Ashley Cole ANupi Nih Tthen A Timh

Chelsea le England ram aiawh in hnukham a chuihmi Ashley Cole (kum 29) cu nai i thawngpang a chuak mi nungak dang he duh poah in an sual tti timi ruangah a nupi Cheryl Cole then a timh tiah The Sun thanhca nih a tial. Ashley Cole cu nikum US ram pumpalulh chuih dingah an tlawn lioah an team hotel chungah an manager nawl loin a thli in nungak pa hnih a auh hna i cu nungak pahnih he an um ti, cun a dang ngaknu pawl zong he a thli in an um ti tawn ti a si, cu lengah zoh dawh lomi hmanthlak le ca tbk hna kha ngaknu dang sinah kuat a hmang ti a si. Cu thawng pawl cu a nupi nih a thieh i, ‘za cang ko seh, a mui hmuh zong ka duh ti lo, kan i then cang ko lai,’ tiah a ti tiin a mah he a naihmi a hawi kom nih a chim. Tuan deuh khan Chelsea club ngeitu Roman Abramovich ni Chelsea club zong hi thawng pawl kong he pehtlai in an lung a tling lo tuk ve i thawngthanhnak kong kau leiah nawl ngeitu Steve Atkins nih, ‘ Hi kong hi cu kan mah kan club chung lei kong a si caah a mah he aa tlak ning in a chung lei nih dan tat nak kan tuah lai,’ tiah a chim.(Seihnam417)