free web counter
greyhound runningHurricaneRunning Ostrich

Sunday, October 10, 2010

Kan Hal Mi Kan Ngah Maw?


Mathai 7:8 “A hal mi poh cu pek an si lai”

Thlacamnak kong he pehtlai in Pathian nih kan thlacam a kan leh mi ah “yes, no, wait” tbt…in a phunphun in an tial, an chim cio hna. Zisuh nih a Pa sinah a hal mi poh cu pek a si. Fapa Zisuh nih a hal i, Pa Pathian nih a pek lo mi a um lo. Kan nih zong a fapa Khrih thawng in fa kan si i, ro co tu zong kan si ve (Rom 8:17)
Cuti asiah, ziah kan hal mi hna hi fapa Zisuh a hal mi poh pek a si ban tuk in pek kan si ve hnga lo? Zisuh he i tahchunh ciammam in chimh ka duh mi cu a si lo. Sinan, Zisuh nih
Mathai 7:8 ah "a hal mi poh pek nan si lai" a ti. Cun, “Keimah nak hmanh in thil lianngan deuh hmanh nan tuah kho lai” a kan ti rih (John 14:12). Nihin ah Pastor Mel Bond an ti mi pa cu cancer, a mit a cawmi, a zengmi damnak a pek hna i mithi tiang hmanh in a thawhter than ve tiah kan hmuh. Zoh a duh mi nih http://www.agapechurch.addr.com/sermons-video.html ah hin nan zoh khawh. Pathian nih hin thil tha kan hal mi poh a kan pek duh lo mi pakhat hmanh a um lo.
Zei ruang ah kan hal mi kan ngah ton hnga lo????

Kan i check cio ding ah ka duh mi:
1. Pathian fa taktak kan si maw? (
bornagain)
2. Pathian fa a si mi i nun ding ning in kan nung maw?
(I John 1:7)
3. Kan lung put teh Pathian fa a si mi lungput kan ngei maw?
(Phil. 2:5)
4. Kan duh mi le kan hal mi thil pawl hi teh minung i uahnak ding, minthan nak, le diriamnak ca deuh hna caah a si sual maw?
(James 4:3)
5. Kan hal mi teh kan herh taktak mi an si hna maw?
(Matt. 6:8)
6. Kan innchungkhar, kan chung le, kan hawi le he tluangtlam lo nak, i sik nak, ngaihthiam khawh lo nak, zerngeihnak hna kan ngei maw? (Mathai 5:23-24)

Hi bu in kan hal ah cun….????


Oswald Chambers nih cun "Thlarau lei in ka ţ hang deuhdeuh, hal duh mi ka ngei lo deuhdeuh i, amah he bia i ruah, bible rel le thlacam hi ka duh deuhdeuh. Ka herh mi poh a ka pek tikah keimah pumpak ca cu hal ding zong ka ngei ti lo " a ti.
Nihin i kan hal mi, kan thlacam, kan ziaza pawl hi i check than tuah uh sih, kan ngah lo nak a ruang kan hmuh ko lai.

Mah pumpak ca hal duh mi a tam deuh poh ah kan thlarau lo deuhdeuh ti nak a si ko
(Mathai 6:31-32).

Pahniang

Manila, Philippines

No comments: