Karen Miphun Kawl Cozah Nih A Tuah To Ning

Karen miphun sual nak a ngei lo mi kawl ral kap nih a can ah nu zong si hna seh,pa zong si hna seh,,ngak chia zong an thah hna.a can ah cun khua mi pawl hi ral kap an khua ah an rak lut lai ti thawng an theih ah cun ram lak ah thih an tih ruang ah an tli dih.Kawl ral kap nih taingzinta miphun a kan neh sawh mi hi cu ruah ah thin lung a fah hring hran ko.a tu Karen ram hna cu a can ah kawl ral kap nih an khua pi in mei an khangh hna,a can ah rawl an ni chiah nak mi rawl buk zong mei in an khangh piak dih hna,a can ah an khua mi um nak khua hi meitha pi in an kah hna i, sual nak a ngei lo mi khua mi hi kum khat ah 9.10 hra hrawng cu an thanh peng hna ti a si,a can ah nu an tlaih hrem hna,a can ah thil ri an ngeih mi zong an chuih dih hna i,thaizing zei ka ei lai ti khua a sa mi ka ren miphun an nun can le har nak an ton mi can ruah ah cun thin lung a kuai hring hran ko,kawl ral kap nih Karen khua pa khat mei an khangh lio i a tli manh lo mi mei in an khangh chih mi pa,hman thlak kan kuat hna,cun Karen refugee an um nak nawlbua camp zong kan kuat chih hna.

Patluang Thailan

Lungtinpi Phaizawng

Internet Hmang In Ramkip Free In Chawnh/Auh Khawhnak

Kum le khua ni le thla a liam a tli thluahmah i Vawlei fim thiamnak zong ni khat hnu ni khat in a karh i a sang chin leng mang ve.Ni hin ah cun Vawlei cung pumpi hi khua pakhat bantukin ruah a si cang.Kan nih hna zong ni hin thawngpang ni hin ah theihkhawh le i hrawmkhawh a si ve.Ka bia a sau lai caah Internet hmang in ramdang ah Free in Fon chawnh-khawhnak a theih a thiam ciami lak ah a thei rih lo le a thiam rih lo mi tete um ve si batukin cu hna sia herhnak in rak tial tthan ning law pakhat hnih kan caah a ttha hnem hnga dek ma? Mah hi midang caah cun ka chim kho lai lo nain keimah caah cun a ttha hnem ngai ramdang lei a man pek hau lo in Internet in Fon ah ka chawnh pah lengmang hna i a ttha hnem tuk.A tuah ning cu Hika ah click law na Computer ah Download tuah hmasa. Mah dih cun Hika ah hin click tthan law tlam tling tein fill out tuah Email timi zon ah khan Gmail ID na tialpiak a hau lai.Tlamtling tein fill out na tuah dih in mah Email ID na pekmi in khan Email ah kal law Activate na tuahpiak lai i mah dih cun na hmankhawh cang lai.Mah he aa lo dengmang mi Mediaringtalk zong hi khuacan ah cun Internet in Fon chawnhnak ah a ttha pah ve nain ram a auhkhawhmi a tlawm deuh Malaysia hna chawnhkhawh a si lo.Hika ah hin na duh ah cun rak i tuah ve te law an pa hnih in khan a auhkhawhmi ram le a minute fiang tein zoh khawh a si ko khah.

Cun mah hi a hmang ciami tampi um a si nain a hmang rih lo mi kan tampi rih caah pa khat hnih kan caah a ttha hnem men lai caah.Mitam deuh nih kan thiammi le hman deuhmi cu Gtalk le VZO hi a si rua.A chawnh lawng in chawnh duh ah cun Gtalk kan hmang hna i Mui i zoh pah in i chawn duh ah cun VZO khan hmang theu ton.Cu caah a tu i ka rak thlah duhmi cu Gtalk a hmang hi kan tamdeuh ko caah Gtalk in i chawn le mui i zoh pah a ngahmi a thei rih lo mi kan um pah rih.Cu cu a Hika hi Click in Download tuah te law rak test ve te uh.

Iceland Ram Ah Meitlang A Puak

April 15, 2010 Iceland ram ah Eyjafjllajokull meitlang a puakmi khu nih vawlei cung vanlawng 6,000 umkalnak a dinh ter. A ruang cu meitlangkhu a chah tuk caah vanlawng umkalnak caah tih a nung. A bikin European vanlawng umkalnak a donh. Europe in North America ram lei ah a zuang mi vanlawng hi nikhat ah a tlawmbik 600 hrawng an si. Meitlang khu nih a bik in a denim ram hna cu Belgium, Britain, Denmark, Netherland, Norway le Sweden vanlawng umkalnak vialte a dinh ter. Norway King Harald V le Queen Sonja zong Copenhagen ramah Danish Queen kum 70 tlinnak chuahni lomh dingin kalnak ah vanlawng an hmang kho lo. Hihi 2001 World Trade Center cimh hnu in a tambik vanlawng umkalnak a kham tu asi. Hi ruangah vawlei cung sipuazi tampi a sung. Minung harnak a pe kho mi hi pawngkam zong an rak si, ralring khawh lomi thil. (Ref: CCN)

Ref:: Faiceu Vol2.No66

Malaysia PM, America Ah A Tlawng

Malaysia PM Datuk Seri Najib Tun Razak cu US ram ah a tlawng i US ramhum Barack Obama he nuclear hriamnam daihnak kong an i ceih dih hnuah Malay ram nih fimthiamnak lei ah thanchonak an hmuh khawh ve nakhnga US Chairman John Kerry zong he tonnak an ngei. Malay ram ah hin Britain le Australia nih an tuahmi sianghleirun sianginn cu a um ko nain US nih a tuah mi sianginn cu pakhat hmanh a um rih lo caah Malay ram ah US nih sianghleirun kainak sianginn tuah piak ve ding in Malay PM nih a sawm hna. US ram cu vawlei cungah ram rum bik le fimthiamnak lei ah a sang bik an si caah Malay ram i siahngakchia hna nih fimthiamnak sang deuh an ngeih khawh ve nakhnga nan kan bawmh a hau lai tiah Najib nih John Kerry he minute 40 chung an i ton lioah a chim._The Star

Ref::Malaysia Seihnam

Kawlram Thawng

Kandawgyi ah bom a puak, a tlawmbik minung 9 an thi Kan hnu cacawn nili ni ah Rangon khua Kandawgyi titoihnak hmun i bom a puah ruangah a tlawmbik minung 9 an thi i mi tampi hma an pu. Hiti bom a puah hi ti toihtu an tam lingcing suimilam 3 hrawng ah a si i, bom hi voi thum tiang a puak.Nawlngeitu hna nih an thanhnak ahcun a thimi hi pa 5 le nu 4 an si i hma a pumi hi minung 62 an si tiah thanhnak an tuah. Asinain a tak ahcun a thimi hi, hinak in an tam deuh i hma a pumi zong hi nakin an tam deuh tiah a pawngkam ummi nih an chim. Bom a puahnak pawnghrawng a ummi zong palik nih an tlaih dih hna. Bom puah ruang i hma a pumi ah hi ka sang Mah-Yah-Kah lultlai Kyaw Nyein le humhimnak lei `uanvo latu palik bokhat Maung Maung Han zong an i tel ve. Hi thil a can hi a tu tiang bia hman theih khawh a si rih lo. A ruang cu cozah nih thanhnak a tuahmi zong ah a tu a thanhmi le a hnu deuh thanhmi aa khah lo caah a si.—Mizzima

Malaysia Seihnam

Norway Um Laimi Thawngpang

Bawi Tha Thawng le Van Ram cu thawhthan lai zarhte zan, zantim hnuah an motor in mi motor an pah sual i, an i hliam. Van Ram cu a him, nain motor mongtu Bawi Tha Thawng hi a ril a pem caah siizung ah Operation an tuah colh i, siibawi te nih a dam zau ko lai an ti, tiin an chim. An motor hi a kang i, zu an dinmi a tam tuk caah a si tiah Palek nih an chim, tiin kan theih. Bawi Tha Thawng hi Oslo chaklei Sweden ramri ah a ummi a si i, Oslo Laimi sinah thawhòhan hmang dingin amah motor in a rami a si. Van Ram tu hi cu Oslo pawngte Asker khuaah a ummi a si.

An Mawtaw A Kangh Lio Hmanthlak

Ref:: NCCF

Kawlram Thawngpang Toi

Kachin ram Mekhah le Melikhah tiva ton nak tikham nak an tuah mi Asia world office ah tu zing nazi 2:45 hrawng ah bom voi li a puak i Asia world zung cu a hrawk dih,minung pa li(4) hrawng an thi i,hma pu mi hi pa (20) leng an si lai ti a si.a fiang deuh in an theih kho rih lo.cun Taluk mawtaw pa li le Asia word company zung mawtaw pa li zawng a hrawh dih ti a si.mah ti kham nak an tuah mi hi Asia world le China power investment corporation(CPI) Taluk he an ni fonh an ni bawmh i electric meitha tha zang an hmuh mi hi Taluk ram ah kuat ding a si.Mah tikham nak an tuah ruang ah Kachin ram khua(30) le mi nung (30,000) hrawng hi thial ding an si ca ah mah tikham nak tuah lo ding in Tanshwe sing zong ah ca an rak kuat bal cang.Cun thlacam nak zong an rak tuah bal cang mi a si.khah a toi nak in ka rak tial mi a si ca ah a tam a tling lai lo,

Cun a dang thawngpang ah kal ning law,a tu nai hrawng cu kawl co zah le KNA(Kazin National Army) pawl cu an ni kap leng mang caah Thailand border ah a um mi Mela Refugee camp ah Kazin refugee ral kut chung i a rak zam mi minung an tam chin leng mang.Ka saya pa hi an mah Kachin a si i a rak zammi hna sin ah cun a va kal i ral chung in a rak zam mi karen mi pi pawl cu a rak tlawn hna.Khah a toi nak in ka rak tial mi a si ca ah a tam a tling lai lo.a hnu ah thawng kan ni thanh than te lai.kaa lawm.

Nan u nau Patluang
Lungtinpi
Thailand

"Ai Nawn Par"

Laimi a lamkip in kan thangcho chuahmah Pathian thluachuah a si.IT lei zong in chan he aa tlak ning in kan tthan a ttha tuk hrinhran i Fidi Music lei zong in kan tthan ning zoh tik ah aa tthancho ngaimi Miphun pakhat kan si ve.Kawlram chung ah hin Video khuai a chuakkho bikmi cu Laimi kan si tiah an chim kan theih lengmang cu cu khat lei ah Pathian thluachuah a si kan ti khawh i a si ding zong a si.Khat lei in chim ah cun kan nunphung kan kan c a le kan bia kan kilkawi a si kan ti lai cu. Ramdang um hna zong nih kan fa kan nau le caah Lai DVD/VCD hna hi cawkpiak le zoh/ngai pi ton hna u silaw cu cu kan fa le caah nunphun kil vennak caah bawmtu ttha a si te lai.Ka bia a sau i US,Washington DC um Laimi hna nih nikum ah " Ai Nawn Par" ti min bunh in DVD pakhat an chuahmi i an Fidi pawl hna le an Music hna a ttha ngai. Atang hi rak ngai chun ve te law Fidi nu hi a thiam na ti ve hnga dek ma? Fidi hi Senthang Peng Phaizawng khuami a si .

"Ai Nawn Pa"

Khanhotnak Mei Nih Khankhot Minung 14 A Kangh Hna

Tonzang Peng Suangdem khuami minung 14 cu March 26 ahkhan ram chung i a ummi saram chuak hna seh tiin duahmi ram mei nih a kangh hna ruangah an nunnak a liam. Khanhot i a kalmi hi an zate minung 20 an si. Meikhu nih a kan zelh tuk ruang le mei aa hlio tuk ruangah kan chanh kho hna lo, tiah khuami pakhat nih a chim. Hi a can hlan March 25, 2010 ahkhan Cikha khuami minung 1 zong mei nih kangh ruangah a nunnak a liam. March thla chungah Hakha, Falam, Matupi peng i inn tampi ram mei nih a ciamhpi hna ti a si.—Khonumthung News



Salai Pa Tluang
Thailand

BAR COUNCIL: RalzamPawl Hi Riantuannak Nawl Pek Ding An Si

Bar Council pawl nih Malaysia cozah sinah nawlnak an tuahmi cu Malaysia ram chungah a ummi ralzam pawl riantuannak nawl pek ding ti a si. Malaysia ram ah ralzam dirhmun in an um tikah an caah umhimnak a um lo hlei ah rian kongkau ah harnak tampi an ton. Dam lo tikah ithlop bulnak tangka lei harnak an ton. An fa le sianginn zong tha tein an kai kho lo. Cu tikah cheukhat cu fir in an vak. Mi bu lakah vah i kutdawk rian an tuan. An ram that hlan, ramthumnak lei an kal hlan cu rian tha tein tuankhawhnak nawl pek ding a si. Riantuannak nawl pek tikah phunglam zong ser piak i tax tibantuk zong pek ter ding an si tiah Bar Council Subcommittee on Migrants, Refugees and Immigration Affairs Chairman Datuk M. Ramachelvam nih April 7, 2010 ah a chim. PIE (Partners In Enterprise) zong nih ralzam pawl riantuannak nawl pek ding in cozah sinah chim relnak a tuah ve. Kan hnu lei ah cozah lei nih ralzam pawl ID tuahpiak dingin thawngthanhnak cu a rak tuah nain nihin tiangah zeitik ni, zeiphun in dah ka tuah lai ti cu a thanh rih lo. (Ref: the Sun)

Faiceu Malaysia

US Ram I RC Biakinn Nih Harnak Nganpi An Tong

US ram, Chicago khua i RC biakinn ah rian a tuanmi tlangbawi hna cu mipi nih biahalnak le ralrinnak an pek hna. Tlangbawi pawl nih RC sianginn i ca a cawngmi ngakchia hna cu an sualpi tawn hna caah le thlarau lei rian tuan lo in vawlei cung pumsa nuamhnak ah an pial cang caah an biakinn nih leiba a ngeihmi hi $ 3 billion a phan cang, sualnak tuah a lonh cang mihna tlangbawi cheukhat hna cu dan an tat hna i a cheu cu thong an thlak hna. Pope Benedict XVI nih thil`halo an tuah mi vialte hi huhphenh aa tim ko nain mipi nih cun Pope nih palhnak a ngeihmi le biakinn tangka vialte a tlawttlaunak ah siseh, tlangbawi hna nih dinfelnak tehe rian an tuankhawh nak hnga biakamnak nan tuah a hau tiah cazual pakhat ah an langhter. US ram i bishop hna nih harnak kan tonmi caan hi tlamtling tein kan maimilh a hau lai, tiah Nicholas Cafardi nih a chim, a mah hi biaknak i hruainak lei ah an bochan ngaimi a si i tlangbawi le pastor pakhat nih ngakchia pakhat he sualnak an tuahmi tuanbia zohchih in “Before Dallas” timi kong a rak tialtu zong a si.—AFP


Malaysia Seihnam

Karen Ralzam Tamlak Kawlram Ah An Kir

Thailand ramri ah a ummi Karen ralzam 600 hrawng cu Kawlram ah an kir than. A kirmi ralzam pawl hi kan hnu nithum ni ah Moei tiva ten in kir an i timh Karen Information Center (KIC) editor Nang Paw Gay nih “Kir an duh lo nain Thailand cozah nih an hnor peng hna tik ah ruahchannak an ngei lo i an kir” tiah a chim. Thailand ramri um UNHCR lei biachimnak nawlngei Kitty McKinsey nih “An kir mi hi an mah duhthimnak a si. Naite ah pei minung 700 hrawng register kan tuah hna i interview kan tuah nak ah Kawlram kir ka duh an ti dih cu, ziah tiahcun fur tlak hlanah an lei pawl timlamhnak tuah an duh caah a si ko. Kan mah UN lei zong nih kir lo dingah kan hnek awk an si lem lo” tiah a chim ve. Kan hnu 2009 June thla ah Tha Song Yang kharaing (District) ah ralkap cozah he Karen ralkap pawl an i tuk ruangah Karen ralzam 3000 hrawng cu an rak zam hna. Tukum February thla ah khan Thai cozah nih ka kir ter dih hna lai a ti ko nain minung covo buu pawl le ramkip nih khirh than lo dingin Thailand cozah sinah an nawl caah an kirter than hna lo. (Ref: Irrawaddy)

Patluang

Lungtinpi

Thailand

Dinzu Phor Pa Mawtaw SaikelIn Aa Hliam

Thantlang mino le bu kip fonh riantuantu hruainak in Thantlang khuachung ah dinzu zuar an khamh cuahmah nain micheu cu Hakha ah an phorh i a thlite in an zuar. March 3, 2010 (nihnihni zan), Everest dawr thlang, Hakha ah Tat Thu an timi pa nih lamkam in an nammi mi mawtaw saikel a pah. A mipum cu faak in aa khawng lo nain ciatpha khatte in a phorhmi zu palang cu a kuai dih cikcek. Bia an hal i “Thantlang lei ah ka kal lai” tiah a ti hna. A zu phorhmi hi K -70000-100000 kar man a si.

Ref:: HYF

Poland Ram Hruaitu An Ci Amit Vanlawng A Tla 98 An Thi

Poland ram hruaitu vialte, President i tel in Russia ram ah an zuang. A luancia kum 70 lio i Soviet Union ralkap nih Katyn timi khua ah Poland minung 20 000 an rak thahmi hna philh lo va tuah ding ah a si. Ruah lopi in an i citmi vanlawng cu a tla i an thi dih, Poland President le a nupi zong an thi. Atang hmanthlak hi a thimi chung in Poland ram a cozah hruaitu le mi biapi lawngte an si. Alai i a lian ngai in langmi pa le nu hi Poland President le a nupi an si.
OMKOM: Disse polske toppene er blant de omkomne etter flyulykken. I midten er president Lech Kaczynski og hans kone Maria. Foto: Reuters
Atu lio cu khuasik a dih lei, tthal a hun chuah pah a si caah Chuum a zaam ngaingai rih. Cucaah Vanlawng mawngtu cu Moscov ah ttum ter ding in an chimh. Nain vanlawng mawngtu nih ttum awk a ttha lo a ti hna. ( chuum a zaam caan i Vanlawng nih a herhmi thilri pawl kha an vanlawng ah a rak um celngel lo, an ti) Cucaah an lan i Chuum an pah chih hnu ah an tla, tiah ruah dih a si ko.

Zeisi paoh ah hi vialte mi biapi/ Poland ram hruaitu an thihmi cu sungh cikcek a si ko. Cu pinah, mi tamdeuh nih cun Russia ram chung ah Vanlawng a tlak caah, Russia le Poland an i huat a zual lai tiah an ruah domh pah. (hei chia uh)

Poland cu Democracy ram a si bantuk in tutan kong ah buaibainak a um tuk lai lo, an ti. Minung pumpak ah power a um lo, phungpi/constitutio n an i ngeih ning in a ra laimi ni 14 chung ah thimnak an tuah ding a si. Mah hi a voi khatnak an ton zong a si. Politics le Power kong ah democracy prinsipp ning in tuah ding an si caah ai ning ngai. Donald Tusk cu Poland prime minister a si, i amah nih thimnak kong ah ttuanvo a lak lai. (amah hi lai a hlumh caah a nung)

A thimi lak ah ram uktu dirhmun in mi biapi deuh cu:
Lech Kaczynski (60): 2005 in Poland president a si. Cozah i hruainak ah Law le Justice lei pacan a si. A hlandeuh i Prime Minister a rak si Jaroslaw Kaczynski.
he faphir an si.
Maria Kaczynski (66): President nupi a si i economist a si. English le France holh a let pahmi a si. A pu hi Katyn ah an rak thah ve.
General Franciszek Gagor (58): hi 2006 in Chift of Staff (ralkap lei) a si. 2004-2006 tiang kha Brussel i a ummi NATO ah Poland`s representative in a rak um.
General Andrzej Blasik (47): hi Vanlawng hriamnam he pehlai in hruaitu a si.
Viseadmiral Andrzej Karweta (51): hi 2009 in Marine/navy lei hruaitu/leader a si.
General Tadeusz Buk (49): Ram kilvennak lei ralkap hruaitu a si. Iraq i NATO hrang i ral a tumi Poland ralkap hotu a rak si.
Slawomir Skrzypek (46): hi 2007 Poland bank vialte a tlaitu a si. Atu a thimi president he ai naihniam ngaimi pa a si. 2002-2005 kar president ( a caan dih hlan ah a thimi) kut tang ah rian an rak ttuan tti cang.
Aleksander Szczyglo (46): cu Secret Service ah lubik a si. Atu president i a naupa chan lio ah Defense minister a rak ttuan.
Jerzy Szmajdzinski (58): Vicepresident a si. Iraq ral lio ah defense minister a rak ttuan. (vice president zong a thih caah a poi khun)
Janusz Kurtyka (49): cu Poland national memory institute president si. Mah cu, communist buainak um lo ding a hlathlai tu khi si rua...
Piotr Nurowski (64): cu Poland ram Olympic Comette hotu si.
Krystyna Bochenek (56): Parlament ah vicepresident a si.

Hivialte mi picel lawngte an thih cu a poihrin hran ko. Poland cu ttahnak in a khat. Vawlei mipi le hruaitu hna nih an lungfah pi tuk hna.

Khah hi vial si rih seh. Hun peh te u law tha hnga. I ranh ngai in ttialmi a si i cafang/biafang palh um kho ngai ko.Read More

Yours sincerely,
Bawi.

"Kan Lai Tlang Le Mirang Ram Ah"

Ahlan kan nu/pa hna cu mithi inn le sazawhnak hmun ah an biaruahmi cu sakahnak le ram vaihnak pa nih an ni ceih i nu nih mi kong le thlawh thingphorhnak kong an ceih nain,a tu ah cun Ramdang ummi fanau kong le Malaysia/AUS/USA kong an ceih cang.Cheukhat cu Meeting hmanh ah an fa le Ramdang a um lo mi hna an biachim cu an ngai duh ti li an ti.(Capo)

Kan Lai Phungthluk ah pam lungping ngeih lungawng a si nain Mirang ram le ram thumnak kan phanh hnu cu mirang holh thiam lo lungping holh thiam lungawng a si cang.Kan Lai phungtluk ah Nupi cumh phung Darkhuang cumh phung an ti nain Mirang ram ah cun Nupi cumh phung thawngtlak phung a si cang.A hlan kan Lai tlang ah cun Miphun sang cu kan Bawipa te tiin nawl le panh ton an si tu chan Lai tlang ah cun mingei mirum hi ka Bawipa tein tin panh le bawmh hal an si cang.Mirang ram ah cun Sui le ngun phaisanak in fim thiamnak a ngeimi le mirang holh a thiammi hi ka Bawipa te tiin panh le bawmh hal an si deuh cang.Kan mah btk Refugee hna ca hrim ah cun mirang holh a thiammi hi mirum deuh le kan Bawi le an si cang kan ti khawh.

By Vakok-Lian

Hakha Mifir Pahnih AnTlaih Hna!

March 17, 2010 zing ah mifir pahnih, Thla Or (40) le Tha Lian Thawng (35) an tlaih hna. Zing sml 8 Rev. Tan Mang te meihol tun an firmi an i put i Cherry sang ah an zuarh hna. Cu lioah cun Cherry sang khuabawi Pu Sang Cin le mino nih an tlaih hna. Bia an hal hna i an firmi a tam tuk caah a zat an chim kho lo. An fir i mi sinah an zuarmi chungin Lai coat 1(a senmi), rawlchuannak kukar 2 le meichemnak cu an zuarhmi hna sinin an lak khawh than.Nikhat chung an hren hna hnuah Dawrthar khuabawi le cherry sang khuabawi hnatlaknak in an thlah than hna.

Ref:: HYF March

India Salawng

Laitlang ah India salawng biatakte in an hman cuahmah. Hakha chungah inntung 100 dengmang nih an hman cang. Atulio an hman bikmi cu Tata le Airtel an si. Vawleicung sport phuntling le ramdang film thatha a tlaih. Cawk le bunh na duh ahcun a tanglei langhtermi address ah hlatkhawh a si. A bunh ciami zong tangka tun khawh a si.

Pehtlaihnak: Ngun Uk Thang
Khuathar, Hakha

Ref:: HYF March

"Sawmnak"

Vakok-lian ah mileng nan rak tam chin lengmang i nan cung ah kalawm tuk hringhran.Thla 2 chung ah Mileng 2209 nan si i Vakok-lian caah ah cun a ropui ngai ve cang.Voikhat cu Vawlei a cim lai tiah Saveh(Phete) nih saram vialter kha a hlen hna i Malaysia Oprasi nih an kan doi bang in Sarma pawl cu a ran khawh chung in an tli dih hna ti a si.Saupi an tlik hnu ah mun rawn pakhat an phan i cu ka ah cun an ni din hna i an mah le an mah kha nan zeital nan i khawngsual hna ma?tiah an ni hla hna i cio ah cun aw thang nawn in khan Ulak nih cu tluk lawmman in kan thinphan le thlalau in kan tlik cu kan ti thi ko lo ma?Ka zoh tuah u ka phei ah Khap khat bak in a tlek tiah a ti hna.Cu lio ah cun Vui ngan tak2 mi pakhat nih cun dai ko Utlak ka phei ah kapkhat in a tlek ti hlah na pum dih lak hmanh in khap khat na si lo kha avan ti i Ulak nih cun dai ko Vui na pum ngan le ngan lo he mah le khap in pei ka chim cu tiah a ti hna.Cu ve bantkin thla 2 chung ah mileng 2209 Vakok-lian nih a ngeih ve mi cu a ropui ngai ko.

Keimah tein thawngpang thanh le catialnak can ka ngei kho ton lo i Cazaul i thawngpang a tthami le theihphu tbk hna lawng ka rak tar lengmang nak a si.Lungdongh lo tein rak ka leng rih ko u law hmai thla hrawng ah Lai lam phun tampi kan tar piak te hna lai.Atu hi Lai tlang ah Semuel Hrat Hmung Video zuk kan lak ter lio a si a ruah hlan ah Lai lam Khuangcawi/Sarlem le lam phuntling a hme in a ngain tiang tampi in tar ding ah ka saduhthah a si i hmai thla dih lai hrawng ah cun ka rak tar khawh cang lai caah lungdongh lo in rak ka leng tthan te ding ah kan sawm hna.