Laimi Nih Holh Lettu Kan Herh

North America ah a ummi Chin khrihfabu tampi ka tlawng cang hna. Laimi kong ah ka thin a phang deuhdeuh. Nitlak lei ram thumnak ah Chinmi thawng tampi kan phan. Nu le pa cu ramdang holh a thiam lo mi kan si. Thluak a lawngmi ngakchia cu nu le pa nih chun le zan he rian kan ttuan taak hna i nu le pa he Lai holh in i chawnh caan cu ni khat ah suimilam cheu hmanh a tling lo. Lainu le Laipa fa le cu Mirang holh in an holh colh. Abik in, kum 10 tang ngakchia cu ramdang holh in an holh colh. Nu le pa tu cu Mirang holh hi zeiti hmanh in kan thiam kho ti lai lo. Ahopoah nih kan thiammi Mirang holh “I love you” ti mi hmanh hi kan fa le sin ah kan chim zong ah kan fa le hna ah a thlum kho ding a si lo. Lai holh tein “Kan dawt ko” tiah nu le pa aw thlum an theih khawh nak ding tiang in Lai holh an thiam ttung lo ahcun. Mirang holh a thiammi nu le pa cheukhat ca hmanh ah fa le caah a thlum kho ding in kan thiam kho ti lai lo. Thlum tuk in a chim khomi Mirang nu le pa awchuah lawng hi a thlum in an theih hna caah. Ramdang vawlei kan lamh cangka in Lai nu le pa le fa le hna cu holh nih a kan tthen colh. Abik in, Laimi hawi um lo nak hmun ah a phan mi Laimi chungkhar tampi hna cu nu le pa nih Lai holh lawng an thiam. Na fa le nih Mirang holh lawng an thiam. Nu le pa le fa le hna karlak ah holh lettu kan herh. Hi bantuk in holh ruangah nu le pa tampi cu fa le he kan i tthen tuan lai. Hi hi Laimi kan tlaunak hramthoknak cu a si kho men. Mi ramdang ah tlau kan duh ttung lo. Zeitindah kan tuah ne hna lai?

C Duh Kam

Washington, DC

KNLA Le Kawl Ralkap Thawng

Nizan thla(3) cacawn ni hnih ah Karen ram phaan District Paingcung myone ah kaw ralkap khahlahziah (62)nih KNLA battalion(22) cu kah ding ah an rat hnawh hna i KNLA Karen hrimnam tlai pawl nih lam in an bawh hna chun nazi 12 ah nazi cheu an ni kap i kawl ralkap lei mi nung 8 direct in an thi hma 14 nih an put.A thimi chung in kawl ralkap duhtatzinhmu pakhat zong a thi ve.Karen hrimanam tlai KNLA lei cu a thi mi le hma pu mi zong kan um lo tiin KNU phaan district okathah Aung Maw Aye nih a chim.

a thimi hna ruak lak ding le hma pu mi hna thlomh ding ah Sephukhi khua le Metlaakhi khua in khuami minung20 an auh hna i an bawmh hna.July thla chung ah kawl ralkap le KNLA Karen krifa hriamnam tlai 4 an ni kap i a tu tan hi a thimi an tam cem tiin AungMawAye nih a chimh chih.Ref.BNI

Patluang

Aizawl

Malaysia In Ramthumnak Lei Ah

Kan Laimi hoi Malaysia in ramthumnak lei ah July 2010 chung ah a zuangmi hna a tang lei bantukin an si.Thlakhat chung ah mah zat an zuankhawh lengmah ah cun a tthatuk lai mu.

1. USA - 523
2. Australia - 22
3. Czech Republic - 16
4. Newzealand - 10
5. Denmark - 4

Vanlawng A Rawk

Pakistan ram Asalam Mabat State pawng ah kan hnu zarh July 26 ah vanlawng a rawk i vanlawng a cit mi vial te an za tein minung(152) an thi dih.Vanlawng hi Asalam Mabat i a tum lai te ah tlang sangpi a taih i a rawknak chan hi a si ti tadinthauh pawl nih an ti.Athi mi chung in American mi pahnih an I tel ve. Ref.BBC

Kawlram Thawng Tlawmpal

Rangoon District Tatmyo tatmah(88) um mi ralkap pawl cu ei din a har tuk ruangah an lahkhah chung in an khawnpiak mi hna phaisa cu chuahpiak ding ah a cung lei ah an tinpiah na in an chuahpiak duh hna lo ruangah an sakhan pi cu an kal tak dih i an nupi an fa le sin le tat sakhan pawng i um mi khuami hna sin ah kan kal i a cheu cu khuami nih ei awk le din awk vialte a kan cawm dih tiah tat mah (88) in a chuah ve mi ralkap pa nih BBC News ah a chimh.

Nepidaw i a um mi a cung lei Bawi hna nih a kan remhchun na in kan duh ti lo tiah tatmah88 in a chuak ve mi ralkap pa nih a chimh chih.

Cun nizan tihni cacawn nikhat ni ah khan Kalaymyo Tawngphila i a um mi inn hna cu ruah a sur tuk caah ti a nga tuk i an inn chung ah ti a lut dih inn(50) hi inn chung ah ti a lut caah inn an zam tak dih an thilril vialte zong ti nih a fenh dih.Kawl Lian Sum fa nute Tangkhat a kai lio mi Ram Kip Zing cu sianginn kai ah aa thawh i a kal nak lam ah ti nih a fenh caah a tu tiang a ruak an hmuh kho rih lo.Ref::-Mizzima.




Pa Tluang
Aizawl

Kan hnu zarh chung ah Karen ram Thantapin myone Pedawte le Bumati khua mi (3) cun kawl ralkap khahlahziah(37) Battalion nih an tliah hna i an thah beh hna.An thahmi hna cu Pedawte khuami Sawtamaladu a kum (39),Saw Vuanese a kum (28) le Buhmati khuami Sawmangtin a kum(50) hna cu an Sakhan Tingzaziat lei ah an hruai hna i lampi ah an thah hna tiah Free Burma Rangers(FBR) i rian tuantu pa nih a chimh.

Mah khuami an thahmi hna a ruang cu kawl ralkap cozah nih KNLA tatmaha(6) ne-me a si caah a muihnak ram tiah a tanh-hmanh mi a si i cu ruang ah lam ah an hmuh mi hna poh ngakchia le tar thlei dan lo in a hlan in an rak thah peng cang hna tiah Karen miphun a zohkhentu bum(CIDKP) thawng thanh tu pa nih chimh.

Cun nizan tihni ah Karen ral tih ruang i Thai lei ah a rak zammi minung(1000)c hung i ngakchia le tar pawl (100) lawng hi Thai ah an um i a dang (900) hi cu Thailand ralkap nih nan khua lei ah kir than cang uh an ti hna caah nizan minung 900 cu an mah le khua cio ah an kir than dih cang.Thailand ralkap a cozah nih a ti mi hna cu kawl cozah le DKBA cu an ni kap ah cun rak zam than te uh a ti hna tiin Mawlichiang khua an um lio i eiawk dinawk a bawmtu(KWO) in thawng thanhtu nu nih a chimh. News-Mizzima,

Pa Tluang Aizawl

Card Nih Vol.4 Chuah Than An Ni Tim

CARD nih Video Vol1.2.3 tiin an chuah i a tu hi Vol.4 chuah tthan ding timhtuahnak an ngeih kan nu zarh ah khan Kalay ah Recording an tuah i nihin Hakha an phan tthan cang ti thawng kan theih.

Mah a tang i pahnih hna hi rak ngai tthan ve tuah hmanh Hrat Hmung nih a phuahmi a si i a thiam chin2 ti awk in a um.Mah hi Vol.3 an chuahmi chung i kan rak lakmi a si ko hih.Video tu cu a fiangtuk ti lai lo DVD chung ta ka lak i ka tuahtthanmi a si caah a Hla tu kha ngai ve ding in kan sawm hna.

Hruh Hmasa Fim Hmanung


Ho Ram Van Hai Ti Hlah Seh

U Saw Kong Tlawmpal

U Saw Kong Tlawmpal Aung San thattu kong hlaithlai ah cun, U Saw kong cu telh lo awk tha lo a si. U Saw hi ahodah a si hnga? U Saw cu Dr. Maung Maung tial ningah cun fimnak tlamtling ngeih setsai tung lo i, power lawng a duhmi, minister sawhsawh in aa lung si lo i, prime minister (ram lu bik) tiang si a duhmi pa a si tiah a ti. U Saw cu orhlei ruahnak (rightist) a pommi a si i, Aung San he hlan tein aa rem lomi pa a si. Chim duhmi cu Aung San i hmuh khawhmi lenglei ral a si.U Saw cu 1900 kum ah Tharrawaddy ah a chuak i, sihni (pleader) a cawng, Saya San a upat ngaimi pa asi. 1928 kum thawkin MP a tuan tawn. 1931 kum i Saya San an tlaih tikah Kawl sihni tam ngaite nih a lakin sihni kan leih-piak lai tiah an rak i pe cio. Nain, a tam deuh cu, cathiam huaha lo khuatefa deuh lawngte an si; cu hna lakah mino cathiam bik pawl ah a hung langmi cu U Saw a si.
U Saw nih Saya San luatnak caah cun sihni cu a leih-piak i, England ummi Mirang bawi pawl sin zongah Saya San luatnak dingah nawlnak ca a rak kuat hna tikah cun laar hram a hun i thawk colh ko cang. Saya San nih Mirang a rak doh liote in U Saw nihhin U Ba Pe dirhmi Thuriya (the Sun) tadinca hmangin Mirang ralkap nih Saya San ralkap pawl an tuahto ning hna hmanthlak tehna a cuanter i Mirang bawi pawl sinah a rak kuat tawn cang. Saya San a thih tikah, Saya San nih Mirang a dohnak pehzulh dingah tiin, a min ah Galon aa bunhnak chan a si [Saya San nih Galon Athin a rak dirh]. May 1935 ah Japan ah a vung tlawng i, a rung tlun tikah Nga-Bwint-Saing Party aiawh in thimnak i cuh dingah an thim. 1938 kum ah, Thuriya (the Sun)tadinca a cawk (Japan pawl phaisa bawmhmi in a cawk tiah zapi nih an ruah19). Dr. Maung Maung tialning ah cun, Thuriya tadinca nihcun, Hitler nih ram le miphun kong he pehtlai in Judah miphun huatnak le German lawng miphun sang an sinak kong a tialmi a cauk Kaa Zuamnak timi Mein Kempf kha a serial in chuah hram a thawk colh tiah a ti. A tadinca hmangin mirum lian pipi le vawlei kau pipi ngeimi hna nih a lei tang dingin a lemsoi hna i20, Myochit Party a dirh, cun amah private ralkap Galon ~at aa ser. U Saw cu Ba Maw21 cozah ah vuanci (minister) a tuan. Asinain, cozah doh ruangah tiin, Ba Maw nih thong a thlak. Thong in a hun chuah hnu, May 30, 1939 ah U Pu cozah ah forest le agriculture vuanci ah an thim. Dr. Maung Maung tialning ah; a Myochit Party hmangin U Pu chambaunak a kawl i, U Pu cozah cu challenge a tuah. Cuticun, September 1940 in January 1942 tiang Chief Minister a tuan.22 Kawl lakah a bawi bik a hun si le cangka in, politician cheukhat thong ah a thlak hna: ruahnak lei ah a saya thing U Ba Pe, Mandalay mi U Ba U le U Ba Thi an si. U Saw nihhin min ah “Ba” aa telmi cu a rem hna lo tiah capo in an siahnak.23 October 1941 lio i, ramdang a tlawn lai cu baisakup aa zaih-mi ko a lo: Private vanlawng bakin…cungah cun a zuang…. cun Shwedagon pura a hun heel i, vancung cun upatnak a von pek. Mi nih thil `ha lo tuah ah an rel. Midang nih Buddha milem hmai ah cun, an bok i, upatnak an pekmi kha U Saw nihcun, aa laak zau i, a bingtalet bakin, a cunglei in a biak.24 Zeiti Dr. Maung Maung nih a va tial zongah,
U Saw hi February 12, 1947 kum ah Panglong hnatlaknak an rak tuah lioah a rak i tel ve. U Saw nihcun tlangcungmi pawl cu; nan miphun `hanchonak ding le nan ram i kilvennak dingah Kawlram he rak i fonh ve ko u, nanmah le nan ram cio ah nanmah tein uknak nawl cu nan i ngeih ko lai tiah a rak sawm ve hna. Hi U Saw bia hi tlangcungmi nih an rak cohlan ngaimi a si. Nain, kam khatlei ah, U Nu nih Mirang nih t l a n g c u n g m i he thleidannak a rak kan tuah ruangah Kawl le tlangcungmi karah huatnak a chuahter timi bia tu cu, tlangcungmi nih an rak pom duh bak lo.25 Nain, U Saw hi mi khuaruahhar ngai cu a si. Aung San le British prime minister Atlee nih January 27, 1947 ni ah London khua i Kawlram luatnak (zalennak) pekding in hnatlaknak an ngeih tikah, U Saw le Ba Sein nih opposition aiawh in an rak zulh i min an thu duh lo.26 Aung San-Atlee hnatlaknak nihhin tlangcungmi nih Kawl he fonh an duh ko ahcun, Kawl uknak tang ah um ding a fianter cang i, asiloah tlangcungmi hna caah a ing tein luatnak pekding timi cu a rawk cang ti awk a si ko caah dah U Saw nihhin tlangcungmi hna zawnruat in a rak thut duh hnga lo? Asiloah Aung San nih hmailei ah Kawlram a hruai telai ti a hmuh caah dah a thut hnga lo? A ruahnak hi hngalh khawh a har ko.




Ref::63nak Azani

Tanshwe India A Tlawng

India a cozah nih kawl ral bawi Tanshwe cu India khualipi Delhi ah ton ding in a sawm caah nizan 7/26/2010 Delhi a phan cucu Delhi um kawl minung(300) leng nih Tanshwe muihmuh kan duh lo mi zangfah a theih lo mi mithah a hmangmi Tanshwe a tubak Delhi in chuak tiah nizan(26) ni ah tha lo ngtai in sandah an piah. Ref::Mizzima
Pa Tluang(Aizaw)

Kawl Ralkap Nih Karen Pawl An Khah Tthan Hna

Nizan thla (23) ni ah Karen ram Phapun District,Lutaw myone(Township) chung i,a um mi Tadade khua ah ni zan 2:30 ah kawl ralkap an phan i,an khua piin mei in an khangh dih hna ti an khua pawng um mi pakhat pa nih a chimh.

Khua an rak lut hlan deuh ah Meithal pi in khua cu an rak kah i khua mi vialte cu thih tih ruang ah ramlak ah an zam dih ralkap pawl cu khua chung ah an lut i inn khat hmanh tang lo in mei in an duah dih tiah a chimh.

Ralpak pawl an rak phan nak ruang cu nizan tinhni ah khan kawl ralkap le KNU Tatmaha(5) an ni kak hnu tlawmpal ah ralkap pawl cu an rak ral i,Tadade khua cu mei in an duah dih ti in Tatmaha(5)Buhmu Saw Kaledu nih a chimh.

Tadade khua hi inn dong(50) an si minung (500)hrawng an si thih ruang ah cun ram lak ah an zam a tli mi hna mi cu khua zong an panh ngam ti lo ti a si.An mah Karen miphun caah rian a tuanmi Backpack an timi hna ngan damnak lei in rian tuanmi hna nih Tadade khuami ram lak ah a zammi hna ei awk din awk ngei lo i a um mi hna va bawmh ding le si ai va pek ding ah an ni timh tuah lio a si ti in KNU Karen hriamnam tlai Buhmu Saw Kaledu nih a chimh chih.Tadale khua mei in a duahmi Sitcawng pawl hi zei sitcawng an si ti fiang tein an theih kho rih hna lo.

Ref::.KIC

SOCIAL SECURITY LE A BENEFIT UMTUNING:

1. Social Security cu zeidah si?

Ans: Social Security cu US cozah nih rianttuantu mipi caan sau nunhumnak caah a tuah mi program asi. US ram ah phungning in a ummi poh cu social security number an pek hna i chinchiahnak an tuah hna. Cu number tel loin rian ttuan khawh asi lo. Mi nih rian an ttuan i phaisa an hmuh tikah cu number hmang cun social security tax le medicare tax a zuh piak hna i hmailei anmah venhimnak caah an nawh (invest) piak hna. Rianttuantu hna nih phaisa an hmuh zat le tax an pek zat cio cu dikdiar tein chinchiah piak dih an si.

2. A benefit pawl cu zei te hna dah an si?

Ans: A benefit pawl hi tam ngai a um. Kumkhua a upa i rian a ttuan kho ti lomi poh kha social security tax an pekmi cung cio tuak in 'tar pension' an pek hna. An hmuh zat cu an tax pek mi tlawm-tam le an pension laak kum cungah hngat in aa lo cio lo. Cun, rian an ttuan ti lo i healh insurance an ngeih khawh ti lo tikah an ngandamnak zohkhenhnak caah 'medicare' an pek hna. Cu lawng asi rih lo, tar hlan zongah a benefit hi co khawhnak lam tampi a um. Rianttuantu nucem nih maw, pacem nih maw thihnak in chungkhar an tthen tik hna le nu le va nih nunttian (divorce) an ton tikah an credit a qualify mi an si ahcun taan takmi kop hawi (spouse) le kum 18 tang an fale nih social security benefit cu hmuh khawh asi. Cun, rianttuantu nih pumtlamtling lo in a um sual tikah social security benefit cu hmuh khawh asi fawn.

3. A benefit hi qualify le qualify lo ti a um maw?

Ans: Um. An zohnak tampi lak ah a biapibik cu social security credit point hi asi. Full benefit hmuh khawh nak ding caah cun credit point 40 hmuh a hau. Credit 40 a tlinh theng lomi zong nih social security benefit laak hau dirhmun in a um ahcun pek cu an pek tthiamthiam ko lai. Nain, a hmuh mi belte cu a tlawm ve lai.

4. Credit point umtuning cu zeitindah asi?

Ans: Rian ttuanmi kum 25 in a cunglei asi mi sin poh ah kumfatin Internal Revenue Service (IRS) zung nih 'social security statement' kuat cio asi. Mah ca chungah cun credit point hmuh zat le benefit qualify khawh zat cu an langhter lengmang. Credit point cu hmuh mi phaisa tlawmtam in tuak asi lo. Rianttuannak tuanbia tu in an zoh. Pehtlai tein rian a ttuan mi poh cu duhsah tete in credit point an karh piak lengmang hna. A rianttuannak kum 10 a tling cangmi poh nih cun credit point 40 hmuh lo khawh asi lo.

5. Social security pension tlawm-tam hi zei nih dah lai a rel bik?

Ans: Social security pension tlawm-tam cu tax pekmi tlawmtam le retired kum nih lai a rel bik. Social securiy tax tamdeuh a pe mi poh nih tamdeuh an hmuh khawh i tlawmdeuh a pe mi poh nih tlawmdeuh an hmuh ve. Cun, retired kum nih faak ngaiin bia a chim fawn. Early retirement le full retirement tiin a um i full retirement kum tiang rian ttuanmi nih cun mah le sining ah a sangbik in hmuh khawh asi. Full retirement kum 67 asi mi pa kha kum 62 ah a retired asi ahcun a hmuh ding mi hi 30% hrawng in a zor kho.

6. Early retirement le full retirement umtuning cu zeitindah asi?

Ans: Early retirement an timi cu kum 62 le full retirement karlak caan chung i pension laak khi asi. Full retirement cu mah le chuah kum cio hoih in a kal. A umtuning cu hitihin asi:

a) 1937 ri in a tanglei poh caah cun full retirement kum cu 65 asi.

b) 1938 - 1942 kum chung i a chuakmi caah cun retired kum cu kumkhat ah thla hnih lengmang in a karh. 1938 kum caah 65 le thla 2, 1939 caah 65 le thla 4, 1940 caah 65 le thla 6, 1941 caah 65 le thla 8, 1942 caah 65 le thla 10 tiin.

c) 1943 in 1954 karlak a chuakmi caah cun straight in 66 asi dih.

d) Cun, 1955 in 1959 karlak chuakmi pawl caah hin kumkhat ah thla 2 duahmah in an hun karh ter tthan. 1955 chuakmi caah 66 le thla 2 etc.... tiin a kal i 1959 caah cun 66 le thla 10 a hung si.

e) 1960 ri in a hnulei chuakmi poh caah cun 67 hi kan full retirement kum asi. # January thla chuakmi poh cu a liam cia kum tu kha rel piak an si.

Van T. Cung

Maryland

Note: Hi ca hi US a phanka u le nau cheukhat caah tthahnem santlai asi hnga maw timi ruahnak he a tlangpi in ttialmi asi. Rianttuan teimak te hna, tax tampi pek te hna a santlaihning kong langhter duhnak asi.

Ref:: ChinAmericanForum

Octopus Paul Aa Din Cang Lai

2010 World Cup lio i khuaruahhar tlak in World Cup a latu ding le a teitu ding hmanko in a chim khotu octopus Paul cu 2010 World Cup dih in aa din ve cang lai tiah Oberhausen i Sea Life aquarium in Tanja Munzig nih a chim. Hi thawngpang nih hin World Cup lio i Paul a chimmi lei in phaisa a thapmi tampi a miakmi pawl cu a lau ngai ko lai tiah a ti chih. “Paul cu aa din cang, nan za te cung ah aa lawm, a tu cu hlanlio a rak um tawnning tein a um than cang lai, a mah a zohkhenhtu he a um than cang lai i ngakchia a rak lengtu pawl kha an lung a lawmhter than cang hna lai” tiah a ti. Hi octopus Paul hi World Cup lio i German chuihmi puai vialte hman tein a chim khawh caah vawlei cung minthang ah aa chuah. Cu lawng si loin final ah Spain nih a tei lai a timi zong a hman than. (Ref-Telegraph)


Faiceu Vol2.No 78

Htet Htet Moe Oo Zung A Kal Cang

Thawnglatu Mah Aye Thu San cungah a kut zuan ruang le, thihphaih ruangah tazacuai mi Htet Htet Moe Oo cu July 13, 2010 ah biaceih zung a lut cang. A voithumnak zung a rat a si. Biaceihtu nih Htet Htet a tuanbiatawi a lak, an case pawl cu an rel piak i a hlan mi sihni nih special power in aamahkhannak a tuah. Midang thawnghlattu nih a timi cu Htet Htet a sihni pa nih aamahkhannak dingah kyats sing 10 an pek hna tiah chim. A ralai mi July 27, 2010 ah Mah Aye Thu San nih a duhnak pawl (biaceihnak) a chim te lai. (Ref: Irrawaddy)



Ref::Faiceu Vol.No 78

Min Thang Brookfield Zoo Kan Kal

Tu hrawng cu a khua a rak lumtuk caah a kiaknak hmunhma i a ummi hna caah cun a nuam kan ti lio a si.Chicago Obama khua ah hin a hlan ah Laimi an rak um lem lo 2007/2008 hrawng ah Malaysia lei in a rak phanmi lawng te kan si hna i kan mah Hakha/Thantlang/Tahan Mizo hrawnghrang hi kan tambik.

Laimi cu kan umnak paoh ah Pathian tthangtthatnak caah tiah hmunhma a kawl i hmunkhat ah aa pumti mi kan si hna btkin kan nih Chicago Laimi hna zong Pathian dawtnak thawng in Biakttha tak2 an mah Mirang pawl nih an kan hlanh i mah ka ah cun siarem tak in can kan hmang ve hna.

Tu hrawng cu khua a lum ah hi rawl zong a thaw lo Ti lawng a thaw cang ti awk in a um.Khua a lum lio a si caah Chicago Laimi pawl tu hrawng cu kan umnak kam teah Michigan Lake a um i cu pawng ah cun Picnic tuah le zan lei fatin Bawlung chuih/Bawlung benh in kan um hna a cheu nih ti lio zong an um.Cucu tu hrawng ah kan i nuamnak bik pawl an si.

Nihin cu kan Khrifabu nih khua an kan khanpi i Min Thang Brookfield Zoo ah an kan kal pi minung 100 hrawng kan kal kho.A nuam an ti cio minung an taktuk ah hin lam kal nak hmanh kan ni tlum fangfang a si Saram phun an ni tling Zu le va phun zong an ni tling i zoh a nuam ngai.Mah Zoo luh man ah minung pakhat $ 13.50 a si.Mawtaw Park man ah $ 9.00 a si cheukhat cu kan ni vuai lo i kal tthan a duhmi zong an um.Hmathlak tampi kan ni tlakmi le Saram hna kan thlakmi hna zong a um nain 2/3 te lawng ka rak in tar piak chung hna lai.

Maradona Zuktuh Siamding Upadi Siamtu Pawlnih An Ceih

Argentina ram upadi sertu (lawmakers) pawl nih an ram khualipi Buenos Aires ah an pumpululh chuihthiam thing le atu lio an ram pumpululh team manager a tuanmi Maradona milem (zuktuh) siamding in an ceih cuahmah lio a si. Tukum World Cup quarter-final ah Germany nih 4-0 in zohchia ngai in an tei hna ruangah World Cup teinak ding an chungmang cu an hmu kho ti lo nain an manager Maradona minthanak tu cu a zawr hlei lo. "Kan ram mipi nih zeitlukin dah Maradona nih kan ram a dawt timi cu an theih dih ko, tukum World Cup ah kan ram nih teinak an hmuh lo zongah Maradona nih ram a dawtnak lungthin cu a maa hlei lai lo, lentecelhnak lawng si loin kan nunphung hrim ah pasal tha a si ko" tiah upadi sertu chungtel Juan Cabandie nih nithum ni ah a chim. (Ref: AFP)

Ref:: Faiceu Vol2,No 77

World Cup Final He Ai Pehtlaimi Theihtlei

Good Bye South-Africa. Hello Brazil 2014. Nuamte in rak zoh cio te hna uh. Pakhatnak a ngahmi cu nanmah nih thawng van thanh te hna uh. Damte cio in.

World Cup final he ai pehtlaimi theihtlei:

- Spain le Netherland hi tukum World Cup Qualify an tuahnak ah voi khat hmanh an sung lo. Cu hlan ah Brazil le West-Germany lawng qualify an tuahnak ah sung lote in World Cup an rak chuih i Final an rak kai bal.

- Netherlands hnukham Andre Oojer hi Final ni ah kum 36 a tling lai. Jurgen Grabowski lawnglawng hi cuhlan ah a chuahni ah final a chuihmi a rak si i kum 30 a rak si ni ah West-Germany nih Netherlands cu final ah an rak tei hna. Final a dih ni li hnu ah Oojer hi a rak chuak.

- Tutan hi Final ah a voi 1nk bik, Argentina, Brazil, Germany le Italy an i tel lo a si. Hi hna pali lakah hin pakhat paoh cu Final an rak kai peng.

- Howard Webb (tutan refree ttuan ding) hi kum 38 a si i 1938 thok in tuni tiang ah World Cup final i refree ttuanmi ah a nobik a si. Cu pin ah kum khat chung ah Champion League Final le World Cup Final ah refree a ttuanmi cu a mah lawng a si rih.

- Spain cu World Cup Final a kaimi Nations lak ah a 12nk. nation a si. 9 cu Europe chung in an si i 3 cu Uruguay, Argentina le Brazil (south-america) an si.

- 1994 ah penalty an rak nganh mi cu tuanbia taktak ah ai cang. Mah cu, world cup on ni ah Diana Ross nih penalty a rak chuih i a goal lo. Final ah Italay in Dino Baggios nih sangtuk in a chuih caah Brazil nih pakhatnak an rak lak.

- 1950 ah Brazil cu Uruguay nih 1-2 in an ram cia ah an rak tei hna i cu an chuihnak stadion chung ah minung 2 cu an rak i that. Cu ni thok cun Brazil nih an uniform a raangmi an hmang ti lo.

- Tutan Final hlan ah hin minung 383 cu Final kainak celtual an rak phan i 55 nih goal an rak senh. Brazil pa Cafu lawnglawng hi voi 3 peh in Final a chuihmi pa a si. Luis Monte cu Uruguay le Brazil ca in final a peh in a kai ve.

- 1930 ah Uruguay le Argentina cu an chuih dingmi bawlung an thim lio ah biatak tuk in an rak i sii. Goal thlen hlan le thlen hnu bawlung 2 rak hman. Nain Uruguay cu pakhatnak an rak si.

------------ --------- --------- --------- --------- --------- --------- --------- --------- --------- --------- --------- ---

2010 FIFA World Cup i mi lungthin ah a caam bik ding, an timi:

1. Shakira (Waka Waka, time for Africa) http://www.youtube. com/watch? v=pRpeEdMmmQ0

2. Lampard nih a goalmi an relh piak lomi.

3. Ghana an sungh ning.

4. Spain Final an kaimi.

5. England an sunghmi (gloden genaration an i ti)

6. France team an buai ning le Analka a tlunmi.

7. Italy an sungh lio.

8. Japan penalty nganh, Honda nih.

9. Number 10 ai benhmi Rooney, Messi, Kaka te ho goal an ngeih lomi.

10. Waving Flag hla http://www.youtube. com/watch? v=

A dang tampi um kho rih? Na philh khawh lomi na lung caam mi zeidah si?

------------ --------- --------- --------- --------- --------- --------- --------- --------- --------- --------- ----

An chuihnak ding hi Soccer City tiah a min thangmi Soweto, Johannesburg ah a si lai.

Tonak: 88.460

Sak kum: 1987 (nai ah an remh)

Mah hi stadium ah hin Netherlands captain (atu) pa nih ramca in a chuih hmasabik lio ah a rak goal nak a si. A luancia kum 13 ah khan hika hin a rak goal bal cang. Tutan final hi a hnubik a chuih a si lai i, a rak goal hmasa nak hmun in a dih ter ve lai. Kum 35 a si cang caah tutan final hin ai din cang lai.

Giovanni van Bronckhorst hi Netherland ram caah puai 106 a chuih i Netherland ramca in a chuih tambik 3nk a si. Arsenal ah a rak chuih bal, Barcelona ah kum 4 a rak um i Ronaldinho he an rak tthawng. Puyol le Xavi he ai kom taktakmi an si. Netherland hi Indonisia ah colony bawi an rak si i indonisia ah a chuakmi a si. Uruguay he semifinal an kai lio ah ttha tuk in a gaol fawn. A pumfa, amui te hi Asia lo pah kaw, Captain ding ah ai ziak lo an tam nain, captain ding ah ai tlak taktakmi a si.

------------ --------- --------- --------- --------- --------- --------- --------- --------- --------- ---------

Netherland vs Spain (0-0) zeiruangahdah zoh phu a si i zeidah zoh tlak a um?

JOHANNESBURG: Ni 30 a hun liam, voi 30 ngaihchia ngai in mangttha i cah a si hnu, puai 63 an chuihmi kha nuai tamtuk catlang ah tuanbia an cang dih lai. Zarhpi ni ko hi, kum li chung hmun in numah le lawmhpi a tlakmi tuanbia thar ttial le rel caan a hung si lai. Abik in FIFA World Cup 2010 Final zoh phu le zoh tlak a si nak tawi nawn in ka van ttial lai i thawngpang ka relmi chung in tampi ka van lakmi an si lai. Ttanhmi nei hlei in ka ttial lai lo, i hohmanh lung nuamte in von relte ko uh. Cun, comment a pe khomi nan um cun Fidi careltu caah a ttha i a nuam ding a si ko hnga.

World Cup Final:Billion hnih nak tam nih, an TV an on lai i chanthar raltuknak nak cerhmun Soccer City (micheu nih bawlung chuih hi, chanthar Gladiator, an ti), Bawi ai cuhmi ram hnih an i ceen ding cu an zoh hna lai. Hawikom rual i sawm in an zoh lai, a phuphu in ttanhmi an ngei hna lai. Cu lio ah Spain le Netherlands nih cun an chanchung a nguh ding nuamhnak le a sunglawi mi caan hmuh ding i zumh veve in an thin an i domh lai. Bawlung chuih he pehtlai in atu nakin a nuam deuhmi a um ti lo. Zan khat chung i a cangmi thil nih hi ram hnih caah ro ttha le tuanbia thar a chuahpi khawh.

1. An tuanbia

Ram tlawmpal lawng nih hi ram pahnih bantuk i n bawlung kong ah an tuar, an lung fak ti a si. World Cup chuih tin Spain hi an i tel kho tawn nain Quarter hmanh voi 1 lawng an rak kai bal i World Cup chuih tin an ngaihchiat bu in an tlung peng. Spain nih Europe Master Cup cu a luancia kum hnih lio ah an rak tei. Cu nih cun tampi a von cawidomh hna.

- Netherlands cu World Cup tuanbia ah an tthawngttha ngai. 1974 ah West-Germany he final an rak kai i an rak sung. Cu hnu ah 1978 ah si hoi i Argentina he Final an rak kai, nain Argentina an rak tei hna nak ding ah zungkhat te lawng a rak i duh, champion an rak si kho hoi lo.

Zoh rih sih: zei ram deuh hi dah sawisel an tong deuh ti cu, press cung ah a um. Hi team hnih nih zeitluk in dah an rammi caah hi final hi a sunlawi ti cu an theih tukmi a si ko. Kum pi kum li chung hngahmi cu minute 90 chung ah a fiang lai i team khat cu sawithah in an thah hna lai i, teinak he a kirmi cu lumte in an don te hoi hna lai.2.

Zoh Dawh ding
Midfield/alai i a chuihmi hi tutan puai ah an biapi ngaingai rih lai. Spain in Xavi, vulei cung ah a bawlung chuih zoh nuamcem le a thiambik timi a si i, zoh dawh ngai le thil thar tete a team hawi caah a tuahmi ko zoh lai an i ngaih. Netherland Mark van Bommel cu a pumrua tthat pinah tutan World Cup ah a lang ngai ve mi a si caah, zoh an dawh khun lai. Zei maw pum le thazaang hman in Xavi hi a phomh te khawh men.

Xavi cu Messi le C.Ronaldo bantuk in mi hlen le dehcawh a thiammi a si lo, nain bawlung chuih hi a pahrang taktak a rak si zia hmuh khawh a si ko. Van Bommel nih Xavi sinin tam tuk a cawnmi a um te lai, an ti phah.Van Bommel nih zeitluk indah Xavi ttih a nun ti cu midang a va chimh len hna a hau hnga lo.

3. Phaisa man
David Villa le Wesley Sneijder hi tulio bawlung chuihmi lak ah man fak bik ah an i tel. David Villa cu Barcelona nih $50 million in an cawk i tutan World Cup an chuih chung ah Sneijder cu $42 million in cawk ding ah Manchester United nih Inter Milan an hal hna. Phaisa tiah Yahoo nih cun a kawh phah hna le hi Final ah hin an team hawile an bawmh khawh hna a herh ngaingai fawn. An pahnih in an team veve caah a biapi bik veve an si.

Villa nih Spain caah goal nga a ngeih cang i amah thawng in Final an kai phah. Mimthla lek tluk deng in a ran caah team dang defenders nih an kham kho tawn lo. Sneijder cu a dir ceomo ve i Netherland duhsah te in Final ah a kai pi ve hna. Amah goalmi thawng in Brazil cu quarterfinal ah an tei hna i atu cu Spain he Final an i cuh lai. Ttih an nung veve. Toppscore an si kho veve, atu ah Goal 5 veve an ngei cang.

4. Rian ai zuammi rangtum
Rangtum tiah cun Andres Iniesta hi a si ve i a tthawn pinah Spain caah pahrang a ngei taktakmi a si. Voi 10 tiang vulei cung bawlung chuih thiam MVP award caah thim ding ah nominate an tuah balmi a si. Hi spanish midfielder hi ttih a nung taktak ve. Nain a caancaan ah bawlung ai lenh tuk tawn, an ti. Cun atu khi kan hnu ai khawnnak a hma bia tak te in a dam kho rih lo.

Netherlands rangtum cu Dirk Kuyt hi a si. Amah le mah a thiam ah ai chia bal lo, a selfish mi a si lo. Sinum/sal bantuk in Sneijder øe Arjen Robben caah a um, a si khawh chung in bawlung a tuah piak, a pek peng hna.. Kuyt hi a bawlung chuih a ttha tuk lo, ai zuamnak hi a za lo, nain Netherlands team caah a biapimi pakhat a si.

5. Defender kong ah
Kap hnih team caah a har ngaimi cu an hnukham an thiam veve mi hi a si. Spain hnukham Carlos Puyol le Netherland center back a si mi Joris Mathijsen hi an rian ttuan a ttha i an tthawng. Puyol tu cu a tthawng taktak, pinah Spain final ah a kai pitu back ttha a si. Ruah lopi in goal a hmang tawn. Cu pinah Spain cu Ramos an nei.

Mathijsen cu quarterfinal Brazil he an chuih ah ai din, ai khawh caah. Nain Semifinal ah a hun chuih kho i Diego Forlan cawl kho lo in a tuah. A nih cu Puyol bantuk in hmai ah kal a hmang lo, nain hmailei ah bawlung a kuat khawh peng hna i hna ngam in a chiah khawh hna. Mathijsen cu a khup ai khawn hnu in ttha tein a chuih kho lo. Cucaah Villa hi ttha te in a tlai kham kho hnga maw ti ruah awk ngai um. Puyol zong biatak te in Robin van Persie he an i bualh le i tuai an hau ko lai. Van Persie cu amah nak in a sangdeuh fawn.,

rangtuk le i hnawh ngai in ka ttial caah palhmi tete um cun rak theithiam u law.

Netherland vs Spain (2-1)
--
Yours sincerely,
Bawi.

Ref:YCCF-International

World Champion Spain

Voi1 World Cup Final an kai ah ah teinak an hmuh. Lawmhnak in a khatmi Spain team.

Spain Champion sinak ding ah goal khat te (teitu goal) a senhtu Andres Iniesta nih a thimi a hawipa Daniel Jarque philh lonak ah a ttialmi angki chung alangh ter.

(Netherland - Spania 0-1) minute 90 hnu ah minute 30 an chuih tthan hnu, minute 4 ai duh ah Spain laikal Iniesta nih a goal Spain cu Champion an si.
Hi hna team nih hi Final kai ding ciam maam an rak si. Zoh an dawh. An chuih ning a ttha veve, an i tluk bak. Goal khawhnak caanttha tampi an ngei veve nain, van ttheo nih a goalter hna lo ti awk in a si. A zohtu kan thinlung a cawlter ngai tawn. A hnubik i Redcard nih tam ngai a hrawh, Penalty an chuihte lai tiah ruah nawnmi, an chuih manh lo.

Netherland hi World Cup ah Final a voi 3nk. an kai a si. Cucaah tutan cu tei ding an rak i ruahchan tuk ve, nain Spain 2008 Europe Master teitu he an i ton celngelmi nih thil a suk khak nawn. Cun, Netherland tu kum cu, an thiam bak fawn. An chuih ning zong a ttha. Pumpak in a thiammi zong an tam ngai ko, nain Spain atu lio vulei cung ah an chuih nakkip ah a thiambik timi lawngte Spain team nih tlawmte an teideuh hna. Netherland hi hmai lei ah final kai khawhnak lam a har ngai cangmi an si. Tu kum kha chance ttha bik an ngeih a si kho men.

Spain cu kan chim voi 10, Semifinal an kai voi 1nk le Final an kai voi 1nk bak a si. Tu kum cu Spain bak hi zumhbikmi ah an i tel. An chuihka cu mi lung an rawhter ngai nain, an chuih deuhdeuh an thiam deuhdeuh. Cucaah, Germany Coach pa lila nih semifinal an dih bak ah, Spain nih final an tei lai a rak ti kha a si. Spain goalbawh Casilas kha a ttap tuk. Aruang cu World Cup caah a voi 3nk goal a bawh in ai tel a si i tu kum pin cu a bawh kho ding dirhmun ah a dir ti lo pin ah a kum 3nk ah pakhatnak an lak caah lunghno in an ttap. EM ah pakhatnak a rak lakpi hna, Captain a rak si. WC a lakpi hna, Captain a si hoi. Ai lawm hrinhrang.

Golden Ball World Cup 2010 a chuihmi lak ah a thiambik tiah an thimmi Diego Forlan nih suibawlung a co.

Diego Forlan cu Uruguay hmaikal a si i a goal sutmi an i dawh pinah a bawlung chuih a that caah a thiambik laksawng suibawlung an pek. Mah hi journalists nih an thim hna i vote an pek tambikmi an si hna. Netherland Sneijder cu ngunbawlung an pek i David Villa cu Dar-bawlung an pek ve.

Topscore 4 an si. Germany 13Muller cu Suikeden an pek pinah world cup a chuihmi mino lak ah a thiambik laksawng an pek fawn. David Villa cu ngun-kendan an pek i Sneijder cu Dar-kedan an pek. Mah hi Journalist nih an thimmi hna an si. Forlan kha a chuihmi an zoh hnu ah Suibawlung pek kha a za ko an ti. Spain captain Iker Casilas cu goalbawh thiambik laksawng an pek i sui kuthruk an pek.

Refree le lineman palh ruangah, kan sung tiah an i ruah. A zohtu zong nih refree le lineman kan sawi pah ko hna nain, 2010 World Cup Champion cu Spain an si ko. Vulei cung bawlung chuih thiambik cu Spain an si ko.

2014 Brazil ah damte le nuamte in in an i tong tthan te hna lai.

Ihnawh ngai in ka van cuk mi a si. Damte in.

--
Yours sincerely,
Bawi ML

Ref::YCCF-International

2010 World Cup Cu Spain Nih An Lak Cang

FIFA World Cup pi cu a dih cang Spain nih Sui tlangpi cu an lak cang ko hih.Lai lei si ning in chim ah cun Khuami nih Sia le Vok hna that in dawn an si cang lai btkin an ram nih zei btkin dah an lawmhpiak ve te hna lai mu.Hika ah hin World Cup kong zoh le rel khawh a si.A zei paoh ah a sungmi si nak in teitu si hi a rak nuam deuh saumau ko.A sungmi lei zoh le ruah ah zangfah an si i nain a sungmi um lai cun teitu um khawh a si hoi lo.

South Africa rampi cu a nuam a nuam an ti lio ah a can tlaihkawh a si lo caah an i nuampi cu a tian thluahmah cang lai i khual pawl an zun in cheukhat cu an zaw men lai ka ti.Mah a tang i Video le Hla hi World Cup lai Phut-Puai lio ah Hlasak min thang Shakari nih a sakmi hla a si tu hrawng cu TV le Radio kip ah mah hla rumro nan theih ko lai.


Mah Zong Hi