Thailan Sianginn Ah Kawlram Mi 500 Leng Degree An Lak

Thailand ram um Asian Institute of Technology timi sianginn in kum 36 chungah Kawlram siangngakchia 500 reng lo an i lim cang tiah MCC in tuah mi fimthiamnak he pehtlai in biachimnak ah CEO in Daw Chaw Khin Khin nih a chim. Ca a rak cawngmi hi Scholarship a ngah mi deuh an si i siangngakchia 552 nih an ngah, Master le Ph D a kai mi deuh an tam tiah a ti chih. Atu tanghra a awngka pawl zong hi Yatanapung ah Engineering le Telecomunication kumhnih tiang kai hnu ah a kumthumnak cu Thailand AIT ah peh ding a si lai tiah a ti. Thai sianginn a simi AIT kai duh ruangah Yatanapung Technology sianginn a kaimi hi a zaleng an si cang. Kai a duhmi caah tanghra mark fonh in a tlawmbik 300 a si hau i a thiam deuhmi paoh cu MCC, Htun Foundation le AIT nih scholarship an pek hna lai tiah a chim chih. (Ref: Eleven)




Faiceu Media Group
Malaysia

4. Free And Fair Election 2010? (Pumpuluk Thlirnak)

By, Thang Ning Kee

Kawl Ralkap nih cun November 07, (Sunday) 2010 ni hi Election ni caah a phuang cang. Mah ni ah cun zumtu khrifa (Christian) hna caah cun Biakin hna khar tiang kha kan herh laiih biaknak khuarkhirhnak pakhat ah kan caah cun a tla cang. Biakin kan khar thenglo zong ah lungnuam in an pum kho hna lem lailo. Zei ah Sunday ni kher an hril mi nih hin biaknak le a mipi hna zawn an ruatlo bak kha alang. Aungsan Suhkyi an chuah hlan ah Election tuah man antim nih hin a mah an tihnak alang ter. Sukyi a chuah hnu ah cun thil a danglam khomi le mipi ih Sukyi an zumnak langter an ttihnak siin alang.

Election ah a lut dingmi hna cu August 16 in 31 chung hrim hrim ah hming pet ding le pawisa ting 5 kyats 500,000 pet cih ding ti asi hawi. Zarh hnih chung ah Ram ai awh tu ding kawlnak le timlamh nak ding caah can a tawi tuk. Timhlam can neilo dingin a tuahnak hna hrim hi asi. ……

Auak hluat taw, People’s Assembly (Lower House) Constituencies caah 492 in 330 ah an tum ter ih Athet hluat taw National Assembly (Upper House) Constituencies zong State le Divission pakhat ah hlei hnih (12) cio rampum caah 168 lawng ah an tuah ih Chin miphun caah Lower 4 le Upper ah 1 kan sung tinak asi. Asi nain Myone (Township) tampi a neimi State cheukhat le Division chuekhat hnakin cun Chin State hi kani miat deuh nain rampum puluk hei zohtik ah Ralkap nih fawifai teih a uk khawhnak ding lam a tuah tiin hmuh khawh asi.

Atu te Ralkap caih a biapi ngaimi strategy thar a tuahmi cu, Border guard agreement a tuah duhlo mi lakih tha a thawng cem Wah (UWSA) le a hawi Mengla(NDAA-ESS) pawl August 20 ah a tawng than hnaih nanmah ramkulh chung ah Election nantuah lai tiah bia a ceihpi than hna kan zoh tikah Kawl ralkap acozah nih hin biarum in a ngahlo ah bianem in a duhmi ngah ding kha a biapi ah a chiah ih lih le hrawk hrawl dik le diklo hi a caah a biapi tilo tinak asi. Border guard an duhnak ding ah rorum ngaiin bia a ceihpi hna ih an ngahlo tikah a biarum bantuk in le a do ngam tak tak hna lo leng ah a tu nemtein Election lut ding ah a va liam hna cu mi pangai caah cun ningzak za asi. Mipi hmai zong ah ningzak an hngalh tilo. Culio ah ralkap acozah nih zeitik hman ah Rohinja (Muslim) pawl Kawlram mi sinak pet aduh ballo hna zong Arakan (Rakhai) ramkulh chungih Puti Tuang le Mawngtaw hna ah anmah vote thlak ding ah a liam hnaih ramsihnak zong a pe cuahmah hna ti asi. Atulio Kawl ralkap ih a kal ning ah hin a hlan ih a ral hna zong Federal Union a au lo ding mi le Ralkap uknak hnai hnok terlo ding mi poh cu misual ansi zong ah ramdang mi ansi zong ah vote pe dingah a liam cuahmah hna cang. Ram le Phun neitu le mi ding mifel asi zong ah long term policy ah Federal Union le Democracy phung hram fel a kal than ngam dingih a hmuh mi poh cu a duh hna baklo tiah afiang ngai.

Khatta leiah hei zoh u silaw, Dr. Tu Kya ih Kachin Progressive Party hi Election caih Tlangparmi hna lakih list a pe hmasa cem lei asi nain KPP lawng silo Kachin party pathum bak a tu tiang register atuah ter hnaloih Wah le Mengla pawl register tuahzawng a timlo mi amah nih a va liam hnaih luh ter a tim hna kan zoh tikah, mah zawn te ah hin mi tampi ih an hmuh khawhlo mi Kawlram caih long term policy ih a biapi mi biahli (bia thup) a lang ter. Hei check hnik u sih…. meithar he kahawk lo dingih agreement a tuahmi pawl lakah hin Wah pawl hi a thrawng cemmi ansi ih Border Guard agreement tuah ding ah Kawl ralkap a sung nak hi Wah ruang ah asi ti kan hmu kho. Biana bia ah Wah nih Border guard agreement hi hei pawmpi bang selaw KIO thawkin a dang pawl kha cu anduhlo zawng ah tharum hmangin a tuahter hrim hrim hna lai. Asilo ah KIO le a dang pawl nih agreement an tuah khawh ah cun Wah lawng kha cu tharum hmangin a tuah thiam thiam pi men lai. Wah he a dangpawl an kawp ah cun Kawl ralkap nih tharum hmangih tuahter hna kha a hei ngam tak tak lo tikah KIO le adang pawl le a hei biak thul ih a ngahlo hnu ah a tu Wah le Mengla pawl Election lut ding ah a nem nakin a va liam than hna. A ruang cu atu election a lut ding party cheukhat nih anduhlonak an au nak thawng arak ngan deuh deuh tikah a ral lakih zeiti hmanin a tuah kholo mi Wah pawl va liam hna ih Election lut ding mi party pawlih lungkimlo aw thawng cu rehter (thing) a tim than. Achan cu Wah le Mengla an kawp ah cun constituency 5 a neimi ansi caah Kawl ralkap caah a biapi ngai. Kawl ralkap caah Kachin zeiah tihtlak cem asilo nain Election caah a ttihcem le Wah hi ttihcem tlak asi nain Election caah a ttihloih lut ding ah a liam than kan zoh tiakah,,, Kachin pawl hi Nyawng Hne Pin Nyila Khan ah siseh, a zei can poh zawng ah an chimmi hi Federal Union siding le Panglong agreement hmang than ding hi an chim cem le kalpi mi asi caah Dr. Tuu Kya pawl hi Election ah an lut khawh ih Kachin State ah an cah sual asi ah cun Parliament ah anral asithiam thiam lai ti an hmuh caah asi. Biana bia ah Chin party hna le Arakan party hna hi zeihman Ralkap caah ttinung mi statement an ngeilo tikah ah cun an State chung ah an rak cak hnu ah Federal kawng hna Panglong agreement kawng hna cei than an tim zong ah Election hlan ah nan chimlo mi le nan lungkim ciami bak cu zei hman nan chim kholo ati hna lai, Dr. Tukya hna rak tei bang selaw adang pawl he Parliament ah ani kawp than lai caah Dr. Tu Kya pawl hi a tih cem nak asi. Kawl ralkap nih hin a caah khua sau a ruat cia asi, a sawh sawhin a caah thil a tuahlo ti kan thei ve a hau (an zial thiam ngai ngai). Wah pawl hi hei zoh than u silaw annih cu Tlangpar miphun dang hna bangin Federal Union hrim hrim a timi hna ansilo, ram nei a timmi hna an si caah an duhmi an hmuhnak poh ding caah cun Kawl ralkap he zong a lungkim kho dingmi ansi. Cu cu Kawl ralkap nih a thei caah Border guard agreement caah dawnkhantu No.1 asi ti a thei nabu in Dr. Tuu Kya hna zong Election caah party register a tuah ter hnalo lio ah a mah baknih election lut ding hna ah a va liam than hna, Tu Ma Neng Ko Ma Neng in I hlen zungzal in Kawl ralkap nih a tuai pi hna ko hih. A dawng cem ah a hodah teitu, zoh a nuam lai. Wah hna cu township 5-6 hrawng an nei khawh ah cun state an siar laiih Talukram chungih a cep(tawt) tukmi an mipi hna an rak luhpi ding hi an aims ngamcam asi, taluk nih cu cu bawh phahin Kawl Ralkap cu a ven (bawm) peng nak zawng asi.

Kawl rakkap nih atu lio, tlangpar miphun pawl ram kulh a buaipi cem mi hna hi Kachin, Shan, Karen le Mon pawl ansi. Rakhai (Arakan) le Chin ramkulh hna kha cu Election caah a zalian cem mi ah a hei chiah ko hna, tulio kan zalian nak hi Election adih tikih thawng kan tlaknak ding asi lai tihi thei cia kan um ah cun lunglawm tlak asi hnga. Arakan ah cun acozah le Election duhlonak an au aw cu a tam nain an miphun aiawh tlakih Ram Ralkap aw Statement le thil phut a um khawh lo caah asi cem. Atu Tlangpar miphun pawl lakih a ttih cem mi hna hi an miphun aiawh tlak ngaiih political platform aneiih ralkap thrawng a neimi hna hi a tih hna ih a buaipi lio hna cu an si. NLD le Tlangpar mi hna hi awkhat chuahih kut tlaih awk nak ngai ngai a umlo mi zawng Kawl Ralkap van thatnak asi. Cu caah pakhat hnung ah chiahin pakhat hmai ah phorhin a hlen hna tawn. Kawl ralkap ih diklonak cu kan chim ih a dih kholo bangin a fimnak le zialnak zawng cu tawp kholo in an thuk cangih hram an hnget cang caah anamh lam ah cun an sawh sawh velo ti thei dingah a tha. (NLD lei siseh opposition groups dang hna siseh, tlangpar miphun leader hna zong siseh Kawlram thatlonak kong cu vawlei pum ah an aupi hna nain 2008 constitution kong hmailei ram hruai le uk ding phunghram tihnung ngai asimi le mipi le a bikin tlangpar miphun hna caah phun thlauhnak tiang a um ti kha ramdang ram uktu hna fiang ding ah an hna an thlak kho hna lo hi a pawi ngai ngai, zeiah tiah Ramdang uktu tampi nih Election a um phawt ah cun mipi nih Ralkap an hril lailo ih an duhmi an hril khawh lai tiah an zumnak hi Kawl Ralkap caah a myiat cemnak kha asi. A ngai ngai ah Kawl ralkap hna nih anmah hrim tling dingah a phun phun in mipi hna an thlen hna le an force hna ti hi ramdang mi le Uktu hna tampi nih an hmu hluh kholo caah Kawl Ralkap a thatlo an thei nain Action lak ding ah cun Election pei a tuahpi cang lai tiah hin an vaivawin nak hi asi.

The Nation News (Bangkok) nih cun Kawl Ralkap ih 2010 Election hi nihin ni tiang vawleicung pum puluk ih ngaihsak (a buaipi) cemmi asiko tiah a phuang. August 16 niah Bangkok Post nih cun Kawl Ralkap ih 2010 Election cu pawmpi tlak hrim hrim asilo, Kawram mipi pawl le vawlei pi hlen ih Kawram mipi hna zungzal Ralkap thang ah canter timnak men asi tiin a chuah. Cu hna lawng silo The Independent (London), Telegraph (London), Tim of India, The Hindu News, The New Nation (Bangladesh), The Guardian (London), Los Angeles Times (USA) hna nih fak ngaiin an dem leng ah ram tampi Media le News pawlnih Kawl Ralkap ih 2010 Election hi Free and Fair asilo nak kha an aupi cuahmah lio ah Kawl Ralkap cu a zei pawiloin a duhmi tuah dingah hmai cu a hei nawr ko hih. (Tulio bak kha cu Election kong kan ceih zong ah History hna ceih tamloin 2008 ih ram uknak phung hrampi le Kawl ralkapih 2010 Election caih opposition groups le tlangpar miphun hna le an ralkap hna cungih a hlithup le thiam ngaiin a tuahmi strategy hna kong hi pholang kho hna u sihlaw mipi hna ca zawngah san a tlai deuh lai tih zum a um ngai)



Kawl ralkap ih amah nawl bakih a tuah mi 2008 ih ram Uknak dan hrampi nih Ralkap nih a zungzal a Uknak dingih a nemhngeh fiangnak pawl kan zoh tikah,

1) Article 1: 6 Ralkap nih ram politics cu a hruai lai

2) Article 1: 14 Ralkap cu rampi, State le Division tiang uknak ah a tel lai.

3) Article 20 Ralkap pakhat lawng a um laiih ram ralkap he petlaih mi poh cu zalawn tein khua aruah dihlai.

4) Article 60 (b) 3 Ralkap cu ram uk nak step poh ah a tel dih lai.

5) Chapter 7, article 338 ralkap pakhat bak tilo cu zei budang ralkap hman um asing lo.

6) Article 412, 413, 419 Emergency canah ralkap nih Aana ting khawhnak constitution nih a pet leng ah can tiam umloin ram cu Ralkap nih uk khawhnak nawl a pet.

7) Ralkap cu ho hmannih mawhpuh tuahin ati buai hna a hnawk kho lai lo

8) Article ralakp he a pehtlaih mi poh cu Raluk Bawi nih bia a ceih lai

9) Chapter 4, Article 74, 109, 141, 161 ram uknak Parliament ih 25% cu ralkap nih direct in a lak lai.

10) Article 115, 147(b) ral veng nak, lung chung zei ralkap kong hna cu ralkap lawng nih bia a thlak lai.

11) Article 121(k) Ralkap cu special opportunity pet ding

12) Article 20 Ral vengnak, lung chung zei, ramchung kong le ramri kong hna ah siseh, Article 212 , 234 ah Vonkyi chuk dawttu hna sinak pet nak ah ralkap chung mi lawng pet hna ding

13) Article 262 State, Division ralveng nak le ramri kong hna cu Ralkap lu cem (Ka kawi zei usi chuk) lawng nih a ceih lai

14) Article 258 Ralkap ih a hmunpi asimi Nei Pyi Taw Council cu Rampi ih a sang cem nawlnei nak a si lai

15) Emergency caanah chapter 11, Article 412, 413, 418, 432 ah rampi ih dan tuahnak, UKnak, rorel (biaceih) nak pawl cu ralkap nih a lak dih lai ih can tiam umlo in Aa Na Ting khawh nak zawng a ngei ter.

16) Chapter 14, Article 443, 445, 447 ah ralkap ih ro ngahnak/ a hmaiih acozah ih dan tuahmi hna, strategy pawl hmang kho dingin a tuah piak caah 2008 Kawl ralkap ih rampi uknak phunghram pi cu Ralkap hmuhnak, ralkap dirhmun in Ralkap nih Kawlram zungzal in zungzal a uk khawhnak ding caah an tuah mi ti hi a fiang cik cek koN

Note: Aliam ciami Election vialte kanzoh tikah Kawl ralkap acozah nih mipi attih hna ballo ih a duh pohin a nawlin a tuahhnawh hna,… Tu tan ah hin cun mipi lak ah a mui le a zia a thlak nak kan hmuh khawh hi buainak thim lakih mipi caah ceunak hmete a rak lang cang ti khawh asi. Ziah tiah,

a) Election ah a tling khawhnak hnga thi dengin mipi a nem in siseh a rum in siseh a tlawn hna, chaw le va hna a pek hna, Election ah sung khawh asi tinak thinlung thar an nei.

b) Kawl ralkap acozah poh nih Rohinkya (Muslim) an duh ballo mi hna zawng rammi sihnak le vote pein a mah vote ding ah a liam kho hna cang.

c) Border Guard agreement caih amah caah lamkhar tu cem Wah hna kha chin cia bantukin an ramcin ah Election tuah ve ding ah a liam hna.

d) Tlangpar miphun lakih background a nei deuhmi hna kha Election ah a ttih ngai ngai hna cang…. ih a hlan ah ttihnak a nei ballo mi kha Kawl ralkap nih ttihnak a nei kho cang mi ah hin Ram mipi ca hmailei Hope cu a um dawh cu asi deuh ko, a can belte a rau hnga maw, a naih laidah?



August 25, 2010

Ottawa

2010 Vawlei Cung Muidawh Bik

Miss Universe 2010 Vawlei cung muidawh zuamnak a voi 59nak cu August 23, 2010 ah Mandalay Bay Event Center, Las Vegas, Nevada, U.S. ah an tuah cang. Mah Vawlei cung muidawh zuamnak ah hin ram 83 an in nu mudawh an ni zuam. Miss Universe 2010 caah a pakhatnak cu
1) Jimena Navarrete (Mexico)
2)Jesinta Campbell (Australia)
3)Fonthip Watcharatrakul (Thailand)



Miss Universe 2010




Ref::minmeizam

Ngakchia Pa Liu Wei A Kee In Piano A Tum

Liu Wei hi Beijing mi a si i a ngakchiat a si lio tein music lei ah mi min thang pakhat si ding hi a chungmang arak si.Cun kum 10 a si ah vanchiat ah electric nih a laih sual ruang ah a ban pahnih bak in an tan piak mi a si.Si hmanh sehlaw A nu nih hin thangzang a rak pek pengmi cu midang he nan i dannak a um lo na lung dong hlah tiah a rak ti ton.Ngakchia pa Liu Wei nih midang nih an kut an hman bantukin kei nih ka ke ka hman ve lai tiah a ti i kum 19 a siah hin piano tum cawn a thawk. A chimmi cu thil pakhat khat kan duhmi a um ah cun tuah phot ding a si ko tiah lung aa put i kan tuah lengmang ah cun kan ziak i a har mi a um lem lo tiah a ti.

Ngakchia Pa Liu Wei A Kee In Piano A Tum

Kawlram Thimnak Kongah Interview

Kawlram thimnak kong he pehtlai in VOA in U Kyaw Zan Thar nih, NDF party hruaitu, U Khin Maung Shwe le Dr.Salai Ngun Cung Lian interview an tuah hna. Ralkap cozah nih Nov. ni 7 ni ah an tuahd dingmi thimnak hi free and fair a si lai maw? " timi kong a si. Atu lio Kawlram thimnak kong theih a zuammi nih cun pel lo tein rak ngai cio u. Hika ah hin Click law tlam tling tein na ngai khawh ko lai.Kawl ca in rel a duhmi caah Click.

Ref:: voanew

Salai Lairamthang

Washington D.C

Rak Ngai Ve Te

Mah hi US President Barack Obama nih Muslim kong a chimmi a si rak ngai ve te.Cheukhat nih t cun Barack Hussein Obama tiah an ti hnik ko hi ta.Mah Video hi Minung Ting 2,738.751 nih an zoh ngai cangmi a si tik ah cheukhat an thinlung chung ah zeitindah a va um hnga mu.US President a rak kai ka ah US tuanbia a thlengtu a si tiah zoh thla ngai in an rak ti cio lio ah Sadam le Hussien lungthin hna a keng sual lai ti phan a um pah.

Zeidah Biapideuh ah na chiah?

Luke 12:15 “Mi a nunnak taktak hi cu, zeitluk hmanh in rum sehlaw, a thilri hi a si lo”

Minung kan nunnak ah ei din awk phan ding a um lo ah hin cun buatlak piin kan tlam a tling ko tiah ruah a si. Vawlei lei pumsa nun kan tlam a tling tikah herh mi kan ngei lo, kan duh mi kan tuah khawh i, kan ni nuam, kan hna a ngam. A donghnak ah cun Pathian cu va um ko hmanh seh law kan herh ti lo, kan tuan caah pei kan ei, kan ding, kan nung kho ko cu ti mi ruah nak a rak chuak. A bik in ram thangcho ah hin hi ruah nak hi a chuak cuahmah cang, ttih a nung ngaingai mi a si. Hlan lio kum zabu 15 hrawng i ro pui ngai in thlarua revival a rak tlak nak Europe ram, zarhpizing pumh lo ah cun ningzak ngai ah ruah a rak si mi ram hna cu, nihin ah cun zarhpizing ah member 20 an ni pum kho ah cun, cu Khrihfabu cu a ngan tak mi ah ruah a si cang. Pastor zong hi tthitumh can le ruakvui can long ah panh a si cang.

Minung hi zei dah kan si, a ho ta dah kan si, kan thawhkeh nak khua zei in dah si, pumsa nun in a dih ding mi kan si maw, oosa kan pek deuh ding mi teh zei dah si ti mi hi kan thei kho ti lo ah cun ngeih chia ngaingai a si ko. Kan hram kan i domh kho ti lo! Pathian miphun kan si nak, thisen in cawk mi kan sinak kan i thei kho ti lo.

1 Piter 2:9 ah cun, "nan nih cu thimmi miphun, Siangpahrang tlawngbawi, miphun thiang, Pathian miphun hrimhrim nan si" a kan ti. Cucu a fapa Khrih nih a nunnak liam tiang in a kan dawtnak le a kan tlanhnak thawng in a si. Zisuh nih Mathai 16:26 ah "mi pakhat nih vawlei cung hi co dih hmanh seh law, a thlarau nunnak a sungh tung ah cun zei dah san a tlai" a ti.

Zungzal nunnak caah san a tlai tung lo mi thil ah hin kan nunnak le kan can dih lak kan hmang tuk sual maw? Hmailei zungzal kan nunnak hnga ding caah a nunnak liam tiang in a kan daw tu Zisuh Khrih caah teh, bible rel can, a mah he bia i ruah can, can kan pe bal maw? Nifa kan nun ah teh a mah kan langhter maw? Kan bible chung ah Pathian nih siter a kan duh mi nun tampi a um, cu hna cu zeirel lo in kan um sual maw? Na nunnak ah zeidah biapi deuh ah na chiah mi an si: Zungzal a hmun ding mi maw, (or) a dih zau ding mi dah???????

Pastor Hniang Uk

Manila, Philippines

//////////////////////////

Hakha Ah Thil Zuarnak An Tuah

Nizan tihni 8/17/10 - 21/8/2010 tiang Hakha Khualapi ah thil zuarnak ropui tak in an tuah.Mah thil zuarnak cu Vumtumawng certual ah kau taktak thil zuarnak Dawr pawl cun an tuah i 8;00AM - 10;00PM tiang an zuar.Thil a zuartu pawl le Dawr ngeitu hna hi kawlram lei in a rak rami an si i cu ka hmun ah cun um nakzawng a ni khuar i an um hna.An zuarmi thil pawl hi a tam u cu Electronic thil ripawl le hni le puai a phun2 cun umkheng le tamhnak a phnphun pawl an si.An thil pawl cu a tthat leng ah a man hna zong Hakha khua chung Dawrnak in a man a tlawm deuh caah thil a caw le aa chawhvah mi pawl cu Vumtumawng Bawlung kun a khat in an khat tiah an ti .Malaysia sining in chim ah cun Chawngket hrawng Pasamalam kal bantuk a si kan ti lai cu.Thil a cawmi le aa chawkvah mi an tamtuk ah hin mah le mah lam i kianhnak hmanh a ttha lo tiah Hakha ummi pakhat nih a chim.

Rakhine Ram Ah An Fa Nute An Thah Sual

Rakhine ram Myo U myoh Tingngio khua ah U Mawng Ting le pi Daw Myit Aye nih pakhat an ngeih chunmi an fa nute Vuai Vuai Lun a kum(23) cu kan hnu zarh nili zan ah khan an thah sual.A ruang cu a hawi nu sipuazi a tuah mi nu hi phaisa ting15 a ngeih ruang ah lak an ni timh caah a si.Zan ah cun an fa nute le an mikhua nu cu ihnak a dangdang in an rak tuahpiak hna nain zan ah an mikhua nu nih sivai rim a namtuk a ti caah an ihnak cu zan ah an ni thleng.U Mawng Ting le a nupi nih an rak theih hoi ti lo ai.Zan ah cun an mikhua nu thah in an rak thah i zing lei khua dei lai ah an inn tang ah kan phun lai an rak ti lio ah a hmai an rak zoh cu an fa nute cu a rak si an lautuk i an nu va in an tah thawng cu mi nih an theih hna tik ah an zuan hnawh hna caah Palik nih an tlaih hna i bia an hal tik hna ah kan mikhua nu thah in kan thah sual tiah an vun khan.A tu hi Myo U thawng ah an nu va in mithahhmuh in thawng an thlak ko han tiah Mizzima thawng pang thanh tu U Win Naing nih a chimh.Ref. Mizzima


Pa Tluang
Aizawl

2010 US College Tthabik Williams College

Forbes.com nih a tuahmi 2010 US college thabik thimnak ah Massachusetts ram i a ummi siangngakchia 2,200 hrawng lawng a umnak Williams College cu minthang college a simi Harvard le Yale pawl lawnh in 2010 US college thabik sinak an pek. Princeton le Amherst college pawl in pahnih nak le pathumnak an lak ve. US ralkap sianginn West Point le Massachusetts Institute of Technology nih pali nak le panga nak an lak. Harvard cu pariat nak ah a um i Yale cu college thabik pahra chung ah aa tel kho lo. Hi tahnak ding caah tahfung an hmanmi pawl ah tuition man, sianginn chuakpawl an thlahlawh le siangngakchia pawl hmuhton pawl zong an zoh chih. Cu lawng si lo in sianginn pakhat in siangngakchia buaktlak in mi pazeizat dah Rhodes Sholarship a hmu (si lo le) Nobel laksawng a hmu ti zong an zoh chih. (Ref: Reuters)





Ref:: Vaiceu Vol2.No82

Vawlei Cung Ah Kum Saubik Lai Tiah Ruahmi

Vawlei cungah a kum a saubik lai tiah an zumhmi nu kaw ram chung Mandalay taing Amarahpurah myoh Paukchiankung khua phungkyi cawng ah ni zan kha an hmuh.A min Daw Miah Ci a s a kum hi 118 a si cang.A hmumi pa nih bia a hal mi cu mah tluk in na chan saunak hi zei ruang ah dah a si tiah a hal i lung nuam lung hna ngam tein ka um zung zal hnu lei kawng zong ka ruah lo hmai lei kawng kau zong ka ruah bal lo cun khuapi lei in a ra mi ei din poh ka ei lo.Lakphak ti zong ka ding lo hinchumuk zong ka ei lo phungci nih a ka pek mi khuate ti rawl lawng ka ei a ti.Cun ka fal le zong an thi dih cang kei lawng hi ka tang cang a ti.Atu zong a ngan a dam rih ko tiah a hmu tu pa nih a chimh.Ref::Mizzima

Patluang

Aizawl,

U Than Shwe .... ျမန္မာထုတ္ ေၾကးမုံသတင္းစာမွာ...

Chicago Air & Water Show

Thaizing le Kiptuh hi Kum fatin an tuah tonmi US Cozah nih Ral tuknak hriamnam an ngeihmi vial te mipi hmai ah an piah tthan cang lai.2008 kum ah khan an piahnak hmun ah hin kan va kal ve i chun ni tlak kan va zoh hna.Vanlawng/Tinbaw le a phunphun tling tein an piah dih hna.Nikum kha ka riantuan caan he aa tong caah an piahnak hmun ah ka zoh manh ti lo an thawng lawng in ka theih hna.An piahnak hmun hi Lake Rili kam Thetse rawn kaupi ah a si i cucu Chicago Laimi kan umnak pawng te ah a si 5minutes hrawng kal a si.Tukum zong hi tling tein an piahtthan lai tiah an cawngia len nihin hna zong hi vanlawng a thawng cu khuari bang a ri in a ri cang. Hika ah hin rak Click telaw Thaizing an piah laimi hna na hmuh chung hna lai cun kum fatin an piahmi hna zong mah ka ah hin zoh khawh a si dih ko khah.Thaizing hi va zoh cio ding ah kan ni tim ko hna i hmanthlak hna zong tar tthankhawh ka rak zuam te lai.

"Thailand nih Kawlram Election Hnu Ah Refugee Kuat An Timh Hna"

Siaherhnak he a tanglei thawngpang 2 hi vun in hrawmh hna ka duh. Mirang ca in aa tial ca ah, a tawinak te in a duhnak te kha ka vun chim lai. Cun, hi bantuk thawngpang hnulei ah hin zeidah an cang kho? Cozah hna si hna seh, UN sihna seh khua an ruah ning le rian an tuan ning hna zoh pah chih lengmang lo ah cun hmailei kan kong chim a har ngai.

Kawlram Refugee kong kan chim ah cun Thailand ramri ah hmun 9 ah refugees 140,000 leng a um mi hna kong hin chim hmasa a hau. Mah hna hi ramkip ah refugee kong policy an tuah ah, kan thahri an si. Ziah tiah cun, aramkip in cozah an si ah,UN an si ah an ra i an zoh hna. An ton hna. NGO tampi zong cu ka hmun ah rian an tuan. Hi ah hin Thailand cozah theihpinak in zeizong te tuah a si.

Tukum thawk hrawngkhan ramri refugee hna kawlram kuatnak hi ceih a si pah cang. Mithar luh an sianh ti hna lo hi cu a sau ngai cang. Cu hlan tawn zong ah an rak chim le ceih cu a um ton ko na in, tutan ah an chim mi hi "BIA" si dawh a si. Zeicah kan ti a si ah cun kan ram Politics umtu ning nih hin lai a rel hnga ding thil te te an um.

A tawinak in chim ah cun, kan ram ah thimnak "Election" an tuah lai. Cu cu a fiang. Cu chung cun cozah thar a chuak lai (Kan duh maw duh lo maw). Cozah a chuah i, phung le lam an i ngeih mi he riantuan ding a si. Vawleicung ah an tuahton mi cu cozah thar chuah poh ah, rammi sualnak ngeihthiam (General Amnesty), thongtla chuah, ramleng a zam mi hna kha ramchung ah rak kiar than uh etc.. ti hna hi an si.

Tutan Thai cozah nih an tuah mi hi phundang te a si. Ziah tiah cun pumpak cio in "screening" an tuah hna. Chimduh mi cu thate in an kong an hlat i kiar va um ai kun, an caah tih a nung tak tak maw? ti kha an zoh. 140,000 hi an zapi ca ah tih a nung theng hnga maw ti kha an zoh. Cu cu India cozah zong nih a tuah ve ko. Mizoram ah India mihlathlai hna nih do a thleng mi hna (a tuan tak tak mi hna) kha an cazin ah lak i 40 tluk hrawng cu hi hna hi an kiar ah cun Kawlram ah tlaih le khih an tong kho tak tak ti kha an ruah ca ah zeitimaw in Mizram hna ah buainak le doinak um seh law tiah humhimnak tuah ding in an ruah ko.

Zeidah ka chim duh tiah cun, Election dih hnu ah Malaysia ah siseh, India ah siseh, refugee a sawk mi hna kan miphun dirhmun hi a tu lio Thailand ah an ceih mi he hin pehtlaihnak an ngei te hna lai. Kawlram election result kha ASEAN ram hna nih an pom chimchap ah cun (pom dawh an si fawn) UN zong nih hin an kan khamh kho lai lo dah! Sihmanhsehlaw, dotu tak tak le tlungkho lo dirhmun tak tak i a um i, tlun a duh lo mi hna dah ti lo cu zapi ca ah hin election dih hnu ah a cang ding mi thil nih hin kan pumpak cung ah siseh, kan chungkhar cio cung ah siseh, lai tampi a rel khawh ti kha vun in chimh hna ka duh.

Kan nih Chin mi cu refugee si hi a kawlmi kan si cu mu. Miphun dang kan u nau (ramri) um hna hi cu duh na lo lo deuh in kal an si. Kan i dan nak te a si. Kan zeizong vialte hi refugee sawknak ah a hmang mi zong kan um. Hi thil pakhat lawng lawng hin kan mah ca ah zeizong te i ruahchih hna hlah uh sih ti chim ka duh. Kan ruah bantuk in thil a si tonlo tik ah kan re a thei tuk. Lungrawh in mual kan pho ton.

Micheu cu refugee hna sawk riangmang in Kawram ah duhpoh va tlun hna kan hmang. UN nih an kan thei lem lo kan ti. UN theih le theihlonak khan nangmah kha bantuk na thiltinak nih khan na miphun hawi tampi cung ah negative effect a um te lai ti kha ruah a hau. Mah hi a tu lio Malaysia ah an buai mi thil pakhat zong ah aa tel ve. Refugee hruaitu dirhmun a si mi zong nih kan tuah theu. Nizan nai Delhi ah refugee a hmu cia mi pakhat cu nikum chung ah Kawlram ah voi 8 ka tlung a ka ti. (Na chung le zong an dam ko khah tiah lunglawm te in a ka chimh i kaa lawm ko na in...) Thawngtha bia chim ah ka tlung ti a si. Cuti a si ah Kawlram ah phung va chim ko ngat! refugee cu ziah na sawk a hauh? ka ti deng mang. (Ka ti tak lo dah fawh). Micheu cu a lang in refugee nan rak sawk. Nan va kiar than. Hngahcan a sau tuk ca ah. Micheu cu Delhi zong ah va sawk, KL zong va sawk i a rang deuh mi poh in ramdang kal. (It's not fare) Mitampi nih an tuah. Hi nih kan u nau a tlung kho tak tak ti lo mi hna cung ah zapi huap nih lai a rel tik ah cun a buai thlak ngai. UN nih hin le an kan theilo tiah kan ruah ton. An kan theih hi ti hi tha te in ka theih. Cutik ah a tu bantuk in election dih hnu ah zapi cu tlunter an si lai ti a vun si tik ah UN hna cu kan ca ah an diar ngamti lai lo. A can a phanh rih lo ca ah an chim rih lo tu a si rih ko.

Adonghnak ah UN nih durable solution tiah refugee ca ah an ti mi thil a tlangpi 3 a um. An ratnak ram kiar khawh kha a tha bik. Cun, a dotah cun, an umnak ram ah local integration (zalong in um khawh), adonghnak ah resettlement (ramdang ah thial hna). Cu ca ah cun, kan ram daite in kan tlun khawh hi an kan duh piak. Cu cu kan nih kan duhlo bik a si. India ah cun refugee community nih an ruah mi cu siangin kan i ngeih i clinic hna kan i ngeih zong ah an sia a rem an kan ti lai i, resettlement kan hmu lai lo tiah an ruah. Cu cu aa palh mi ruahnak a si. Cunak in a poi deuh mi cu: a si a tha deuh mi hna nih chim le rel deuh a si i, zeihmanh zawtfah tik ah aa zohkhenh kho ve lo mi si hna seh, fa le siangin kai lo in sau tuk an um tik ah a lungre a thei mi nupa hna nih an tuar ko kha a poi ka ti. Pathian tunih hnangam lungdaihnak kan pe ko seh!

Siaherhnak te he,

Victor Biak Lian
Shillong

""Lai Capo""

Laimi hi Capo le nih hi a huam le a duh ngaimi kan si.Laimi lawng si lo in minung nih nih hi pumsa caah Vitamin pakhat bantuk a si i kan ngeihchiat le lung nuam lo in kan um caan ah hin nih hi kan pum kan thinlung damnak a si.Atang hi Lai Capo hi rak ngai ve te.

Pakistan Tilianh Minung 1600 Leng An Thi Cang

Pakistan ram nih a ton cuahmah mi tilianh ruang ah zarhhnih chung ah a thimi 1600 leng an kai cang i 500,000 nih an umnak hmun an kaltak cang. Hi tilianh le ruahsur hi kum 80 chung ah a fakbikmi a si. Pakistan cozah nih peng 11 chung in minung 500,000 cu an umnak an thial cuahmah hna i tiva kam i a ummi pawl zong an umnak hmun i thial ding in ralrinnak a pek cuahmah hna. Hi tilianh chung ahhin Pakistan mipi cu cozah nih bawmhnak rian a tuanmi cungah lungtlinglo ngai in an vuivai len, an ramhun Asif Ali Zardari zong tilianh chung ah British PM David Cameron he tonding a kal caah an mawh chiat len. Hi harnak a tongmi pawl bawmhnak rian a tuanmi pawl nih tu lio i a herhbikmi cu riahnak ding thlam, rawl le sii ai hna an si tiah an ti. World Bank nih hi harnak bawmhnak ding caah $ 80 million a chuah ve. (Ref-BBC)





Faiceu Vol2,No 81