Atang i Hindustan Times nih avun tialmi hi Mizoram Camphai ah Kawlralkap le India Home Ministry aniton i hnathlak nak an ngeih mi asi. December 17-2010 ah khan Kawl ralbawi Nay Wing nih ahruaimi hna le India Home Ministry Secretary S.Singh nih ahruaimi hna cu Mizoram State Camphai ah ani tong i India nih aram chung i terrorist atimi hna kha Kawl ramchung an hung zam ah cun Kawlram ram chung tiang hung dawi i tleihnak nawl ngeih ding ti asi. Cun Kawlram ralkap lei zong in Mirang holh le Hindi holh aherhning in cawn i communication fehter ding ti asi. Kawlram chung leikap i ummi India ramri tupi chung ah hin tapung tampi an um ti asi. Abik in Naga, Manipur ti pawl in tapung thomi pawl hi um dawh an si. Kan mah Chin miphun dothlennak tuahtu CNF hi Mizoram deuh i acawlcangmi an si caah atu bantuk Kawl nih India hnatlak nak apek mi hi mah bantuk ka duh ve ahcun hung ka pe ve seh ati duhnak hna aum i asi ko lai ti zumh aum ngai. Mizoram le Kawlram ramri thluan ani hrawm mi hi Km 404 asau ti asi. Cun Bangladesh le Kawlram ramri thluan ani hrawm mi hi 318 km asau ve ti asi. India ramchung i state 4 ummi Mizoram, Arunachal Pradesh, Nagaland le Manipur hi Kawlram he ramri then atlaimi an si i hi hna state 4 le Kawlram ramri thluan a then mi hi 1640 Km asau i cu ramri thluan cu India Assam Rifles ralkap nih an congh ti asi. Mirang ca a rel kho mi caah Hika ah tlamtling deuh in rel khawh a si.
Atang hi Tamu i India le Kawlram ramri thennak hlei asi aihre mi khi India ram asi i arang mi lei kam hi Kawlram asi.
Sang Cem pa
Kitchener
Source:: thawngpang@yahoogroups.com
[CIM] India le Kawl ralkap Camphai ah ani tong
No comments:
Post a Comment