"Lai Thil Hi Aa Dawh Bak Ko Mu"

Pathian nih Laimi cu Miphun pakhat ah a kan ser bantuk in holh le ca bia le hla thil le thuam khuang le lam phuntling in Miphun pakhat ah kan ser cu cu vawlei kan nun chung Laimi dihlak nih kan sunsak in kan upat awk a herh.Tu chan cu ramdang ah pem chan a si i kan nun phung hna hi kan thlau lo nak ding ah kan kil ven cio a hau, kan pawngkam i hmuh theihmi nun phung le thilthiam hna nih kan Lai nun phung an tluk hrim lo mu.Pawng kam sining nih kan nun phun a thlau sual lai phan a um.
Chicago nungak Ma Ruat I

Lai Thil Pawl Hmanthlak

By ***Van B Lian***

These Le Lung Tuanbia

Minih kan cung ah thilthalo an tuah mikha philh zau izuam ii thiltha an tuahmi tu cu philh lo in kan lungchung ah I tial zungzal seh.

A hlan ah hawikom ai dawngaimi pahnih these ramcar chungah khual an tlawng ti.Lamcan ceu hrawng khual an tlawn ah, OR hmun kakhat anphak ah bia an I el ii a hawipa pakhat nih (a khualtlawn ti hawipa) cu a biang ah fak ngai in a bengh, a sinain a benghmi pa nih cun zeibia hmanh chim loin these cung ah “tuchun ah ka hawikom thabik a simi nih ka biang ah a kabengh tiah a tial.”

Cuticun an kal deuh ii (cirh) Cerhcek umnak hmun pakhat ah tii khawlh an I tim, cu lio ah a hlan ii a rak benghmi pa kha cu cerh chungah cun pil aitim ii a hawipa, arak benghtu thiamthiam nih cun achanh a nunnak a khamh tthan i a pilnak hmun in a khamh hnu ah a hawipa nihcun lungcung ah “tuchun ah ka hawikom thabik nih ka nunak a ka khamh tiah a tial.”

Cuhnu ah a hlan i a rak bengtu a simi le a tunai i a chanhtu a simi pa nih hitin bia a hal. Kahawi ziah a hlan i kan bengh lio vial ah khan these cung ah narak tial, a ziah a tu vial ah lung cung ah na tial tiah a hal?

A hawipa a benghmi pa nih cun mi pa khatkhat nih harnak,thiltha lo kan cung ah an tuah tik ah ngeihthimnak thlitu nih a chawihkhawhnak OR a hlohkhawhnak hmun ah kan tial awk a si, asinain mipakhatkhat nih kan cung ah thiltha, a silo ah kan caah a thami thil an kan tuahpiak tikah, thlichia, zei thlitu hmanh nih a chawihkhawh lo nak hmun ah kan tial, OR kan khenh awk a si tiah a ti.

Fahnak kan tawn tikah these chung ah tialmi le thiltha, thathnemnak kan tawn tik ah lungcung ah atialmi siding in I zuamcio hna uh sih.

Minih thiltha lo kan cung ah an tuahsual tik ah ngeithiam kho zaumi, a tuah bantukin a lehruh lo mi, le minih thiltha kan cung ah an tuah mi kha philhlo in kan chamkhawh hna lo hmanh ah a zungzal in theih peng ding a kan cawnpiak..


Sand and Stone tuanbia chung in ka leh mi asi.
Upatnak he
Kawidawt@Ephraim
Chicago,

Hmanthlak Frame Tuahmi Pawl

Nika Le Vawlei Karah Thlapa A Phan

Kan hnu ninga ni ahkhan nika le vawlei karah thla pa a phak caan te a si i ram tam pi nih cu cu an rak zoh cio hna. Aa thawknak hi Africa ram in a si. Cun Congo, Uganda, Kenya le Somalia ram hna a tawl, cu khawh cun India rili a a phanh khawh hnu ah Asia ram Maldives, thlanglei India ram, Sri Lanka cheukhat, Kawlram le Tuluk ram pawl nih an rak hmuh khawh. Kenya khualipi a phak lio ahcun minmei a tam tuk caah a lang kho sai lo. Atu bantuk nika le vawlei karah thlapa a phak caan hi khua mui chupchap in a um caah mi zei paoh nih an rak zoh cio. Hiti a can hi vawlei cung meng 190 (KM 300) chung a si caah vawlei zahceo cu a hnur ti khawh si tiah National Aeronautics and Space Administration Website nih an tial. Ahnu bik hiti thil a can hi kan hnu July 22, 2009 a si i India, Nepal, Bangladesh, Bhutan, Kawlram, China le Japanese tikulh cheukhat ah an rak si. Kum 100 ah voi 66 lawng a cang i mi tlawmte lawng nih caan tlawmpal te an hmuh khawh mi a si.(Ref: Irrawaddy)

Faiceu Media Goup
Malaysia

Kawlram Ah Mobile Phone Man A Tla Ngai

Kan hnu January 6, 2010 ah Kawlram New Light of Myanmar thawngthanh ca nih Mobile phone 130,000 leng chap a si lai tiah an theih bak ah phone man cu ahman lomi cawk zuarnak (black market) ah a tla ngai colh ti a si. Yangon khua ah phone a zuarmi pa chimnak ahcun second-hand GSM (Global System for Mobile) SIM card pawl cu US dollar 1700 in 1400 tiang a tla tiah a chim. CDMA phone i SIM pawl zong US dollar 2000 in dollar 1700 ah a tla ve. GSM phone SIM pawl hi cozah rate cu kyat 150000 a si ko nain a leng a hman lomi cawk zuarnak (black market) ah cun let hra a tam deuh. Atu tan an chap dingmi phone hi model phunphun a si lai, GSM, WCDMA le CDMA 450 Mhz hna an i tel ve lai.(Ref: Mizzima)

Faiceu Media Group
Malaysia

Spider Man 4 Ah Spider Man Fitlaw Tobey Maguire Tel dawh A Ai Ti Lo

Mintang Spider Man a voi 4nak movie cu Spider Man ah aa can hlan High School a kai lio kong thlak ding in a tawlreltu company nih an timhtuah hnuin cuhlan Spider Man movie 3 i fitlaw Peter Parker in lem a cangmi Tobey Maruire nih i tel ti lo dingin a lung aa khiak. Hi movie a cuahtu company Sony Picture le Marvel nih thlak dingin an timh cuahmahmi Peter Parker, High School a kainak kong, minung sining le mi sawhsawh nakin thil ti khawhnak a ngeimi minung phun 2 kong aa telmi Spider Man 4 movie in phaiza tampi hmuh ding an i ruahchan nain fa 2 a ngei cangmi Tobey Maguire nih High School a kaimi bantuk i lemcan ding cun ka tar cang a ti caah aa dinhnak a si.
Cu hlan Spider Man movie i director Sam Raimi zong company he tangka kongah lungtlinnak an ngeih khawh lo caah dinh dingin aa khiak ve. Sam Raimi nih Spider Man 4 caah million 300 hmanter dingin a ti hna nain Sony Picture le Marvel nih million 230 lawng hmannak nawl an onh caah aa dinhnak a si. Cun, cu hlan i Spider Man fidi Kristen Dunst zong nih dinh dingin aa khiak ve. Spider Man movie cu 2002 in thokmi a si i, atu tiang i Spider Man movie pathum ningah US $ 2.5 billion a lut i Spider Man he aa pehtlaimi ngakchia lenh ding pawl a sertu company pawl sin zong in US $ million tampi an hmuh chap. A voikhatnak Spider Man cu Tobey Maguire cu High School aa limkami in lem a rak cang. Spider Man 4 cu High School a dih rih lomi kong, a hlan kong kha khirh ‘han in thlak timh a si caah fa 2 a ngei cangmi Tobey Maguire nih kaa tlak ti lo tiin a dinhtaaknak a si.(Ref::Malaysia Seihnam)

Cozah riantuan lahkhah a kai bangin facang man a kai ve

Kan hnu nithum ni ah Ministry of Commerce lei nih thilzuar pawl (traders) thilman a cawl lonak dingah ralrinnak pek khawh hnu ah Kawlram facang man pawl cu an kai thiam ko. Hiti a kainak hi Kawlram cozah riantuan pawl an lakhah a kai lai ti thawng a than ruangah a si bik. Hlan lio ah tun khat kyat 13500 in rak zuarmi kha a tu cu kyat 13900 in zuar a si cang, Kyat 17000 in rak zuarmi kha a tu cu kyat 19000 in zuar a si cang. Kawlram nih 2007-2008 phaisa kum ah Africa lei a kuatmi facang lawng hmanh in meager 358500 ton a si. 2008 kum Nargis thlichia ruangah facang a chuak mi zong a vun zawr deuh ngai. Kawlram cozah rian tuan tu pawl an lahkhah cu a niam bik kyat 20000 a si i ralkap lei belte cu a niam bik kyat 15000 in kyat 200000 kar an lakhah a si. Kawlram ahhin vunci zung 30 a um i cu an zung pawl ah rian a tuanmi hi 20000 leng an si tiah AFP thawngthanhca nih an tial. Kawlram ahhin lahkhah a kai bangin facang man a kai ve, cu ve bantuk in phone chawnhnak man zong a kai i hlan lio minute pakhat ah kyat 25 a si tonmi kha a tu cu kyat 50 a si cang. (Ref: Irrawaddy)

Faiceu Media Group
Malaysia

US Dollar a deu mi a hmangtu Elie Youseef Najem an tlaih

Lebanon miphun Elie Youseef Najem cu US Dollar a deu mi hman ruangah Malaysia palik nih a umnak four star hotel, January 10, 2010 deilei 12.05 am ah an luh hnawh i an tlaih. A umnak khan an chek tikah bag a nakmi chungin a deu mi dollar $ 100,000 ca hnah 60, $ 500 ca hnah 40 an lak piak. Elie hi Malaysia a umnak hi kum 7 hrawng a si cang. Hi tangka khawika in ka lak, zeituah nak ahdah ka hman lai ti cu a chim lo. Philippine nungak (20) a rak ngei i kan hnu kum July thla chungah inn dot 14 cung in a tla i a rak thi. Nain ruahlo pi in a thi tiah a rak chim. Tu ah cu zong cu zumh a si lo. Pencal code section (14) in a case an chek lio a si. (Ref: The Star)

Faiceu Media Group
Malaysia

The world is changing" Vs "Growth Muslim population" and it is time to wake up!

Nihin youtube news pakhat ka zohmi nih kalung a ka nuamhter ngai lomi a um i kan rak theihter ve chin hna, a zoh ciami nan um cang ko lai nain.

A tulio vawleicung population le muslim population bianak kongkau ah research an tuah i, muslim minung milu can tlawmte ah fawituk le tamtuk in an karhchin ti a si. Hi ningte a si ah cun hmailei kum tlawmte 25s two decades hrawng hmanhah muslim milu vawleicung ah atambik an i chuahkho lai ti a si i, Islam biaknak nih vawlei pi dominate atuahkhawh tiah vawleicung tuahtan thiam le biaknak religion u pa pawl nih an hmuh/zumh ning a si.

Cu kong he petlai in video demographic in fiang tein an chuahmi a um, cun Europe rampawl le America ram pawl nih nuva chungkhar pakhat nih fertility rate average fa 1.38 telawng fa an hrinlio ah, muslim family pakhat nih fertility rate average fa 8.1 an hrin hna ti a si..
Mah Youtube ah rakzoh uh law,,


fiangdeuh in theikhawh a si. This is a call to action an ti ko hih.

kim
Seattle, WA
USA

Mizo Hla "I Thu Ang Peiin"

Mah Mizo hla hi ngaita lo in lanhtak hin hlah.A tthatuk hringhran Mizo cu hlasak kan thiam i kan hmel pawh a ttha an timi cu mah zawn ah hin a dik.An hla sakmi aa-yah-paa-yah in an sak i mi thunlung a hliphlau ngai te.Voikhat ngai ah kaa vuai hrim lo nan mah zong na si theu lai caah rak ngai hrim te.



Mah hla a ngaitu nan thinlung ah Pathian nih a mah lei ah thazang nan i laknak ah a canter hram ko seh tein.Kaalawm.

"Kan Tlanval Lio Si Lo In A Hlan Hmanthlak"

Bawipa Tlang kai lio i thlakmi le Lungkhin Hua Lungpi ah thlakmi pawl an si ko hih:

President G.W Bush Sihni Hlun John Farren An Tlaih

US President G.W Bush sihni a rak tuan balmi John Farren (57) cu a nupi that a timh ruangah cacawn nithum ni ah an tlaih tiah New Canaan palik zung nih an thanh. Hi ni ah a nupi a velh i innpawng nih 911 an auh. Palik nih an chuahhnawh tik hna ahcun a nupi cu thi lawngte a si. Hi kongah upadi zung lei nih biachahnak tuah a si rih lo.
(Ref: CNN)Tam deuh rel a duhmi nih Hika link ah rel khawh a si.

Kawlram thimnak ni an khiah cang

Kawlram nih aa timhmi thimnak cu a ralai mi October 10, 2010 ah a si lai tiah ralkap lei kap in kan hnu Jan 6, 2010 ni ah an thanh. Hi thong an theih in ralbawi zei mawzah cu an rian in i dinh ii thimnak cuh ve cio an i tim. April thla in thimnak caah lemsoinak tuah a si lai i thlaruk chung caan an ngei lai. Lower house caah thuhnak 440 le upper house caah thuhnak 224 zong cu tikah thanh a si te lai i thimnak zulh ding le ramkhel party pawl nih zulh ding zong cu tik ahcun thanh a si te lai. Ralkap bawi pawl zong an rian chuahtak in USDA party in i tel dingah timhlamhnak an ngei cio hna. Thimnak caah phunghrami cu 2008 may thla ah an rak tuah cang bang in ralkap chungin zatuak 25 i tel ding a si lai. NLD belte luh an i timh le timh lo a fiang rih lo. Ziah ti ahcun 2008 kum i Shwekungdai hnatlaknak cu kan dirpi peng ko tiah NLD party nih an ti. Cu thanh ca ahcun 2008 phunghram pi zoh thannak le remh thannak an tuah lawngah thimnak ah kan i tel ve lai ti a si. (Ref: Asahi)

Van Tong Innpi Awnnak Puai An Tuah Cang

UAE ram Dubai khua ah an sak tharmi, vawlei cungah a sang bikmi inn cu kan hnu January 4, 2010 ahkhan awnnak puai an tuah. Hi inn saknak dingah hin US$ 1.5 billion hrawng an dih i 2004 in sak an rak thawk. Van tong inn pi min cu Burj Khalifa a si, a san hi 828 meter (pe 2700 hrawng) a sang i dot 160 a um. Nikhat chungah an hmanmi ti hi 946000 litre a si. Cun electric caah an hmanmi meitha hi 360000100 watt a si. A dot 25 dan in mei ralrinnak a um dih. A kainak dingah kg 5,500 a phur kho mi lift pahnih an tuah chih. A pahnih nak a sang bikmi cu Taiwan ram ah a ummi Taipei 101 timi a si i a san hi meter 508 a si. A pathum nak ah Tuluk ram Shanghai ah a ummi World Financial Centre a si i 492 meter a sang. A pali nak ah Malaysia ram Kuala Lumpur ah a ummi Petronas Twin Towers a si i 452 meter a sang ve. A panga nak ah US ram New York khua ah a ummi Sears Towers a si i 442 meter a sang. (Ref: Star News

"Aa Dawh Maw?"

Internet Hmang In Ramkip Free In Chawnh/Auh Khawhnak

Mah hi a duhmi rak i tuah cio ve te uh.Mediaringtalk nak in tu law-law-se cu a tthatnak a um deuh rua ka ti.Mediaring cu Malaysia hna chawnhkhawh a si lo cu leng ah a hlan cu 10 minutes kan hmankho tonmi kha a tu hrawng hi 2 minutes hrawng lawng a ngah cang.(Ref:4laimi)


Internet le Computer hmang in phone a si lo ah cellphone pawl auh khawh le chawn khawhnak hi a tam nawn cu um pah ko. Nain free ngai ngai in internatioanal call khawhnak tu hi cu a tam tuk lo. Mediaringtalk hi a tha tak tak mi a si. Zeicatiah free bak in minute (10) i chawnh khawh a si. Nain mediaringtalk hi a ngah chel ngah lo chel in a um pah tawn. Cun auh khawh lo mi ram hna hi an tam pah. Malay hna khi auh khawh si lo.

Mah ca cun a herh tuk caan ah le Malay, India(Mizoram) tibantuk i a um mi chungkhat sin ah chawn duh ah cun TUITALK hi rak hmang chun ve cio hmanh uh. A mah bel te nikhat ah minute (3) si lo le (5)lawng chawnh khawh si lai. Nikhat hnu ah na hman than khawh lengmang ko lai. A zei a va si hmanh ah mah zong cu a tha hnem tuk ko ka ti.

Na duh ah cun mah ka hin hmet law Window PC Download ti mi tang i Download Now ti mi kha hmet law download hma sa. D0wnloah na tuah dih in install tuah ta. Cun mah ka hin account i tuah ta fawn. Submit na tuah dih hnu ah na email na tial mi ID ah khan na lut ta lai i activate na tuah ta than lai. Mah dih hnu ah password na tial lai i sutmit na tuah ta than rih lai. Mah dih khan cun na hman khawh cang ko. Sign in na tuah tik ah na email ID na rak khump mi khan na lut lai(Exam. vanbiaklianltp@gmail.com) i na password na tial piak chih lai.

Mah Hika ah hin call khawh mi ram pawl zoh khawh si. Cellphone a ngah le ngah lo zong zoh khawh si ko khah.

Khah!...si le ka biasau. Mah vial in.
Siaherhnak he,

"Software A Herhmi Nan Um Ah Cun"

Tu hrawng hi Laimi nih chan ti luan doi in Computer lei ah kan tthangcho chauhmah lio pi a si.Cheukhat nih Wedsite lei an thiam chin lengmang i cu ve bantukin a dang2 lei zong thiamnak a karh chin lengmang ve.Cu ca-ah kan nih cio hna zong hoi an thiammi paoh kan si khawhtawk kan thiamkhawh tawk thiam kan duh cio ve.Cu tik ah thil pakhat tuahthiam ve kan duh tik ah a mah tuahnak ding caah ka-rih-ya Software hman a herhmi a tampi ve.Cu kong he peh tlai in kan umnak kam ah kan hawi nu pakhat nih DVD Copy tuah ka duh i ka tuahkho bak lo ee tiah a khuaruah har ngai in Fon a rak ka chawnh.Ka timi cu Copy tuahnakmi Software na ngei tung lo tiah ka ti tik ah ziah midang zong Computer in pei an tuah ko cu keimah zong Computer ka ngei ko cu ta tiah aa fiang lo buin biatak tein a ka el.

Cu ca-ah mah hi a theihtuk hringhran lo ca-ah a si tiah ka ruahpiak thiam ngai.Kan nih hna zong thil pakhat tuah kan duh tik ah Computer pei ka ngei cu tiah kan ni ruah sual kho men.Cu cucu a si lo a mah tuahnak ding caah a mah le a herh ning cio in Software ngeih hnu lawng ah tuahkhawhmi hi a tam ngai Computer lei tampi ka thei lo nain.Bianaah a cung i ka tial cang bang khan kan hawi nu nih DVD/VCD Copy tuah a duh ah cun Copy tuahnak ding Software Nero a ngeih a hau.Video Edit tuah kan duh ah cun Video tuahnak mi Software a phun tampi a um mah cu lak ah pakhat khat kan ngei a hau ve.

Cu ca-ah kan mah tein Computer lei pakhat khat thiam le tuah ve kan duh i US ah Software kan ni cawk lai kan ti a si ah cun a man a fak tuk hringhran pakhat kan ni cawkkhawh hmanh ah a dang pakhat i cawk tthan ding cu a foi ti lo.Bianaah Adobe Pagemaker hna hi kan cawk ah cun US $ 500 hrawng a si ca-ah a cawkcawk kho lo ding phun khi a si. Computer lei hawi tluk kan thiam lo hmanh ah thiam kan duh cio hna cu ca-ah Software keimah bantukin a herhmi le a caw duhmi hna nan um si cun Software Copy a man tlawm tein cawkkhawh a si.US $ 20/30 hrawng in kan pek hna lai.A tang i ka tialmi lawng si lo in a dang ka ngeimi a um pah rih i nan herhmi paoh kha rak ka hal u law kan zoh piak hna lai.

Atang ah Software a tthar pawl an man kan zoh hna lai keimah ngeihmi chung in.A man hi ka tial ning in a tum kai kho men i nan mah tein Link ah kha rak kau cio te uh.

Pagemaker $ 499.90
Ulead 11 $ 111.41
Nero9 $ 90.99
photoshop 7.0 $ 699.00
Microsoft word 2003 Publisher $129.95
Microsoft Office 2007 $ 99.99
Nero8 $ 109.00
Total Converter $ 75.95

Power DVD $ 69.95

Adangdang ka ngeihmi chung in ka tial chih lomi pawl a um len rih.Kaalawm.A duhmi nan um ah cun mrbiaklianltp@yahoo.co.in (or)vanbiaklianltp@gmail.com ah cah khawh a si.

FIFA World Player of the year, Messi

Vawlei cung pumpululh lei lutlai buu FIFA nih kum 2009 vawlei cung pumpululh chuih thiam bik pa cu Argentina le Barcelona in an hmaikal Lionel Messi a si i nu cu Marta a si tiah tuzarh nikhat ni ah an thanh. Hi laksawng hi vawlei cung pumpululh lei laksawng ah a sunglawi bik mi a si. Messi nih a hmuhnak a ruang cu kum 2008-2009 Barcelona nih tei nak an hmuh nak vialte ah le Argentina nih world cup luhnak an hmuh nak ah zoh dawh tein le a biapi tukmi kawl hna kawl in tampi a bawmtu hna a si. Tukum i minung pakhat lawng nih hmuh khawh mi laksawng pawl (individual awards) cu a za tein Messi nih a hmuh dih. A pahnih nak ah Real Madrid in a chuih mi Christino Ronaldo a si i pathum nak cu Messi he Barcelona a chuih ti hawi Xavi a si. Hi laksawng a lak lio ah vawlei cungah a sangbik le a thawng bik mi league cu La Liga a si ko tiah a chim. Zeiruang tiah cun FIFA nih tukum vawlei cung a thiam bik mi minung panga an thimmi hi an za tein La Liga i a chuihmi lawng te an si. Cun Ronaldo le Kaka Real Madrid an vun phak mi nih Spain pumpululh tampi in a thawnter deuh tiah a ti. (Ref: Goal)