Saturday, May 29, 2010

Thawngpang Bultan

Malaysia in US lei ah kan phan thluahmanh hna i US State kip ah hin Laimi kan um lo nak a um ti lo tiah kan pa le nih an chim ton ka theih.Oregon State ah hin Laimi an um pah ve nain an tam lo Inn 7 hrawnghran kan um an ti.Tidim lei le Karin lei cu minung tam nawn te an um tiah an ti.



Mah Oregon State i a ummi kan hoi le Fon ka chawnh hna i Oregon um Laimi hi a rian a tuanmi kan tlawm ngai a ruang cu rian kawl a har tuk caah khuasak tin tuk a har ngai tiah an ti.Cu ti a si caah Hmai thla June thla 19 ah hin Oregon i um Laimi le Karin pawl he Minung 50 reng lo cu Alaska State lei ah Thla 2 hrawng rian va tuan ding ah kal ding in Zung pawl nih an kan timhtuah piak an ti.Alaska tiang Vanlawng Tiket man minung pakhat kal man lawng ah $600 a dih lai tiah an ti.An tuannak dingmi Company hi Ngasa Sehzung ah a si lai i zarhkhat ah Suimilam 80 hrawng tuan a si lai thutumnak le Ei dinnak pawl cu Company nih an khan dih lai tiah an ti tiah Oregon State i a ummi kan Laimi pakhat nih a ka chimh.

No comments: