free web counter
greyhound runningHurricaneRunning Ostrich

Friday, November 12, 2010

Kum 5 Ngakchia Nu A Sualpi I A Thah Beh

Aizawl khua pawng Muallungthu khuami ngakchia nu kum 5 Lalhlimpuii & Abawihi cu Nov 25,2010 ah Kawlram-Tanbu khuami Henry Van Neih Cung nih a thlaihhrem hnu ah a thahbeh.Misual pa Henry Van Neih Cung hi Nov10,2010 6:00AM hrawngah Sateek khua ah an thlaih I mipi an thin a hungtuk ruangah an velh an chuih hnu ah Aizawl Police nih Sizung lei kalpi ding in an ni thawhpi I lampi ah a thi.Abawihi hi Nov 8.2010 ni hi Sianginn a kai an rak tin a tuan deuh cu hnu ah a nu Muansangi cu a fanu Sianginn tin hnu ah an khua thlang thlanmual lei ah thing hlam dingah a kal.Hlawhfa in paw aa cawmi an si caah hringtu a pa hi hlawhfa ding ah a kal ve. A fanu Abawihi nih hin zulh aa timh nain a nu nih na hawi le sinah rak um ko tiah a ti caah a nu hnu zulh lo in a um. Muangsangi le Daniala hi Fanu pa hnih an ngei I Abawihi ngakchia deuh a si.Khua a mui deng hnu ah hringtu a nu cu thing hlamnak in a rak tin tik ah a fanu Abawihi cu a um ti lo caah inn pa chah thlang ah a kawl.

An khua Muallungthu nu pakhat nih a chimnak ah Henry Van Neih Cung hi Aizawl lei in a rak ra I buhthing /chuncawh ei ding a ka hal ka dang hnuah a chuak tthan tiah a chim.Abawihi a tlau tiah an khuami sinah thawng an thanh I an Khuabawi pawl le YMA pawl an cawlcang I an khuapi in an kawl cang.Abawihi I Henry Van Neih Cung nih a hruai I a kal pi lio ah a hawi nu pakhat a kal ve.A nih cu Henry Van Neih Cung nih hin a kir ter I a tah pah i a rak kir tiah an chim mah ngakchia nu nih cun Herny Van Neih Cung a thil hruk mi Color hna a chim khawh dih an ti.Nov8.2010 zan cu khuami nih an kawl zantim hnu 12:15 AM hrawng ah ram tangah a ruak in an hmuh.A ruak hi a bawk in a rak I bawk I a lu le a hmai ah a hma an hmuh.A lu hi thinghnah le mau hnah a rak khuh I a thil thuam hna hi a ruak he aa hlat lo tuk nak ah an hmuh chih.Cun a chiattha zawnah sualpi nak hma neh zong an hmuh .

Abawihi khua lengah a hruaimi hi cu bantuk minung cu a si tiah an khua pawng hrawng ah thawng an thanh dih.Cu tikah ngakchia nu a ruak an hmuh zing suimilam 6::AM hrawngah Sateek khua I inn kiang bik pakhat ah aa thumh I a tlunnak inn ah thing a ceh lio ah Henry Van Neih Cung cu an tlaih.Amah Henry Van Neih Cung nih cun ngakchia nu cung i thil a tuahmi kong cu a mah a si kha a chim cun a Bag chung ah ngakchia nu a hruai li i a thil thuam zong an hmuh c chih. Sateek khua ah an tlaih I Muallungthu lei kalnak lam ah Mawtaw in an kalpi lio ah an kut an ke an thlak tha lo ngai in an velh an tuk cu lio ah cun Police zong an um ko nain khuami thinhun I a ummi le kut a thlakmi an tamtuk tikah Police an cawlcang kho lo.A hnu ah Police nih an van lak khawh tikah cun an tuk velnak kha a zualtuk cang cu caah Aizawl Sizung lei ah an kal pi i Aizawl an phak hlan lampi ah a thi.

Lalhlimpuii Or Abawihi Henry Van Neih Cung


Ref::http://www.zoin.info

http://www.zoin.info/hmeichhe-naupang-pawngsualin-that-a-thattu-a-hliam-tuar-loin-a-thi-ve-nghal/




No comments: