Sunday, March 14, 2010

Obama Nih Iraq Mipi Sinah Ngunkhuai A Pek


U.S Ramhun Barack Obama nih Iraq thimnak ah thimfung peknak i aa telmi mipi cu ngunkhuai a pek hna. I, tutan thimnak hi US nih Iraq a tuk hnu ah a voihnihnak thimnak nan tuah a si caah a fekmi le hmailei ah nan diklak caah tthatnak a chuah pitu thimnak si seh tiah ralrinnak zong a pek chih hna. Thimnak a dih hnu zongah ram chungah cozah doh nak cu a um than te ko lai nain zalonnak a hmumi le mah tein aa uk khomi ram siter kan duh, cun US ralkap nih luancia caan ah kan i tuk hna hi kanmah nih uk kan in duh hna caah le sal bantukin chiah kan in duh hna caah a si lo, tiah Obama nih a chim. Iraq ram i US ralkap 50000 zong hi August thla dih ah a hnarcheu cu an ram ah an kir cang lai i kum 2011 ah hin cun an dihlak in kir dih an si cang lai, tiah Obama nih Iraq mipi sinah biakam nak a tuah. –AFP

Malaysia (Seihnam419)

No comments: