USA Nuclear sehzung hi rawk ve sehlaw US cozah nih a mipi pawl hi a kan chanh manh hnga maw? timi hi USA ah mifim pawl an biahalnak a si cang.

US ram ahhin Nuclear sehzung hi 25 a um. Nuclear sehzung cu khuapi chung in meng 25 hrawng a hlatnak ah an chiah. A pawmkam ah khuapi hna i minung 100,000 leng an umnak khuapi pawl an si hna.A dang khuapi 98 hi meng 50 a hlatnak ah an um. Cheu khat cu a naih deuh ah a ummi khuapi zong an um.McGuire timi Nuclear sehzung hi Charlotte, North Carolina in meng 15 a hlatnak ah a um. Ginna Plan Nuclear sehzung hi Rochester le New York in meng 17 a hlatnak ah a um. Fort Calhoun Nuclear sehzung hi Omha, Nebrasaka in meng 18 a hlatnak ah aum. Turkey Point Sehzung hi Miami in meng 25 a hlatnak ah a um ve.

US ram chung ah minung tam bik an umnak pawng ah a ummi ( The Plants) Nuclear Sehzung cu "Entergy's Indian Point Energy Center" an ti i Buchanan, New York ah aum. A dang sehzung pa hnih hi New York in meng 25 a hlatnak ah an um. Mah nuclear sehzung in meng 10 chung ah minung 310,000 khuasa an um. Meng 50 a hlatnak chung ahhin 20 millions khuasa an um.Japan bantuk in Nuclear sector ( Sehzung) hi rawk sual sehlaw meng 50 chung ah a ummi 21 millions minung hi zei ti hmanh in kan chanh khawh dih manh hna lai lo tiah Nita Lowey nih a chim.A bik in Indian Point sezung pawng ah a ummi hna hi harnak an ton khun lai tiah an ti. Indian Point sezung in meng 10 kaukap ah a ummi hna cu sehzung hna rawk sual pingpang sehlaw tiah zam tak ning zong an chimh hna. Cucaah, Japan bantuk in Nuclear accident hi um pingpang sual sehlaw, zeitindah mipi ralrinnak kan pek hna lai i zeitindah mipi pawl hi him tein meng sehzung in meng 50 kaukap ah a ummi hi kan chanhmanh hna lai timi cu biatak tein an i ruah lio a si cang. CC: CNN

Note:::: Hika Link Click law Enter your address or ZIP code: tangah khan na ZIP Code ah cun Nuclear sehzung pawng meng zeizat a hlatnak ah dah na um kha fiang tein an chim lai.

Pathian Mithmai Zoh Nun

Pathian Mithmai zoh nun

Sam. 5:3 “Zinglei ah ka aw kha na ka theihpiak: nichuak kate ah na sinah thla ka cam tawn i na ka lehnak kha ka hngah tawn”

Nihoipar(Sun-flower –Neciapan) hi zingka tein ni achuahnak lei a hoi peng i nitlak tiang, cu caah kannih lai in cun nihoipar ti a si.

1996 kum, thal ah ka pa he kan khua (Cia-inn) ah Nihoipar (sun-flower—Neciapan) dum kan tuah. Kan dum cu a ţha tuk lem lo. Pakhat pahnih a ţha mi te ka zoh tikah: zingka tein cun nichuah lei bak ah khin an hoi an cuanh dih. Par dang nak in aa dawh khun nak cu ‘aa rual tein nichuah lei ah an hoi dih’ nak hi a si.

Kan nunnak ah khuadei ka in Pathian mithmai zoh te in kan nun ah cun kannun hi duh a nung mi nun, hawidang nak in aa dawh deuh mi nun kan ngei lai ti hi hi par nih a kan cawn piak. Ka hoi pa saya Sum nih “nangmah ni zakhat na tuah tuan mi nak cun, Pathian nih minit pakhat a tuah mi kha santlai ţhahnem deuh a si lai, cucaah zingka na thawh kaa ah hin zeitluk na ca a tam, tuah ţuan ding tam na ngei zongah Pathian sin khukbil thlacam i amah he bia i ruah hmasa hi cu philh hrim hla” a ka ti. A hman ngaingai ka ti! Pathian nih hin kan thazang, kan fimnak, kan thiam nak le thil kan tuah khawh nak hi a herh mi si lo. Kan thinlung kan pek mi le amah mithmai kan zoh hmasa mi tu kha a duh mi si, cu hnu ah kan tlam a tling lai, kan hlawh a tling lai. Nihin ah Pathian rian kan tuan kan ti nak ah Amah Pathian he bia i ruah, thlacam can pek hna hi kan philh kan huam lo can hna a um kho men. Zeitluk kan rian a tam zong ah Pathian mithmai zoh hmasa, kawl hmasa, chawnh hmasa hi i zuam hna uh sih! Devotion kan tuah mi zong hi i hnawh hlah uh sih. Zingka tein thlacam hi dai thlang hlah uh sih!

David Siangpahrang nih cun, “Zinglei ah ka aw kha na ka theihpiak: nichuak kate ah na sinah thla ka cam tawn i na ka lehnak kha ka hngah tawn” a ti. Kan nih teh amah ban tuk in Pathian kan duh maw, kan kawl maw, Amithmai kan zoh hmasa maw, kan hngak maw?

Jesuh nih ‘a ngan bik si a duh mi nih cun a hme bik kha a tuah lai’ a ti. Cun zultu hna i ke zong amah bak nih a ţawl piak hna (John 13:1-17). Nihoipar cu a thei fang a ţha deuhdeuh si le tang ah a kun deuhdeuh ve. Hinih hin kan rum deuh, kan fim deuh, kan ţhat deuhdeuh ahcun mi taang ah i dor ding Khrihfa nun kha a kan cawn piak. Pathian mithmai zoh nun nih cun keimah ka tuah khawh, keimah ka ti khawh ti mi hi a chim ti lo, amah ah i uahpi ding hrimhrim pakhat hmanh a hmu ti lo, zeicahtiah cun zeizong vialte kha Pathian thawng longlong in a tuah khawh mi si i Pathian min sunparnak pek ding long kha a ruah mi le a tuah mi a si cang.

Pathian mithmai zoh nun a ngei mi si hram ko uh, Bawipa nih thluachuah in pe ko hna seh!

PaHniang

Manila, Philippines

Arab Pawl Dothlennak Cuan Tuah Usih!

Tunisia le Egypt ram mipi nih zaang ennak-tello mipi cozah doh-alnak “nonviolence civil disobedience” hmangin cozah dothlennak an tuahmi ah hlawhtlinnak an hmuh bantuk in Libyan pawl tah an hlawh a tling ve lai maw? Nihin Arab mipi pawl nih dothlennak an tuah cuahmahmi hi cu mi tampi thinlung ah an um i, Libyan mipi zong nih teinak hmu ve hna seh ti duhpiak cio an si. Libya dih cun, Bahrain le Yemen von i thleng ve hna sehlaw, cun… Saudi Arabia hmanh khi zauk phung uknak ti lengmangmi “democracy” uknak phung dothlennak mei-alh nih hei kangh ve hna seh ti an duhpiak cio hna.

Mah duhsalam mihrem uknak phung aa tlaihmi Arab Muslim bawiziik pawl an bawi tthutnak cabuai in mipi nih hriamnam tel lo bakin, lamcung ah au in doh-alnak an tuahmi bantuk khin Kawlram mipi zong nih tuah ve hna sehlaw, hei i biatak deuh ahcun, hlawhtlinnak “an hmu ve ko lai,” “nan hmu ve ko lai,” “kan hmu ve ko lai” tiah Kawlram kong khuaruattu, miphundang experts pawl he, Kawlmi he Laimi he ruah cio dih asi. Pu Pualva zong nih Egypt ah mipi nih doh-alnak an tuahmi kong a kan theihter pah in Kawlram kan sining a rak cuaichun chih lengmang tikah, kan ram sining kha kan mitthlamte cun kan hei cuanter khawh deuh cio ve.

Tunisia le Egypt tthangthar mino pawl nih mak kho taktak in an cozah dothlennak an tuah tikah, non-violence doh-alnak ah pu bik ah ruahmi Pu Ganhdi min an char leen lo. Pu Ganhdi nih cutin a kan chimh, Pu Martin nih cutin a kan cawnpiak an ti lo. Facebook, Twitter le Mobile Phone hmangin uktu tthalo doh-al tti dingin an ipehtlai hna i, aa thawkmi asi tiah an ti. Serbian mino te pakhat nih Internet le cell phone hmangin mihrem uknak phung a doh ngammi nih thazaang tthawnnak a pek hna ti si. Asinain, ttha tein an hun kherhlai tikah, Arab mino hna nihhin American Cathiam pa Gene Sharp (kum 83) nih a rak ttialmi The Politics of Nonviolence Action timi a cauk chungah a telhmi ningcang tuahning “methods” fung 198 a ttialmi chung khan biatak tein doh-al ningcang an i laak tiah an ti. Gene Sharp cattialmi pakhat Laiholh zongin Kam Lo timi (si ko rua ka ti) nih a lehmi a um ve cang!

Tunisia le Egypt nihcun “nonviolence civil revolution” in cohzah an doh tikah zohdawh ngai in an hlawh a tling nain, Libya tu ah cun, cozah nih hriamnam phunphun hmangin raltuk bakin chimh dih a timh hna tikah, “non-violence” lawngin doh-alnak nih a nguh hna lo i, teinak tiang hmuh khawhnak dingah cun, zeidah “kenreet” ichiahmi ngeih asi siloah, lenglei in bawmhnak a um lai maw, hriamnam in tah a rak dohmi an um ve lai maw timi ruahnak phun khat a pek hna.

Atu liote hi BBC le VOA tbk ah Arab pawl daan icawn ve dingin Kawl pawl heh tiah bia an iruah lio asi ve. Blog ah zeidah kan ttial, Face Book ah zei kong dah kan iruah tbk an iceih cuahmah! Arab pawl bantuk in Kawl mino pawl an ralttha hna seh ti an duh. Kawlram mi bloggers pawl le Face Book a hmangmi hna vialte, twitter a hmangmi tbk Internet in Social Network ipehtlaihnak ah santlai ngai in ram thlennak ah hmang kho han seh ti an duh.

Ramchung le ramleng ummi hna nih thawngpang hei ipeknak lawng si loin, ning ngei in rianttuantti khawhnak le rampi dothlennak ah ihrawmnak ah hmang kho ve seh ti an duh.

Zeitindah nan ruah cio? Kawlram nih Arab pawl model icawn awk a ttha lai maw? Aung San Suu Kyi nihtah zeitindah a ruah ve hnga?

Atu lio bantuk caan ah Kawlram dothlennak ah rian a ttuanmi hna nih heh tiah mipi sinah ca ttial awk asi. A bikin Pu Lian Hmung Sakhong tbk le Elaisah Vanhnie tbk pawl nih heh tiah mipi sinah fimnak le cawnpiaknak ca tehna an thlah leen awk asi ka ti. Nihin Laimi kan caah cun, e-group (a sawhsawhte a lo nain) hi hmual a ngei bikmi asi rih ko lai tiah ka zumh. BBC le VOA in aumi nak hmanhin hmual ngeih deuh dawh asi! Hehe…capo biatak!

Upatnak he,

Ceupi

Source::YCCF-International@yahoogroups.com

Kawlram Cozah Thar Biakamnak An Tuah

Tuchun March 30, 2011 Pyidaungsu hlutdaw meting an tuahmi ah cozah thar cu biakamnak an tuah cang. Hluatdaw meting cu zing sml 11:00am in an thawk i minit 15 a rauh hnuah president thar U Thein Sein nih biakamnak cu a tuah. Vunci dangdang hna zong biakamnak an tuah cio. Cun biaceih bawi, sihni bawi le tangka chektu hna zong hmun khat ah biakamnak an tuah.

Cun State Peace and Development Council (SPDC) nih phung sernak nawl, uknak nawl le biaceihnak nawl pek an sinak le SPDC an hrawhnak thawng an hun thanh. SPDC tang i a ummi state le division uknak, peng, khua le sang uknak Peace and Development Council zong hrawh dih an si.Sihmanhsehlaw atubantuk SPDC an hrawhmi le uknak chanhnak ah Senior General Than Shwe cu a ra lo.Cun president thar nih ram zeitin kan hruai lai timi biachimnak zong a ngeih i cu lakah ralkap uktu ralbawi zong a thar thlen a sinak hluatdaw ah a hun chim chih.President thar biachimmi ah cun chawlehthal lei ah lei le sehlei thancho ter ding le rampi kilkamhnak dingah ralkap bu thawn ter ding, ramdang bantuk in thawnnak ngeih ding caah rammi paoh nih ralkap ah luh cio ding timi a chim.

Cun ramkong he pehtlai in 2008 phunghrampi a duh lomi ramchung ram leng bu hna nih phunghram remh nan duh ah cun phungphai he aa tlak ningin remh i zuam u. Phungphai he aa tlak in remh a si nakah phungphai he a kalh ahcun hnonpiak a si fawn lai. Chan he a tlak mi phungphai, fimcawnnak, ngandamnak, chawlehhrawlnak zongah a chambau mi phungphai hna cu kan remh lai tiah a chim fawn.Sihmanhsehlaw ralkap uktu thar thlenmi ah cun an min langh ter an si lo. An dirhmun lawng chim an si.Cozah thar cu dirh a si ko nain ralkap cozah uknak i uktu ah aa telmi minung thiamthiam nih tam u cu hmunhma an lak than.Pyidawngsu hlutdaw tel in hlutdaw dangdang hna zong thaizing in cun meting ngol a si cang lai caah anmah le khua cio ah thaizing cun an kir cang lai.Ref:VOA

Source::Minmeizam.Blogsport

Lungsi Hnangam Tein Um Le Ngeihmi Thil Hmuh Thiam

Filipi 4:12: “lungsi hnangam tein um kha ka thiam cang”

Pakhat pa nih laitlang i minung rak si nak cha cun, US i uico rak si hmanh ka duh deuh a ti, an ti. Ram thangcho nak i um hi mivanţha tinak maw asi? Mivanţha kan ti mi hi zeikhidah kan zoh tiah bia hal nak um seh law kan chim mi aa dang cio ko lai. Asinain, Pathian a zum, khamh aa fiang i zumhnak he a kal mi pa/nu cu mi van ţha asi. Khrihfa mi nih cun mivantha le mivanchia kan tah nak zong hi bible a kan cawmpiak ning in kan tah awk a si. Lai khuate lei um mi internet le computer zong thei lo mi, Pathian a zum i aa bochan tuk mi, zumhnak he a kal mi pa kha, “mivanchia” kan ti kho lai maw? Ti kho hlah! khuapi le ram thangcho i um mi – motor, phone, internet tbt..in um i rian tuan peng, Pathian thang ţhat le pumh zong ngei kho ti lo, thei ti lo in um kha teh mivantha kan ti lai maw? A si hoi lo!

Voikhat ah mirumpa nih a fapa kha misifak hna um nak lei ah a kal pi i, ‘mirum innchungkhar in a rak chuah hi zeitluk dah mi van ţha a si nak’ kha theihter le piah a duh. Misifak um nak lei cu an phan i, a pa nih cun a fapa cu bia a hal:

Apa: : ka fapa, zeitindah, na hmuh ton ning (lesson na ngah mi) rak ka chim tuah.

Afapa: : uico pakhat kan ngei, an nih pali an ngei.

Tikholhnak tili (swimming pool) kan ngei, an nih tiva tampi an ngei.

Meiinn (lanterns) kan ngei, an nih arfi le thlapa an ngei.

Kan nih rawl kan cawk, an nih an cin mi te an ei (cawk hau lo)

Kan inn himnakah hruang kan kulh, an nih hawikom nih an kulh hna

Encyclopedia kan ngei, an nih Bible long an ngei an rel i an hna a ngam tuk

a ti, ti si. Apa nih aa ruahchan mi bantuk in a rak hmu ti lo. Nihin ah hi fapa te nih thil a hmunh ban tukin hmuh thiam kan herh ngaingai.

Kan ngeih lo mi longte kan zoh ah cun kan hna a ngam kho hrim lai lo. Mi kan hngar lai i, kan lungre a thei lai. Ngeih mi thil zong hi hmuh thiam i Pathian tu kha kan thangthat peng awk a si. Cucaah, khuate um mi si uh sih, khuapi um mi si uh sih kan vanchiatnak le kan vanthatnak kha kan umnak hmunhma, kan tuahtuan mi le kan ngeih mi kan hman mi thil ri in tah hrim hna hlah uh sih. Pathian kan thei lo i, kan zum lo, a bia kan nunpi lo ah cun khuate zong ah, khuapi le ramthangcho zong ah mivanchia cu kan si ko lai. A hohmanh nih a hopaoh kha a zawmhtlaih awk asi lo, Pathian nih a kan dawt dih! Pathian tu kha dawt le, a bia nunpi i tinh peng i ngeih mi thil hmuh thiam le lungsi hnangam tein um kha a kan duh piak mi asi i, mivantha cu kan si.

Philipi 4:12 “Herhbau in um kha zeidah a lawh ti ka hngalh, cun a hlei a hluat in ngeih kha zeidah a lawh ti zong kha ka hngalh. Cucaah khuazeika hmanh ah, zeitik caan paoh ah, ka paw a khim ah siseh ka rawl a ṭam ah siseh,tam tuk ka ngeih ah siseh, tlawm tuk ka ngeih ah siseh,lungsi hnangam tein um kha ka thiam cang”

PaHniang

Manila, Philippines

////////////////////////////////

"Libya Ram Buainak Le Qaddafi Kong"

Hi pa hi, kum 40reng lo ram le mipi phaisa a ei, ai khon caah a rumbak ve. Ramkip ah phaisa ai chiah, hmunkip chawlehnak ah Sharer tampi a nei fawn. Bianabia ah Inter Milan FC khi amah nih 7% a ngeih. Norway Bank ah 2billion a ngeih, ram dang tampi ah a ngeih rih.

Dictator ciocio ah, amah thengte an tuk le an tlaangtlaakmi himeiti/zinaan ruangah a sibik ko tiah expert tampi nih an chim hrim. Asinain, Iraq kha an tuk i Zinaan ruah ah a si ko, an ti nain Zinaan in an hmuhmi maw tamdeuh ral an tuknak i an sunghmi dah? tiah bia halnak a um fawn. Cu bantuk in Zinaan ruangah an tuk ti khi si ko seh law, ram tampi i fonh in an tukmi a si i hi ral nih tampi sungh zatlaak a chuah pi tthan ko lai, tiah an ruah rih. Abianaah, atu raltuknak vanglawng jet-fly pakhat nih suimilam pakhat chung van i zuan man khi kroner in 50,000 a dih. Dollar 1 ah Kroner 6 in hei tuak...

Cun, hi raltuk nak ding ah USA nih commando/ttuanvo a la duh lo. Mizei nih a lak lai tihi nizan tiangah hngal a si lo i Strategy ai tello mi raltuknak a si tiah, an sawisel fawn. Tuni tu ahcun, NATO nih hi Operation caah ttanvo lak ding in USA, UK le France cu an lungtling cang i NATO nih ttuanvo a lak hnik tiah Guardian nih chim. Gadafi tlaih/thah duh ah atu bantuk in ralkap thazaang in Libya ah kan luhmi a silo, mipi kham ruah ah a si bik ko, tiah NATO siseh UN nih an chim peng rih.

Hi lio ah, NATO chungtel a simi Germany le Turkey nih hi bantuk operation cu an hna tlaakpi lo. Tel an i tim lo. Hi operation hi caan saupi a kal te lai, tiah an ruah cio. Norway zong NATO chungtel sinak in le UN chungtel sinak in vaanglawng 6 le minung 100 in an itel ve. (hmanthlak na zoh khawh cun, Norway jetfly a si.)

Tu bantuk caante hi, caan rem ah ser in Israel le Gaza an i phomh ve. Cawnni hnihni ah Israel nih Gaza a kah i mi an thi, hma an pu. Jerusalem ah nihin Bomb a puak hoi i bus pakhat chung minung an thi tthan. Cu ve bantuk in, Kawlram zong, Than Swe le a naule nih tlangcungmi an den cuahmah ve hna, caan rem laa in Nuclear siseh an thazaang an rak i serh. UN, NATO le internation org`s nih an zoh l o karte caan a rak la, an ti.

Tawite ttial kai tim nain, ka biasau sual.

Upatnak he

Bawi

Froland

Source:: YCCF-International@yahoogroups.com

Atulio Libya Ram Buainak Le Qaddafi Kong!

Colonel Qaddafi timi pa cu Libya ram kha kum 41 chung kan pu Pu Than Shwe cha in a uktu asi. September 1969 ah Than Shwe chain Libya uknak power cu hriamnam hmang in a rak lak i a tu tiang Libya ram cu a duh ning poah in auk. Libya ram hi vawlei tang in achuakmi oil atamtuknak hmun asi tik ah mah kha oil in khan vawlei chawva cu tam taktak kum fatin ahmu. Kum khat ah an rammi nih an hmuhmi hi minung pakhat ah $15000 tluk asi tiah world bank sin in hmuh asi i Chile, Mexico le Poland ram pawl nak in tamdeuh ahmu mi ram asi.Libya ram a uk le cangka in American ram hi a hua ngaimi asi i a bia le hla in American chiatnak hi achim peng.

1979 ah US Thanzung (Embassy) cu mei in an rak khangh nakin US nih Libya he pehtleihnak angeihmi arak phiat. Mah cun 1986 ah German ram Berlin ah bomh an rak hmanh i mah cu bomb nih cun US minung pahnih le German minung pakhat nunnak a rak lak. Mah cu thawng cu US nih avan theih tik ah a thin hung tuk i Libya khuahlipi asi mi hna Tripoli le Benghazi timi khua pahnih ah bomb a rak thlak bel. 1988 ah Pan Am Flight 103 tiah auhmi US vanlong cu bomb in arak tthuat ve tthan i minung 270 tluk nunnak a rak liam.

February 2011 ah Libya rammi hna nih Libya hmun zakip ah dohalnak tuah an thawk i mah ni cu Colonel Qaddafi uknak kan duh lo nak kan thinhannak kan langhter ni tiah an ti. February 21 ah UN General Secretary Ban Ki-moon le Hillary Rodham Clinton hna nih dohalnak atuahmi Libya mipi hna cu kap ti lo ding in nawlnak an tuah. February 22 ah Qaddafi nih cun thin hun buin “Keimah cu Libya tuanbia, dohnak, cozah thlennak, le luatnak hna atuah ka si” tiah achim."Caan tlawmpal aruah hlanah dohalnak atuahtu pawl cu kan tei colh hrimhrim hna lai" tizong achim chih.

February 25 ah an mah Muslim biakinn in dohalnak atuah tu minung thong tampi hna cu an rak chuak i Qaddafi cozah tthlaknak dingah an khuahlipi asimi Tripoli khua ah lamzawh aunak an tuah i mah a tuahtu pawl hna cu Qaddafi aralkap pawl hna nih meithal in an kah hna. Mah cu ti cun dohalnak atuahtu Libya mipi pawl cu kah hram athok thluahmah cang hna.March 4

ah Qaddafi cozah nih adohtu pawl he Zawiya timi khua cu icuh dingah faktak in atuk hna. Zawiya timi khua hi oil chuahnak khua tiah auhmi asi i mah kahdohnak ah cun a tlawmbik minung 35 nunnak aliam lai tiah theih asi.March 5 ah daite in Tripoli le Zawiyah khua I dohalnak atuahmi hna cu meithal in a kah hna pinah Zawiyah le Ras Lanuf timi khua pahnih hnu a mah adotu phu he an I cuh I an I kap. Atlawmbik minung 35 nunnak cu a liam lai tiah theih asi.March 7 ah aral pawl hna cu dohnak dingah raldohnak ttheng, Helicopters, raldohnak vanlong pawl hna ahman hna I faktak in aphomh hna. March 8 ah cu ti cun nichuah lei he nitlak lei he vanlong cung in a mipi pawl hna cu bomh he meithal he a nolh tthan hna. March 9 ah UN lei in no-fly zone tiah an auhmi hi ka zawn hmuh ah cun a ho vanlong hmanh azuang kho lo timi le a ho vanlong hmanh a chuak kho lo timi vanlong zuannak le chuaknak nawl phihnak tuah ding ah biaceihnak an ngei. Si hmanhsehlaw Qaddafi nih mah cu nawl cu ka zul lai lo tiah a chim ve.Nitlak rampawl nih kan ramchuak oil pawl hna an duhtuk caah doh an kan duh i asi tiah achim.

March 10 ah Qaddafi ralkap pawl nih a dotu pawl hna cu vanlong in le rocket in faktuk in a kah hna caah a dotu pawl nih an celh ti lo i Ras Lanuf khua cu an zaam tak. March 11 ah US nih Qaddafi cu a power ngeihnak in dawitthawl khawhnak dingah Steps panga tuahding zapi sinah theihternak an tuah. March 12 ah Arab League timi nih UN sinah No-flight zone tuah dingah nawlnak atuah March 14 ah Qaddafi ralkap nih nichuah lei khua asimi Ajdabiya cu bomh in a tthuat thluahmah lioah Zawiya khua dotu pawl hna cu a mah sin ah i surrender dingin afial hna. March 15 ah hin G-8 timi ram tthawng pawl biaceihnak an ngei nain no-flight zone kong he pehtlaiin hnatlaknak an ngei kho lo.

March 16 ah nichuah lei kam asi mi minung ting tampi umnak Benghazi khua pawng pawl hna cu bomh in hehtiah a phomh chih tthan hna. March 17-18 ah United Nations Security Council nih Libya mipi an humhimnak kilvennak ah Qaddafi cozah cu a herh ning paoh in phomh ve dingin nawlchahnak an tuah. Mah le cangka Libya cozah nih kahngolnak ka tuah lai tiah a phuan colh ve. US, Britain le France nih kahngolnak lawng aza lo na ralkap vialte na kirter hna lawng ah tiah an ti colh.March 19 ah zeitin dah Qaddafi hi dohnak kan tuah ning si lai timi biaceihnak Paris khua ah Bratain, French, African le Arab hruatu pawl an tuah. US nih Tripoli, Misurata le Surt khua pawl hna i Libya Qaddafi cozah nih an hriamnamchiahnak, an set-tuai-yi zung pawl hna cu Tomahawk timi raldohnak seh in a kah thluahmah ve. March 20 ah US le EU pawl hna nih an raldohnak tinbaw pawl hna le vanlong pawl hna cu Libya ah tam deuhdeuh in an kuat chinchin. Qaddafi nih a raldohnak hriamnam pawl hna a tongh khawh lo nak dingah tiin Benghazi khua i a hriamnam vialte cu an kah piak viar i a hriamnam vialte cu an puak viar. March 21 ah Qaddafi cozah nih US le EU pawl nih an kan tthuatnak nih mipi nunnak tampi a liamter tiah thanhnak an tuah colh. Asinain US le EU nih zei bantuk mipi hmanh kan that hna lo tiah an chim ve. (The New York Times chungin lakmi asi).

Kan peh tthan te lai.

Khah Mangttha rih kun uh!

Nan Hawi,

Kolatt

Syracuse University

New York

Source:: YCCF-International@yahoogroups.com